0 မြန်မာနိုင်ငံနှင့် လျှပ်စစ်မီးပြဿနာ..

ကာတွန်း။။ အောင်မော်

ဧရာဝတီမြစ်ဆုံဆည် ပြန်လည်စတင်နေပြီဆုိုတဲ့ သတင်းတွေ Facebook  နဲ့ website တွေမှာ တော်တော်များများ ပျံ့နေပါပြီ

ကြားဖြတ်ရွေးကောက်ပွဲပြီးပြီးခြင်းတွင် မြန်မာနိုင်ငံပြည်သူများအတွက် ဒေါသထွက်စရာ ဖြစ်ရပ်ကြီးတစ်ခု ဖြစ်ပွားခဲ့ပါသည်..။ ထိုကိစ္စကား လျှပ်စစ်မီးကို ဧပြီ ၂ ရက်နေ့မှစပြီး အလှည့်ကျ မီးပေးစနစ်ဖြင့် ဖြတ်တောက်လိုက်ခြင်းပင်ဖြစ်သည်။

နိုင်ငံတော်သမ္မတ၏ ဘယ်တော့မှ နောက်ပြန်မသွားဘူးဟု ပြောကြားချက်ကို မသိချင်ယောင်ဆောင်ပြီး လျှပ်စစ်ဝန်ကြီးဌာနများမှ ဘက်ဂီယာထိုးလိုက်ခြင်းဟု လေ့လာမိပါသည်။ ထိုကိစ္စနှင့် ယှဉ်တွဲပြီး ဆက်တိုက်ဒေါသထွက်စရာကိစ္စများကား မြစ်ဆုံစီမံကိန်း ပြန်စမည်ဟုသော ပြည်တွင်းပြည်ပမီဒီယာများ၏ အထောက်အထားများဖြင့်ဖော်ပြချက်များ၊ သံလွင်မြစ်ကိုအခြေတည်ကာ ဟတ်ကြီးရေအားလျှပ်စစ်စီမံကိန်း တည်ဆောက်ပြီး ရင်းနှီးမြုပ်နှံသူထိုင်းကို ၉၀ ရာခိုင်နှုန်းရောင်းမည်ဟုသော သတင်းများက မြန်မာနိုင်ငံ မီးပျက်သည်နှင့် တပြိုင်တည်းပေါ်လာသောသတင်းများဖြစ်သည်။ တနည်းအားဖြင့်ဆိုလျှင် ကြားဖြတ်ရွေးကောက်ပွဲအတွင်း ရောက်ရှိနေသော ပြည်တွင်းပြည်ပ လေ့လာသူများနှင့် မီဒီယာများအား ဖိုးသင်းမျောက်အဖြစ် လျှပ်စစ်ဝန်ကြီးဌာနများမှ လုပ်ပြလိုက်ခြင်းဖြစ်သည်။

လျှပ်စစ်(၁) နှင့် လျှပ်စစ် (၂) ဟုသော ၀န်ကြီးဌာနနှစ်ခု ရှိသည့်အနက် လျှပ်စစ် (၁) မှာ ဓာတ်အားထုတ်လုပ်မှု စီမံကိန်းများကို အကောင်အထည်ဖော်ပြီး တဖက်နိုင်ငံအားရောင်းချခြင်းဖြင့် နိုင်ငံတော်အား ဒေါ်လာ ရှာပေး သော ဌာနဖြစ်ပြီးး လျှပ်စစ် (၂) ၀န်ကြီးဌာနမှာမူ ဓာတ်အားဖြန့်ဖြူးခြင်းကို လုပ်ဆောင်နေသော ဌာန ဖြစ်ကြောင်းလေ့လာဖူးပါသည်။ အဲဒီလိုဆိုရင်.. ။ လျှပ်စစ် (၁) ရဲ့ ဓာတ်အားထုတ်လုပ်မှုများ၊ ဓာတ်အား ရောင်းချသော ဒေါ်လာများက လျှပ်စစ် (၂) ရဲ့ ဓာတ်အားဖြန့်ဖြူးရေးလိုအပ်ချက်ကို ဘာ့ကြောင့်မဖြည့်ဆည်း ပေးနိုင်တာလဲဟု လူပြိန်းတွေးတွေးမိပါသည်။ မနှစ်ကလွှတ်တော်ထဲတွင် ၀န်ကြီး ဦးခင်မောင်စိုး ကိုယ်တိုင် ဓာတ်အားမလုံလောက်သဖြင့် ပြည်ပ(တရုတ်)မှ ၀ယ်ယူဖြန့်ဖြူးရကြောင်း ၀န်ခံထားဖူးပါသည်..။ ဘယ်လောက်ရာဇ၀င်ရိုင်းပါသလဲ..။ ကိုယ့်နိုင်ငံရဲ့ ရေအရင်းအမြစ်များမှထွက်သောဓာတ်အားကို တရုတ်က ရပြီး ကိုယ်နိုင်ငံက မီးထွန်းဖို့အတွက် သူ့ဆီမှ ဓာတ်အားပြန်ဝယ်နေရသည်ဆိုသည်မှာ ရာဇ၀င်ရိုင်းသလို ကိုယ့်နိုင်ငံရဲ့ အရင်းအမြစ်ကရသော လျှပ်စစ်ဓာတ်အားဖြင့်ထုတ်လုပ်သော မီးစက်များ၊ အင်ဗာတာများ ဘက်ထရီများကို ကိုယ့်နိုင်ငံက ပြန်ဝယ်သုံးနေရသည့် ဈေးကွက်ကြီးကလည်း ပြန်စဉ်းစားကြည့်လျှင် ကိုယ့်လူတွေ အသုံးမကျ တာလား တရုတ်ကိုက လည်တာလားမသိပါ။

မြန်မာနိုင်ငံ၏ လူမုန်းအများဆုံး လျှပ်စစ် (၁) ၀န်ကြီး ဦးဇော်မင်းမှာ နိုင်ငံအတွက် ဒေါ်လာရအောင် လုပ်ပေးနေသည်ဆိုသော်လည်း မိမိကော်မရှင်ရရေးအတွက် တရုတ်လက်ပါးစေ မြန်မာနိုင်ငံအခြေစိုက် အေးရှားဝေါကဲ့သို့ ကုမဏီများ၏ အစေခံအဆင့်သာဖြစ်ပြီး ပတ်သက်ရာလူကြီးများ(ဥပမာ - ရှစ်လုံးအတွက်) ကော်မရှင်ရအောင် တိုင်းရင်းသားပြည်နယ်များရှိ သဘာဝသယံဇာတများကို လက်ညိုးထိုးရောင်းစားနေသောဌာနဖြစ်ပါသည်း။ မြစ်ဆုံကို ဥပမာ ပြရလျှင် ရေ၀ပ်ဧရိယာ မိုင်ငါးဆယ်ပတ်လည်တွင် ရှိသော သစ်ပင်၊ တွင်းထွက်၊ တိရိစ္ဆာန်မှန်သမျှ တရုတ်သို့ ရောက်သွားသည်မှာ သက်သေပင်ဖြစ်ပါသည်။ ငါးစာကိုမြင်ပြီး ငါးမျှားချိတ်ကို မမြင်သော ၀န်ကြီးဖြစ်ပါသည်။ တို့တာဝန်အရေးသုံးပါးတွင် တစ်ပါးအပါအ၀င်ဖြစ်သော နိုင်ငံတော်၏ အချုပ်အခြာအာဏာတည်တန့် ခိုင်မြဲရေးကို မသိကျိုးကျွံပြုပြီး စီမံကိန်းများမှ တရုတ်များကို တံခါးမရှိဓားမရှိ မြန်မာနိုင်ငံကို ဈေးအိမ်သာကဲ့သို့ ၀င်ထွက်နေသည်ကို လက်ပိုက်ကြည့်နေသူဖြစ်ပါသည်။

၎င်း၏ ၀န်ကြီးဌာနသက်တမ်းလျောက်တွင် ထုတ်လုပ်ခဲ့သော မီဂါဝပ် ထောင်ပေါင်းများစွာရှိသော်လည်း မြန်မာနိုင်ငံအတွင်းတွင် မီးမှိန်ကာ ငုတ်တုတ်ထိုင်၊ ဖောင်စီးရင်းရေငတ်နေသော ပြည်သူများကို မသိကျိုးကျွန်ပြုကာ တိုင်းတပါးသို့ လျှပ်စစ်ရောင်းစားနေသော ဘယ်သူသေသေ ငတေမာရင်ပြီးရော စိတ်ရှိသူဖြစ်ပါသည်။ သူပြောခဲ့သော အချက်များကို ပြန်ကြည့်ပါ..။

ဒီစီမံကိန်းတွေ လုပ်တိုင်းလုပ်တိုင်းမှာ ကျွန်တော်တို့ နိုင်ငံမှာ ပိုက်ဆံမရှိလို့ လုပ်တာ။ ပိုက်ဆံရှိရင် ကိုယ့်ဟာ ကိုယ်လုပ်မှာပေါ့။ ဒါ နံပါတ်တစ်။ ပိုက်ဆံရှိလို့ ကိုယ့်ဟာကိုယ် လုပ်ပြီးရင် ဒီလျှပ်စစ်ကို ဘယ်သူကသုံးမှာလဲ။ ကျွန်တော်တို့ နိုင်ငံမှာ အခုမဂ္ဂါဝပ် ၁၅၀၀ ပေးတာတောင် ကုန်အောင် မသုံးနိုင်ဘူး။ အဲဒီတော့ ဘယ်သူက သုံးမှာလဲ။ သုံးစရာမရှိရင် market ရဲ့သဘောအရ ရောင်းစားရမှာပေါ့။

သူ့ပြောကြားချက်နဲ့ လက်ရှိ လျှပ်စစ် (၂) ၀န်ကြီး ဦးခင်မောင်စိုးရဲ့ လွှတ်တော်ထဲတွင် ပြောကြားချက်ကို ပြန်လေ့လာကြည့်ရင်..

အမှတ်(၂)လျှပ်စစ်စွမ်းအားဝန်ကြီး ဌာနအနေနဲ့ လျှပ်စစ်ဖြန့်ဖြူးပေးတဲ့နေရာမှာ နည်းလမ်းငါးသွယ်နဲ့ လျှပ်စစ်ဓာတ်အား ဖြန့်ဖြူးလျက်ရှိပါတယ်။ နိုင်ငံတော်ဓာတ်အားစနစ်နဲ့ လက်လှမ်းမီတဲ့ နေရာတွေမှာ နိုင်ငံတော် ဓာတ်အားစနစ်ကနေ ဖြန့်ဖြူးပေးနေပါတယ်။ နိုင်ငံတော် ဓာတ်အားစနစ်ကနေ အလှမ်း ကွာဝေး တဲ့ ဒေသတွေမှာ အသေးစားရေအားလျှပ်စစ်စက်ရုံများ တည်ဆောက်ပြီးလည်းကောင်း၊ ဒီဇယ်အင်ဂျင်စက်ရုံများ ဖြင့်လည်းကောင်း၊ ပြည်သူများပါဝင်သော မီးလင်းရေးကော်မတီများ၏ အစီအစဉ်ဖြင့်လည်းကောင်း၊ အိမ်နီးချင်းနိုင်ငံများမှ ဓာတ်အားဝယ်ယူ၍ ဖြန့်ဖြူးပေးခြင်းဖြင့် လည်းကောင်း လျှပ်စစ်ဓာတ်အား ဖြန့်ဖြူး ပေးလျက်ရှိပါတယ်။ နိုင်ငံတော် ဓာတ်အားစနစ်မှ လျှပ်စစ်ဓာတ်အား ဖြန့်ဖြူးပေးရာမှာ ပြည်နယ်နှင့် တိုင်းဒေသကြီး ၁၀ ခု နှင့် ခရိုင် ၄၂ ခု၊ မြို့နယ်မြို့ပေါင်း ၂၅၀၊ ကျေးရွာပေါင်း ၂၁၉၄ ခုကို နိုင်ငံတော်ဓာတ်အားပေးစနစ်မှ ဓာတ်အားပေးထားပါတယ်။ တိုင်းဒေသကြီး ၄ ခု၊ ခရိုင် ၂၆ ခု၊ မြို့နယ်ပေါင်း ၁၈၀ နှင့် ကျေးရွာပေါင်း ၄၅၉၅ ရွာကို အခြား နည်းလမ်းများဖြင့် လျှပ်စစ်ဓာတ်အား ဖြန့်ဖြူးပေးလျက် ရှိပါတယ်။ ရေအားလျှပ်စစ် စက်ရုံငယ်ပေါင်း ၃၂ ရုံ၊ ဒီဇယ်စက်ရုံပေါင်း ၅၆၉ ရုံနဲ့ မြို့ပေါင်း ၃၄၀၊ ရွာပေါင်း ၄၂ ရွာကိုလည်း ဓာတ်အားပေးလျက်ရှိပါတယ်။ အခု မြန်မာနိုင်ငံမှာ ကျေးရွာပေါင်း ၆၄၃၄၆ ရွာအနက် လျှပ်စစ်ဓာတ်အား ရရှိတဲ့ ကျေးရွာပေါင်းဟာ ၆၇၈၉ ရွာ ၁၀ ဒသမ ၅ ရာခိုင်နှုန်းဖြစ်ပါတယ်။ လျှပ်စစ်ဓာတ်အား မရရှိတဲ့ရွာပေါင်း ဟာ ၅၇၅၅၇ ရွာ ၈၉ ဒသမ ၅ ရာခိုင်နှုန်း ဖြစ်နေပါတယ်။ လျှပ်စစ်ဓာတ်အားရရှိပြီးတဲ့ ကျေးရွာပေါင်း ၂၁၉၄ ရွာမှာ နိုင်ငံတော်ဓာတ်အားစနစ်က ရရှိတာဖြစ်ပါတယ်။ အခြားနည်းလမ်းများဖြင့် လျှပ်စစ်ဓာတ်အား ဖြန့်ဖြူးပေးထားတဲ့ရွာပေါင်းဟာ ၄၅၉၅ ရှိကြောင်း တွေ့ရှိရမှာ ဖြစ်ပါတယ်"လို့ပြောထားပါသည်။ အဲဒီအချက်တွေကိုလေ့လာကြည့်ရင် မြန်မာနိုင်ငံမှာ နိုင်ငံတော်အဆင့်မှ လျှပ်စစ်ဓာတ်အားပေးနိုင်တာ တစ်နှစ်ငံလုံးရဲ့ ၂၂ ရာခိုင်နှုန်းပဲ ရှိပါသေးသည်။ ဦးဇော်မင်းစကားအရ နိုင်ငံတစ်ခုလုံး၏ မီဂါဝပ် ၁၅၀၀ နဲ့လောက်တယ်ဆိုတာ မီးသွယ်ထားပြီးသော နေရာတွေကို ဆိုလိုသည်ဟုယူဆပါသည်။ မြန်မာနိုင်ငံတ၀န်းလုံးမှ လျှပ်စစ်မီးမသွယ်ရသေးသော ရာခိုင်နှုန်း ၇၀ ကျော်ကို သူက လုံးဝမေ့နေပါသည်။ တိုင်းပြည် တော်တော်တိုးတက်ပါဦးမည်။

ထို့ကြောင့်မြန်မာနိုင်ငံ လျှပ်စစ်မီး ဘာ့ကြောင့်မလုံလောက်ရသည်ကို လေ့လာကြည့်ပါသည်။

(၁) ဒေါ်လာနှင့် ကော်မရှင်များကို မျှော်ကိုးပြီး နိုင်ငံပိုင်သဘာဝရင်းမြစ်များဖြင့် မိမိဘာသာ အိတ်စိုက်ကာ လျှပ်စစ်ဓာတ်အားပေးစက်ရုံများစွာ တည်ဆောက်မှုမပြုခဲ့ခြင်း..။ တည်ဆောက်ခဲ့ပြီးသမျှလည်း အပြည့်အ၀ မလည်ပတ်နိုင်ခြင်း

(ဥပမာ-ရဲရွာ စီမံကိန်းစတင်စဉ်က သတင်းစာထဲတွင် မစားရ၀မခန်း ရေးသားထားခဲ့သော်လည်း ယနေ့ထက်အထိ မီဂါဝပ်ဘယ်လောက်ထွက်ပြီး စက်ဘယ်နှလုံးလည်ပတ်နေသည်ကို တရားဝင်ကြေညာခြင်းမပြုတော့ပေ)။


(၂) သဘာဝဓာတ်ငွေ့နှင့် အခြားလောင်စာများကို သဘာဝဓာတ်ငွေ့သုံးလျှပ်စစ်ဓာတ်ပေးစက်ရုံငယ်များမှ အလုံအလောက်မရရှိခြင်း။

စွမ်းအင်ဝန်ကြီးဌာနမှလည်း ဒေါ်လာရဖို့အတွက် သဘာဝဓာတ်ငွေ့ကို ထုတ်လုပ်ရောင်းနေသော်လည်း ပြည်တွင်းရှိ လျှပ်စစ်ဓာတ်အားပေးစက်ရုံများ အပြည့်အ၀လည်ပတ်နိုင်ရန် သဘာဝဓာတ်ငွေ့အလုံအလောက် ပေးပို့ခြင်းမရှိဟု သုံးသပ်ပါသည်။ မြန်မာနိုင်ငံ၏ သဘာဝဓာတ်ငွေ့အထွက်နှုန်းသည် ကမ္ဘာတွင် တတိယဖြစ်ပြီး တစ်နှစ်လျှင် ဒေါ်လာ သုံဘီလျံဖိုး နိုင်ငံခြားသို့ တင်ပို့ရောင်းချနေပါသည်။

(၃) မီးဖြန့်ဖြူးရေးစနစ်များ ခေတ်မမီခြင်းနှင့် အဂတိလိုက်စားမှုများကြောင့် ..ပြုန်းတီးမှုများခြင်း။

မြန်မာနိုင်ငံ၏ မီတာကောက်သောစနစ်များသည် လွန်ခဲ့သော နှစ်တစ်ရာခန့်က သုံးခဲ့သော မီတာကောက် မီးသွယ်တန်းဖြန့်ဖြူးသည့်စနစ်ဖြစ်ပါသည်။ မီတာကို ယူနစ်ဖြင့်တွက်ပြီး မီတာစာရေးကလာဖတ်သဖြင့် ဓာတ်အားကုန်ဆုံးမှုသည် သူ၏အပေါ်တွင်သာမူတည်ပါသည်။ ဥပမာ တစ်မြို့တွင် မီတာစာရေး ငါးယောက်ရှိသည်ဆိုပါစို့ တစ်ယောက်ကို အိမ် နှစ်ထောင်ကျော်ခွဲတမ်းရပါသည်။ မီတာဖတ်သောရက် ဆယ်ရက်ပေးထားလျှင် တစ်ရက်ကို အိမ်နှစ်ရာကျော် ဖတ်ရသည့်အတွက် အချိန်မရပါ..။ ထို့ကြောင့် မီတာကို ကြုံသလိုရေးပြီး မီတာခယူပါတော့သည်။ ထို့အပြင် အိမ်ရှင်/လုပ်ငန်းရှင်နှင့် ညှိနှိုင်းပြီး အခကြေးငွေယူကာ ယူနစ်ကို လျှော့ဖတ်ခြင်း၊ မီတာကို လျှော့ထားခြင်းနှင့် မီတာအပြင်ဘက်မှ မီးတိုက်ရိုက်သွယ်တန်းပေးခြင်းတို့ကို လုပ်လေ့ရှိကြပါသည်။

အထူးသဖြင့် ဗဟိုထိန်းချုပ်မှုနှင့်ဝေးသောဒေသတိုင်းတွင် ဖြစ်လေ့ရှိပါသည်။ ထို့အပြင် စစ်မှုဇုံများတွင် မီးမလာလျှင် စက်ရုံတစ်ရုံ၏ မီးစက်မှ လောင်စာသုံးစွဲနှုန်းသည် တစ်နာရီလျှင် နှစ်ပေပါမှ ဆယ်ပေပါ အထိရှိပါသည်။ ထို့ကြောင့် မီးအလှည့်ကျစနစ်တွင် တာဝန်ရှိသူ အင်ဂျင်နီယာအား တစ်နာရီလျှင် သိန်းနဲ့ချီပေးပြီး မိမိစက်ရုံကို ကွက်ပြီး ချန်လှပ်မီးပေးစေပါသည်။ ထိုကဲ့သို့သော ကိစ္စများ များပြား လာသောအခါ လျှပ်စစ် (၂) မှ အကြီးအကျယ် ရှုံးမည်သာဖြစ်သည်..။ ထို့ကြောင့် လျှပ်စစ်မီးသွယ်တန်း ရေးများနှင့် ဓာတ်အားဖြန့်ဖြူးရေးလုပ်ငန်းများအတွက် ခေတ်မီ တိကျသော စီမံခန့်ခွဲမှုစနစ်များနှင့် နည်းပညာမြင့် အထောက်အကူပစ္စည်းများ လိုအပ်ပါသည်။ အိမ်နီးချင်းနိုင်ငံများတွင် မီတာဖတ်သည့်စနစ် မရှိသည်မှာ နှစ်ပေါင်းများစွာကြာပြီဖြစ်ပါသည်။ electronic နည်းပညာဖြင့် မိမိသုံးစွဲသောယူနစ်သည် ဌာနတွင် အလိုလျောက်ပြပြီး ငွေတွက်ချက်ပြီးသား။ Online Bank Account များမှ နှုတ်ယူပြီးသား ဖြစ်ပါသည်။ ဓာတ်ကြိုးမှ ကြားဖြတ်သွယ်ယူလျှင်လည်း အလိုလျောက်အချက်ပြသတိပေးပါသည်။

ထို့ကြောင့် ယခု မီတာဖတ်သည့်စနစ်ကို မြေလှန်ခါ နည်းပညာဖြင့် ပြောင်းလဲရန် လုံးဝလိုအပ်လာပါသည်။ ဗဟိုချုပ်ကိုင်စနစ်ကို နှစ်ပေါင်းများစွာအားပြုခဲ့ခြင်းနှင့် ပုဂ္ဂလိကများအား ဓာတ်အားဖြန့်ဖြူးခြင်းလုပ်ငန်းကို အပြိုင်အဆိုင်ကန်ထရိုက်မပေးခဲ့ခြင်းကြောင့် ဖြစ်သည်ဟုယူဆပါသည်။

(၄) ပြည်သူအတွက် တိုက်ရိုက်အကျိုးမပြုသော လက်သင့်ရာရေအားလျှပ်စစ်စီမံကိန်းများကိုသာ ဦးစားပေးခဲ့ခြင်း။

ပြည်တွင်းတွင် တည်ဆောက်သော ရေအားလျှပ်စစ်စက်ရုံများနှင့် သဘာဝဓာတ်ငွေ့ စီမံကိန်းများသည် ခရိုနီများနှင့် ၄င်းတို့ကျေးဇူးခံကျေးဇူးစား နိုင်ငံများ (ဥပမာတရုတ်) ကဲ့သို့သော နိုင်ငံများ၏ ပေါ်လစီ (စွမ်းအင်လိုအပ်ချက်) ကို တိုက်ရိုက်အကျိုးပြုနေသော်လည်း မြန်မာတစ်နိုင်ငံလုံးမပြောနှင့် စီမံကိန်းဒေသရှိရာပြည်နယ်ရှိ တိုင်းရင်းသားပြည်သူများအတွက် လျှပ်စစ်မီးနှင့် အခြားလောင်စာနေဖြင့် အကျိုးပြုအသုံးချခွင့်မရခဲ့ပါ။

လျှပ်စစ်မီးပြတ်ဆောက်ခြင်းကြောင့် ဖြစ်ပေါ်လာသည့် ဆိုးကျိုးများ..။


(၁) စီးပွားရေး

အဖြစ်အများဆုံးမှာ စက်ရုံအလုပ်ရုံများမှ မီးစက်များဖြင့် ကုန်ထုတ်လုပ်ရခြင်းကြောင့် ကုန်ကျစရိတ်တက်လာပြီး ထုတ်လုပ်သည့်ပစ္စည်းတန်ဖိုးမြင့်တက်လာခြင်းကြောင့် ကုန်ဈေးနှုန်းတက်လာပါသည်။ လျှပ်စစ်မသုံးပဲထုတ်လုပ်သည့် ပစ္စည်းများလည်း မီးပျက်တာနှင့်ရောယောင်ပြီး ဈေးတက်လာတတ်ပါသည်။ တစ်နိုင်ငံလုံးတွင် သုံးစွဲနေသော မီးစက်များအတွက် လောင်စာဆီလိုအပ်ချက် များပြားလာသဖြင့် လောင်စာဆီဈေး တက်လာပါသည်။ လျှပ်စစ်အသုံးပြုသော ၀န်ဆောင်မှုလုပ်ငန်းများ ဥပမာ ၀ပ်ရှော့၊ ပုံနှိပ်တိုက်၊ စက်မှုလက်မှု၊ ကွန်ပျူတာ စာစီ၊ Cybercafe, NetGame အစရှိသည့်လုပ်ငန်းများ Air Ticket ၀န်ဆောင်မှုလုပ်ငန်းများအတွက် အကြီးအကျယ် အခက်အခဲတွေ့စေပါသည်။

(၂) ဘဏ္ဍာရေး

မြို့နယ်များအတွင်း ဘဏ် မှ online သို့မဟုတ် Electronic ဖြင့် ငွေလွှဲသောစနစ်များနောက်ကျမှုများဖြစ်ပေါ်လာပြီး ယခုမှ အစပျိုးထားသော ATM စက်များများ သုံးမရဖြစ်သွားပါသည်။


(၃) ပညာရေး

မီးပျက်သဖြင့် ကျောင်းသားလူငယ်များ၏ ပညာသင်ကြားမှု စာကျက်ခြင်း၊ အိမ်စာလုပ်ခြင်းများအတွက် အနှောင့်အယှက်ဖြစ်ရသလို့  နည်းပညာနှင့် ကွန်ပျူတာတက္ကသိုလ်ကျောင်းသားများအတွက် ကွန်ပျူတာအသုံးပြုခြင်း၊ Online မှ Study လုပ်ခြင်းအား များစွာ အဟန့်အတားဖြစ်ရပါသည်။ စာမေးပွဲစစ်ခြင်းများ online မှ ဖြေကြားခြင်းများ နှင့် အခြားသော အခက်အခဲများစွာ တွေ့ကြုံရပါသည်။

(၄) ကျန်းမာရေး

မီးပျက်သွားသဖြင့် မြို့နယ်နှင့် ကျေးလက် ဆေးရုံဆေးခန်းများတွင် အရေးပေါ်ခွဲစိတ်/မီးဖွားမည့်လူနာများကို ပြုစုကုသပေးနေသောဆရာဝန်များ/ဆရာမများအတွက် ကြီးမားသောအခက်အခဲအဖြစ် ရင်ဆိုင်နေရသလို လူနာများအတွက်လည်း အသက်ဆုံးရှူံးသည်အထိ ရင်ဆိုင်ရတတ်ပါသည်။ မြန်မာနိုင်ငံတွင် မီးပျက်သဖြင့် သေဆုံးသွားသောလူနာ မည်မျှရှိသည်မသိပေ။

(၅) ရာဇ၀တ်မှုများ

မီးပျက်ခြင်းသည် ရာဇ၀တ်မှုကျူးလွန်သူများအတွက် အခွင့်အရေးတစ်ရပ်ဖြစ်ပါသည်။ မီးပျက်သဖြင့် ပစ္စည်းအလုခံရခြင်း၊ အမှောင်ထဲတွင် မတရားစောကားခံရခြင်းများသည် မှုခင်းဂျာနယ်များတွင် မရိုးနိုင်အောင် ပါလေ့ရှိသောသတင်းများဖြစ်သည်။

(၅) မီးလောင်မှုနှင့် မတော်တဆမှုများ

မြန်မာနိုင်ငံတ၀န်းလုံးရှိ အကြီးအကျယ်ဆုံးရှုံးခဲ့သော မီးလောင်မှုအများစုသည် လျှပ်စစ်ဝါယာရှော့ဖြစ်ခြင်း၊ မီးအားမြှင့်စက်များမြှင့်တင်ထားကာ မီးပျက်ရာမှပြန်လာသဖြင့် အပူလွန်ကဲလောင်ကျွမ်းခြင်းများမှ ဖြစ်သည်ကိုလည်း မမေ့ကြဖို့လိုပါသည်။ မီးပြင်နေစဉ် မီးလာသဖြင့် ဓာတ်လိုက်သေဆုံးခြင်းများ၊ မီးပွိုင့်မီးမလာသဖြင့် ယာဉ်တိုက်မှုဖြစ်ပွားခြင်းများ၊ လမ်းမီးပျက်သွားသဖြင့် ဆိုင်ကယ်နှင့်ကား ၊ဆိုင်ကယ်အချင်းချင်း တိုက်မိကာ သေဆုံးခြင်းများလည်း နေရာအနှံ့အပြားတွင် ဖြစ်လေ့ရှိပါသည်။ မန္တလေးအပါအ၀င် နယ်များတွင် ဆိုင်ကယ်အများစုမှာ လမ်းမီးရှိလျှင် ညဖက် မီးဖွင့်မစီးကြပေ။ ရုတ်တရက် လမ်းမီးပျက်သွားလျှင်တော့ တိုက်ကြ သေဆုံးကြသည်မှာ ထုံးစံလိုဖြစ်နေပါသည်။

ထိုကဲ့သို့သော ဆိုးကျိုးများကို ဒီမိုကရေစီခေတ်၊ ပွင့်လင်းမြင်သာသောခေတ်တွင် ဘယ်သူကတာဝန်ယူမည်ဆိုသည်ကိုလည်း ယခုထက်ထိအဖြေမရသေးပါ..။ အာဏာရှင်ဆန်ဆန်.. မီးဖြတ်တယ်..။ မီးပေးတယ်..ဘာဖြစ်လဲ ... ဟုသော ပုံစံမျိုး သုံးလို့မရတော့ပါ။ နိုင်ငံတကာ Sanction ပွင့်ခြင်းနှင့် ရင်းနှီးမြုပ်နှံမှုကိုလိုချင်လျှင် ဌာနတိုင်းဌာနတိုင်းမှ ကိုယ့်တာဝန်ကိုယ်ယူတတ်ကြောင်းကို ကမ္ဘာကို ပြရမည်ဖြစ်သည်။

ရန်အောင်..။