ရွေးချယ်စရာ မရှိလို့ - ပြည်သူတစ်ဦးအနေနဲ မဲသွား မပေးတာလဲ... မိမိ လုပ်ပိုင်ခွင့်ပါ၊ မိမိဆန္ဒ မပါဘဲ အတင်း လုပ်ခိုင်းတာကို - အမိန့်ပေး ခိုင်းစေတာကို ဆန့်ကျင်တာလဲ... မိမိ လုပ်ပိုင်ခွင့်ပါ၊ လူ့တိရစ္ဆာန် မဟုတ်ကြဘူး - ကျွန်စိတ်ဓါတ်နဲ့အသက်ရှင်သန်နေတာ မဟုတ်ဘူးလို့ ပြောနေယုံနဲ မလုံလောက်ဘူး၊ လက်တွေ့ကျကျ ဖော်ပြနိုင်တဲ့ လုပ်ရပ်တွေနဲ သက်သေထူရမယ်။
နိုင်ငံသားတွေ စိတ်ကူးယဉ်နေယုံနဲ့ တိုင်းပြည်တိုးတက် ပြောင်းလဲစရာတော့ မဖြစ်နိုင်ဘူး၊ လက်တွေ့ ပါဝင်ဆောင်ရွက်မှ မိမိလိုလားတဲ့ အနာဂတ်ကို မိမိကိုယ်တိုင် ဖန်တီးနိုင်မယ်ဆိုတာ နားလည်သိရှိယုံနဲ့ မဖြစ်တော့ဘူး၊ နောက်တစ်လှမ်းတက်ပြီး သက်သေပြ - လက်တွေ့ လုပ်ကြရမယ်။ မိမိ့ရဲ ကြောက်စိတ်ကို (မိမိကိုယ်ကို) ယုံကြည်မှုဖြစ်အောင် ပြောင်းလဲခြင်းနဲ စတင်နိုင်ကြမယ်ဆိုရင်... ပြည်သူမျာ့းရဲ အနာဂတ်ဟာ ပြည်သူ့ လက်ဝယ်မှာ ရှိမှာအမှန်ပါ။
မြန်မာနိုင်ငံသားများ ပါဝင်မှုအကြောင်း ဖိတ်ခေါ်မှုတွေ တိုက်တွန်းခြင်း ရောက်လာတိုင်း လူထုအသံလား၊ ပြည်သူ့အသံလား၊ တွေဝေသူတွေ ပြောနေတာလား၊ မခွဲခြားနိုင်ဘဲ ကြားနေရတာက အကြောက်တရားကြီးသွားပြီတဲ့...သြော်တကယ်ဘဲလား၊ ဒါဆိုရင် စစ်အာဏာရှင်စနစ် တစ်နှစ်အတွင်းပြုတ်ကျမှာ အမှန်ပါဆိုတာကို သက်သေပြနိုင်ဖို့ ဒီလထဲနံမည်ကြီးလူသိများတဲ့ (၉-၁၁)နဲ ၁၉၈၈ခုနှစ် လူသုံးထောင်ကျော် သေကြေပျက်စီးခြင်း အတူတူ ဘာတွေက ကွာခြားနေလဲ၊ ..... တကယ်တော့ အကြောက်တရားကို တုန့်ပြန်ခြင်း။
စက်တင်ဘာလထဲရောက်လာတာနဲ့ကမ္ဘာတ၀ှမ်းလုံး အကြောက်တရားအတွက် ပြန်လည်တုန့်ပြန်ပုံတွေ ဆက်စပ်စဉ်းစားကြည့်လိုက်မယ်ဆိုရင် မြန်မာနိုင်ငံမှာ လူပေါင်း ၃ထောင်ကျော် အသတ်ခံလိုက်ရတဲ့ ၁၉၈၈ခုနှစ်၊ အမေရိကန်နိုင်ငံ - နယူးယောက်မြို့ ၂၀၀၁ခုနှစ် (၉-၁၁) သေဆုံးပျက်စီးမှုကြီးက ကမ္ဘာနိုင်ငံသားတွေ့ရဲ ကြောက်ရွံ တုန်လှုပ်မှုကြီးကို မွေးဖွားပေးလိုက်တာနဲအတူ တုန့်ပြန်မှုတွေလဲ ပေါ်ပေါက်လာတာပါဘဲ။
ဖိနှိပ်သူ စစ်အာဏာရှင်စနစ်နဲ့ အုပ်ချုပ်သူတွေက မြန်မာနိုင်ငံသား ၃ထောင်ကျော်ကို သတ်ဖြတ်ချေမှုန်းပြီး၊ ချယ်လှည်ချင်တိုင်း ဖိနှိပ်ချင်တိုင်း စိတ်ထင်ရာလုပ်ပြီး နေနေတဲ့ အဖြစ်ကြောင့် သန်း၅၀ကျော်တဲ့ ပြည်သူလူထု နိုင်ငံသားတွေ ကြောက်ရွံသွားပြီး အမှန်တရားအတွက် ရပ်တည် တုန်ပြန်မှုတွေ နည်းပါးသွားကြတာလား၊ တွေးစရာ-မေးစရာ-လုပ်စရာတွေ ဖြစ်လာပါတယ်။
ကမ္ဘာကြီးကတော့ နောင်တကြိမ်ထပ်မံပြီး (၉-၁၁) အခြေအနေမျိုး မဖြစ်ဖို့ ကြောက်ရွံလာတာကြောင့် ကာကွယ်မှု စနစ်အသစ်တွေ ရုပ်ပိုင်း-စိတ်ပိုင်းဆိုင်ရာတွေ ပြုပြင်ပြောင်းလဲ ဖြည့်စွတ်နေသလို... ဖြစ်ပေါ်နိုင်တဲ့ နေရာ-ဌာန-လူပုဂ္ဂိုလ်တွေ(အတွေးအခေါ်)ကို နှိမ်နင်းဖို့ လိုအပ်တဲ့ ပြင်စဉ်တိုက်ခိုက်မှုအတွက် စစ်သားပေါင်းများစွာ ရင်းနှီးပြီး အနာဂတ်အတွက် ကာကွယ်နေကြတယ်၊ လှုံခြုံရေးနဲ ယုံကြည်မှုအတွက် ပြင်စဉ်တည်ဆောက် နေကြတယ်... ဘာလိုလဲ၊ သူတို့လဲ ရေရှည်အတွက် စိုးရိမ်ကြောင်ကြလို့ အခုလို ရင်းနှီးပြီး မိမိကိုယ်ကို မိမိပြန်လည်ပြီး ယုံကြည်မှုဖြစ်ထွန်းလာအောင် လုပ်နေတဲ့ တည်ဆောက်နေတဲ့ လုပ်ငန်းစဉ် တွေပါဘဲ။
ကျနော်တို့ နိုင်ငံသားတွေ့ရဲ ရေတိုကြောက်ရွံမှုတွေကိုလဲ... စစ်မှန်တဲ့ရေရှည်ကာကွယ်မှုဖြစ်ရေးအတွက် လုပ်ငန်းစဉ်တွေကို စီမံကိန်းအဖြစ်ချမှတ်ပြီး အကောင်အထည် ဖော်နိုင်မယ်ဆိုရင်တော့ ယုံကြည်မှုအပြည့်နဲ နိုင်ငံသားတွေ ပြန်လည်မွေးဖွား ရှင်သန်လာမယ်၊ စစ်အာဏာရှင် ဆိတ်သုန်းရေး-ပျက်သုန်းရေး လုပ်ငန်းစဉ်များလဲ အားကောင်းလာမယ်၊ နိုင်ငံတော်ပြုပြင် တိုးတက်ပြောင်းလဲရေးတွေလဲ အရှိန်အဟုန်ပြင်းပြင်းနဲ ဖြစ်ထွန်းလာနိုင်တယ်။
နှိုင်းယှဉ်ကြည့်ပါ... မြန်မာနိုင်ငံသားတွေက ကြောက်တယ်လို့ဆိုကြပေမယ့် တကယ်ကို အမှန်တရားနဲအနာဂတ်ကို ချုံငုံတွေးခေါ် အဖြေထုတ်ကြည့်တဲ့ ကြောက်ရွံမှု မဟုတ်တာကြောင့်၊ ယနေ့ဖြစ်ပေါ်နေတဲ့ ရေငုံ နူတ်ပိတ် လက်ပိုက် ခေါင်းငြိမ့် ရှောင်လွဲနေခြင်းဆိုတဲ့ အပြုအမှုတွေ မြန်မာနိုင်ငံသားတွေဆီမှာ ဆက်လက်ရှင်သန်ခွင့် ရှိနေတာပေါ့၊ မြန်မာနိုင်ငံ့ရဲ အနာဂတ် တစ်ခုလုံးအတွက် ရာသက်ပန် အလွန်အန္တာရာယ်ဖြစ်မယ့် လုပ်ရပ်တွေကို ရဲရဲကြီး လုပ်ဆောင်ရင်း ရှင်သန်နေထိုင်ကြတာ တွေနေရတယ်။
အနာဂတ်-မျိုးဆက်-နိုင်ငံနဲ့လူသား အားလုံးအတွက် အလွန်ကြောက်ရွံဖို့ကောင်းတဲ့ လုပ်ရပ်-ဖြစ်စဉ်ဆိုတာ မသိ-မမြင်ကြသေးတော့ လတ်တလော ဖိနှိပ်ခံရမှာဆိုတဲ့ ကြောက်ရွံမှုကို အကာအကွယ်ယူပြီး အချိန်တို ရင်းနှီးမှုကို ရှောင်လွဲရင်းနဲ မိမိကိုယ်ကိုမိမိ ယုံကြည်မှု ဆုံးရှုံးခံနေကြတာကို ကျနော်တို့ လက်မခံ နိုင်ပေမယ့် မြင်တွေ့ နေရတယ်။
မိမိတို့နိုင်ငံသားတိုင်း အမှန်တရားနဲ့ခွဲခြမ်းစိတ်ဖြာနိုင်တဲ့ စွမ်းအားကို အသုံးပြုပြီး ရှောင်လွဲ-ရေငုံ-လက်ပိုက်-နူတ်ပိတ်-ခေါင်းငြိမ့်နေခြင်းကို ရပ်တန်းကရပ်ပြီး၊ ပြည်သူတစ်ဦး တစ်ယောက်တိုင်း မိမိပိုင်ဆိုင်တဲ့ လုပ်ပိုင်ခွင့် ရပိုင်ခွင့်ဖြစ်တဲ့ လွတ်လပ်စွာ စဉ်းစား-တွေးခေါ်-ဆုံးဖြတ်ခြင်း၊ တင်ပြခြင်း၊ ဆွေးနွေးခြင်း၊ ပါဝင်ဖော်ဆောင်ခြင်းကို ပွင့်လင်းမြင်သာစွာ စွမ်းဆောင် နိုင်ကြမယ်ဆိုရင် မကြာမှီ ယုံကြည်မှု အပြည့်နဲ နိုင်ငံသားတွေအဖြစ် ပြောင်းလဲစွာ တွေ့မြင်ရမယ်လို့ ယုံကြည်တယ်။
တိုတိုပြောရရင် မိမိမှာရှိနေတဲ့ ပေဖြစ်တုန်းခံပြီး တူဖြစ်မှနှံမယ်ဆိုတဲ့ အတွေးအခေါ်တွေ မြောင်းထဲ ပစ်လိုက်ပါ၊ ရှေ့ကနွားက ကောက်ကောက်သွားလို့ နောက်နွားကောက်ကောက် လိုက်ရပါတယ်ဆိုတဲ့ တင်ပြမှုတွေ ဖျောက်ဖျက် ပစ်လိုက်ပါ၊ အကြောက်တရားကြောင့် စစ်ဖိနပ်အောက်မှာ ရောက်နေရတယ်ဆိုတဲ့ ဆင်ချေပေးမှုတွေ မီးရှို့လိုက်ပါ၊ လူ့တန်ဖိုးဆိုတာ လုပ်ရပ်နဲ တိုင်းတာနေတာပါ ရုပ်ဝတ္ထု-ငွေကြေးနဲ ဆုံးဖြတ်နေတဲ့ အကြောင်းအရာ မဟုတ်ပါဘူး၊ ခေဏတာ ကြောက်ရွံမှုကို စွန့်လွှတ်ပြီး အနာဂတ် (ဘ၀) တစ်သက်တာ လှုံခြုံရေးအတွက် အမှန်နဲအမှား-အသိတရားပေါ် ရှင်သန်ရပ်တည်ပြီး၊ မြန်မာနိုင်ငံသားတွေ အကြောင်းပြ ဆင်ချေပေးမှု စိတ်ကွယ်ရာက ရုန်းထွက်မှသာ...
ညီညီအောင်
2 years ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်