0 ခွင်ဖန် ရိုက်စား ဆရာများ

.စာရေးသူဟာ ပုံမှန်အားဖြင့် ဘယ်လို ဝေဖန်ရေးမျိုးကိုမှ လုပ်လေ့မရှိပါဘူး။ လောကကြီးမှာ လူအမျိုးမျိုး ၊ စိတ်အထွေထွေ ၊ အကျင့်စရိုက် အဖုံဖုံ ရှိကြတာမို့ “သူ့အကြောင်း နဲ့ သူဘဲလေ” လို့ နှလုံးသွင်းနိုင်သူ ဖြစ်ပါတယ်။ အချိန်တန်ရင် သူ့တရား သူစီရင်လိမ့်မယ်ဆိုပြီး ဒီအတိုင်းဘဲ ထိုင်ကြည့် နေလေ့ ရှိပါတယ်။ ကိုယ့်ကို လူမုန်းများမယ့် အလုပ်ကို မလုပ်ချင်ပါဘူး။

.ဒါပေမယ့် ဗေဒင်ပညာကို အရိုးထဲ အသည်းထဲ ထိအောင် ချစ်မြတ်နိုးသူ ဖြစ်တာကြောင့် အခုတလောမှာ သတင်းစာ/ ဂျာနယ်/ မဂ္ဂဇင်း ကြော်ငြာတွေမှာ တွေ့တွေ့ နေရတဲ့ စိတ်မနှစ်မြို့စရာ ကိစ္စတစ်ခုကိုတော့ဖြင့် (အမုန်းခံပြီး) ပြောဖို့ ဆုံးဖြတ်လိုက်တယ်။ ဒီလိုဗျ။ ကျွန်တော်တို့ ဗေဒင်လောကကို “အိုးမဲသုတ်နေတဲ့” ကိစ္စတွေထဲမှာ အဆိုးဆုံး အဖြစ်အပျက်ကတော့ “ယတြာနဲ့ ခွင်ဖန်ခြင်း” ဘဲ ဖြစ်ပါတယ်။

.“ယတြာ” ဆိုတာ ဘာလဲ။ ကံဆိုးမှု/ကံမကောင်းမှုကို သက်သာရာရအောင်/ပျောက်ကွယ်သွားအောင် “ဂမ္ဘီရအတတ်ဖြင့်” ပြုလုပ်ဆောင်ရွက် ပေးတာ ဖြစ်ပါတယ်။ ဟုတ်ပြီ – ဒီတော့ ယတြာ လုပ်လိုက်တာနဲ့ဘဲ –

ကံမကောင်းမှုတွေ အကုန်ပျောက် သွားရောတဲ့လား ?

မဖြစ်စေချင်တာတွေ အကုန်မဖြစ်ဘဲ နေရောတဲ့လား ?

ဖြစ်ချင်တာတွေ အကုန်ဖြစ်လာရောတဲ့လား ?


.အင်း – အဲဒီလိုသာ ဖြစ်မယ်ဆိုရင် အဲဒီ “ယတြာပညာရှင်” ဆိုတဲ့ ဟာတွေ “ဗေဒင်ဟော၊ ယတြာလုပ်” နေစရာတောင် မလိုပါဘူး။ တန်ခိုးအာဏာတွေ၊ စည်းစိမ်ချမ်းသာတွေ ၊ နာမည်ကျော်ကြားမှုတွေကို “မဟာ ယတြာပညာကြီး” နဲ့ လုပ်ယူပြီး လောကစည်းစိမ် အပြည့်နဲ့ “နှပ်” နေကြယုံဘဲ ရှိတယ်။

.ဒီလို “နှပ်” မနေနိုင်ကြလို့သာ စာစောင်ပေါင်းစုံမှာ မဟုတ်က ဟုတ်က ကြော်ငြာတွေထည့် – ပြီးရင် ကိုယ့်ဆီလာမယ့် သူကို “လည်ပင်း တရှည်ရှည်” နဲ့ မျှော်။ ရောက်လာရင် “ဉာဏ်နီ ၊ ဉာဏ်နက်” မျိုးစုံသုံး / စကားပရိယာယ် မျိုးစုံပြော / ခြောက်လုံးလှန့်လုံးတွေ တွက်ပြပြီး “အပူသောက ရောက်နေတဲ့ သူရဲ့ ပိုက်ဆံ အိပ်” ကို အတင်းနှိုက်တော့တာပါဘဲဗျာ။ ကိုယ်သာ တကယ်အစွမ်းရှိရင် ဒီလို လုပ်ဖို့ လိုမလား ? အခုလို ချွေးဒီးဒီးကျအောင် လုပ်စားနေဖို့ လိုမလား ?

.စဉ်းစားကြပါ မောင်တို့ မယ်တို့ ရေ။ အထူးသဖြင့် “မိန်းမသားတွေ” အဆိုးဆုံးဘဲ။ ကိုယ့်ရည်းစား ၊ ကိုယ့်ခင်ပွန်းများ ဗွေဖောက်လာပြီဆိုရင် ခြေမကိုင်မိ လက်မကိုင်မိ ဖြစ်ပြီး “ဗေဒင်ဆရာ” “နတ်ကတော်” “အကြားအမြင်” စတဲ့ “ခွင်ဖန် ရိုက်စား” တွေရဲ့ ညွှတ်ကွင်းကို လှလှကြီး သက်ဆင်းသွားမိ တတ်ပါတယ်။

.နှိမ့်ချပြီး ပြောတာမဟုတ်ပေမယ့် ယေဘူယျအားဖြင့် ပြောရရင် – မိန်းမသားတွေဟာ ယောင်္ကျားသားတွေထက် စဉ်းစားချင့်ချိန်နိုင်မှု အရာမှာ အားနည်းပါတယ်။ သူများပြောတာကို ယုံလွယ်တတ်တယ်။ လှည့်ဖျားဖို့ လွယ်ကူတယ်။ ဒီအားနည်းချက်ကို သိထားတဲ့ “ရိုက်စားခွင်ဖန်” တွေဟာ “မိန်းမသားများအတွက် အထူး” ဆိုတဲ့ “လိုင်းသစ် တစ်ခုကို တီထွင်လိုက်ပြီး” ကောင်းကောင်းကြီး လုပ်စားကြတော့တာကိုးဗျ။

.ထားပါတော့ဗျာ။ ယတြာအစီအရင် လုပ်ပေးတဲ့ ကိစ္စမှာ ဉာဏ်ပူဇော်ခ အနေနဲ့ “ငါးထောင် ၊ တစ်သောင်း” ယူကြမယ် ဆိုရင် “ကုသိုလ်လည်းရ ၀မ်းလည်း ၀” နိုင်ပါသေးတယ်။ နောက်ဆုံး ကုန်ကုန် ပြောလိုက်မယ် – ၄-၅-၆ သောင်း ယူလိုက်ဦး။ ပေးတဲ့လူက ကြည်ဖြူစွာပေးရင် ပြောမယ့်လူကလည်း ပါးစပ်ပိတ် နေနိုင်ပါတယ်။

.
အခုဟာက သမီးရည်းစားနှစ်ယောက် အဆင်မပြေဖြစ်နေတာ ပြေအောင် လုပ်ပေးဖို့ကိစ္စကို “၅သိန်း” တဲ့ဗျား။ ရှိသေးတယ်။ ကိုယ့်ယောင်္ကျား နဲ့ မရှင်းမရှင်းဖြစ်နေတဲ့ မိန်းကလေးနဲ့ အပြီးပြတ်စဲသွားအောင် လုပ်ပေးမယ် တဲ့။ “၁၅သိန်း” တဲ့ဗျား။ ကိုယ့်ယောင်္ကျား တစ်သက်လုံး (ကိုယ်ကလွဲပြီး) ဘယ်မိန်းမကိုမှ စိတ်မ၀င်စားအောင် လုပ်ပေးမယ်- သိန်း (၅၀) တဲ့ဗျား။ ကျွန်တော်တစ်သက် ကြားတောင် မကြားဘူးပါ။ ဟုတ်မှ ဟုတ်ရဲ့လား ၊ ကိုယ် နားကြားလွဲ သွားလို့လားလို့ နှစ်ခါ သုံးခါ ပြန်မေးရသေးတယ်။ ငွေအတောင်းခံရတဲ့ ကာယကံရှင် ၂ ဦး/၃ ဦး က ပြောပြသွားတာပါ။

.အောင်မယ် ဒီလောက် ငွေကြေးပမာဏကို မေးတဲ့သူမှ ရှိရဲ့လားလို့ သွားမမေးလေနဲ့။ မေးနေကြတဲ့ မိန်းမတွေ များမှများ ဆိုဘဲ။ သြော် မိန်းမတွေ မိန်းမတွေ ။ တစ်ခါတစ်ခါ သနားဖို့ ကောင်းသလို / တစ်ခါတစ်ခါ ရိုက်ပစ်ဖို့ ကောင်းတယ် (ကိုယ့်သားသမီးဆိုရင် ပါ) ။ အချစ်စိတ်/လင်စိတ်များ “မွှန်” ပြီ ဆိုမှဖြင့် မျက်စေ့လည်း ကန်း ၊ နားလည်း ကန်း ၊ ဉာဏ်လည်း တုံး ၊ အမှန်တရား လုံးလုံးကို ပျောက်တော့တာဘဲ။

.ငွေပေးပြီး သူတို့ပြောတဲ့အတိုင်း ဖြစ်မလာဘူးဆိုရင် ဘယ်သူ့ကို သွားတိုင်မလဲ။ တိုင်လို့ မရပါဘူး။ ကိုယ်ကျေနပ်လို့ ကိုယ်ပေးခဲ့တာကို လိမ်လည်မှုလို့ စွဲချက်တင်ဖို့လည်း အခက်သား။ ဒီတော့မှ ကိုယ် ထုံတာ ၊ ကိုယ် အ, တာကို လူမသိအောင် နှုတ်ပိတ် ရေငုံ နေလိုက်ရတော့တာပေါ့။

.နောက်ဆုံးတော့ ဗေဒင်ဆရာတွေကိုဘဲ ပြန်ပြီး တရားခံ အရှာခံရတော့ တာပါဘဲ။ ဗေဒင်ဆရာ ဆိုရင် “လူလိမ်” ဆိုတဲ့ အမြင်မျိုးကို “မသိမသာ ခံယူ လာတတ်ကြသလို ၊ သိသိသာသာ တိုက်ခိုက်လာတာတွေ” ကိုလည်း (ကျန်တဲ့ ဗေဒင်ဆရာတွေ) ခံကြရတော့တာပါဘဲဗျာ။ “ငါးခုံးမ တစ်ကောင်ကြောင့် တစ်လှေလုံး ပုပ်” ဆိုတာလို မလုပ်တဲ့ လူတွေလည်း လက်ညှုိုးထိုး ခံရတော့တာပါဘဲ။

.ဒါကြောင့် ရိုးရိုးသားသားနဲ့ လုပ်ကိုင်စားသောက်နေကြတဲ့ ဗေဒင်ပညာရှင်များဘက်က ကျွန်တော် အမုန်းခံပြီး တပ်လှန့်ပေးနေတာပါ။ ဒီလို “ရိုက်စား ခွင်ဖန်” သမားတွေကို ဖော်ထုတ်ပေးရမယ်။ ဗေဒင်လောက အ၀ိုင်းအ၀န်းထဲကနေ “ကျဉ်” ပစ်ရမယ်။ ဗေဒင်ပညာအကြောင်း မသိနားမလည်သူတွေကို “ပညာ” ပေးရမယ်။ ဒါတွေဟာ ဗေဒင်ချစ်သူ /ဗေဒင်ဝါသနာရှင် / ဗေဒင်သုတေသီ / အသက်မွေးဝမ်းကျောင်းဗေဒင်ဆရာ – အားလုံးမှာ တာဝန်ရှိပါတယ်။

.နောက်ဆုံး ယတြာကို သိပ်အထင်ကြီးနေကြသူများအတွက် ပြောရရင် – ယတြာဆိုတာ အတိုင်းအတာ တစ်ခုအထိသာ စွမ်းပါတယ်။ ယတြာ နဲ့ ပြုလို့ ရတဲ့ ကိစ္စ ရှိသလို ၊ ယတြာ လုံးဝ မကယ်နိုင်တဲ့ ကိစ္စလည်း ရှိပါတယ်။ စာရေးသူကိုယ်တိုင် ယတြာကို ရံဖန်ရံခါ (မလွှဲသာ မရှောင်သာ) လုပ်ပေးရတာမျိုး ရှိပေမယ့် “မပြေးသော်လည်း ကန်ရာရှိ” ဆိုတာလို လုပ်ပေးနေရတာပါ။ (ဖရီး လုပ်ပေးတာပါ ၊ တစ်ခါတစ်လေ ကိုယ့်အိပ်ထဲကတောင် စိုက်လိုက်ရသေး)။ ဒီလို လုပ်နေတာ ယုံကြည်လွန်းလို့ မထင်လေနဲ့။ ဖြစ်ကို ဖြစ်ရမယ့် ကိစ္စကို ဘာမှ လုပ်ပေးလို့ မရပါဘူး။

.အတိတ်က ၀ဋ်ကြွေးပါလာရင် ဘယ်သူမဆို “ဆပ်” ရမှာသာ ဖြစ်ပါတယ်။ ရှောင်လွှဲလို့ မရပါဘူး။ လောကကြီးမှာ “သတ္တ၀ါ” ရယ်လို့ ဖြစ်လာရင် “လောကဓံ” ဆိုတာ ရှိပါတယ်။ အိုခြင်း ၊ နာခြင်း ၊ သေခြင်း ဆိုတဲ့ အဓိက ဒုက္ခကြီး (၃)ခုအပြင် “ချစ်သောသူနှင့် ကွေကွင်းရခြင်း ၊ မချစ်မနှစ်သက် သူနှင့် အတူနေရခြင်း ၊ လိမ်လည် လှည့်ဖျားခံရခြင်း ၊ သစ္စာဖောက်ခံရခြင်း ၊ အနိုင်ကျင့် ခံရခြင်း ၊ ရန်သူမျိုး(၅)ပါး၏ နှိပ်စက်ညှင်းပန်း ခံရခြင်း ၊ ဆင်းရဲဒုက္ခရောက်ခြင်း . . . စတဲ့ ဒုက္ခတရားတွေဟာ လူ့ဘ၀ နဲ့ အတူတွဲပြီး ရှိနေတာပါ။

.ကောင်းတဲ့ လောကဓံကိုတော့ ရယူပိုင်ဆိုင်ချင်တယ် / မကောင်းတဲ့ လောကဓံကိုတော့ လုံးဝ လက်မခံချင်ဘူး ဆိုတာ “ဘုရားရဲ့ အဆုံးအမနဲ့လည်း” မကိုက်ညီပါဘူး။ မရင့်ကျက်သေးတဲ့ “ကလေးဆန်တဲ့” အတွေးမျိုး ဖြစ်နေပါတယ်။ လူ့လောကထဲကို ရောက်လာရင် ကောင်းတာရော ၊ မကောင်းတာပါ “မျှပြီး ယူရမယ်/တွဲပြီး ယူရမယ်” ၊ ဒါမှ ရင့်ကျက်တဲ့ အတွေးအခေါ်ဖြစ်မယ်။

.ကိုယ့်က ရင့်ကျက်စိတ်နဲ့ အသင့်ပြင်ထားတော့ တကယ်တန်း အဆိုးကြုံလာချိန်မှာ သိပ်မတုန်လှုပ်တော့ဘူး။ မရင့်ကျက်တဲ့ စိတ်နဲ့ အကောင်းကို မျှော်လင့်လွန်း အားကြီးတော့ အဆိုးကြုံလာရင် အလွန်တုန်လှုပ်တတ်ပါတယ်။ ခြေမကိုင်မိ၊ လက်မကိုင်မိ ဖြစ်တတ်ပါတယ်။ “ငါ့အဖြစ်နှယ် ဆိုးလှလေခြင်း” ဆိုပြီး ရင်ဘတ်စည်တီး ဖြစ်တတ်ပါတယ်။ ဟိုပုဂ္ဂိုလ် ကယ်နိုင် နိုးနိုး / ဒီပုဂ္ဂိုလ် ကယ်နိုင် နိုးနိုး နဲ့ ကယ်တင်ရှင် ရှာရင်းနဲ့ အားကိုးမှားတတ်ပါတယ်။ လူလိမ် ခံရတတ် ပါတယ်။ သတိပြုပါ။

.မကောင်းတဲ့ အကုသိုလ်ကံ တွေဆိုတာကလည်း တကယ်တော့ “ကိုယ်ပြုခဲ့တဲ့ အမှုတွေ” ချည်းပါဘဲ။ “ကိုယ်ပြုသည့်ကံ ၊ ပဲ့တင်သံ ၊ ကိုယ့်ထံ ပြန်မည်မှတ်” ဆိုတာလို ကိုယ့်ဆီ ပြန်ရောက်လာတာပါ။

.အခု ကိုယ့်အပေါ်မှာ ပြုခဲ့သူ ကျပြန်တော့လည်း “ပြုသူ အသစ် ၊ ဖြစ်သူ အဟောင်း” ဆိုတာလို “သူပြုလိုက်တဲ့ ကံကို မလွဲမသွေ သူ, ပြန်ခံရမှာပါ”။ “အနမတဂ္ဂ သံသရာ” မှာ ကျင်လည်နေသရွေ့ ဒီလို ချည်းသာပါဘဲ။ ဘ၀တစ်ကွေ့မှာ ကိုယ်က အနိုင်ယူသူ ဖြစ်လိုက် ၊ တစ်ခါ နောက် ဘ၀တစ်ကွေ့မှာတော့ ကိုယ်က အနိုင်ပြန်ခံရလိုက် နဲ့။ “ဗုံလုံ တစ်လှည့် ၊ ငါးပြန် တလှည့်” ဆိုတဲ့ စကားပုံ လိုပါဘဲ။

.ဒါကြောင့်မို့ ကိုယ့်မှာ လောကဓံကြုံလာပြီဆိုရင် ကိုယ်စွမ်း ဉာဏ်စွမ်း ရှိသလောက် အဆိုးသက်သာအောင် လုပ်ကြည့်ပါ။ ကိုယ်ပိုင်ဉာဏ်ကို အသုံးချပါ။ ကိုးကွယ်တဲ့ ဘာသာတရားကို အားကိုးပါ။ တဆိတ်ရှိ ဗေဒင်ဆရာ ၊ နတ်ကတော် ၊ အကြားအမြင် ၊ ဘိုးတော် တွေဆီကို ပြေးဖို့ချည်း လုပ်မနေပါနဲ့။

.ကိုယ်စွမ်း ဉာဏ်စွမ်း ရှိသလောက် လုပ်ရက်နဲ့မှ အဆိုးမလွတ်ရင်တော့ “အတိတ်က ၀ဋ်ကြွေး” လို့ ခံယူလိုက်ပြီး လက်ခံလိုက်ပါ။ “သူ့အကြွေးရှိရင် ၊ ဆပ်လိုက်ပါ” ။ ဒါဘဲ ရှိပါတယ်။

ဒါဟာ ဗုဒ္ဓရဲ့ အဆုံးအမ လည်း ဖြစ်တယ်။ ထာဝရ ဘုရားရှင်ရဲ့ အလိုတော်လည်း ဖြစ်တယ်။ အလာဟ်ရှင်မြတ်ရဲ့ အမိန့်တော်လည်း ဖြစ်တယ်။ ဘာသာတရား ဆိုတာ လူသားတွေ လောကဓံကို ခံနိုင်အောင် ပေါ်ထွန်းလာရခြင်း ဖြစ်တယ်။ ငါ့ဘာသာကမှ မှန်တယ် ၊ သူ့ဘာသာက မှားတယ် လို့ ငြင်းခုန် နေဖို့ ပေါ်ထွန်းလာခြင်း မဟုတ်။ ကိုယ် ဘယ် ဘာသာဝင်ဘဲ ဖြစ်ဖြစ် “ယူတတ်မှ ရတယ်” ဆိုတဲ့ သဘောတရား ရှိပါတယ်။ ဘာသာတရားတိုင်းမှာ အဖိုးတန်တဲ့ အနှစ်သာရတွေ ရှိပေမယ့် ယူတတ်မှ ရမယ်/မယူတတ်ရင် နာမည်ခံ၊ အမည်ခံ ဘာသာဝင်ဘဲ ဖြစ်နေမှာပါ။

ဘ၀ရဲ့ အဖြေဟာ ယတြာမှာ မရှိ။ ဘာသာတရားမှာသာ ရှိတယ် . . ဆိုတာကို နားလည်သဘောပေါက် နိုင်ကြပါစေ။

.
ကံနည်းသော်လည်း ဉာဏ်မမွဲ ကြပါစေနှင့်။

.ဒေါက်တာတင်ဗိုလ်ဗိုလ် (ကွန်ပျူ-ဗေဒသုခုမ)