မြန်မာ့ဒီမိုကရေစီအရေး ဖြစ်ထွန်းအောင် တည်ဆောက်ကြရာမှာ ကျနော်တို့ နိုင်ငံသားတွေဟာ ကိုယ်နားလည်သလို၊ ဆန္ဒရှိသလို နည်းလမ်း အမျိုးမျိုးနဲ့ တည်ဆောက်ကြပါတယ်။ အမြင်တွေ ကြွဲပားတတ်ပါတယ်။ လုပ်နည်းလုပ်ဟန်တွေ ကွဲပြားတတ်ပါတယ်။
ကြွဲပားတိုင်း ရန်သူ မဟုတ်ပါဘူး။ တိုက်ခိုက် ဖျက်ဆီးရမယ့် ကိစ္စ၊ ပြစ်တင်ဝေဖန်ရမယ့် ကိစ္စ မဟုတ်ပါဘူး။ ဟုတ်ခဲ့ရင် ကိုယ်တိုင်က အာဏာရှင်စနစ်ကို ကျင့်သုံးသလို ဖြစ်သွားပါတယ်။
(ကွဲပြားတိုင်း ရန်သူလို့ သတ်မှတ်တဲ့) ဒီသဘောမျိုးကို လက်ရှိအစိုးရက လုပ်နေဆဲပဲလား ဆိုတာ ကျနော်တို့ စောင့်ကြည့်ရပါမယ်။ လက်ရှိအထိမှာတော့ အများအားဖြင့် မတွေ့ရသေးပါဘူး။ ဒါပေမယ့် နိုင်ငံရေး အကျဉ်းသားတွေကို လွှတ်ငြိမ်းချမ်းသာခွင့် ပေးတဲ့ကိစ္စ၊ ပြည်တွင်းစစ် ရပ်စဲတဲ့ကိစ္စ၊ အမျိုးသား ပြန်လည် သင့်မြတ်ရေးကို တည်ဆောက်တဲ့ကိစ္စ၊ တရားဥပဒေ စိုးမိုးရေးနဲ့ လူ့အခွင့်အရေးတွေကို ဖော်ဆောင်ပေးတဲ့ကိစ္စ စတဲ့ အရေးကြီးဆုံး အမျိုးသားရေးကိစ္စကြီးတွေအပေါ်မှာ မစမ်းသပ်ရသေးပါဘူး။
အမြင်နဲ့ နည်းလမ်းတွေ ကွဲပြားသွားတာကို အသိအမှတ်ပြုခြင်းဟာ ဒီမိုကရေစီရဲ့ အခြေခံအားဖြင့် လိုက်နာရတဲ့ မူဖြစ်ပါတယ်။ တန်ဖိုးထားအပ်ပါတယ်။ မြန်မာနိုင်ငံရဲ့ လက်ရှိစနစ်ကိုက ပါတီစုံ ဒီမိုကရေစီစနစ် ဖြစ်ပါတယ်။ အမြင်နဲ့ နည်းလမ်း ကွဲပြားသူတွေ လွတ်လပ်စွာ နိုင်ငံရေး လုပ်နိုင်အောင် လမ်းဖွင့်ပေးထားတဲ့ စနစ်ပါ။
တကယ်တော့ ဒီလိုကွဲပြားနေတာတွေအပေါ် အချိန်၊ ငွေ၊ အင်အား အကုန်ခံပြီး ပြောဆိုဝေဖန်နေမယ့် အစား မိမိ လက်ရှိလုပ်နေတဲ့ အလုပ်ကိုသာ ဟာကွက်၊ အားနည်းချက် နည်းသထက်နည်းအောင် ပိုပြီး အလေးအနက် ဂရုစိုက်သင့်ကြပါတယ်။ ဘယ်သူမှ ပြီးပြည့်စုံအောင် ကောင်းတဲ့ Perfect တွေ မဖြစ်လို့၊ ဖြစ်အောင် မဖန်တီးနိုင်ကြသေးလို့ ကိုယ်နဲ့ အမြင်ကွဲသူတွေဆီက ကောင်းတာတွေ တွေ့မိတဲ့အခါမှာ အတုယူနိုင်ရင် ကိုယ့်အတွက်လည်း ပိုကောင်းလာတာ ရှိပါတယ်။
တကယ်လို့ အမြင်ကွဲလွဲနေသူတွေရဲ့ လုပ်ရပ်က အောင်မြင်သွားရင်တောင် ရည်မှန်းချက် တူနေတာဖြစ်လို့ ကိုယ့်အတွက်လည်း ဘာမှ ဆုံးရှုံးနစ်နာစရာ ထိခိုက်စရာ မရှိပါဘူး။ သူ အာဏာရမှ၊ ကိုယ်က အာဏာရမှ ရယ်လို့ မဟုတ်ပါဘူး။ ကိုယ်နဲ့ အမြင်ကွဲပြားသည့်တိုင်အောင် ပြည်သူတွေ လက်ခံနိုင်တဲ့သူ ဘယ်သူဖြစ်ဖြစ် အာဏာရသွားရင် ကိုယ်ကိုယ်တိုင်က ပြည်သူ့ဆန္ဒကို လေးစားသူ၊ အဖွဲ့အစည်းအဖြစ် သိက္ခာရှိရှိ ရပ်တည်နိုင်ပါတယ်။
ဥပမာတခုအနေနဲ့ ၂ဝဝ၈ အမေရိကန် သမ္မတ ရွေးကောက်ပွဲမှာ McCain က Obama ကို ရှုံးသွားလည်း ပြုံးပြုံးရွှင်ရွှင်နဲ့ အားပေးပြီး ဆုမွန်ကောင်းတွေ ပေးလိုက်ပါသေးတယ်။ ကျနော်ကတော့ မြန်မာ့နိုင်ငံရေးကို အဲသလို ဖြစ်စေချင်ပါတယ်။ 
လွင်အောင်စိုး
၂-၁-၂ဝ၁၂
2 years ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်