မိုးမခမှာ ဆရာဦးဝင်းတင်နဲ့ interview ထဲကအချို့ကိုကောက်နုတ်တင်ပြလိုက်ပါတယ်။
မိုးမခ။ ။ မြန်မာပြည်ရဲ့ နူကလီယားစီမံကိန်းပေါက်ကြားခြင်း၊ တရုတ်ခေါင်းဆောင် လည်ပတ်ခြင်းနဲ့ အမေရိကန်ရဲ့ စေ့စပ်ရေးသမား ဂျင်ဝက်ခရီးစဉ် ဖျက်သိမ်းခြင်းတို့ ဖြစ်ပွားလာခဲ့ပါတယ်။ ဒါ့အပြင် လာမည့် ဇွန် ၁၉၊ ၂၀ ရက်သတ္တပတ်မှာ တိုင်းပြည်ရဲ့ အတိုက်အခံပါတီ အင်န်အယ်ဒီရဲ့ ခေါင်းဆောင် ဒေါ်အောင်ဆန်းစုကြည်ရဲ့ ၆၅ နှစ်ပြည့် မွေးနေ့ အထိမ်းအမှတ်ပွဲတွေ နိုင်ငံတကာက တခဲနက် ကျင်းပကြဖို့လည်း တာစူပြင်ဆင်နေကြပြီ ဖြစ်ပါတယ်။ အဲသည် အချက်အလက်တွေပေါ်မှာ အခြေခံပြီး ဦးဝင်းတင်နဲ့ မေးခွန်းများ မေးဖြစ်ပါတယ်။
အဲသည်မှာ စကားကို ပြန်ဆက်ကြရတာကတော့ အနုမြူကိစ္စ ဖြစ်ပါတယ်။
ဦးဝင်းတင်။ ။ “အဲသည်မှာ အမေရိကန်ရဲ့ နိုင်ငံခြားရေးဝါဒအရ အခုလိုမျိုး အနုမြူကိစ္စပေါ်လာပြီ ဆိုရင် သူတို့ဖက်က ကိုယ်စားလှယ်တွေ၊ ကွန်ဂရက်တို့ ဆီးနိတ်တို့က အမတ်တွေက ရှေ့ဆက်တိုးလို့ မရတော့ဘူး လို့ နားလည်တယ်။ အဲသည်လို အနုမြူလက်နက်ကိုင်ချင်တဲ့ နိုင်ငံကို ဆက်ဆံတဲ့နေရာမယ် သူတို့ အမတ်တွေ၊ သံတမန်တွေက စကားတွေ၊ ကတိတွေ မကျွံသွားအောင်၊ မလွန်သွားအောင် ဂရုစိုက်ဖို့ လိုတဲ့အတွက် ဘယ်သူပဲ ဖြစ်ဖြစ် သံတမန်ခရီးစဉ်တွေကို ဖျက်သိမ်းပြီး ပြန်ကြရတယ်လို့ သဘောပေါက်တယ်။ သူတို့ဖက်က အဲသည်လိုနိုင်ငံမျိုးအပေါ် နိုင်ငံခြားရေးမူဝါဒ သီးခြား ပြန်စဉ်းစားရတော့မယ်လို့ ထင်တယ်။
မိုးမခ။ ။ အနုမြူအရေးက ရှေ့တန်းရောက်လာရင် မြန်မာပြည်ရဲ့ လက်ရှိ အများပြည်သူတွေရဲ့ ဒီမိုကရေစီရေး၊ လူ့အခွင့်အရေးကိစ္စတွေက နောက်ရောက်သွားခဲ့ရင် ဒါဟာ စစ်အစိုးရ အကြိုက်လား၊ ဘယ်သူ့ အကြိုက် ဖြစ်သွားသလဲ ဆိုတာ ဖြစ်ပါတယ်။ နိုင်ငံတကာက ငြိမ်းချမ်းရေးကို လိုလားသူ အစိုးရများ၊ အဖွဲ့အစည်းများအတွက် မြန်မာစစ်အစိုးရကို အရေးယူဆုံးမဖို့အတွက် အကြိုက်ကော မဖြစ်သွားနိုင်ဘူးလား။
ဦးဝင်းတင်။ ။“ ပြောရရင်တော့ ဒါဟာ စစ်အစိုးရရဲ့ အကြိုက် ဖြစ်သွားတယ်လို့ ဆိုနိုင်တယ်။ တိုင်းပြည်ရဲ့ အဓိက အရေးကိစ္စတွေဖြစ်တဲ့ ဒီမိုကရေစီရေး၊ လူ့အခွင့်အရေး၊ လူမှုရေးရေး ကျန်းမာရေး ပညာရေး အကြပ်အတည်း အခက်အခဲတွေက နိုင်ငံတကာရဲ့ အာရုံမှာ မှိန်သွားတာက အရင် ဖြစ်တယ်။
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်