0 နအဖကတရုတ်နဲ့ ရေနံပိုက်လိုင်းဖောက်ပြီး ကိုယ်ကျိုးအတွက် တိုင်းပြည်ရဲ့သံယံဇာတတွေထုတ်ရောင်း

မကြာမီအချိန်အတွင်းမှာ တရုတ်ပြည်ဟာ မြန်မာပြည်ကနေ ပိုက်လိုင်းနှစ်ခုနဲ့ ရေနံစိမ်းနဲ့ သဘာဝဓါတ်ငွေ့တွေကို ရယူတော့မှာဖြစ်တယ်လို့ သိရတဲ့အတွက် အဲဒီပိုက်လိုင်းနှစ်ခုအကြောင်းကို အနည်းငယ်ဖေါ်ပြလိုပါတယ်။

ပိုက်လိုင်းအမျိုးအစား
ပိုက်လိုင်းတစ်ခုဟာ ရေနံစိမ်းပိုက်လိုင်းဖြစ်ပြီး အရှေ့အလယ်ပိုင်းနဲ့ အာဖရိကကလာတဲ့ ရေနံစိမ်းတွေကို မြန်မာဆိပ်ကမ်းကနေတစ်ဆင့် တရုတ်ပြည်ကိုပေးပို့ဖို့ဖြစ်ပါတယ်။ ဒီလိုနည်းနဲ့ တရုတ်ပြည်ဟာ ကျဉ်းမြောင်းတဲ့ မလက္ကာရေလက်ကြားပြဿနာကို ကျော်လွှားနိုင်မှာဖြစ်ပါတယ်။

တရုတ်ပြည်ဟာ ဒီပိုက်လိုင်းကနေပြီး နှစ်စဉ်ရေနံစိမ်းတန်ချိန် ဆယ့်နှစ်သန်းခန့် ရယူနိုင်မှာဖြစ်ပြီး လွန်ခဲ့တဲ့နှစ်က တရုတ်ပြည် ရေနံစိမ်းတင်သွင်းမှုစုစုပေါင်းရဲ့ ၆ ရာခိုင်နှုန်းရှိပြီး တရုတ်ပြည်ကို နံပါတ်ငါးနေရာကနေ ရေနံစိမ်းအများဆုံးတင်ပို့နေတဲ့ ဆူဒန်နိုင်ငံရဲ့ တင်ပို့မှုပမာဏနဲ့ အတူတူနီးပါးလောက် ရှိမှာဖြစ်ပါတယ်။ ပိုက်လိုင်းဖွင့်လှစ်မယ့်ရက်ကိုတော့ အတိအကျ မသတ်မှတ်ရသေးပါဘူး။

ဒုတိယတစ်လိုင်းကတော့ မြန်မာ့သဘာဝဓါတ်ငွေ့ပိုက်လိုင်းဖြစ်ပြီး တရုတ်ပြည်ကို နှစ်စဉ် သဘာဝဓါတ်ငွေ့ ကုဗမီတာ ၁၂ ဘီလျံ တင်ပို့နိုင်ဖို့ လျာထားပါတယ်။ နောက် ၂ နှစ်အတွင်းမှာ စတင်လည်ပတ်နိုင်လိမ့်မယ်လို့ ခန့်မှန်းရပါတယ်။

တည်နေရာ
ပိုက်လိုင်းနှစ်ခုစလုံးကို ရခိုင်ပြည်နယ်အနောက်ပိုင်း ကျောက်ဖြူဆိပ်ကမ်းကနေ အရှေ့မြောက်ဘက်မှာရှိတဲ့ မန္တလေးကိုဖြတ်ပြီး တရုတ်နယ်စပ် ရွှေလီအထိဆွဲမှာဖြစ်ပါတယ်။ ရွှေလီကနေပြီး ယူနန်ပြည်နယ်ရဲ့မြို့တော် ကူမင်းကိုဖြတ်ပြီး ချောင်ကင်းနဲ့ နန်ရင်းမြို့တွေအထိ ဆွဲမှာဖြစ်ပါတယ်။

ပါဝင်သောကုမ္ပဏီများ
ဒီပရောဂျက်ကို တရုတ်ပြည်ရဲ့အကြီးမားဆုံး ရေနံနဲ့သဘာဝဓါတ်ငွေ့ထုတ်လုပ်ရေး ကုမ္ပဏီဖြစ်တဲ့ CNPC ကနေ ဦးဆောင်မှာဖြစ်ကြောင်း သိရပါတယ်။ CNPC က PetroChina ကနေ ပါဝင်မှာဖြစ်ပြီး PetroChina က မြန်မာပိုက်လိုင်းတွေကနေပြီး ကူမင်းမှာ တစ်နေ့ကို ရေနံစည်ပေါင်းနှစ်သိန်း ချက်လုပ်ဖို့လျာထားကြောင်း သိရပါတယ်။ ဒါ့အပြင် အိန္ဒိယနိုင်ငံပိုင် Gail India က ၄% နဲ့ ONGC က ဂ-ဂ.၅% ပါဝင်မှာဖြစ်ကြောင်း အိန္ဒိယသတင်းများအရ သိရပါတယ်။

တောင်ကိုရီးယားရဲ့Daewoo International ကလုပ်နေတဲ့ အကွက်ထဲမှာပါဝင်တဲ့ အခြားပါတနာတွေကတော့Myanmar Oil and Gas Enterprise နဲ့ Korea Gas Corp တို့ပဲဖြစ်ပါတယ်။

ပရောဂျက်တန်ဖိုးနှင့် ခန့်မှန်းရငွေဘဏ္ဍာ
Shwe Gas Movement ရဲ့ခန့်မှန်းချက်အရ ပိုက်လိုင်းနှစ်ခုအတွက် ဒေါ်လာ ၃.၅ ဘီလျံခန့် ကုန်ကျဖွယ်ရှိကြောင်းသိရပါတယ်။ သဘာဝဓါတ်ငွေ့အတွက် ကမ်းလွန်ရေနံစင်များ ဆောက်လုပ်ဖို့ကလည်း ဒေါ်လာ ၃ ဘီလျံကျော်ခန့် ကုန်ကျဖွယ်ရှိပါတယ်။ သို့သော် သဘာဝဓါတ်ငွေ့ ရောင်းရငွေသက်သက်မှာတင် နှစ်သုံးဆယ်အတွင်းမှာ ၂၉ ဘီလျံခန့် ဘဏ္ဍာငွေဖြစ်ထွန်းဖွယ်ရှိတဲ့အတွက် စစ်အစိုးအရအတွက် အဓိကကျတဲ့ဝင်ငွေလမ်းကြောင်း ဖြစ်လာလိမ့်မယ်လို့ ခန့်မှန်းရပါတယ်။


ကိုးကား
Factbox: Pipelines from Myanmar to China @ Reuters

မောင်သစ်စိမ်းအားကျေးဇူးတင်ရှိပါသည်။