1 ကျောင်းသားခေါင်းဆောင်အချို့ အက်စ်ဘီနှင့်စရဖမှ ခေါ်ဆောင်

ကျောင်းသားခေါင်းဆောင် ဒီငြိမ်းလင်း၊ စည်သူမောင်၊ ရဲမြတ်ဟိန်း နှင့် ဖြိုးဖြိုးအောင်တို့ကို ယနေ့ည ၁၀ နာရီဝန်းကျင်က နယ်မြေခံ အက်စ်ဘီ (အထူးသတင်းတပ်ဖွဲ့) နှင့် စရဖ (စစ်ဘက်ရေးရာလုံခြုံရေးအဖွဲ့) တို့က လာရောက်ခေါ်ဆောင်သွားကြောင်း ၎င်းတို့နှင့် နီးစပ်သူများက YPI သို့ပြောသည်။

ယင်းသို့ခေါ်ဆောင်သွားသည်အချ...ိန်နှင့် မရှေးမနှောင်းတွင် ဝေဇယန္တာလမ်းပေါ်ရှိ ၈၈ မျိုးဆက်ကျောင်းသားများ၏ ရုံးခန်းသို့လည်း လုံခြုံရေး အဖွဲ့များ ကားများဖြင့် လာရောက်ကာ ယခုသတင်းရေးသားချိန်၌ ရုံးတွင်း ၀င်ရောက်သွားသည်ဟု မျက်မြင်သက်သေတဦးက ပြောသည်။

ခေါ်ဆောင်ခံသွားရသူ ကျောင်းသားခေါင်းဆောင်များအား မည်သည့်အကြောင်းကြောင့် ဟု မသိရှိရသော်လည်း မနက်ဖြန်တွင်ကျရောက်မည့် ဇူလိုင် ၇ ရက်အရေးတော်ပုံ နှစ်ပတ်လည် အခမ်းအနား မကျင်းပနိုင်ရန် ခေါ်ဆောင်သွားခြင်း ဖြစ်မည်ဟု ယူဆရသည်ဟု ယင်းအဖွဲ့နှင့် နီးစပ်သူက ပြောသည်။ အနည်းဆုံး မနက်ဖြန် ညအချိန်လောက်ထိ ထိန်းသိမ်းထားနိုင်သည်ဟုလည်း ၎င်းက ခန့်မှန်းပြောဆိုသည်။

မနက်ဖြန်တွင် တော်ဝင်နှင်းဆီ စားသောက်ဆိုင် ခန်းမတွင်ကျင်းပရန် စီစဉ်ထားသည့် ဇူလိုင် ၇ ရက်အထိမ်းအမှတ် အခမ်းအနားကို မကျင်းပရန် သီတင်းတပတ်အလိုခန့်က တားမြစ်ခဲ့သည့်နောက် နှစ်လည်နေ့မတိုင်မီ တရက်အလိုတွင် ယခုကဲ့သို့ ခေါ်ဆောင်သွားခြင်းဖြစ်သည်။ ။

ကျောင်းသားခေါင်းဆောင်အချို့ ခေါ်ယူစစ်မေးခံနေရသည့် ကိစ္စနှင့် ၈၈ မျိုးဆက် ရုံးခန်းအား လုံခြုံရေးအဖွဲ့ဝင်များ လာရောက်သည့် ယနေ့ည ဖြစ်ပျက်သည့် အဖြစ်အပျက်နှင့် ပတ်သက်၍ ယခုအခါ ကိုမင်းကိုနိုင်က ယခုညတွင်းချင်း သတင်းစာရှင်းလင်းပွဲ ပြုလုပ်လျှက်ရှိသည်။ ။

UPdated....

၈၈ မျိုးဆက်ကျောင်းသားများ၏သတင်းစာရှင်းလင်းပွဲတွင် ၈၈မျိုးဆက်ကျောင်းသားခေါင်းဆောင်တစ်ဦးဖြစ်သူကိုမင်းကိုနိုင်က မနက်ဖြန်ပြုလုပ်မည့် ၇ ဇူလိုင် အခန်းအနားကို နောက်ဆုံးတစ်ယောက်ကျန်သည့်တိုင်ကျင်းပပြုလုပ်သွားမည်ဖြစ်ကြောင်းတရားဝင်ထုတ်ဖေါ်ပြောကြားသွားခဲ့သည်။

၈၈ မျိုးဆက်ကျောင်းသား ရုံးခန်းတွင် နာရီပိုင်းအတွင်း ကျင်းပပြီးစီးသွားသည့် သတင်းစာရှင်းလင်းပွဲတွင် ဇူလိုင် ၇ ရက် အထိမ်းအမှတ် အခမ်းအနားကို ဖြစ်အောင် ကျင်းပမည်ဟု ၈၈ မျိုးဆက် ကျောင်းသားခေါင်းဆောင်များက ယနေ့ညတွင်းချင်း ကျင်းပသည့် သတင်းစာရှင်းလင်းပွဲတွင် ပြောဆိုလိုက်သည်။

ကိုမင်းကိုနိုင်က အာဏာပိုင်များက ယခုကဲ့သို့ ပြုလုပ်ခြင်းသည် ကလေးတွေ လုပ်သည့် ကိစ္စအား တော်ဝင်နှင်းဆီတွင် ကျင်းပမည်ကို ကျင်းပခွင့်မပေးသည့်အတွက် အေးအေးချမ်းချမ်း ဖြစ်အောင် ၈၈ မျိုးဆက် ရုံးခန်းတွင် ကျင်းပပေးရမည်ဖြစ်ကြောင်း၊ ၎င်းတို့မရှိလည်း မိမိတို့အနေဖြင့် ကျင်းပသွားမည်ဟု ကိုမင်းကိုနိုင်နှင့် ကိုကိုကြီး၊ ကိုဋ္ဌေးကြွယ်နှင့် ကိုပြုံးချိုတို့က ပြောသွားသည်။

၎င်းတို့ရရှိထားသည့် သတင်းအချက်အလက်များအရ ရန်ကုန် မန္တလေး၊ လားရှိုးမြို့များတွင် ခေါ်ယူသွင်းခြင်းခံရသူ ကျောင်းသားခေါင်းဆောင် စုစုပေါင်း ၁၄ ဦးရှိကြောင်း နှင့် ၈၈ မျိုးဆက်ကျောင်းသား ရုံးခန်းသို့လည်း သတင်းတပ်ဖွဲ့ဝင်များ လာရောက်ကာ ကျော်ကိုကို နှင့် အခြား ကျောင်းသားခေါင်းဆောင်များ ကို လာရောက်မေးမြန်းသွားကြောင်း လည်း ပြောဆိုသည်။

၎င်းတို့ရုံးခန်းသို့ သတင်းတပ်ဖွဲ့ဝင်များ လာရောက်စဉ် ၈၈ မျိုးဆက်ကျောင်းသားခေါင်းဆောင်များက ယခုကိစ္စသည် မဖြစ်သင့်သည့် ကိစ္စဟု ပြောဆိုလိုက်ကြောင်းလည်း ရှင်းလင်းပွဲတွင် ဖြေကြားသွားသည်။ ။
Yangon press international
ဒါက ခုလိုမျိုး ခေတ်ပြောင်း စနစ်ပြောင်းမှာ ဘယ်လိုမှ မရှိသင့်တဲ့ မရှိအပ်တဲ့အခြေအနေမျိုးတွေပဲ။ အဲဒီလိုလုပ်ရပ်မျိုးတွေနဲ့ ဒီမိုကရေစီကို ဘယ်လိုမှထူထောင်နိုင်မှာမဟုတ်ဘူး။ ဒီကိစ္စကို ပူးပေါင်းဆောင်ရွက်ဖို့ ကမ်းလှမ်းခဲ့သော်လည်းပဲ မအောင်မြင်ခဲ့ဘူးလုိ့ပဲကျနော်တို့ ပြောရမှာပါ။ ဒီအခမ်းအနားကို အမိုးအကာအောက်မှာ အေးအေးဆေးဆေးကျင်းပနိုင်ဖို့ ကျနော်တို့ ကြိုးစားခဲ့တာတွေရှိပါတယ်။ အခု နောက်ဆုံးကျနော်တို့ ကြုံတွေ့ရတဲ့အခြေအနေကတော့ ဒီအခမ်းအနားမှာပါဝင်မယ့် မျိုးဆက်သစ်ကျောင်းသားတွေကိုခဏပါဆိုပြီး အခြေအနေပေါ့။ အဲဒါဟာ နိုင်ငံတော်ရဲ့ ပြုပြင်ပြောင်းလဲမှုကို အကြီးအကျယ်ထိခိုက်စေတဲ့ ပုံရိပ်ဖြစ်တယ်လို့ ကျနော်တို့ ယူဆပါတယ်။---ကိုကိုကြီး(၈၈မျိုးဆက်ကျောင်းသားခေါင်းဆောင်)

"အမှန်တကယ်က ဒီမိုကရေစီကို တကယ်ယုံကြည်လို့ သွားတယ်ဆိုရင် ဒီမိုကရေစီ အလေ့အထ ဖြစ်တဲ့ အဲဒီအခမ်းအနားတွေ ကျင်းပတာကို ခွင့်ကို ခွင့်ပြုရမယ်။ အဲဒီအခမ်းအနားတွေက ကိုယ်နဲ့ သဘောချင်းတူချင်မှတူမယ်။ မတူရင်လည်း မတူဘူး။ ဒါက အရေးမကြီးဘူး။ ဒီမိုကရေစီဆိုတာပြိုင်ဖက်ကို ရှင်သန်ခွင့်ပေးရတာ။ အခုက လမ်းပေါ်ထွက်မဲ့ ကိစ္စလည်း မဟုတ်ဘူး။ အမိုးအကာအောက်မှာ အေးအေးချမ်းချမ်း လုပ်မဲ့ကိစ္စကို လုပ်လို့မရအောင် မူလက ရည်ရွယ်ထားတဲ့ နေရာမှာပေါ့၊ ပိတ်လိုက်တယ်၊ တားလိုက်တယ် ဆိုတာဟာ လမ်းပေါ်ကိုတွန်းပို့သလို ဖြစ်နေတယ်"

အာဏာပိုင်တွေရဲ့ အခုလို တားဆီးပိတ်ပင်တဲ့ လုပ်ရပ်တွေဟာ
ပြည်သူတွေကို လမ်းပေါ် မထွက်ထွက်အောင် တွန်းပို့နေသလို ဖြစ်ပေမယ့် မိမိတို့ ကျောင်းသား ခေါင်းဆောင်တွေအနေနဲ့ နိုင်ငံနောက်ကြောင်းပြန်လှည့်မယ့် လမ်းကြောင်းကို ရွေးချယ်မှာ မဟုတ်ဘူးလို့ ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်က ပြောသွားတာပါ။--ကိုမင်းကိုနိုင်(၈၈မျိုးဆက်ကျောင်းသားခေါင်းဆောင်)
ဗကသကျောင်းသားခေါင်းဆောင်များအဖမ်းခံရစာရင်း။
......................................................................
ရန်ကုန်- ဒီငြိမ်းလင်း၊ စည်သူမောင်၊ ဖြိုးဖြိုးအောင်၊ ရဲမင်းဟိန်း၊ ကျော်ကိုကို။

မန္တလေး - အောင်မိုင်းဆန်း၊ အောင်ကျော်မိုး(ခ) မိုးထက်နေ။
...
ရွှေဘို- လေးဦး။

လားရှိုး- လေးဦး။

မြင်းခြံ- ၇ ဦး။

ဒီငြိမ်းလင်းကို အရှေ့ပိုင်းခရိုင်ရဲတပ်ဖွဲ့ ရဲမှူး စောထွဋ်နှင့် ခရိုင်မှူး မျိုးအောင်တို့က ၀င်ရောက်ဖမ်းဆီးသည်။
ဖြိုးဖြိုးအောင်ကို မြောက်ပိုင်းခရိုင်ရဲတပ်ဖွဲ့ ရဲမှူး ထွန်းသိန်းက ၀င်ရောက်ဖမ်းဆီးသည်။
၈၈ မျိုးဆက်ကျောင်းသားများရုံးခန်းကို ၀င်ရောက်စစ်ဆေးသူမှာ ရဲမှူးကျော်ဇေယျအပါအ၀င် ၂၀ ဦးဖြစ်သည်။
( အဘ ဥက္ကာကိုကို )