ပြပွဲကိုဦးစီးကျင်းပပေးခဲ့သူမှာမိုးခပန်းချီပြခန်းပိုင်ရှင်ဦးဘိုဘိုဦးနှင့်ဦးဆန်နီငြိမ်းတို့ဖြစ်ကြောင်းသိရှိရပါသည်။
မကြာမီကမှ ပြင်ပလောကသို့ ရောက်ရှိလာသော ကဗျာဆရာ ကိုစောဝေနှင့် အနုပညာ လောကသို့ ခြေတစ်လှမ်း လှမ်းလိုက်သော ကျော်သူတို့ တွေ့ဆုံခွင့် ရရှိခဲ့သည့် ပွဲတစ်ပွဲလည်း ဖြစ်သည်။
ယင်းပွဲတွင် “ အနုပညာကို စတေးပြီး ငြိမ်းချမ်းရေးကိုရအောင် လုပ်ယူရမည် ” … ဟူသော ဆောင်ပုဒ်ကို လက်ကိုင်ပြုထားသည့် ရုပ်ရှင်သရုပ်ဆောင်၊ ဒါရိုက်တာ ကျော်သူ၏ ပန်းချီကား (၃) ကားကိုလည်း ပြသထားရှိပါသည်။ ၂၀၀၇ ခုနှစ်၊ စက်တင်ဘာလမှစပြီး အနုပညာလုပ်ငန်းများ ( ရုပ်ရှင်၊ စာပေ … ) စသဖြင့် ထုတ်ဖော်ပြသခွင့်ကို ပိတ်ပင်ထားခြင်း ခံခဲ့ရသော ကျော်သူ၏ ပရိတ်သတ်များအပေါ် ပန်းချီအနုပညာကို ချပြခွင့်ရရှိသော ထူးခြားသည့် ပွဲတစ်ပွဲလည်း ဖြစ်ပေသည်။ အနုပညာသမားတစ်ယောက်ကို အနုပညာလုပ်ငန်းများ ပိတ်ပင် တားဆီးထားမှုမှ ပထမဦးဆုံး ပြင်ပလောကမှ အနုပညာနယ်ပယ်ထဲသို့ ခြေလှမ်းတစ်လှမ်း လှမ်းခွင့် ရရှိမှုဖြစ်သည်။
ပန်းချီပြပွဲဖွင့်လှစ်ခြင်းအခမ်းအနားသို့စာပေအနုပညာရှင်များ၊ပန်းချီအနုပညာရှင်များ၊သရုပ်ဆောင်အနုပညာရှင်အချို့လည်းတက်ရောက်ကြည့်ရှုအားပေးခဲ့ကြပါသည်။စာရေးဆရာအဏ္ဏ၀ါစိုးမိုး၊စာရေးဆရာမဒေါ်သန်းမြင့်အောင်၊ရုပ်ရှင်သရုပ်ဆောင်၊ဒါရိုက်တာအကယ်ဒမီဆုရှင်၊နာရေးကူညီမှုအသင်း(ရန်ကုန်)ဥက္ကဌဦးကျော်သူနှင့်ဇနီးဒေါ်ရွှေဇီးကွက်၊ပန်းချီဖေစိုးအောင်၊သီချင်းနှင့်ကဗျာဆရာသော်ဒီဝေ၊မကြာသေးမီအချိန်ကရမည်းသင်းအကျဉ်းထောင်မှပြန်လည်လွတ်မြောက်လာခဲ့သောကဗျာဆရာကိုစောဝေစသည့်အနုပညာရှင်ပေါင်းများစွာတက်ရောက်အားပေးကြည့်ရှုခဲ့ကြပါသည်။
ဓာတ်ပုံ။ ။ ကိုကျော်သူ။ Burma paparazi
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်