နာရေးကူညီမှုအသင်း(ရန်ကုန်)သည် လူမှုရေးလုပ်ငန်းများ ပေးဆပ်ထမ်းဆောင်နေရာတွင် နာရေး၊ ဆေးကူညီမှု၊ ပညာရေး၊ စာကြည့်တိုက်၊ အင်္ဂလိပ်စာသင်တန်း၊ ပန်းချီသင်တန်း စသဖြင့် သင်တန်းများကို အခမဲ့ ပို့ချလျှက်ရှိပြီး ထူးချွန်ထက်မြက်သည့် မျိုးဆက်သစ် လူမှုရေးသမားများကို ဖော်ထုတ် မွေးထုတ်ပေးလျှက် ရှိသည်။ ထိုသို့ မွေးထုတ်ပေးလျှက်ရှိရာတွင် ယခုဆိုလျှင် အလှူရှင်များ (ပြည်တွင်းပြည်ပ) အတွက် အသင်း၏လုပ်ဆောင်ချက်များ၊ အများပြည်သူအပေါ် ကူညီပံ့ပိုး ထမ်းဆောင်ပေးမှုများ၊ အများပြည်သူတို့၏ အလှူငွေတို့ဖြင့် အများပြည်သူအတွက် ပေးဆပ်မှုများ၊ ပညာဒါနပေးမှုများ စသဖြင့် ပါဝင်သော အသင်း၏ပေးဆပ်မှု DVD အခွေများတွင် နောက်ခံ သီချင်း အဖြစ် ထည့်သွင်းရန် စေတနာဖြင့် ဂီတပညာရှင်များမှ နာရေးကူညီမှုအသင်း(ရန်ကုန်)အတွက်၎င်း၊ အများပြည်သူအတွက်၎င်း ရေးသားသီဆို တီးခတ် အသံသွင်းပေးမှုများတွင်လည်း နာမည်ကြီး ဂီတ ပညာရှင်များ၊ တက်သစ်စ ဂီတပညာရှင်များ ပါဝင်ကြသလို မျိုးဆက်သစ် ဂီတ၀ါသနာရှင်များပါ ပါဝင်ကုသိုလ်ယူ သီဆိုကာ ပေးဆပ်ကြသည်။
“ဗြဟ္မစိုရ်နှလုံးသားနဲ့ လက်တွေဟာ ဗြဟ္မစိုရ်နှလုံးသားနဲ့ လက်တွေပါ xxx သောကကြားမှာ ဒုက္ခမပွေစေဖို့ ကူညီလို့ ပေးဆပ်ကာ ဖေးမကူမည် xxx မွေးကတည်းက နောက်ဆုံး ခရီးတိုင်ဆီ မျက်ရည်ခင်း နှုတ်ဆက် ခရီးတိုင်ဆီ … မျက်ရည်ခင်း နောက်ဆုံး ခရီးတိုင်ဆီ”
အထက်ပါ သီချင်းစာသားကတော့ နာရေးကူညီမှုအသင်း(ရန်ကုန်) အသင်းသားတစ်ဦး ဖြစ်သည့် ကိုပေါက်(နန္ဒ၀န်)က ရေးစပ်ပြီး အဆိုပိုင်းအား ကိုပိစိ မှ နာရေးကူညီမှုအသင်း(ရန်ကုန်) အတွက် သီဆိုပေးထားသော “မျက်ရည်သုတ်မယ့်လက်များ” အမည်ရှိ တေးသီချင်းတစ်ပုဒ်မှ စာသားတချို့ ဖြစ်သည်။
“သူ့ရဲ့ဘ၀ဟာ အများအကျိုးအတွက်ဆို … ရှိသမျှ အားလုံးစွန့်လွှတ်မဲ့လူမျိုး … ရုပ်ဝတ္ထုတွေ မစွဲလန်း
တော့ပါ xxx ပေးဆပ်ခြင်းနဲ့ အသက်ဆက်ရှင်ဖို့ … ငွေဂုဏ်တွေလဲ သူမသိတော့ပါ … အဆောင်
အယောင်တွေလဲ သူမရှိတော့ပါ”
အထက်ပါ သီချင်းစာသားကတော့ တေးရေး - သားထွေး ရေးစပ်ပြီး နာရေးကူညီမှု အသင်း(ရန်ကုန်) အသင်းသား ကိုကိုဦး၏ ဇနီးဖြစ်သူ ထက်ထက်စိုး (OTL)က နာရေးကူညီမှု အသင်း(ရန်ကုန်) အတွက် သီဆိုပေးထားသော “ပေးဆပ်သူများ (၂)” အမည်ရှိ တေးသီချင်းတစ်ပုဒ်မှ စာသားတချို့ ဖြစ်သည်။
“ပန်းများပွင့်တော့ လိုက်ကောက်ခဲ့သူ … သူဟာအရာရာတိုင်းကို အနစ်နာခံရင်း … နှစ်သိမ့်တတ်သူ လူသားတစ်ဦးရယ်ပါ xxx ဗြဟ္မစိုရ်တရားများသာ သူရင်ထဲမှာ ရှင်သန်ရင်း … ပန်းတွေ မကြွေဖို့ တောင်းဆုမပြည့်တောင် အမြဲတမ်းရပ်တည်ကာ အကောင်းဆုံးရပ်တည်ကာ”
အထက်ပါ သီချင်းစာသားကတော့ နာရေးကူညီမှုအသင်း(ရန်ကုန်) အသင်းသားတစ်ဦး ဖြစ်သည့် ကိုကိုဦးက ရေးစပ်ပြီး အဆိုပိုင်းကိုလည်း နာရေးကူညီမှု အသင်း(ရန်ကုန်) အသင်းသူ စောဉ္ဇာစိုးက နာရေးကူညီမှုအသင်း(ရန်ကုန်) အတွက် သီဆိုပေးထားသော “ပန်းကောက်သူ” အမည်ရှိ တေးသီချင်းတစ်ပုဒ်မှ စာသားတချို့ ဖြစ်သည်။
ထိုကဲ့သို့ ဂီတကို ၀ါသနာပါသော လူမှုရေးသမားများကိုလည်း နာရေးကူညီမှုအသင်း(ရန်ကုန်) မှ စေတနာရှေ့ထား၍ အခွင့်အရေး ကြုံကြိုက်ပါက ကျွမ်းကျင်သော ဂီတပညာရှင်တို့နှင့် ပူးပေါင်း၍ ဖော်ထုတ်ပေးလျှက် ရှိသည်။ ယခုကဲ့သို့ နာရေးကူညီမှုအသင်း(ရန်ကုန်)၏ ပေးဆပ်မှုကဏ္ဍတစ်ရပ် တွင် နာရေးကူညီမှုအသင်း(ရန်ကုန်)၏ အသင်းသား - ဦးကိုကိုဦးနှင့် ဇနီးဖြစ်သူ မထက်ထက်စိုး (OTL)၊ အသင်းသူ - မစောသဉ္ဇာစိုးတို့အား တတ်ကျွမ်းသော ဂီတပညာရှင်များ၏ ဖေးမမှု၊ လက်တွဲ ခေါ်ယူပေးမှုတို့ဖြင့်၎င်း၊ နာရေးကူညီမှုအသင်း(ရန်ကုန်)၏ ပံ့ပိုးမှုတို့ဖြင့်၎င်း၊ ဥက္ကဌ ဦးကျော်သူ၏ အားပေးမှုတို့ဖြင့်၎င်း လူမှုရေးဂီတ ရွက်ပုန်းသီးများကို မွေးထုတ်ပေးလျှက် ရှိသည်။
မေတ္တာဖြင့် ၀ိုင်းဝန်းကူညီပံ့ပိုး ကူညီကြသော ဂီတပညာရှင်များအားလုံး အားလုံးတို့အား အများပြည်သူကိုယ်စား၊ နာရေးကူညီမှုအသင်း(ရန်ကုန်) ကိုယ်စား အထူးကျေးဇူးတင် ဂုဏ်ပြု မှတ်တမ်းတင် ထားရှိပါကြောင်း . . . . ။
သတင်းနှင့်ဓာတ်ပုံ။ ။ ကိုကျော်သူ
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်