မင်းဆွေ(ပေါက်)
၂၀၁၀ခုနှစ် နိုဝင်ဘာလ(၂၂)ရက်
ဒေါ်အောင်ဆန်းစုကြည် ခေါင်းဆောင်တဲ့ ၉၀ရွေးကောက်ပွဲအနိုင်ရ အမျိုးသားဒီမိုကရေစီအဖွဲ့ချုပ်နဲ့ တိုင်းရင်းသား ခေါင်းဆောင်တွေ ဦးဆောင်ဖွဲ့စည်းထားတဲ့ ပြည်သူ့လွှတ်တော်ကိုယ်စားပြုကော်မီတီရဲ့ မှန်ကန်တဲ့ နိုင်ငံရေးဦးဆောင်မှုအောက်မှာ ရဲဝံ့ပြတ်သား ယုံကြည်စွာနဲ့ တစုတစည်းတည်း လိုက်ပါရပ်တည်ကြခြင်းက ဒီကနေ့ကာလရဲ့ တိုက်ပွဲလိုအပ်ချက်ကို ပိုမိုရုပ်လုံး ပေါ်လာစေမှာ ဖြစ်ကြောင်း
ဖိနှိပ်မှုရှိရင်တော့ တန်ပြန် တွန်းလှန်မှုဆိုတာ ရှိစမြဲပါ။
နှစ်ပေါင်း(၆၀)နီးပါး အမျိုးသားပြည်သူတရပ်လုံးအပေါ် ဖိနှိပ်သတ်ဖြတ် သင်းသတ်နေတဲ့ စစ်ဗျူရိုကရက် ပဒေသရာဇ်တွေကို အဖိနှိပ်ခံပြည်သူတရပ်လုံးက ချိန်ခါမပြတ် တန်ပြန်ပုန်ကန်ကြတာဟာ ပကတိအမှန်တရားပါပဲ။
ဒါကြောင့်လည်း မျိုးဆက် တဆက်ပြီးတဆက် လက်ဆင့်ကမ်း သယ်ဆောင်နေကြတာပါ။ အခုဆိုရင် တတိယမျိုးဆက်က ခေတ် သမိုင်းဝန်ကို ပုခုံးပြောင်းထမ်းပိုးနေကြပါပြီ။ ဒီလိုမှလည်း ခေတ်သမိုင်းရဲ့တန်ဘိုးကို သိနားလည်တဲ့ ဗမာပြည်ဖွား ပီသပါလိမ့်မယ်။ အစဉ်အဆက် ခေတ်သမိုင်းကို လက်ဆင့်ကမ်း ပေးဆက်တိုက်ပွဲဝင်နေကြတာ ဖြစ်ပါတယ်။
၆၂ခုနှစ်ကပဲ စတွက်ရင် မတ်လ(၂)ရက်နေ့ စစ်အာဏာသိမ်းပြီးတဲ့နောက် တာထွက်ထွက်ချင်းဆိုသလို ဇူလိုင်လ(၇)ရက်နေ့မှာ သမိုင်းအစဉ်အဆက် တည်ရှိဖြတ်သန်းခဲ့တဲ့ အထင်ကရ သမိုင်းဝင် ကျောင်းသားသမဂ္ဂ အဆောက်အဦးကြီးကို ဗုံးခွဲ ဖြိုချ ဖျက်ဆီး ပစ်လိုက်ပါတယ်။ ဒါဟာ စစ်အာဏာသိမ်းအုပ်စုက ဗွေဆော်ဦး သမိုင်းကို တန်ဘိုးမဲ့စွာ ရိုက်ချိုးဖျက်ဆီးလိုက်တာပါပဲ။ တနည်း ပြောရင် သမိုင်းဖြစ်စဉ်တလျှောက်မှာ ပါဝင်ခဲ့သူတွေ၊ မျိုးဆက်တွေကို အညွန့်ချိုး သင်းသတ်ပြလိုက်တာပါပဲ။ အာခံဖီဆန်မယ့်သူ ရှိသေးလားဆိုပြီး လူမိုက်ကြိမ်းနဲ့ ပြည်သူတရပ်လုံးကို စတင်စိန်ခေါ်လိုက်တာပါ။
တန်ပြန်အံတုချက်တွေကလည်း အံ့မခန်းလောက်ပါတယ်။ ၆၇ခုနှစ် ဩဂုတ်လ(၁၃)ရက်မှာ ရခိုင်ပြည်နယ် မြို့တော်စစ်တွေမှာ ဆန်လုပွဲနဲ့ ၆၉ခုနှစ်မှာတော့ ကျွန်းဆွယ်အရေးအခင်း ဖြစ်ပါတယ်။ တိုက်ပွဲတွေက ဆင့်ကဲဆင့်ကဲ ဖြစ်ပေါ်လာတာသာ တွေ့ရမှာပါ။ အထင်ကရဖြစ်တဲ့ တိုက်ပွဲစဉ်တွေကိုပဲ ပြောပါ့မယ်။
၁၉၇၄ခုနှစ် ဇွန်လမှာ ဆင်မလိုက်သင်္ဘောကျင်း အလုပ်သမားတိုက်ပွဲနဲ့ သမိုင်းချည်မျှင်နဲ့အထည်စက်ရုံ အလုပ်သမားတိုက်ပွဲတွေ ပေါ်လာပါတယ်။ ဒီဇင်ဘာလထဲမှာတော့ ဦးသန့်အရေးအခင်း ထပ်ဖြစ်ပါတယ်။ ၁၉၇၅မှာတော့ ရွှေတိဂုံသပိတ်ဖြစ်ပြီး ၁၉၇၆မှာ ကျတော့ မှိုင်းရာပြည့်အရေးအခင်း ဖြစ်ပါတယ်။
ဒီလိုနဲ့ ၁၉၈၈ခုနှစ် ဒီမိုကရေစီအရေးတော်ပုံ ရှစ်လေးလုံးကြီး ဖြစ်ပေါ်ခဲ့ပါတယ်။ ၁၉၉၀ရွေးကောက်ပွဲ အနိုင်ရ (၂)နှစ်ပြည့် အထိမ်း အမှတ်အဖြစ် မန္တလေးမှာ ကျောင်းသားနဲ့သံဃာတွေ ဦးဆောင်ပြီး အင်အား(၇၀၀၀)ရှိတဲ့ ဆန္ဒပြပွဲကြီး ဖြစ်ပါတယ်။ တခါ ၁၉၉၈နဲ့ ၂၀၀၀ခုနှစ်တွေမှာတော့ ကျောင်းသားလှုပ်ရှားမှုတိုက်ပွဲတွေ ပေါ်လာပြန်ပါတယ်။
နောက်ဆုံး ၂၀၀၇သံဃာ့လှုပ်ရှားမှုကြီးက အာဏာဖီဆန်ရေး လူထုလှုပ်ရှားမှုတိုက်ပွဲတွေ စဉ်ဆက်မပြတ် ဖြစ်နေတာကို မီးမောင်း ထိုးပြတဲ့ ဓမ္မတိုက်ပွဲပါပဲ။ ဗမာ့နိုင်ငံရေးသမိုင်းမှာ ဘယ်တော့မှ ပျောက်ကွယ်ပျက်သုဉ်း မသွားနိုင်တဲ့ သမိုင်းမော်ကွန်း တိုက်ပွဲစဉ် တွေပါ။ ဖိနှိပ်မှုရှိနေသမျှ ကာလပတ်လုံး တော်လှန်ရေးဆိုတာ ရှင်သန်ဖြစ်ပေါ်နေမယ် ဆိုတာရဲ့ ပြယုဂ်တွေပါ။
တော်လှန်ရေးဆိုတာဟာ အဟောင်းကိုဖယ်ရှားပြီး အသစ်နဲ့ အစားထိုးတာ ဖြစ်ပါတယ်။ အဟောင်းကို ဖယ်ရှားရတာဟာလည်း လွယ်လွယ်နဲ့ ရတာတော့မဟုတ်ပါဘူး။ အကြောင်းက ဖယ်ရှားခံရတဲ့ အင်အားစုဟာ လက်ထဲမှာ အာဏာယန္တရားကို ကျစ်ကျစ်ပါ အောင် ဆုပ်ကိုင်ထားရုံတင်မက မျက်ကလူးဆန်ပြာ အကြောက်အကန် တုန့်ပြန်တတ်လို့ပဲ ဖြစ်ပါတယ်။
သာဓကအဖြစ် ၉၀ရွေးကောက်ပွဲမှာ ရှုံးနိမ့်သွားလို့ နိုင်ငံရေးလက်ဦးမှုမဲ့သွားတဲ့အခါ စစ်အုပ်စုက အချိန်ဆွဲပါတယ်။ အကြမ်းဖက် ဖိနှိပ်လာပါတယ်။ ကိုယ့်ဘက်က ဒီရလဒ်အပေါ် ရဲဝံ့ပြတ်သားတဲ့ ရင်ဆိုင်မှုမျိုး မလုပ်တဲ့အခါ စစ်အုပ်စုရဲ့ အကြမ်းဖက်ဖိနှိပ်မှုတွေက ဆက်ကာဆက်ကာ ပိုပြင်းထန်လာပါတယ်။ ဒီပဲယင်း၊ ရွှေဝါရောင်တို့မှာ ဖိနှိပ်မှု ပြင်းထန်တဲ့အတိုင်းအတာကို အထင်းသား မြင် တွေ့ရပါတယ်။ သူတို့လက်ထဲမှာ ဆုပ်ကိုင်ထားတဲ့ ဖိနှိပ်ရေးကိရိယာတွေနဲ့ လူထုကြီး နိုင်ငံရေးအသိမမြင့်အောင် နိုးကြားထကြွ မစုစည်းမိအောင် ဖိနှိပ်ချုပ်ချယ်တဲ့နည်း၊ သွေးခွဲသပ်လျှိုတဲ့နည်း၊ ချော့မြှူတဲ့နည်းတွေနဲ့ ဒရစပ် နှိပ်ကွပ်လေ့ရှိပါတယ်။
လူထုကို ချော့သလိုလုပ်လိုက် ပြန်ခြောက်လိုက်၊ အပျော့ဆွဲလိုက် အကြမ်းကိုင်လိုက်နဲ့ နည်းပရိယာယ်တွေသုံးပြီး လိမ်ညာမှိုင်း တိုက်ပါတယ်။ မက်လုံးပေး မြှုဆွယ်ပါတယ်။ အဲဒီအပေါ်မှာ မတွေဝေသွားဖို့နဲ့ စဉ်းစားနည်း မမှားသွားဖို့ အထူးလိုအပ်ပါတယ်။ တချို့တွေလည်း ဒီနည်းပရိယာယ်တွေအောက်မှာ ခေါင်းလျှိုဝင်သွားကြပါတယ်။
လူထုကြီး နိုင်ငံရေးအသိမြင့်လာမှာ နိုင်ငံရေးနိူးကြားလာမှာ အာဏာသိမ်းစစ်အုပ်စုက သေမလောက် ကြောက်ပါတယ်။ ဒါကြောင့် လည်း ပြည်တွင်းမီဒီယာကို လုံးဝဥဿုံ ချုပ်ကိုင်ထားတာတင် အားမရသေးဘဲ အမျိုးမျိုးသော ပုဒ်မပေါင်းစုံ တည်ဆဲအမိန့်ပေါင်းစုံ ကို ဥပဒေနဲ့ညီညီ မညီညီ အဆက်မပြတ် ထပ်မံထုတ်ပြန်နေတာ ဖြစ်ပါတယ်။
ဒီနေရာမှာ လူထု လူထုနဲ့ပြောနေတော့ ယေဘူယျလူထုကို ပြောချင်တာမဟုတ်ဘဲ၊ အဖိနှိပ်ခံ လူမျိုးစုံပြည်သူတရပ်လုံးကို ပြောချင် တာပါ။ အလုပ်သမား၊ လယ်သမား အခြေခံလူတန်းစားနဲ့ မြို့နေဆင်းရဲသားအလွှာဟာ အဖိနှိပ်ခံရဆုံးဖြစ်ပေမဲ့ တတ်သိပညာရှင်၊ လုပ်ငန်းရှင်ကလေးတွေနဲ့ အမျိုးသားဓနရှင်လူတန်းစားဟာလည်း ဖိနှိပ်ခံနေရတာပဲ ဖြစ်ပါတယ်။ အကြောင်းကတော့ သူတို့တွေ ဟာ ဗမာပြည်ရဲ့ လူဦးရေအများစုကြီး ဖြစ်နေတာကြောင့် စစ်ဗျူရိုကရက်ပဒေသရာဇ်တွေရဲ့ လက်ဝါးကြီးအုပ်သွေးစုပ်မှုကို တိုက် ရိုက်ခံ နေကြရလို့ ဖြစ်ပါတယ်။
ဗမာပြည်ရဲ့ အဓိကပဋိပက္ခဟာ စစ်ဗျူရိုကရက် ပဒေသရာဇ်လူတန်းစားက တဘက်၊ အဖိနှိပ်ခံ လူမျိုးစုံပြည်သူလူထုတရပ်လုံးက တဘက်ဖြစ်နေတဲ့ နိုင်ငံရေးအာဏာပြဿနာ ဖြစ်ပါတယ်။ ဒီစစ်ဗျူရိုကရက်တွေနဲ့ပေါင်းပြီး မိမိဘ၀ ကောင်းစားရေးတခုတည်း အတွက် လုံးလုံးလျားလျား ခေါင်းညိမ့်နာခံနေတဲ့သူတွေ အပေါင်းအပါအုပ်စုတွေကိုတော့ ဒေါက်တိုင် ကျွန်တွေလို့ပဲ အောက်မေ့ပါ တယ်။ အဲဒါကြောင့် အဖိနှိပ်ခံပြည်သူဘက်က မရပ်တည်တဲ့ သူမှန်သမျှကို ပြည်သူအဖြစ် သတ်မှတ်လို့ မဖြစ်ပါဘူး။
ဒါကြောင့်ပဲ ခေတ်အဆက်ဆက် အုပ်စိုးသူလူတန်းစားကို အဖိနှိပ်ခံ လူမျိုးစုံပြည်သူလူထုကြီးတရပ်လုံးက မျိုးဆက် တဆက်ပြီး တဆက် လက်ဆင့်ကမ်း ပုခုံးပြောင်းတိုက်ပွဲဝင်ပြီး သမိုင်းကို ရေးနေကြတာပါ၊ ဖန်တီးနေကြတာပါ။ သမိုင်းကသာ အဆုံးအဖြတ် ပေးသွားမှာပါ။ လူထုကြီးကသာ သမိုင်းခေတ်ကို ပြောင်းလဲနိုင်စွမ်းရှိပါတယ်။
လူထုရဲ့ ဘ၀အသိကို နိုင်ငံရေးအသိအဖြစ် မြှင့်တင်ပေးရမယ်။ ဆက်စပ်ပေးရမယ်။ လူထု နိုင်ငံရေးအသိ မြင့်မားလာတာနဲ့အမျှ ဖြိုဖျက်လို့မရတဲ့ အင်အားတွေ ပေါ်ပေါက်လာမှာဖြစ်တယ်။ လွဲမှားတဲ့ အတွေးအခေါ်တွေ၊ မှားယွင်းတဲ့ မျှော်လင့်ချက်တွေ မပေးမိ ဖို့လိုတယ်။ ကယ်တင်ရှင်မျှော်တဲ့ အတွေးအခေါ်တွေ၊ အလိုအလျှောက်ဖြစ်ပျက်မှုကို စောင့်စားတဲ့အတွေးအခေါ်တွေ၊ အလျှော့ ပေးအရှုံးပေးတဲ့ အတွေးအခေါ်တွေ မပေးမိဖို့ လိုပါတယ်။ ဒါဟာ အာဏာဖီဆန်ရေး လူထုတိုက်ပွဲအတွက် အင်မတန်မှကို အရေးပါ အခရာကျတဲ့အချက် ဖြစ်ပါတယ်။
၂၀၀၇တုန်းက ပခုက္ကူ၊ စစ်တွေတို့မှာ လူထုက ပြန်အန်တုခဲ့ကြတဲ့ သာဓကတွေကို အတုယူပြီး လူထုဟာ လူထုကို ပြန်ဝန်းရံ ကယ်ဆယ်တဲ့ နည်းလမ်းတွေနဲ့ ၂၀၀၈ ပြင်ဆင်ရေး၊ ဖျက်သိမ်းရေးကို ဦးတည်ရပါမယ်။ တဦးကိုထိရင် တစုက ထိုင်ကြည့်နေရ မယ့် အချိန်မဟုတ်တော့ဘူးဆိုတာ လူထုကြီးက ပြက်ပြက်ထင်ထင်ကို နားလည်နေပါပြီ။
သူတို့ အကျိုးစီးပွားမပါတဲ့ ဘယ်အရာကိုမှ လူထုက စိတ်ဝင်စားမှာ မဟုတ်ပါဘူး။ ကိုက်ညီမညီဆိုတာ လူထုဟာ နလပိန်းတုံးတွေ မဟုတ်တဲ့အတွက် ကောင်းကောင်းသိပါတယ်။ ဘ၀အရကို သိနေတာဖြစ်ပါတယ်။ စစ်အုပ်စုရဲ့ အတုအယောင်မှန်သမျှ ပွင့်ကျ သထက် ပွင့်ကျအောင် ဘက်ပေါင်းစုံကနေ ပညာပေးဖွင့်ချပြတဲ့နည်းတွေနဲ့ ဆက်တိုက်လို့ ရပါတယ်။
အချိန်ရောက်ရင် လူထုကြီးက သူ့သမိုင်းတာဝန်ကို သူကျေပွန်အောင် ထမ်းဆောင်ခဲ့တာချည်းပါပဲ။ အချို့ပညာကျော်တွေ ပြောဆို ဖြန့်ချိနေသလို လူထုကြီးက ကြောက်နေတယ်ဆိုတာ အပေါ်ယံ ဟုတ်သလိုထင်ရပေမဲ့ အမှန်တကယ်က ဘ၀အသိအရ ကြောက် ချင်ယောင် ဆောင်နေရတာပါ။ ဒါဟာ လာမယ့် အနာဂတ်တိုက်ပွဲကာလအတွက် အင်အားသစ်ကို အရံသင့် မွေးမြူပြင်ဆင်ထား တာ ဖြစ်ပါတယ်။ အဲဒါကြောင့် ကြောက်တယ်ဆိုတာ အာဏာရှင်လက်ကိုင်တုတ် တဘို့တည်းသမားတွေအတွက် သုံးတဲ့စကားပဲ ဖြစ်ပါတယ်။ လူထုကြီးရဲ့ မကြောက်တရားစိတ်ကသာ သမိုင်းစာမျက်နှာတွေကို တရွက်ပြီးတရွက် ဆွဲလှန်ပစ်နိုင်တာပါ။
ဒီနေရာမှာ မပြောမပြီး မတီးမမြည်ဆိုသလို တော်လှန်ရေးခေါင်းဆောင်၊ နိုင်ငံရေးခေါင်းဆောင်တွေဟာ လူထုအတွက် ကိုယ်ကျိုး စွန့်အနစ်နာခံ ဘ၀ပေးဆပ်ပြီး တော်လှန်ရေးလုပ်နိုင်ခြင်းဟာ မရှိမဖြစ် အခြေခံကျတဲ့ အရည်အချင်းတရပ် ဖြစ်ပေမဲ့လို့ မှန်ကန် ထိရောက်တဲ့ မူဝါဒလမ်းစဉ်နဲ့ ဒီလမ်းစဉ်ကို အကောင်အထည်ဖော်နိုင်မယ့် ပြတ်သားတိကျတဲ့ ခေါင်းဆောင်မှုရှိဖို့ အထူးလိုအပ် ပါတယ်။
ဒီနှစ်ချက် ဆက်စပ်မှုအားနည်းရင် တော်လှန်ရေးဟာ မအောင်မြင်နိုင်ပါဘူး။ ဒါကြောင့် အားနည်းတယ်ဆိုရင် မှန်ကန်ထိရောက် အောင် အမြန်ဆုံး ညှိနှိုင်းပြင်ဆင်ရပါလိမ့်မယ်။ လတ်တလော ကာလပိုင်းခြားအပေါ် မျောစီးနေတာမျိုးမဖြစ်ဘဲ အမြဲတမ်းလို နည်းလမ်းသစ်တွေကို ရှာဖွေကြံဆနိုင်ပါမှ ခေါင်းဆောင်မှုဟာ မှန်ကန်ထိရောက်နိုင်ပါလိမ့်မယ်။
အသေအချာ လုပ်ရမဲ့ဟာက စည်းရုံးရေးအလုပ်ပါပဲ။ လူထုစည်းရုံးရေးနဲ့ တပ်စည်းရုံးရေး အလုပ်ပါ။
ခေါင်းဆောင်တွေရဲ့ အတွေးအခေါ် ရှင်းလင်းပြတ်သားမှု၊ ရန်-ငါ စည်းပြတ်မှု၊ ပကတိအခြေအနေအပေါ် ကောင်းကောင်း သိမြင် ပိုင်းခြား ခွဲခြမ်းစိပ်ဖြာတတ်မှု အစရှိတဲ့ ဦးဆောင်မှုအရည်အသွေးတွေနဲ့ မိမိရဲ့ မူရင်းလမ်းစဉ်အပေါ် မကွဲလွဲဘဲ လက်တွေ့အနေ အထားအရ အဆင့်ခွဲတွေကိုသတ်မှတ်ပြီး လူထုကို ဦးဆောင်ခေါ်ငင်သွားဖို့ ဖြစ်ပါတယ်။
ဒါကြောင့် လမ်းစဉ်မှန်ကန်မှုရှိမှ လုပ်ငန်းလမ်းညွှန်ချက်ကလည်း မှန်ကန်ထိရောက်နိုင်မယ်ဖြစ်သလို လူထုကြီးအနေနဲ့လည်း ရှင်း လင်းပြတ်သားတဲ့ ဦးဆောင်လမ်းညွှန်မှုအောက်မှာ ယုံကြည်ရဲဝံ့စွာ လိုက်ပါကြမှာ ဖြစ်ပါတယ်။ ဒါမှသာ အားကောင်းမောင်းသန် လူထုနိုင်ငံရေးနဲ့ ကြံ့ခိုင်သန်စွမ်းတဲ့ ပါတီတရပ်အဖြစ် ရပ်တည်နိုင်မှာပါ။
ဒီနေရာမှာ နိုင်ငံရေးပါတီတွေ သတိပြုရမယ့်အချက်က နိုင်ငံရေးပါတီတရပ်ရဲ့ ကြန်အင်လက္ခဏာတွေနဲ့ တင်းပြည့်ကျပ်ပြည့် မဟုတ်သေးတောင် အခြေခံအားဖြင့်တော့ ပြည့်စုံခိုင်ခံ့နေရပါမယ်။ ဒီလိုမှမဟုတ်ဘဲ သမရိုးကျ စဉ်းစားလုပ်ဆောင်ပုံလောက်နဲ့ တင်းတိမ်နေသေးရင်တော့ လူထုသတင်းစာဆရာကြီးပြောတဲ့ ပါတီတရပ်ရဲ့တန်ဘိုးဆိုတာ ပြည်သူလူထုအကျိုးကို ဘယ်လောက် သည်ပိုးရွက်ဆောင်သလဲ ဆိုတဲ့အချက်နဲ့ တိုင်းတာရတယ် ဆိုတဲ့စကားကို အလေးထားဂရုပြုဖို့ ဖြစ်ပါတယ်။
ဒီလိုအနေအထားမှာ ၁၉၉၀ရွေးကောက်ပွဲ အနိုင်ရတပ်ဦးပါတီကြီးဖြစ်တဲ့ အမျိုးသားဒီမိုကရေစီအဖွဲ့ချုပ်နဲ့ ပြည်သူ့လွှတ်တော်ကိုယ် စားပြုကော်မီတီက ရွေးကောက်ပွဲကာလနဲ့ အလွန်ကာလအတွက် ရှေ့ရှု့ဦးတည် ဖော်ဆောင်သွားမယ့် နိုင်ငံရေးလမ်းကြောင်းကို အောက်တိုဘာ(၂၄)ရက်နေ့က ထုတ်ပြန်တဲ့ ကလေးမြို့ကြေညာစာတမ်းနဲ့ လူမျိုးစုံ အမျိုးသားပြည်သူတရပ်လုံးကို ရှင်းရှင်းပြတ် ပြတ် ကြေညာအသိပေးလိုက်ပါပြီ။
ဒါဟာ အမျိုးသားဒီမိုကရေစီအဖွဲ့ချုပ်ရဲ့ နိုင်ငံရေးအရ ရှင်းလင်းပြတ်သားတိကျတဲ့ နိုင်ငံရေးဦးဆောင်မှုဖြစ်သလို တိုင်းရင်းသား လူမျိုးတွေကိုယ်တိုင် ပါဝင်ဖွဲ့စည်း မဲင်းဒိတ်ပေးထားတဲ့ ပြည်သူ့လွှတ်တော်ကိုယ်စားပြုကော်မီတီ စီအာပီပီရဲ့ တိုင်းရင်းသားပြည်သူ
တရပ်လုံးကို ဒီကနေ့ ဘာလုပ်ကြရမယ်ဆိုတာကို ရှင်းရှင်းလင်းလင်း ထပ်မံ မီးမောင်းထိုးပြလိုက်တာလည်း ဖြစ်ပါတယ်။
ဒါကြောင့်မို့ ဒီကြေညာစာတမ်းကို မဏ္ဍိုင်ပြုပြီး တိုင်းရင်းသားလူမျိုးစုတွေ လိုလားတောင့်တတဲ့ ပင် လုံသဘောတူညီချက်လို အမျိုးသားပေါင်းစုံညှိနှိုင်း မှုညီလာခံကြီးတရပ်ဆီ ရှေ့ရှု့ဦးတည်နိုင်ဖို့က ဒီ ကနေ့ရဲ့ နိုင်ငံရေးလိုအပ်ချက်ပါ။ ဒီနိုင်ငံရေးလိုအပ် ချက်ကသာ တိုင်းရင်းသားပြည်သူတရပ်လုံးရဲ့ တန်း တူရေးနဲ့ကိုယ်ပိုင်ပြဋ္ဌာန်းခွင့်ကို အာမခံဖော်ဆောင် ပေးမယ့် စစ်မှန်တဲ့ ဖက်ဒရယ်ပြည်ထောင်စုကြီးကို ပေါ်ထွန်းစေနိုင်မှာမို့ အမျိုးသားပြည်သူတရပ်လုံး က အင်တိုက်အားစိုက် ဆောင်ရွက်ကြဖို့သာ လို အပ်ပါတယ်။
နောက်တခုက အခုလိုအချိန်ဟာ တယောက်တပေါက်လို ဖြစ်နေတဲ့ ပြန့်ကျဲနေတဲ့ ဒီမိုကရေစီအင်အားစုတွေကို စုစည်းဖြစ်လာဖို့ နည်းလမ်းရှာ ရုန်းကန်အားစိုက်ရမယ့် ကာလလည်းဖြစ်ပါတယ်။ စစ်အုပ်စုရဲ့ ယာယီတည်ငြိမ်မှု၊ ယာယီအသာစီးရမှုကို ထင် ယောင်မှားမှု မဖြစ်ဖို့ အရေးကြီးပါတယ်။ မတွေဝေသွားဖို့ လိုပါတယ်။ ဒီအချိန်မှာ ခဏလေးတောင် တွေဝေငေးမောမိရင် ရန်သူကို လက်ဦးမှုပေးလိုက်သလို ဖြစ်သွားမှာမို့ အင်မတန် အန္တရာယ်ကြီးပါတယ်။
အဲဒါကြောင့် ဒေါ်အောင်ဆန်းစုကြည် ခေါင်းဆောင်တဲ့ ၉၀ရွေးကောက်ပွဲအနိုင်ရ အမျိုးသားဒီမိုကရေစီအဖွဲ့ချုပ်နဲ့ တိုင်းရင်းသား ခေါင်းဆောင်တွေ ဦးဆောင်ဖွဲ့စည်းထားတဲ့ ပြည်သူ့လွှတ်တော်ကိုယ်စားပြုကော်မီတီရဲ့ မှန်ကန်တဲ့ နိုင်ငံရေးဦးဆောင်မှုအောက်မှာ ရဲဝံ့ပြတ်သား ယုံကြည်စွာနဲ့ တစုတစည်းတည်း လိုက်ပါရပ်တည်ကြခြင်းက ဒီကနေ့ကာလရဲ့ တိုက်ပွဲလိုအပ်ချက်ကို ပိုမိုရုပ်လုံး ပေါ်လာစေမှာ ဖြစ်ကြောင်းပါ။
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်