မေးလို့ဖြေပြီ

၂၀၁၁ ခုနှစ် ဇူလိုင်လအတွင်း NewsWatch Weekly (စောင့်ကြည့်သတင်း) ဂျာနယ်အတွက် သတင်းသမား မနွယ်နီ လာရောက်မေးမြန်းချက်များကို ဖြေဆိုထားသော ကျော်သူ၏ အဖြေစကား များကို ၁၀.၈.၂၀၁၁ (ဗုဒ္ဓဟူးနေ့) NewsWatch Weekly (စောင့်ကြည့်သတင်း)ဂျာနယ် အတွဲ - ၇၊ အမှတ် - ၆ ထုတ်တွင် ပါဝင်မှုတို့ကို တင်ပြခြင်းဖြစ်သည်။

လူတစ်ယောက်ဖြစ်လာတဲ့နောက်မှာ ဖြတ်သန်းကျော်လွှားရတဲ့ နယ်ပယ်တွေက တော်တော် များပါတယ်။ နှစ်သစ်တစ်နှစ်ကိုရောက်တိုင်း၊ နှစ်ဟောင်းတွေကို ဖြတ်ကျော်ပြီးတိုင်း လူတိုင်းလိုလို ပြောလေ့ရှိတဲ့ စကားလုံးအရ “နှစ်ဟောင်းက အညစ်အကြေးတွေကုန်ဆုံးပြီး နှစ်သစ်မှာ ပျော်ရွှင်နိုင်ပါ စေ” လို့ ဆုတောင်းပေးကြလေ့ရှိပေမယ့် တကယ်တော့ နှစ်ဟောင်းက အရာတွေဟာ ကုန်ဆုံးတယ် လို့ မရှိဘဲ ကိုယ့်နောက်က အရိပ်တစ်ခုလို အမြဲလိုက်ပါနေတာပ။ ကောင်းခြင်းတွေကိုပဲ သယ်ဆောင် လို့ မသွားနိုင်သလို ဆိုးခြင်းတွေကို ချန်ထားရစ်ခဲ့လို့ မရနိုင်ပါဘူး။ လူတစ်ယောက်ဟာ နာမည်တစ်ခုနဲ့ အတူ ဘ၀တစ်ခုမှာ ရှင်သန်နေထိုင်ပေမယ့် တစ်ခါတစ်ခါမှာ မထင်မှတ်ဘဲ ပြောင်းလဲသွားတဲ့ အပြောင်းအလဲတွေ ရှိတတ်ပါတယ်။ ဒါဟာလည်း မမြင်နိုင်တဲ့ ကံတရားပဲ မဟုတ်ပါလား။

ဒီကံတရားကပဲ အတွေးအခေါ်တွေ ဖြတ်သန်းရတဲ့ လူမှုပတ်ဝန်းကျင်တွေကိ အပြောင်းအလဲ ဖြစ်စေပါတယ်။ ဘ၀လမ်းခရီးတွေရဲ့ အချို့အကွေ့တွေက ရည်ရွယ်ရာ လမ်းကြောင်းတွေကို ပြောင်းလဲ သွားစေတယ်။ ဒီလိုပြောင်းလဲမှုတွေကို ကြုံဆုံတွေ့ရတဲ့ လူတစ်ယောက်ရဲ့ ခရီးလမ်းကြောင်းတစ်ခုကို ဖော်ပြပေးချင်ပါတယ်။ ဒါကတော့ တစ်ချိန်က နာမည်ကျော်သရုပ်ဆောင်တစ်ယောက်ဖြစ်တဲ့ အကယ်ဒမီကျော်သူ၊ အခုအချိန်မှာတော့ နာရေးကူညီမှုအသင်း(ရန်ကုန်)ရဲ့ ခေါင်းဆောင်ကောင်း တစ်ယောက်ဖြစ်တဲ့ ဦးကျော်သူပါပဲ။

ကျွန်မတို့ ကျော်သူလျှောက်သောလမ်းကို ကြည့်ရအောင် . . . .

အမျိုးသားရုပ်ရှင်ကုမ္ပဏီရဲ့ သားတစ်ယောက်ဖြစ်တဲ့ မောင်မောင် ဆိုတဲ့ လူငယ်တစ်ယောက် အတွက်တော့ ဒီအနုပညာရပ်ဝန်းဟာ သူ့အတွက် မစိမ်းတဲ့နယ်ပယ် တစ်ခုပါ။ ဒီအနုပညာကို ချစ်မြတ် နိုးတယ်။ ဒီအနုပညာနယ်ပယ်မှာပဲ ကြီးပြင်းခဲ့တယ်။ ဒါပေမယ့် သူဟာ ဒီလမ်းခရီးကို အလွယ်တကူ ၀င်ရောက်ခဲ့တာ မဟုတ်ခဲ့ဘူး။ အချိန်တွေအများကြီး ပေးဆပ်ခဲ့ရတယ်။ ကြိုးစားခဲ့ရတယ်။ မိဘရဲ့ နောက်ခံအင်အားတွေနဲ့ ပံ့ပိုးမှုတွေကြောင့် အောင်မြင်လာခဲ့တာ မဟုတ်ပါဘူး။ ကိုယ်တိုင်ကိုယ်ကျ ကြိုးစားခဲ့ရတာပါ။ ဒီကြိုးစား အားထုတ်မှုတွေကပဲ ပထမဆုံးဇာတ်ကားမှာ ပရိသတ်က ကျော်သူဆိုပြီးသရုပ်ဆောင်လောကထဲကို ခြေချခွင့် ပြုခဲ့ပါတယ်။ ဒါရိုက်တာ မျိုးမြင့်အောင် ရိုက်ကူးတဲ့ “ချစ်ကြိုး လေးနှစ်မျှင်” ဆိုတဲ့ ဇာတ်ကားပါပဲ။ ဒီဇာတ်ကားနဲ့ ရုပ်ရှင်လောကထဲ ခြေချလာခဲ့တဲ့ မင်းသား ကျော်သူဟာ အဲဒီနောက်ပိုင်းမှာ ဒါရိုက်တာ တော်တော်များများနဲ့ ရုပ်ရှင်ဇာတ်ကားတွေကို ဆက်တိုက် ရိုက်ကူးဖြစ်လာပါတယ်။ ရိုက်ကူးတဲ့ ဇာတ်ကားတိုင်းကလည်း ပရိသတ်ရင်ထဲကို ရောက်စေတဲ့ ဇာတ် ကားတွေပဲ ဖြစ်ခဲ့ပါတယ်။ ဒရာမာကားတွေမှာလည်း ကျော်သူရဲ့ သရုပ်ဆောင်မှုတွေက ရင်ထဲကို ထိရောက်စေခဲ့တယ်။ အက်ရှင်ကားတွေမှာလည်း ဟာကွက်မရှိတဲ့ သရုပ်ဆောင်မှုမျိုးကို တွေ့ရပါ တယ်။ အကယ်ဒမီနဲ့ အကြိမ်ကြိမ်လွဲခဲ့ပေမယ့် နောက်ဆုံးတော့ စစ်မှန်တဲ့ လုံ့လနဲ့ မလျှော့သောဇွဲက ကိုကျော်သူကို “တပြည်သူမရွှေထား” ဆိုတဲ့ ဇာတ်ကားနဲ့ အကယ်ဒမီဆုကို ဆွတ်ခူးရယူစေပါတယ်။

နိုင်ငံတော်ဇာတ်ကားအဖြစ် “လှလေးစိန်” ဆိုတဲ့ ဇာတ်ကားကို ရိုက်ကူးခဲ့ပါသေးတယ်။ ကလိ ထိုးရယ်ရတဲ့ ဟာသကားတွေကြားထဲမှာ သဘာဝကျကျနဲ့ ပျော်စရာ၊ မိသားစုဇာတ်ကားလေး တစ်ကားဖြစ်တဲ့ “အချစ်ဟု အဓိပ္ပါယ်သက်ရောက်ခြင်း မရှိစေရ” ဆိုတဲ့ ဇာတ်ကားကြီးကတော့ ကျော်သူရဲ့ အနုပညာပြသခွင့်ရတဲ့ နောက်ဆုံးဇာတ်ကားဖြစ်မယ်လို့ အကယ်ဒမီကျော်သူကလည်း တွေးဖြစ်ခဲ့မယ် မထင်ပါဘူး။ ဒါဟာ အကယ်ဒမီကျော်သူ အနုပညာရှင်တစ်ယောက်ဆိုတဲ့ ဘ၀တစ်ခု အဖြစ် ကျန်ရစ်ပြီးခဲ့တဲ့ အတိတ်တွေပါပဲ။ ဘယ်လိုပဲ မှုန်ဝါးဝါး အတိတ်တွေဖြစ်နေစေဦးတော့ အကယ်ဒမီကျော်သူဆိုတာ အနုပညာလောကမှာရော၊ လူထုပရိသတ်တွေကြားမှာပါ အမြဲရှိနေတဲ့ သူတစ်ယောက်ဖြစ်နေခဲ့တယ်။ ဒီစိတ်ကူးတွေ ပြောင်းလဲသွားတဲ့ ယုံကြည်မှုတွေကို အခုလို မေးခွန်း တွေက တစ်ဆင့် သိခဲ့ရပါတယ်။

အခုအချိန်မှာတော့ ဘ၀ဆိုတဲ့ စကားလုံးအဓိပ္ပါယ်ကို ဒီလိုဖော်ဆောင်ထားပါတယ်။

“ဘ၀ဆိုတာ ရခဲ့တယ်။ ရခဲတဲ့ လူ့ဘ၀ကို အောင်မြင်မှုရှိအောင်လို့တော့ မတွက်ဘူး။ တန်ဖိုးရှိ အောင်နေတယ်။ တန်ဖိုးရှိအောင် နေတယ်ဆိုတဲ့ နေရာမှာတော့ ကိုယ့်အတွက်လည်း တန်ဖိုးရှိ အောင်၊ အများပြည်သူအတွက်လည်း တန်ဖိုးရှိအောင်နေတယ်။ အောင်မြင်မှုဆိုတာ ကျွန်တော့်ဆီမှာ မရှိဘူး။ တန်ဖိုးရှိဖို့ပဲ အဓိကထားတယ်။”

NW – အရင်မင်းသားဘ၀က “ဘ၀” ဆိုတဲ့ စကားကို အဓိပ္ပါယ်ဖွင့်ပါဆိုရင် ဒီစကားလုံးမျိုးဖြစ်လိမ့်မယ် မထင်ဘူးနော်၊ အရင်ကရော ဘယ်လိုများဖွင့်ဆိုထားပါလဲ။ ဒီလိုပဲ တွေးခဲ့တာတော့ဟုတ်မယ် မထင် ဘူးနော်။

KT - မတွေးခဲ့ဘူး။ ဒီလိုမျိုး လုံးဝကို မတွေးခဲ့တာပါ။

NW – ဒါဆိုရင် မင်းသားကျော်သူက ဖွင့်ဆိုထားတဲ့ ဘ၀အကြောင်းကို ပြောပေးပါဦး။

KT - အဲဒီအချိန်တုန်းကတော့ အောင်မြင်မှုလို့ သတ်မှတ်တယ်။ ရုပ်ရှင်လောကမှာ အောင်မြင်မှုဆိုတာ လိုအချင်တယ်။ နာမည်ကြီးဖြစ်ချင်တယ်။ တန်ဖိုးရှိအောင်နေဖို့ဆိုတာ မတွေးမိခဲ့ဘူး။

NW – ဒီလိုအတွေးတွေ ၀င်ရောက်လာစေဖို့ ပံ့ပိုးပေးတဲ့အရာ ဘယ်အရာမျိုးဖြစ်မလဲ။

KT - လူသားတွေပဲပေါ့။ လူသားတွေကပဲ ဒီအရာတွေကို ပံ့ပိုးပေးတယ်။ အသိဉာဏ်ပေးတယ်။ လူသားတွေဆိုတာ အားလုံးပါပဲ။ ဆရာတော်ကြီးတွေလည်း ပါတာပေါ့။

NW – အခုလို နာရေးကူညီမှုအသင်းဖြစ်လောက်အောင် စတင်ဖြစ်ခဲ့တာနဲ့ ပတ်သက်ပြီး နည်းနည်း လောက်ပြောပါဦး။

KT - ၂၀၀၁ ခုနှစ်၊ ဇန်န၀ါရီ (၁) ရက်နေ့မှာ စတင်ဖြစ်တယ်။ အဲဒီမတိုင်ခင် ဘဘဦးသုခက နာရေး ကူညီမှုအသင်း လုပ်တယ်။ ကျွန်တော့်မိန်းမကလည်း လူမှုရေးအသင်းအဖွဲ့ တစ်ခုခု လုပ်ချင်နေတယ်။ သူ့အဒေါ်က မန္တလေး ဗြဟ္မစိုရ်အသင်းမှာ နာယယကအနေနဲ့ လုပ်တယ်။ အဲဒီကြားကတည်းက သူက အရမ်းလုပ်ချင်နေတာ၊ ဘယ်လိုလုပ်ရမှန်းမသိ ဖြစ်နေတာ၊ ဘဘဦးသုခကလည်း ဒီအသင်းကို စမယ် ဆိုတာနဲ့ ဘဘအိမ်သွားတယ်။ အကြံဉာဏ်ယူကြတယ်။ အသင်းကို ဖွဲ့စည်းပြီး စလုပ်ဖြစ်တယ်။ ဒီလို အသင်းအဖွဲ့မျိုးတွေက ဗုဒ္ဓဘာသာလူမျိုးတွေမှာ မရှိဘူး။ တခြားဘာသာတွေမှာက ရှိတယ်လေ။ ဘဘက အဲဒီအတွေးနဲ့ ရန်ကုန်မှာ စခဲ့တာ။ အဓိက ရန်ကုန်မှာ မရှိဘူြး့ဖစ်နေတာ။

NW – ဒီအလုပ်ကို လုပ်မယ်လို့ ဆုံးဖြတ်လိုက်ချိန်မှာ ဦးကျော်သူအနေနဲ့ တစ်ဦးတစ်ယောက်ကို အားကျစိတ်မျိုးရှိနေမိလား။

KT - မရှိဘူး။ ဘယ်သူတစ်ဦး တစ်ယောက်ကိုမှ အားကျစိတ်နဲ့ လိုက်လုပ်တာမျိုး မဟုတ်ပါဘူး။ ဒီအလုပ်ကို လုပ်ရင်းနဲ့ဘာအဖြေ ထွက်လာသလဲဆိုတော့ ငါမင်းသားဖြစ်တုန်းက အများပြည်သူက ပေးတဲ့ ပိုက်ဆံနဲ့ ကိုယ့်မိသားစုကို သားတွေ၊ သမီးတွေကို ဆုံးခန်းတိုင်အောင် လုပ်ပေးနိုင်ခဲ့တယ်။ ဒီအချိန်မှာ ဘယ်လိုကျေးဇူးဆပ်မလဲဆိုတော့ ဒီလို ကျေးဇူးဆပ်တာက အကောင်းဆုံးဖြစ်တယ်လို့ တွေးမိလာတယ်။

NW – အရင်အချိန်က လူသေတွေအတွက် မြှုပ်နှံသင်္ဂြိုလ်တဲ့ အလုပ်မျိုးကိုလုပ်တဲ့သူ မြန်မာလူမျိုးက မရှိသလောက်နည်းပြီး လုပ်တဲ့သူရှိပြန်ရင်လည်း လူ့ပတ်ဝန်းကျင်မှာ နေရာမပေးကြဘူးလေ။ ကျွန်မ ကြားဖူးသိဖူးသလောက်ဆိုရင် ၁၉၇၀ ခုနှစ်ကျော်လောက်က ဒီလိုအလုပ်မျိုးလုပ်တဲ့ မိသာစုမှဆို ငွေကြေားချမ်းသာပါရဲ့နဲ့ ပတ်ဝန်းကျင်က လက်မခံတဲ့အတွက် သားသမီးတွေ အိမ်ထောင်ရေးမှာ သတင်းစာမျက်နှာပေါ်က ကြော်ငြာခေါ်ယူရတဲ့အထိ အခြေအနေမျိုးရှိခဲ့တာမို့ ဦးကျော်သူအနေနဲ့ ဒီအကြောင်းအရာတွေကို နာရေးကူညီမှုအသင်း မတည်ထောင်မီက စဉ်းစားဖြစ်ခဲ့သေးလား။

KT - လုံးဝကို မစဉ်းစားဘူး။ စဉ်းစားစရာလည်း မဟုတ်ဘူး။ လုပ်သင့် လုပ်ထိုက်တဲ့ အလုပ်ကို လုပ်တယ်။ မြတ်စွာဘုရားချမှတ်တဲ့ လမ်းစဉ်အတိုင်း ဗြဟ္မစိုရ်တရားလေးပါးကို လက်ကိုင်ပြုပြီး လုပ်တယ်။ ဒါဟာ လူဖြစ်လာရင် လူတွေလုပ်ရမယ့်အလုပ်၊ ဘယ်ဘာသာ ဘယ်လူမျိုးမှ လုပ်ရမယ်လို့ မပြောဘူး။ လူဖြစ်လာရင် လူတွေလုပ်ရမယ့်အလုပ်ပဲ။

NW – သရုပ်ဆောင်အလုပ်ကို စွန့်လိုက်ချိန်မှာ ခံစားချက်ကတော့ တော်တော်ပြင်းထန် လိမ့်မယ်နော်။

KT - ဒါတွေဟာ ပြီးဆုံးသွားပါပြီ။ အခုအချိန်မှာ ဒီအလုပ်တွေကို ထဲထဲဝင်ဝင်လုပ်နိုင်လို့ ကုသိုလ်ရ တယ်။ အဲဒီအတွက်အားလုံးကို ကျေးဇူးတင်ပါတယ်။

NW – နာရေးကူညီမှုအသင်းပြီးတော့ သုခကုသိုလ်ဖြစ်ဆေးခန်းကို ဖွင့်ဖြစ်ခဲ့တယ်နော်။ ဘယ်အရာမှ အလွယ်တကူ တည်ဆောက်လို့မရတဲ့ အချိန်အခါမျိုး၊ အခြေအနေမျိုးမှာ အသင်းကို ခိုင်မာအောင်၊ ဘေးပယောဂတွေ မ၀င်အောင်တော်တော် ကြိုးစားယူခဲ့ရမှာပဲ။ ဘယ်လို အခက်အခဲမျိုးတွေ ကျော်လွှားခဲ့ရသလဲ။ ကြုံတွေ့ခဲ့ရလဲ။

KT- အခက်အခဲ၊ အနှောင့်အယှက်၊ အတားအဆီးကတော့ အများကြီးပါပဲ။ ရည်ရွယ်ချက် မှန်မှန်နဲ့ ကြိုးစားအားထုတ်ရပါတယ်။

NW – အသင်းကို အုပ်ချုပ်တဲ့အခါ ဘယ်လိုပုံစံမျိုးနဲ့ အုပ်ချုပ်လဲ။

KT - အသင်းကိုတော့ ကျွန်တော်ရဲ့ အနုပညာစိတ်နဲ့ပဲ အုပ်ချုပ်ပါတယ်။ ကျွန်တော်တို့ဆီမှာ နိုင်ငံတကာ အသင်းတွေရဲ့ ဥပဒေသတွေ ဘာမှမရှိပါဘူး။ နားမလည်ဘူး။ သိလည်း မသိဘူး။ သိလည်း မသိချင်ဘူး။ ကိုယ့်ခြေလှမ်းနဲ့ ကိုယ်ပဲလျှောက်တယ်။ ဒီလိုလျှောက်ကြရင်းနဲ့ (၃) နှစ်အတွင်း အခုလိုဖြစ်လာတယ်။ အများကို ထိထိရောက်ရောက် ကူညီနိုင်တယ်။

NW – ရှေ့ဆက်လုပ်ဖို့ ရည်ရွယ်ထားတဲ့ ပရဟိတလုပ်ငန်းတွေ ရှိသေးလား။

KT - ဘာတွေလုပ်ဖို့ ရည်ရွယ်လဲဆိုတော့ ဒီမှာက အခုအခြေအနေအရ အနာဂတ်ကိုပြောလို့ မရနိုင် သေးပါဘူး။ ဒါကြောင့် ပစ္စုပ္ပန်အလုပ်ကို ကောင်းအောင်လုပ်ဖို့ပဲ ရှိတယ်။ ပစ္စုပ္ပန်ကောင်းအောင် လုပ်ရင် အနာဂတ်က ပွင့်လင်းလာပါလိမ့်မယ်။

NW – စာကြည့်တိုက်လည်း ဖွင့်လှစ်ထားသေးတယ်နော်။

KT - ဟုတ်ပါတယ် စာကြည့်တိုက်ကို ဗိုလ်ချုပ်အောင်ဆန်းမွေးနေ့ ဖေဖော်ဝါရီလ (၁၃) ရက်နေ့မှာ ဖွင့်လှစ်ခဲ့တာပါ။

NW – ဒီနေ့ လက်ရှိအခြေအနေမှာ စီးပွားရေးအရ တွက်ဆရရင် လူတန်းစားက နှစ်ရပ်ဖြစ်နေတယ်။ အလယ်လတ်တန်းစာဆိုတာက ပျောက်နေတယ်။ ဒါဟာ ဘာကြောင့်ဖြစ်မယ်လို့ ထင်မိလဲ။

KT - နိုင်ငံရေးစကားလုံးတွေနဲ့တော့ ကျွန်တော်သိတာက ဒီမှာ အရမ်းချမ်းသာတဲ့ သူတွေရှိတယ်။ ဆင်းရဲတဲ့သူတွေရှိတယ်။

NW – နိုင်ငံရေးဆိုတဲ့ စကားလုံးကြားမိလို့ မေးချင်လာတာ တစ်ခုရှိပါတယ်။ ဘာလဲဆိုတော့ နာရေးကူညီမှုအသင်းကို လူတွေအားကိုးလာကြတယ်။ အကူအညီ တောင်းခံလာကြတယ်။ ဒီ့အပြင် အသင်းရဲ့ ကူညီမှုတွေကို ခုတုံးလုပ်တဲ့ ကြားပွဲစားတွေကို ပပျောက်အောင်လည်း ရှင်းလင်းနိုင်ခဲ့တယ်။ ခေါင်းဆောင်တစ်ယောက်ရဲ့ အရည်အသွေးတွေကိုတွေ့ရတဲ့ ဦးကျော်သူအနေနဲ့ ကျင်းပပြီးခဲ့တဲ့ ရွေးကောက်ပွဲမှာရော၊ အခုပြုလုပ်မယ့် ကြားဖြတ်ရွေးကောက်ပွဲမှာရော ၀င်ရောက်ဖို့ စိတ်မ၀င်စားခဲ့ ဘူးလား။

KT - စိတ်မ၀င်စားဘူး။ ဒီအသင်းအဖွဲ့လေး လုပ်တာတောင်မှ လူပေါင်းစုံနဲ့ ဆက်ဆံရတယ်။ လက်တွဲ ပြီး အလုပ်လုပ်ရတယ်။ ဒီလိုအလုပ်တွေ လုပ်ရာမှာ စည်းကမ်းဖောက်တဲ့သူကလည်း ဖောက်တယ်။ သီလမလုံတဲ့ သူတွေကလည်း မလုံဘူး။ ဒီတော့ လူပေါင်းများစွာနဲ့ အလုပ်လုပ်ရမယ့်၊ အုပ်ချုပ်ရတဲ့ အလုပ်ကိုစဉ်းကို မစဉ်းစားဘူး။ ကိုယ်နိုင်တဲ့ဝန်ကိုပဲ ထမ်းတယ်။ အခုက နိုင်တယ်လို့လည်း မဟုတ်ဘူး။ နိုင်အောင်ကြိုးစားနေရတာ လူတွေကိုလည်း တော်တော် စိတ်ကုန်တယ်။

NW – လူတွေကို တော်တော်စိတ်ကုန်တယ်ဆိုတော့ တစ်ခါတစ်ခါမှာ ဒီအလုပ်ကို လုပ်ချင်စိတ် မရှိတော့ဘူးဆိုတာ ဖြစ်မိလား။

KT - တကယ်လည်း လူတွေကို စိတ်ကုန်တယ်။ နေလည်း မနေချင်တော့ဘူး။ အလုပ်တစ်ခု လုပ်တယ်ဆိုတာ အားလုံးစိတ်တူကိုယ်တူနဲ့ လုပ်တာကောင်းတယ်။ တစ်ယောက်တစ်မျိုးနဲ့ ဖြစ်လာရင် ကုသိုလ်လိုချင်လို့လုပ်တာ အကုသိုလ်တွေပဲ ပါလာတယ်။ ကျွန်တော်ကတော့ မလုပ် ချင်တော့ဘူး။ မလုပ်ချင်တော့ဘူးဆိုတာ အတိုင်းအတာတော့ ရှိတာပေါ့။ ဒါပေမယ့် အများအတွက် လုပ်ပေးရမယ့်အပိုင်းတွေ၊ လုပ်ပေးရမယ့် တာဝန်တွေ၊ လုပ်ပေးရမယ့် လူ့ကျင့်ဝတ်တွေ ရှိသေးတာ ပေါ့။ ဒီအလုပ်လုပ်တယ်ဆိုကတည်းက စွန့်လွှတ်ရတာတွေက အများကြီးပါ။

NW – ဘယ်လိုအရာမျိုးတွေကို စွန့်လွှတ်ခဲ့ရလဲ။

KT - ရုပ်ရှင်မင်းသားတစ်ယောက်ဖြစ်ဖို့ ကြိုးစားရတာထက် ဒီမှာ ပိုပြီးကြိုးစားရတယ်။ စွန့်လွှတ်ရ တယ်။ သားသမီးလည်း စွန့်လွှတ်ရတယ်။ ကိုယ့်စီးပွားရေးတွေလည်း စွန့်လွှတ်ရတယ်။ ၀င်ငွေ တစ်ပြားတစ်ချပ်မှ မရတဲ့အလုပ်ကို လုပ်နေရတာ။ ၂၀၀၁ ခုနှစ်ကစပြီး ဒီနေ့ ဒီအချိန်အထိ ကိုယ့်ထမင်း ကိုယ်စား၊ ကိုယ့်ကားနဲ့ ကိုယ်လာပြီး အလုပ်လုပ်နေရတာ၊ အသင်းသည် ကိုယ့်အတွက် မဖြစ်စေရ၊ ကိုယ်သည် အသင်းအတွက်သာ ဖြစ်ရမည် ဆိုတဲ့ ဆောင်ပုဒ်အတိုင်း လုပ်နေတာ။

NW – မင်းသားတစ်ယောက်အဖြစ်လည်း အောင်မြင်အောင် ကြိုးစားနိုင်ခဲ့သလို အခု ပရဟိတ လုပ်ငန်းကိုလည်း အောင်မြင်အောင် တည်ထောင်နိုင်ခဲ့တယ်။ အခုလို မတူညီတဲ့ နယ်ပယ်နှစ်ခု လုံးမှာ အောင်မြင်ခဲ့တာ ဘာကြောင့်လဲ။

KT - မင်းသားလုပ်တုန်းကတော့ ကျွန်တော်တို့ဆီမှာ သင်တန်းတွေရှိခဲ့တာ မဟုတ်ပါဘူး။ ဒါရိုက်တာ ဦးမျိုးမြင့်အောင်ကနေ ပထမဆုံး ရိုက်ခဲ့တယ်။ သူလည်း သူတတ်သလောက် သင်ပေး ခဲ့တယ်။ ကျွန်တော်ကလည်း ကြိုးစားတယ်။ ပရိသတ်က အားပေးလာတယ်။ မင်းသားကျော်သူ ဆိုပြီး ဖြစ်လာတယ်။ ထို့နည်းတူစွာ သူ့ဆရာ၊ ဆရာတွေတော့ ရှိတာပေါ့။ ဦးအောင်မြင့်မြတ်ဆိုရင် ဒရာမာပိုင်းကို သင်ပေးတယ်။ အေ၀မ်း ဦးလှမျိုးဆိုရင် အက်ရှင်ပိုင်းကို သင်ပေးတယ်။ ကျွန်တော်က သူတို့နဲ့ သင်တန်းတစ်ခုလို သင်ရတာလည်း မဟုတ်ဘူး။ သူတို့လုပ်တာကို လေ့လာ ပြီးတော့ လုပ်ရတာ။ ကိုယ့်ရဲ့ ဖြစ်ချင်တဲ့စိတ်ကပဲ အရေးကြီးတာပါ။

NW – နာရေးကူညီမှုအသင်းစတော့ လူသေအလောင်းတွေကို ကိုယ်တိုင်သယ်ယူရတာနော်။ ဦးကျော်သူ မှတ်မိသလောက်လေး ပြောပါဦး။

KT - ဒီမှာက လူသေအလောင်းကို ဘယ်လိုပြင်ဆင်မယ်ဆိုတာ သင်တန်းပေးထားတာမျိုးလည်း မရှိပါဘူး။ တစ်ခါမှအလောင်း သယ်ဖူးတာလည်း မရှိဘူး။ နိဗ္ဗာန်ယာဉ်ကားလည်း မောင်းဖူးတာ မဟုတ်ဘူး။ ဆွေမျိုးသားချင်းတွေမှာတုန်းကလည်း အလောင်းကို ကိုယ်တိုင်လည်း ကိုင်ဖူးတာ မဟုတ်ပါဘူး။ အဘိုး အဘွားတွေတုန်းကလည်း ကိုင်တောင် ကိုင်ရတာမဟုတ်ဘူး။ ပထမဆုံး ကိုယ်နဲ့ သူစိမ်းတစ်ယောက်ဖြစ်တဲ့ ဦးဟန်တင်ရဲ့ ရုပ်ကလာပ်ကို ကိုယ်တိုင်သယ်ရတယ်။ ကိုယ်တိုင်ကားမောင်း ပို့ပေးရတယ်။ ကိုယ်ကဒီလို ပေးဆပ်မယ်ဆိုတဲ့ စိတ်ဓါတ်ကြောင့် အခုလို လုပ်နိုင်တာ။

NW – ပရဟိတလုပ်ငန်းတွေမှာ စိတ်ဓါတ်က အဓိကကျတယ်လို့ ပြောရမှာပေါ့။

KT - ဒီလိုစိတ်ဓါတ်ကြောင့် ကိုယ့်ရဲ့ ခံယူချက်တွေ မှန်တဲ့အတွက် အများပြည်သူကလည်း အားပေးလာတယ်။ နာရေးကူညီမှုအသင်းကို အားပေးလာတယ်။ အရေးကြီးတာက စိတ်ဓါတ်ပဲ။

NW – တစ်ခါတလေတော့ ဦးကျော်သူအနေနဲ့ အရင်က သရုပ်ဆောင်ဘ၀ကို လွမ်းမိသေးလား။

KT - တစ်ခါတလေတော့ ကိုယ်သရုပ်ဆောင်ထားတဲ့ ကားလေးတွေကို ပြန်ကြည့်ဖြစ်ပါတယ်။ သရုပ်ဆောင်ဘ၀ဆိုတာလည်း မလွမ်းလောက်ပါဘူး။

NW – မလွမ်းလောက်ဘူးဆိုတာက …..

KT - ဒီလိုပါ။ မနေ့က လှိုင်မဟာစည်ဆရာတော် ဘုရားဆီ ရောက်ခဲ့တယ်။ ဆရာတော်ကြီးက အနုပညာသမားတွေသေရင် ပကာသငရဲကို ရောက်တယ်ဆိုတာ မြတ်စွာဘုရားနဲ့ တပည့်ရဟန်း တစ်ပါးပြောကြားတဲ့ အကြောင်းကိုဟောတာ၊ ရဟန်းတော်တစ်ပါးက မြတ်စွာဘုရားကို အနုပညာ သမားတွေသေရင် ပကာသငရဲကို ရောက်တယ်ဆိုတာ ဟုတ်လားလို့မေးတာ အဲဒါနဲ့ ပတ်သက်ပြီး ပြောဖြစ်ခဲ့တာက ကျွန်တော့်သမီးနဲ့ သားက ရှစ်တန်းနှစ် နွေရာသီကျောင်းပိတ်ရက်မှာ တရားစခန်း ၀င်တယ်။ အင်းစိန်အောင်ဆန်းတောရမှာ အဲဒီတုန်းက သမီးက ရုပ်ရှင်သရုပ်ဆောင်တွေ သေရင် ဘယ်ဘ၀ကို ရောက်လဲလို့မေးတော့ ဆရာတော်ကြီးကလည်း အဲဒီလိုပဲ မိန့်တယ်။ အဲဒီအကြောင်း ကို ဆရာတော်ကြီးကို အခုပြောပြဖြစ်ခဲ့တယ်။ ဘာကြောင့်လဲဆိုတော့ အဲဒီမှာကတည်းက တုန်လှုပ်သွားပြီး ဘာသာရေးဘက်ကို တဖြည်းဖြည်း လိုက်လာခဲ့တာ။ အနုပညာသမားဆိုတာ ကလည်း ဘဘဦးသုခတို့လို ကိုယ့်ရဲ့ အနုပညာကိုလည်းဖော်ထုတ်၊ လူတွေကို အကျိုးပြုမယ့် ဇာတ်ကားတွေရိုက်ဖို့ အရေးကြီးတယ်။

NW – အသင်းရဲ့ ရန်ပုံငွေကို ဘယ်လိုကောက်ခံပါသလဲ။

KT - အသင်းအတွက် ရန်ပုံငွေကောက်ခံခြင်းတွေ မလုပ်သလိုဘဲ နိုင်ငံတကာက ဘယ်အဖွဲ့ အစည်းကိုမှလည်း အကူအညီ တောင်းခံတာမျိုး မဟုတ်ပါဘူး။ အသင်းကို လာရောက်လှူဒါန်းတဲ့ အလှူငွေနဲ့ပဲ လည်ပတ်တယ်။ စာရင်းစစ်တွေရှိတယ်။ အသင်းမှာ ငွေစာရင်းအတိအကျထားတယ်။ အသင်းရဲ့ ငွေစာရင်းတွေကို သက်ဆိုင်ရာ၊ တိုင်း၊ မြို့နယ်တွေကို လစဉ်အမြဲပို့တယ်။

NW – ပေါ်ပေါက်လာတဲ့ လူမှုရေးအသင်းအဖွဲ့တွေနဲ့ ပတ်သက်ပြီး ဦးကျော်သူအမြင် ပြောပါဦး။

KT - ဒီမှာ လူမှုရေးအသင်းအဖွဲ့တွေ ပေါ်ပေါက်လာတယ်။ ဖောင်ဒေးရှင်းတွေ ပေါ်လာတာတွေက အစိုးရကလုပ်တာပဲလေ။ လုပ်တဲ့ရည်ရွယ်ချက်မှန်ဖို့ အရေးကြီးတယ်။ နာမည်ကြီးချင်လို့ လုပ်တာ လား။ အများပြည်သူတွေအတွက် ကူညီချင်လို့ လုပ်တာလား။ ဒါမှမဟုတ် တခြား အသင်းအဖွဲ့ကို တိုက်ခိုက်ချင်လို့ လုပ်တာလား။ ဒါတွေ ပြန်သုံးသပ်ဖို့လိုတယ်။ တကယ့်စိတ်ရင်းနဲ့ ကိုယ်ကျိုးစွန့်ပြီး လုပ်ကြရင်တော့ အောင်မြင်မယ်လို့ ကျွန်တော်ထင်တယ်။

NW – အခုလို လူမှုရေးတွေလုပ်နိုင်တဲ့ ဦးကျော်သူအတွက် အိမ်ရှင်မနဲ့ နားလည်သိတတ်မှုက ဘယ်လောက် အတိုင်းအတာအထိ ပါဝင်လဲ။

KT - သူက အပြည့်အ၀ပါဝင်တယ်။ မင်းသားလုပ်တုန်းကတော့ သူက ဒီအလုပ်ကို စိတ်မ၀င်စား ဘူး။ ဒါပေမယ့် အဲဒီကရလာတဲ့ ငွေကို စနစ်တကျ သိမ်းဆည်းတယ်။ သုံးစွဲတယ်။ ဒါကြောင့်လည်း အခုအချိန်မှာ ကျော်သူဟာ အလုပ်မရှိဘဲ ထိုင်စားနေနိုင်တာပါ။ အခုလည်း ဒီမှာလူမှုရေးအလုပ် လုပ်တယ်ဆိုတာ သူလုပ်ချင်တဲ့ အလုပ်ပဲ။ လူမှုရေးဟာ ဘာသာရေးနဲ့လည်း နွယ်တယ်။ ဒီတော့ ဒါဟာနှစ်ယောက်စလုံးရဲ့ ဆန္ဒပဲ။ ဒါကြောင့် ဒီနေ့အချိန်အထိ လက်တွဲပြီး ရပ်တည်နိုင်တာပါ။

NW – ဒီနေ့ လူငယ်တွေအတွက်နဲ့ ပတ်သက်ပြီး ဦးကျော်သူမှာ ပြောစရာစကားလုံးများ ရှိနေမလားပဲ။

KT - ဒီနေ့ လူငယ်တွေဟာ ကိုယ့်ဝမ်းစာကိုယ်ပဲရှာရှာ၊ ကုမ္ပဏီမှာပဲလုပ်လုပ် ဘယ်လိုဝန်းကျင်မျိုး မှာပဲဖြစ်ဖြစ် ဘယ်လောကထဲရောက်ရောက် ကိုယ့်အလုပ်ကိုယ်လုပ်မယ်။ ကိုယ့်လမ်းကိုယ်သွား မယ်။ ကိုယ့်သီလ ကိုယ်လုံဖို့ တိုက်တွန်းချင်တယ်။ အဓိကတော့ သီလလုံဖို့ပါပဲ။

NW – ဟုတ်ကဲ့ပါ။ အခုလို ဖြေပေးတဲ့အတွက် ကျေးဇူးတင်ပါတယ်။ အဓိကဘယ်မှာဖြစ်ဖြစ် သီလလုံဖို့ အရေးကြီးတယ်လို့ ပြောချင်တာပေါ့နော်။

KT - ဟုတ်ပါတယ်။ ဘယ်နေရာ၊ ဘယ်ဋ္ဌာနကိုပဲရောက်ရောက် မိမိရဲ့ သီလလုံနေဖို့ပဲ အရေးကြီး ပါတယ်။

xxxxxxxxxxxxxxxxxxxxxxxxxx
ကိုကျော်သူ