(ပြည်သူတွေကို တပ်မတော်ကတောင်းပန်တဲ့သဘောမဟုတ်ဘဲ ခြိမ်းခြောက်လေသံပါသောကြေးမုံသတင်းစာပါရေးသားချက်)
သေဆုံးသွားတဲ့ ပဲခူးမှကျောင်းသား လူငယ်၂ယောက်ရဲ့ နာမည်ကိုဖေါ်ပြပြီးတော့ ဥပဒေအရ အရေးယူခြင်းခံရမယ်ဆိုတဲ့ တပ်မတော်ထဲက သေနတ်သမားရဲ့ နာမည်ရယ်။ တပ်မတော်ထဲက လူသတ်တရားခံ ဗိုလ်ကြီး ဘယ်သူဘယ်ဝါဆိုတာကို မရေးပြထားပါလား။ ပြီးတော့ ထိုဖြစ်ရပ်သည် ဖြစ်လေ့ဖြစ်ထရှိသောဖြစ်စဉ်မျိုးသာဖြစ်တယ်လို့သတင်းစာထဲမှာဖော်ပြထားခြင်းအားဖြင့် စစ်တပ်ဟာပြည်သူလူထုကို မကြာခဏ အခါအားလျော်စွာ မကြာမကြာပစ်သတ်နေကြောင်း ပြစ်မှုကျူးလွန်ကြောင်းဝန်ခံနေရာရောက်နေပါတယ်။ ပဲခူးမှကျောင်းသား လူငယ်၂ယောက်ရဲ့အမှုကို အသတ်ခံရချိန်တွင် ရဲမှစစ်ဆေးခွင့်လည်းမရှိ သတင်းစာရှင်းလင်းပွဲလုပ်ပိုင်ခွင့်လည်းမရှိခဲ့ပါ။
တိုင်းပြည်ကာကွယ်ဖို့၊ ပြည်သူတွေရဲ့ အသက်အိုးအိမ်စည်းစိမ်ကို ကာကွယ်ပါမယ်ဆိုပြီး ကိုင်ခွင့်ရထားတဲ့ လူကိုသေနိုင်စေတဲ့ လက်နက်နဲ့ အလွဲသုံးစားလုပ်ပြီး မကျေနပ်စိတ်အတွက် အသုံးချတဲ့ ရန်ပွဲပဲ။
အာဏာ အလွဲသုံးစားလုပ်သလို လက်နက်ကိုပါ အလွဲသုံးစားလုပ်တဲ့ စစ်ဗိုလ်စစ်သားတွေပါ။ အဲဒါကို ဘာ့ကြောင့် တပ်ထဲက အကြီးအကဲတွေက ကာယကံရှင် မိသားစုကို ငွေ၁၀သိန်းပေးပြီး အမှု့ကိုကျေအေးပေးဖို့ ဖြေသိပ့်ရသလဲဆိုတာကိုပါ နားမလည်နိုင်ဘူး။ ဒီလောက် အာဏာကို အလွဲသုံးစားလုပ်ခဲ့တဲ့ အရာရှိတယောက်ကို အရေးယူဖို့ ဥပဒေကို မကျင့်သုံးရဲကြတော့ဘူးလား။ မစဉ်းစားတတ်တော့ဘူး။
သိသလောက် စစ်မှုထမ်းအားအရေးယူအပြစ်ပေးတာကို လူသိရှင်ကြားထုတ်ပြန်တဲ့ အမှု ၂ ခုရှိခဲ့ပါတယ်။
အဲ့ဒါတွေကတော့ -
၁။ ဗိုလ်ကြီးအုန်းကျော်မြင့် ရဲ့ နိုင်ငံတော်သစ္စာဖောက်ဖျက်ပုန်ကန်မှု နဲ့ 
၂။ ဗိုလ်မှူးချုပ်တင်ဦး( လန်ဘားကြီး၊ မျက်မှန်တင်ဦး )ရဲ့  အမှု တို့ ဖြစ်ပါတယ်။
စစ်ခုံရုံးနဲ့ပတ်သက်ပြီး တရားဝင် လူသိရှင်ကြား သတင်းထုတ်ပြန်တယ်ဆိုတာ မရှိခဲ့ပါဘူး..ဗိုလ်ကြီးအုန်းကျော်မြင့်အမှုကို စီရင်တာကလည်း အထူးတရားရုံးဆိုပြီး အရပ်ဖက်တရားရုံးမှာ စီရင်တဲ့အမှုမို့ပါ၊ လန်ဘားကြီးအမှုရဲ့နောက်ပိုင်း မရှေးမနှောင်းမှာ ဖြစ်ပွားခဲ့တဲ့ ဝန်ကြီးဦးဘိုနီအမှုမှာလည်း လူသိရှင်ကြား ထုတ်ပြန်ခဲ့ပါသေးတယ်၊ လူသိရှင်ကြားထုတ်ပြန်ခဲ့တယ်ဆိုတာကလည်း မ.ဆ.လ အစိုးရလက်ထက်မှာမို့လို့ပါ၊ အခုနောက်ပိုင်း စစ်အစိုးရခေတ် အင်းစိန်ထောင်တွင်း အထူးတရားရုံးတွေနဲ့ စီရင်ခဲ့တဲ့ အေးနေဝင်း၊ ကျော်နေဝင်း၊ ဇွဲနေဝင်း တို့ရဲ့အမှုမှာလည်း အစိုးရပိုင် မီဒီယာတွေက တရားဝင် သတင်းထုတ်ပြန်ခဲ့တာရှိခဲ့ဖူးပေမယ့် အရင်ဆုံး သတင်းထုတ်ပြန်နိုင်ခဲ့တာ ပုဂ္ဂလိကတစ်ပိုင်း မြန်မာတိုင်းမ် ဂျာနယ်ပါ..၊ အထူးတရားရုံးနဲ့ တိုးတိုးတိတ်တိတ် စီရင်ခဲ့တဲ့ ဗိုလ်ချုပ်ကြီးဟောင်း ခင်ညွန့်အမှုတို့ မတရားသက်သက် အနိုင်ကျင့်ပြီးထောင်ချခဲ့တဲ့ အရှင်ဂမ္ဘီရ၊ ကိုမင်းကိုနိုင်၊ ကိုနေဘုန်းလတ်၊ ကိုသူရခေါ် ဇာဂနာ တို့အပါအဝင် အမှုတော်တော်များများကိုတော့ အထူးတရားရုံးနဲ့ စီရင်ခဲ့ပေမယ့် တရားဝင် သတင်းထုတ်ပြန်တာမျိုး ဘယ်တုန်းကမှ မလုပ်ခဲ့ပါဘူး၊ အဲဒါက စစ်အစိုးရ အုပ်ချုပ်တာခြင်းတူပေမယ့် န.ဝ.တ၊ န.အ.ဖ နဲ့ မ.ဆ.လ တို့ရဲ့ ကွာခြားချက်တစ်ခုပါ..
ဒေါင်းမာန်ဟုန်
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်