ပြည်ခိုင်ဖြိုး၊ ရန်ကုန်တိုင်းတာဝန်ခံ၊ တောင်ဥက္ကလာပပြည်သူ့လွှတ်တော်အမတ်ကြီး ဦးအောင်သိန်းလင်းနှင့် သတင်းထောက်တစ်ဦး၏ ချိုချဉ်ပြုံးအကြည့်။(photp-အဘ ဥက္ကာကိုကို)
ရန်ကုန်မှာ ပြုလုပ်ခဲ့တဲ့ ပြည်ထောင်စု ကြံ့ခိုင်ရေးနဲ့ ဖွံ့ ဖြိုးရေးပါတီ သတင်းစာ ရှင်းလင်းပွဲ(ရုပ်/သံ)
ရွေးကောက်ပွဲအပြီး အောင်ပွဲခံမှုများသည် နှစ်ဖက်ပါတီအကြား ရုန်းရင်းဆန်ခတ်ဖြစ်မှုကို ဦးတည်စေသည်ဟု ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ကိုယ်စားလှယ်များက ယနေ့ပြုလုပ်သော သတင်းစာ ရှင်းလင်းပွဲတွင် ပြောကြားကြသည်။
““ဒီလိုဖြစ်တာဟာ တည်ငြိမ်အေးချမ်းမှုကို ထိခိုက်နိုင်တာပေါ့ ဗျာ။ အောင်ပွဲမခံရဘူးလို့... မဆိုလိုပါဘူး။ ပျော်လို့ အောင်ပွဲခံတာလည်း ခံတာပေါ့။ ကျွန်တော်တို့က ငြိမ်းငြိမ်းချမ်းချမ်းဖြစ်ချင်တဲ့အတွက် ကျွန်တော် တို့လူကို ကျွန်တော်တို့ ထိန်းသိမ်းတယ်။ တစ်ဖက်ကလည်း သူတို့ လူတွေ ကို ထိန်းသိမ်းမှာပဲလို့ ကျွန်တော်တို့ယုံကြည်ပါတယ်””ဟု ဦးအောင်သိန်း လင်းက ရွေးကောက်ပွဲအပြီး အနိုင်ရပါတီ၏ အောင်ပွဲခံမှုများနှင့် ပတ်သက် ၍ ပြောသည်။
ရန်ကုန်တိုင်းဒေသကြီးအတွင်းရှိ မြို့နယ်သုံးခုမှ တင်သွင်း လာသော ရွေးကောက်ပွဲဥပဒေစည်းကမ်းနှင့် မညီညွှတ်ကြောင်း ကန့်ကွက် လွှာ ၁၂၃ စောင်ကို ပြည်ထောင်စုရွေးကောက်ပွဲ ကော်မရှင်သို့ ပေးပို့ သွားမည်ဖြစ်ကြောင်း သိရသည်။
““ရွေးကောက်ပွဲတွေက နောင်မှာလည်း လုပ်ကြရဦးမှာပဲ။ ကြားဖြတ်ရွေးကောက်ပွဲတွေ ရှိဦးမယ်။ ငါးနှစ်တစ်ကြိမ် လုပ်တဲ့ ရွေးကောက်ပွဲတွေရှိဦးမယ်။ အဲဒီပွဲတွေမှာလည်း စည်းနဲ့ ကမ်းနဲ့ဖြစ်ဖို့ ရည်ရွယ်တာပါ။ ဘယ်ပါတီကို ကန့်ကွက်တယ်ဆိုတာ မဟုတ်ပါဘူး။ ကျွန်တော်တို့က ဖြစ်စဉ်ကိုပဲ ကန့်ကွက်တာပါ။ အဲဒီဖြစ်စဉ်မှန်မမှန်ကို သက်ဆိုင်ရာတာဝန်ရှိသူတွေ က ဖော်ထုတ်မှာပေါ့ ဗျာ””ဟု ဦးအောင်သိန်းလင်းက ထပ်လောင်းပြောကြားသွားသည်။
ကော့မှူးမြို့နယ်မဲဆန္ဒနယ်မှ ပြည်ခိုင်ဖြိုးပါတီကိုယ်စားလှယ်အဖြစ် ၀င်ရောက်ယှဉ်ပြိုင်သူ ဒေါက်တာစိုးမင်းကလည်း - ““ကျွန်တော်တို့ ပြည်ခိုင်ဖြိုး မြို့နယ်ရုံးရှေ့မှာ ခွပ်ဒေါင်းအကျီ င်္ကို ၀တ်လာ ပြီး အားလုံးကိုကျေးဇူးတင်ပါတယ်ဆိုပြီး လာပြောကြတာမျိုး၊ ရုံးရှေ့မှာ အလံကိုလာယမ်းပြတာမျိုးတွေ လုပ်ပါတယ်။ ဒါ ရန်စတာပါ။ ဒါ ရုန်းရင်းဆန်ခတ်မှုကို ဦးတည်စေပါတယ်”” ဟု ပြောကြားခဲ့သည်။
7Day News Journal
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်