ကျနော် တက္ကသိုလ်ကျောင်းသားဘ၀မှာ..နိုင်ငံရေးကိုစိတ်ဝင်စားပြီးနိုင်ငံရေးစာပေတွေဖတ်.. စကားတွေပြော..ဆွေးနွေးပွဲတွေလုပ်နေတုန်းကပေါ့..၈၈ လူထုအရေးတော်ပုံကြီးလည်းမပေါ်ပေါက်သေးဘူး….မတ်လ၊ ဇွန်လ ကျောင်းသားလှုတ်ရှားမူ့တွေလည်းမဖြစ်သေးဘူး ( ဒါပေမဲ့ နည်းနည်းတော့ အချိန်ကပ်နေပြီ )…ကျနော်က ရန်ကုန်တက္ကသိုလ်ဝန်းထဲက အင်းဝဆောင်မှာနေတော့ လှည်းတန်းလမ်းမတို့ ပြည်လမ်းမတို့နဲ့ကနီးတယ်လေ.. နေ့စဉ်မကြာခန အပြင်ထွက်တိုင်းရောက်ဖြစ်တယ်…အမြဲတွေ့နေကြမြင်ကွင်းတခုကတော့ စစ်ကားတွေတ၀ီဝီ. .၀စီမှုတ်သံတညံညံနဲ့..ဖြတ်သန်းသွားလာနေတဲ့ နိုင်ငံတော်အကြီးအကဲများလို့ခေါ်တဲ့သူများရဲ့ယာဉ်တန်းတွေပါ..၊ ကားတွေပေါ်မှာ လက်နှက်ကိုင်လုံခြုံရေးအပြည့်ပါယုံတင်မက..သူတို့သွားလေရာ လမ်းတလျှောက်က..ဘေးဝဲယာ လမ်းမတွေပေါ်က အိမ်ဝိုင်းခြံဝန်းတွေထဲမှာလည်း လုံခြုံရေးစစ်သားများကလည်း..နေရာယူထားသေးသဗျ၊ သူတို့ကိုကြည့်ပြီး ကျနော့်စိတ်ထဲမှာဘာဖြစ်လာသလည်းဆိုတော့…ဒီလိုလူတွေကို အန်တုပြီးတော်လှန်ဘို့ဆိုတာ ဖြစ်ရောဖြစ်နိုင်ပါ့မလား..တို့မှာက လက်နှက်ဆိုလို့..ဓါးမြှောင်တချောင်းတောင်ကောင်းကောင်းရှိတာမဟုတ်… ကျနော်တို့ ဆွေးနွေးခဲ့ဘူးတဲ့..လူထုအုံကြွတော်လှန်မူ့နဲ့ဆိုတာကရော.. အပြောလွယ်သလောက် အလုပ်ရောဖြစ်ပါ့မလား… နောက်တခါ မြို့ထဲကိုသွားတိုင်း ပြည်သူ့လွှတ်တော်အဆောက်အဦရှေ့က ဖြတ်ဖြတ်သွားရတော့..လွှတ်တော်ကျင်းပနေချိန်များဆို…သက်ဆိုင်ရာကိုယ်စားလှယ်တွေရဲ့ခမ်းနားထည်ဝါမူ့တွေ…အဆောင်မှာပျင်းလို့ ရုပ်မြင်သံကြားကြည့်တဲ့အခါတိုင်း ရှောင်လို့မရပဲကြည့်နေရတဲ့ နိုင်ငံတော်ခေါင်းဆောင်ဆိုသူများရဲ့လှုတ်ရှားမူ့နေ့တဓူဝမှတ်တမ်းတွေ…ပြည်သူတွေအပိုင်းကိုကြည့်မယ်ဆိုရင်လည်း..အစိုးရလှုတ်ရှားဆောင်ရွက်နေမူ့မှန်သမျှကို ပြစ်တင်ဝေဖန်ရှုတ်ချ ဆန့်ကျင်သူဆိုတာ မတွေ့ရလောက်အောင်ရှားပါးဆိုတော့..အားလုံးကိုခြုံလိုက်ရင် သိမ်ငယ်စိတ်မသိမသာဝင်ခဲ့မိတယ်.. ဒီလိုအနေထားမျိုးမှာ လက်ရှိခန့်ခန့်ညားညား တိုင်းပြည်ကိုအုပ်ချုပ်နေတဲ့ မဆလ ( မြန်မာ့ဆိုရှယ်လစ်လမ်းစဉ်ပါတီ အစိုးရ )ကိုဖြုတ်ချဘို့ဆိုတာ လေထဲ တိုက်အိမ်ဆောက်ရသလိုမျိုးများလား ဆိုတဲ့အတွေးတွေက ကိုယ့်ကိုယ်ကိုယ်ခြောက်လှန့်ခံရတာ မကြာခနပါ။ အဆင်မသင့်ရင်..ဘ၀ပျက်နိုင်မဲ့ကိန်းဆိုတော့ ကြောက်တာ သိပ်မဆန်းဘူးထင်ပါတယ်။ မဆလ အစိုးရကိုတော်လှန်တိုက်ဖယ်ရှားပစ်ရမယ်ဆိုတဲ့ ကိစ္စမှာ ကျနော်အဲဒီအချိန်အခါက နိုင်ငံရေးအတွေးခေါ်တွေ၊အယူအဆတွေဘာတွေသိပ်သိတာမဟုတ်ပါဘူး၊ တိုင်းပြည်ရဲ့နိမ့်ကျလာတဲ့ စီးပွားရေး၊ လူထုရဲ့ဆင်းရဲမွဲတေမူ့၊ပညာရေး ကျန်းမာရေးအဆင့်တန်းပျက်စီးလာမူ့တွေကိုမြင်တွေ့တိုင်း အုပ်ချုပ်သူအစိုးရကိုကြည့်ပြီးငြိုညင်လာရာက ဆန့်ကျင်ချင်တဲ့စိတ်တွေ ဖယ်ရှားပစ်ချင်တဲ့ခံစားမူ့တွေ ကိန်းအောင်းလာခဲ့တာဆိုပိုမှန်ပါလိမ့်မယ်။ ဒီလိုစိတ်တွေဝင်ပြီး မပြောပလောက်ဘူးလို့ထင်တဲ့လှုပ်ရှားမူ့များကိုလည်း မရဲပဲနဲ့ကျွှဲပြဲစီးနေရသလို လုပ်ခဲ့မိပါတယ်။ ဒါပေမဲ့..နောက်လာလတ္တံ့သော တနှစ်ကျော်ကျော်လောက်အတိုင်းအတာမှာ အဆိုပါ မဆလ တပါတီအာဏာရှင်အစိုးရဟာဘုန်းဘုန်းလည်းပြိုကျပြီး မြန်မာ့လူထုကြားမှာမျက်နှာပမ်းမသာမယာဖြစ်သွားလိမ့်မယ်ဆိုတာ တန်ခိုးရှင်တယောက်ကပြောမယ်ဆိုရင်တောင် လုံးလုံးယုံကြည်ခဲ့မိမှာမဟုတ်တာသေချာပါတယ်လေ၊ အဲဒီအချိန်အခါတုန်းက အမြင့်နေရာတွေမှာရှိခဲ့တဲ့ အာဏာပိုင်များဟာလည်း နောက် တနှစ်ခွဲလောက်အကြာမှာ ငါတို့ဟာ ခွေးကျဝက်ကျ နဲ့လူတွေရဲ့အကြည့်စိမ်းတွေအောက်မှာထာဝရရောက်သွားတော့မယ်ဆိုတာကို နည်းနည်းလေးမှစိုးရိမ်မူ့မရှိမှာ သေချာပါတယ်။လူထုကလည်း မဆလတပါတီအာဏာရှင်အစိုးရကို ကမ္ဘာတည်သရွေ့ထင်နေမိသလို အုပ်ချုပ်နေသူများကလည်း သူတို့နေရာအသီးသီးမှာ ကမ္ဘာတည်သရွေ့ထင်ခဲ့မိမှာမလွဲပါဘူး၊
ယခု နအဖ စစ်အာဏာရှင်များလက်ထက် လွှတ်တော်ကနေပေါ်ပေါက်လာမဲ့ အစီအစဉ်များကို ကျနော်ခံစားကြုံတွေ့ခဲ့ရတဲ့ အရာများနဲ့ချိန်ထိုးပြမယ်ဆိုရင်တောင်မှ..အရင်ကဖြစ်ခဲ့တဲ့ပုံသဏ္ဍန်ကတမျိုး…အခုဖြစ်နေတဲ့ပုံစံကတမျိုး မတူဘူးလို့ဆင်ခြေတွေနဲ့ ဆန့်ကျင်ခံရင်တောင်မှခံရနိုင်ပါတယ်။ အနတ္တ ( ဘယ်အရာမှအစိုးမရခြင်း ) ကိုအစိုးရချင်တာ လူသားတွေရဲ့သဘာဝပါ ၊ အနတ္တဆိုတဲ့ တရားသဘောကိုမဆင်ချင်နိုင်လို့ လက်ရှိအုပ်ချုပ်နေတဲ့ စစ်အာဏာရှင်များဟာ ကမ္ဘာတည်သရွှေ့ကိုစိတ်ကူးယဉ်နေတာပေါ့နော။ တူနီးရှား သမတ ဟာလွန်ခဲ့တဲ့နှစ်က ငါနောက်ထပ်တနှစ်အကြာတိုင်းပြည်ကထွက်ပြေးရတော့မယ်ဆိုစဉ်းစားမိပါသလား….စဉ်းရောစဉ်းစားမယ်ထင်ပါသလား….ထို့အတူ အီဂျစ် သမတကြီး မူဘာရတ်ဟာ..ငါ့ကို တတိုင်းပြည်လုံးက..ဆန့်ကျင်လိမ့်မယ်ဆိုကြိုတင်ပြင်ဆင်ထားမူ့တွေနဲ့ အသင့်လုပ်ထားတယ်ထင်ပါသလား…….ဝေးပါတယ်…သူတို့ကိုယ်သူတို့စဉ်းစားနေမှာကတော့..ကမ္ဘာကုန်တည်သရွေ့ ငါအာဏာရှိနေမှာပဲဆိုတဲ့ အတွေးများသာဖြစ်နေပါလိမ့်မယ်…၊ ထို့နည်းတူစွာ ကမ္ဘာ့နိုင်ငံရေးဇာတ်ခုံပေါ်က မရှုမလှဇာတ်သိမ်းသွားရတဲ့သူတွေရဲ့ဖြစ်စဉ်တွေအများကြီးပါ။
ကျနော်လေ့လာမိသလောက် အာဏာရှင်နိုင်ငံတွေမှ ဒီမိုကရေစီပြောင်းလည်းလာတဲ့နိုင်ငံတွေကပြည်သူတွေတော်တော်များများဟာ ဒီမိုကရေစီနိုင်ငံတော်မရောက်သေးခင် အာဏာရှင် အအုပ်ချုပ်ခံဘ၀မှာသူတို့အုပ်ချုပ်သူအစိုးရဘာပဲလုပ်လုပ်…အတည်ထင်သွားမိတတ်ကြတာပါပဲ၊အုပ်ချုပ်သူလုပ်သမျှကိစ္စအ၀၀ကိုကြီးကျယ်ခန်းနားပြီး ပယ်ဖျက်လို့မရနိုင်လောက်အောင်ခိုင်မြဲတယ်လို့ယူဆမိတတ်ကြပါတယ်၊ အုပ်ချုပ်သူများကလည်း သူတို့အတွက် ကမ္ဘာကုန်တည်သရွေ့ဆိုတဲ့လေထဲတိုက်အိမ်နဲ့ ပြောတတ်ဆိုတတ်လေတော့…လူထုခမျာ ပိုရှိန်ကြတော့တာပေါ့။ ဒီအထဲကမှ ဖောက်ထွက်လာတတ်တဲ့လူနည်းစုလက်တဆုတ်စာ လူစုကစတင်လို့ဘ၀ပျက်သွားတဲ့ အာဏာရှင်အဆက်ဆက်တွေဆိုတာ သမိုင်းစာမျက်နှာတွေပေါ်မှာအထင်အရှားမြင်တွေ့နိုင်ပါတယ်။
နောက်တခါ ဘာကိုစဉ်းစားမိသလည်းဆိုတော့..ကျနော်တို့ငယ်ငယ်က အရပ်ထဲမှာရှိတဲ့ ဘောလုံးအသင်းကိုသွားသတိရမိပါတယ်…တရပ်ကွက်နဲ့တရပ်ကွက်ဘော့လုံးပြိုင်ကြတဲ့အခါ နိုင်တဲ့နေ့ဆိုရင်ပျော်တပြုံးပြုံးနဲ့ပြန်လာကြပေမဲ့ ရှုံးတဲ့နေ့ဆို သူ့ကြောင့် ငါ့ကြောင့်ဆိုတဲ့ အပြစ်တွေကိုမပြတ်တမ်းစွပ်စွဲ ရန်ဖြစ်ကြတော့တာပဲ၊ ဒါပေမဲ့ အခု လက်ရှိနိုင်ငံရေးကိုသုံးသပ်ကြည့်ရအောင်ပါ….ကျနော်တို့ ရှုံးနေတာလား… ဘယ်သူမှ တိုက်ပွဲတခုကို ဖန်တီးတိုက်ခိုက်တဲ့ အခါ ရှုံးအောင်ကို တိုက်မယ်ဆိုတဲ့သူ ရှိနိုင်မယ်မထင်ပါဘူး၊ ဟာကွက် ပျော့ကွက်တွေဆိုတာ..နေရာတိုင်းမှာရှိနေတာပါ၊ ကျနော်နဲ့ facebook ပေါ်မှာ လူငယ်တွေတွေ့ကြတော့..သူတို့မေးတာတခုရှိတယ်…သူတို့ နိုင်ငံရေးကိုစိတ်အားထက်သန်တယ်..သူတို့တိုက်လို့ရောရနိုင်ပါ့မလားတဲ့….ကျနော်ပြန်ပြောမိတဲ့စကားရှိပါတယ်….ငါတို့ ခေတ်တုန်းက ကိုယ်ယုံကြည်တာလေးတွေကိုရေးဘို့ ဝေငှဘို့ဆိုတာ တော်တော်ခက်တဲ့ကိစ္စတခုပါ..ကျောင်းသားလှုတ်ရှားမူ့တွေလုပ်တော့တောင် သဘောထားယုံကြည်ချက်တွေကိုသိနိုင်ဘို့ ဖရောင်းစက္ကူကို ကညစ်နဲ့ရေး မီးချောင်းအရှည်နဲ့လှိမ့်ဖြန့်ခဲ့ရတာ..ဘယ်လောက်ဖြန့်နိုင်မလည်းကွာ….ဒါတောင် မဆလ အစိုးရကို အလဲထိုးနိုင်ခဲ့တယ်..မင်းတို့ခေတ်မှာ တခြားဟာ မကြည့်နဲ့ facebook လိုဟာမျိုးထဲမှာ ကိုယ်ယုံကြည်တာတွေတင်ရေး..လူသိန်းနဲ့ချီပြီးရောက်သွားတာ….စဉ်းစားသာကြည့်တော့ နောက်တခါ မြန်မာပြည်မှာတခုခုမဖြစ်လိုက်နဲ့ ကမ္ဘာနဲ့အ၀ှမ်း မိနစ်ပိုင်းလေးအတွင်းမှာအကုန်ရောက်သွားပြီ….တော်တော်များများသိကုန်ပြီ ၊လုပ်သင့်တာတွေကိုပြင်ဆင်နိုင်ပြီ…ဘယ်လောက်ကွာလည်း..ဘယ်လောက်ကွာလည်း…..ဒီလိုအခြေနေရပ်တွေကြောင့် လည်း ဗိုလ်ချုပ်မှုးကြီး ကိုယ်တိုင်ဝန်ခံရတာမဟုတ်လား..မီဒီယာထိန်းချုပ်ဘို့ခက်တယ်ဆိုတာ..၊ ဒီလိုအခြေနေမျိုးမှာ ဒီလိုအစိုးရမျိုးမှပြုတ်မကျဘူးဆိုရင်..အဲဒီအခါကျမှ ငါတို့တော်တော်ညံ့နေသေးတယ်လို့ဝန်ခံပစ်မယ်။နောက်ဆုံးမပြုတ်ရင်တောင်မှ ပြောင်းရမယ်၊
ကျနော်အားလုံးကိုမေးချင်တာ တခုရှိတယ်..နအဖ စစ်အာဏာရှင်များဟာ..သူ့ဟာသူလည်း ဒီအတိုင်းနေရင်ရတာပါပဲ…ဘာလို့ ရွေးကောက်ပွဲကျင်းပ..လွှတ်တော်လုပ်….တချို့စစ်ဗိုလ်တွေကို ကြိုက်မှန်းသိ မကြိုက်မှန်းသိ..ယူနီဖောင်းချွှတ်…နိုင်ငံရေးတွေထဲဝင်ခိုင်း စသဖြင့်ပေါ့..အဲဒါတွေ..ဘာလို့လုပ်နေဘို့လိုတာလည်း…..
ကျနော့်အမြင်ကိုပြောကြည့်မယ်….နိုင်ငံတကာထောက်ခံမူ့အတွက်လုပ်နေတာ
ဘာလို့နိုင်ငံတကာထောက်ခံမူ့လိုချင်တာလည်း………..
နိုင်ငံတကာက စီးပွားရင်းနှီးမြူတ်နှံမူ့တွေလိုချင်လို့…နောက်တခါ သူတို့ရဲ့နိုင်ငံရေးသြဇာကို ခိုင်ခံ့ချင်လို့
သူတို့ရည်မှန်းတဲ့အတိုင်းဖြစ်လာမယ်လို့ထင်သလားလို့မေးမယ်ဆိုရင်..မထင်ပါဘူးလို့ပဲဗြောင်ပြောပရစေ…၊ဒါဆို တိုင်းပြည်စီးပွားရေးက ဒုံရင်းဒုံရင်းနဲ့ပဲချာလပတ်ရမ်းနေဦးမှာပါ..၊ လာရောက်ရင်းနှီးမြူတ်နှံမဲ့သူတွေရှိခဲ့မယ်ဆိုရင်တောင်မှ မဖြစ်ညစ်ကျယ်အဆင့်ထက်မပိုနိုင်လောက်ပါဘူး၊ ဒါဆို ဗျူဟာကျကျစီစဉ်ထားတဲ့ ရွှေးကောက်ပွဲနဲ့ လွှတ်တော်ဟာ အကျိုးအနည်းငယ်ရှိနိုင်တာကလွဲလို့ မှန်းချက်နဲ့နှမ်းထွက်တော့ကိုက်မဲ့အစီအစဉ်မရှိဘူးဆိုတာကြိုမြင်နေရပါတယ်။
တကယ်တော့ ၈၈ လူထုအရေးတော်ပုံကြီးကစလို့..စစ်အာဏာရှင်များရဲ့လွှတ်တော်ပေါ်ပေါက်လာချိန်ထိ အတိုက်အခံဒီမိုကရေစီအင်အားစုများရဲ့လှုတ်ရှားမူ့များဟာ အရေးနိမ့်သွားပြီ လက်လွတ်ဆုံးရှုံးသွားပြီလို့တော့ ကျနော်လုံးဝမမြင်မိပါဘူး စီးပွားပုံစံတခုနဲ့ပြောရရင် ရင်းနှီးမြုတ်နှံပြီး အမြတ်ရရှိဘို့ကြိုးစားနေချိန်ကာလမှာ စီးပွားပျက်နေပြီလို့မြင်မယ်ဆိုရင် နဂိုကထဲက ဒီစီးပွားမလုပ်တာအကောင်းဆုံးပါ၊တကယ်လုပ်ဆောင်နေရသူတွေမှာ အခက်ခဲတွေတလှေကြီး အန္တယာယ်တွေ အနန္တ နဲ့ရင်ဆိုင်နေရတာပါ…မြန်မာ့ဒီမိုကရေစီရေစီးကြောင်းဟာ ရပ်တန့်နေသေးတာမဟုတ်ပါဘူး ဆက်လက်စီးဆင်းမြဲပါ။
နောက်တခါ တူနီးရှားတို့ အီဂျစ်တို့နဲ့ အရှေ့အလယ်ပိုင်းမှာဖြစ်ပျက်နေတဲ့ကိစ္စများဆီ တချက်လှည့်ကြည့်ရအောင်ပါ ၊ တူနီးရှားနဲ့ အီဂျစ်မှာ လူထုအုံကြွမူ့တွေဖြစ်နေတော့ ကျနော်တို့နေထိုင်ရာဒေသမှာ တူနီးရှားတွေ အီဂျစ်တွေရှိပါတယ် သူတို့နဲ့ကျနော် တွေ့ဆုံရင်းစကားတွေပြောဖြစ်ခဲ့ပါတယ်။ တူနီးရှားတယောက်ကဘာပြောသလည်းဆိုတော့….သူတို့လူထုက တော်လှန်လို့သာ တော်လှန်တာတဲ့ တကယ်တော့ အခုထွက်ပြေးသွားတဲ့ အာဏာရှင်ခေါင်ဆောင် အစိုးရကို တော်တော်ကြောက်ကြတယ်တဲ့….တခါ..အီဂျစ်တွေကလည်း ဒီအတိုင်းပဲပြောပါတယ်..အီဂျစ်မှာရှိနေတဲ့ပြည်သူလူထုကြီးဟာ မူဘာရတ် အစိုးရကို ဒီလောက်ထိရဲရဲဝံ့ဝံ့အုံကြွတော်လှန်လိမ့်မယ်လို့တောင် သူတို့မထင်မိခဲ့ဘူးတဲ့…လူထုဟာ..အစိုးရကို တော်တော်ကြောက်ရွံ့ကြတယ်တဲ့……..ကျနော် စိတ်ထဲမှာ ကောက်ချက်လေးတခုတော့ရှိနေပြီ…ဒါနဲ့ပဲ သုတေသနတခုလိုသဘောထားပြီး…ကျနော် လိုက်လံစစ်တမ်းကောက်ကြည့်ခဲ့တယ် အများကြီးတော့မဟုတ်ပါဘူး..လက်လှမ်းမှီသလောက်ပေါ့ အမေရိကားမှာနေထိုင်နေတဲ့ တူနီးရှား ၊ အီဂျစ် ၊ တောင်ကိုရီးရား ။ တောင်အာဖရိက၊ ဘော့စနီးယား စတဲ့ နိုင်ငံသားတွေထဲက တချို့ကိုစစ်တမ်းကောက်ကြည့်တဲ့ အခါ အောက်ပါ အဖြေတွေ ထွက်လာခဲ့တယ်…..
- လူထုတရပ်လုံးဟာ ကြောက်ကြောက်နဲ့ပဲတော်လှန်ခဲ့တယ်
- နိုင်ငံရေးကို ယုံကြည်လုပ်ဆောင်သူတော်တော်များများဟာ ပထမမှာ လူထုရဲ့နိုင်ငံရေးလိုက်ပါဆောင်ရွက်နိုင်မူ့အားကိုကြည့်ပြီး ၊ နိုင်ငံရေးသမားများရဲ့လုပ်ဆောင်ချက်တွေ ကိုယ်ကျိုးစီးပွားအတွက်လုပ်ဆောင်မူ့တွေကိုမြင်ပြီး စိတ်ဓါတ်တွေကျဆင်းခဲ့ကြတယ် အားမရမူ့တွေဖြစ်ခဲ့တယ်
- မိမိ တော်လှန်လိုတဲ့ အာဏာပိုင်များရဲ့ ခန်းနားထယ်ဝါမူ့တွေ ၊ ရက်စက်မူ့တွေ ၊နှိပ်ကွပ်မူ့တွေကိုကြည့်ပြီး တော်လှန်ရေး ဘယ်တော့မှအောင်မြင်ဘို့မလွယ်တော့ပါဘူးလို့ ထင်ရောင်မှားမိကြတယ်
- တော်လှန်ရေးတကယ်အောင်မြင်တဲ့အခါ မှာတော့ဒါတွေအားလုံးကွယ်ပျောက်သွားပြီး အိပ်မက်တခုလိုတောင်ခံစားခဲ့ရတယ်…ဆိုတဲ့ စတဲ့ စတဲ့ ကောက်ချက်တချို့ကိုရခဲ့ပါတယ်။
မြန်မာနိုင်ငံက နိုင်ငံရေးကိုယုံကြည်ချက်ကြောင့် စိတ်ဝင်စားသူပဲဖြစ်ဖြစ် လုပ်ဆောင်နေသူများပဲဖြစ်ဖြစ် အားလုံးနီးပါးလောက်ဟာလည်း..သူတို့ခံစားခဲ့ရပုံတွေ…ကြုံတွေ့ခဲ့ရပုံတွေ….အားမရဖြစ်ခဲ့ရပုံတွေနဲ့ တသားထဲ တထပ်တည်းမဟုတ်တောင် သိပ်တော့ခြားနားမူ့မများလောက်ပါဘူး အထက်ဖော်ပြပါအချက်ထဲမှာ (မိမိ တော်လှန်လိုတဲ့ အာဏာပိုင်များရဲ့ ခန်းနားထယ်ဝါမူ့တွေ ၊ ရက်စက်မူ့တွေ ၊နှိပ်ကွပ်မူ့တွေကိုကြည့်ပြီး တော်လှန်ရေး ဘယ်တော့မှအောင်မြင်ဘို့မလွယ်တော့ပါဘူးလို့ ထင်ရောင်မှားမိကြတယ် ) ဆိုတဲ့ အချက်က သိပ်အရေးကြီးတယ်ဗျ ကျနော် တို့ ၈၈ လူထုတော်လှန်ရေးကြီးဟာ အရှိန်တော်တော်မြင့်မားနေတဲ့အချိန်ကိုရောက်နေတာတောင်မှ မဆလ တပါတီအာဏာရှင်များဟာ လွှတ်တော်ကြီးကို ခန်းခန်းနားနားကျင်းပပြီး လုပ်ကောင်းနေတုန်း အကြောင်းမသိသူများဆိုရင် “ ရှိန် ” သွားလောက်တယ်။အခုလည်း ဒီလိုပါပဲ ခပ်တည်တည်နဲ့ နေပြည်တော်မှာ ခန်းခန်းနားနားကြီးကြီးကျယ်ကျယ် လွှတ်တော်ကြီးကျင်းပနေတာဆိုတော့ မတွေ့ကြုံဘူးသေးတဲ့ ၊ တွေ့ကြုံပါတယ်ဆိုရင်တောင်မှ မခံစားဘူးသေးတဲ့ သူများအတွက်တော့ “ ရှိန် ”မယ်ဆို ရှိန်လောက်ပါပေတယ်။ ဒါဟာလူထုတော်လှန်ရေးကို မျက်ကွယ်ပြုပြီးစဉ်းစားချက်တွေပါ……၈၈ လူထုတော်လှန်ရေးကြီးဖြစ်ခါနီးလောက်မှာ ကျနော်နဲ့ နီးစပ်ရာကျောင်းသားတွေကို စည်းရုံးကြည့်တော့…လုံးဝမဖြစ်နိုင်တဲ့ကိစ္စ..မြင့်မိုရ်တောင်ကိုဇီးစေ့နဲ့ပေါက်တဲ့လုပ်ရပ် ၊ နံရံကို ကြက်ဥနဲ့ပေါက်တဲ့ စိတ်ကူးယဉ်မူ့များ စသဖြင့် သတ်မှတ်ခံခဲ့ရဘူးပါတယ်။ တော်လှန်ရေးမှာ ဦးဆောင်ပါဝင်လာတဲ့ ကျောင်းသားတော်တော်များများ ဒီအတိုင်းရင်ဆိုင်ခဲ့ဘူးပါတယ်။
ကျနော် အဓိကတင်ပြချင်တဲ့ အချက်ရှိပါတယ် အရေးကြီးတယ်လို့လည်းမြင်ပါတယ်…ဒါကတော့..ပြည်တွင်းအားသည် ပြည်တွင်းမှာသာရှိသည်၊ မြန်မာပြည်ရဲ့အရေးကို မြန်မာပြည်သူများကပဲအဆုံးဖြတ်ပေးလိမ့်မည်တခြားဟာတွေ တခြားနိုင်ငံတွေမလို ဆိုတာ ရှေးက တဘက်သတ်စွဲလန်းခဲ့တဲ့အယူအဆဟောင်းတခုပဲလို့မြင်ပါတယ်…ပြည်တွင်းအားသည်ပြည်တွင်းမှာလည်းရှိတယ်ဆိုတာမငြင်းပါဘူး နိုင်ငံတကာအားလည်းလိုပါတယ်။ အာဏာရှင်မှန်သမျှဟာ ပြည်တွင်းမှာဖြစ်ပေါ်လာမဲ့ လူထုအုံကြွမူ့ကိုမကြောက်တတ်ပါဘူး တခါ နိုင်ငံတကာဖိအားပေးမူ့များကိုလည်း မစိုးရိမ်ပါဘူး သူတို့အလွန့်အလွန်ကိုကြောက်တာကတော့ ပြည်တွင်းကဖြစ်ပေါ်လာမဲ့ လူထုအုံကြွမူ့များကို နိုင်ငံတကာကဖိအားပေးဆောင်ရွက်မူ့များနဲ့ ဆက်စပ်သွားမှာကိုတော့ ကြောက်ကြပါတယ်။ အဲဒီနှစ်ခု သီးခြားရှိနေသရွေ့မည်ကဲ့သို့သော လူထုတော်လှန်ရေးကြီးပေါ်ပေါက် ပေါ်ပေါက် အာဏာရှင်များကမဖြုံတတ်ဘူးဆိုတာသေချာနေပါတယ်။ ပြည်တွင်းလူထုတော်လှန်ရေးကို နိုင်ငံတကာဖိအားနဲ့ဆက်စပ်နိုင်ဘို့ဘာတွေလိုအပ်ပါသလည်းဆိုရင်……မိမိတို့ရဲ့နိုင်ငံရေးမဟာဗျူဟာအတိအလင်း ကမ္ဘာသိအောင် ( လက်ခံနိုင်တဲ့ နိုင်ငံရေးမဟာဗျူဟာ ဖြစ်ဘို့လိုပါတယ် ) ကျေငြာနိုင်ဘို့လိုပါတယ်။ အဲဒါဟာသိပ်အရေးကြီးတဲ့ အချက်ပါ၊ ကမ္ဘာကြီးရဲ့ဒီမိုကရေစီလှိုင်းကြီးဟာ ဘယ်ကိုရွေ့နေပါသလည်း လေ့လာကြည့်ပါ…လွတ်လပ်တဲ့ဒီမိုကရေစီ လို့ပဲပြောပြော လစ်ဘရယ်ဒီမိုကရေစီလို့ပဲဆိုဆို…အဲဒီကိုဦးတည်ရွေ့လျှားနေပါတယ်။ လွတ်လပ်တဲ့ဒီမိုကရေစီနိုင်ငံအချင်းချင်းဖေးမလက်တွဲပါတယ်။ လွတ်လပ်တဲ့ဒီမိုကရေစီ အလိုရှိသူနိုင်ငံတိုင်းကို နည်းပေါင်းစုံနဲ့ ကူညီတတ်ပါတယ်။ အဲသလိုမဟုတ်ပဲ ဆန့်ကျင်ဘက်အနေထား ဒီမိုကရေစီပဲပြောပြော စနစ်တခုပဲပြဌာန်းခဲ့မယ်ဆိုရင် ကမ္ဘာနဲ့အလှမ်းဝေးသွားမယ် ၊ လူထုတော်လှန်ရေးနဲ့ ကမ္ဘာ ချိတ်ဆက်ပြုတ်သွားပြီး စစ်အာဏာရှင်များပြုသမျှခံဘ၀မှာနှစ်များစွာကြာသွားပါလိမ့်မယ်။နိုင်ငံရေးမဟာဗျူဟာကို ရဲဝံ့ပြတ်သားစွာထုတ်ဖော်ပြသရဲဘို့လိုပါတယ်။ မှန်ဘို့လိုပါတယ်။လူထုအုံကြွမူ့နဲ့နိုင်ငံတကာဖိအားပေးနိုင်မူ့အခြေနေနှစ်ရပ်ဟာ…တခုနဲ့တခုဒွန်တွဲနိုင်တဲ့တနေ့…စစ်အစိုးရ အာဏာစွန့်ခွာရမဲ့နေ့ဖြစ်မယ်ဆိုတာ..ပြောချင်ပါတယ်။ နောက်ပြသနာတခုက နိုင်ငံရေးကို ပြည်တွင်းမှာပဲလုပ်လုပ် ပြည်ပမှာပဲလုပ်လုပ် ၊ လုပ်ဘို့လိုတာပါ ၊ ယနေ့ခေတ်ဟာ သွေးအစုတ်ခံအလုပ်သမားထုဘက်က ရပ်တည်ကြ..နယ်ချဲ့ကိုတော်လှန်ကြ ဆိုတဲ့ခေတ်မဟုတ်ပါဘူး ။ နည်းပညာခေတ် ၊ အိုင်တီခေတ် ၊ ဂလိုဘယ်လိုက်ဇေးရှင်း ခေတ်ကြီးမှာ ကမ္ဘာကြီးဟာရွာကြီးဖြစ်နေပါပြီ ၊ တနေရာနဲ့တနေရာ မိနစ်ပိုင်းအတွင်း အားလုံး အလုပ်လုပ်နိုင် သိနေနိုင်တဲ့ခေတ်ကြီးမှာ ဒီအတွေးခေါ်းတွေကို မတွေးသင့်တော့ပါဘူး ဒါဟာကျဉ်းမြောင်းတဲ့ အယူအဆတခုဖြစ်နေပါလိမ့်မယ်။
လွန်ခဲ့တဲ့ တစ်လလောက်က တူနီးရှား သမတဟာ..သူ့နိုင်ငံကနေ ထွက်ပြေးသွားရလိမ့်မယ်လို့ စဉ်းစားမိပါသလား..ပြည်သူလူထုတရပ်လုံးကရော..ထင်ပါသလား………
အီဂျစ်နိုင်ငံမှာ အနိုင်ကျင့်ဗိုလ်ကျမူ့တွေနဲ့ အာဏာရှင်ဆန်ဆန် နှစ်များစွာ အုပ်ချုပ်ခဲ့တဲ့ သမတ မူဘာရတ်ဟာ “ ငါ့ကို နောက်တပတ်အကြာမှာ လူထုက သမတရာထူးကဆင်းပေးဘို့..အုံကြွလိမ့်မယ်လို့… သူစဉ်းစားဖြစ်လိမ့်မယ် ထင်ပါသလား…လူထုကရော ဒီလိုကြီးကျယ် ပြင်းထံတဲ့ အုံကြွမူ့ကြီးဖြစ်ပေါ်လာလိမ့်မယ်..အစိုးရအဖွဲ့ ဖျက်သိမ်းလိမ့်မယ်…သမတ မူဘာရတ် ရာထူးကနေ နားဘို့အထိ ဆုံးဖြတ်လာလိမ့်မယ်လို့…ကြိုသိထားတဲ့အတွက် လူထုအုံကြွမူ့ကို လုပ်ခဲ့တာလို့ သင်ထင်ပါသလား…..
အနာဂါတ်ဆိုတာ ဘယ်သူမှကြိုမသိနိုင်ပါဘူး…စစ်အာဏာရှင်များက သူတို့လုပ်စရာရှိတာကို အရှိန်မပျက်ဆက်လုပ်ပါလိမ့်မယ်…လူထုကလည်း ကိုယ်လုပ်စရာရှိတဲ့ ( စစ်အာဏာရှင်များကို ဖြုတ်ချဘို့ ) စနစ်တကျနည်းလမ်းများ ၊ မှန်ကန်တဲ့နိုင်ငံရေးမဟာဗျူဟာများကိုချမှတ်ထားပါ…..အနိမ့်ဆုံး ၀ိရိယ အကျိုးတော့ခံစားရမှာမလွဲပါဘူးလို့တင်ပြချင်ပါတယ်။
အနာဂါတ်ကို ဘယ်သူကြိုသိနိုင်သလည်း……..?
အမိနိုင်ငံ ဒီမိုကရေစီနဲ့ လူ့အခွင့်ရေးလွတ်မြောက်မူ့အတွက် မြွေမကြောက်ကင်းမကြောက်၊ထောင်မကြောက် တန်းမကြောက် လုပ်ဆောင်နေသော ဒေါ်အောင်ဆန်းစုကြည်အပါဝင် မင်းကိုနိုင်၊ကိုကိုကြီး၊မင်းဇေယျာ၊ဌေးကြွယ်အပါဝင် အားလုံး အားလုံးသော ရဲဘော်များ ပြည်သူလူထုတွေအတွက် ကျနော့်ရင်ထဲခံစားချက်တခုကိုပြောခြင်ပါတယ်…..ကျနော် မြန်မာပြည်တွင်းကနေ ပြည်ပကိုထွက်ခွာလာတော့ ကိုမင်းကိုနိုင်အပါဝင် ၈၈ ခေါင်းဆောင်တချို့ကပြောပါတယ် “ တယောက်ပဲ့သွားပြန်ပြီကွာတဲ့ ” ဒီသတင်းကိုကြားလိုက်ရတဲ့အချိန်မှာ ကျနော်စိတ်မကောင်းဖြစ်မိပါတယ် ကျနော်သူတို့ကို တနေရာကတဆင့်စကားပါးလိုက်ပါတယ်….ကျနော်ဟာ ခင်ဗျားတို့ယုံကြည်ချက်ခံယူချက်တွေနဲ့တသားတည်းရှိနေမှာပါ..ဘယ်တော့မှကွဲပြားသွားမှာမဟုတ်ပါဘူး…အဲ…ကွဲပြားသွားတဲ့အချက်ကတော့…ခင်ဗျားတို့လောက် သတ္တိမရှိတော့တာရယ်..ခင်ဗျားတို့လောက် စွန့်လွှတ်အနစ်နာမခံနိုင်တော့ဒါရယ်…အဲဒါတော့ကွဲပြားသွားပါတယ် ဒါပေမဲ့.ကျနော်တတ်နိုင်သလောက် ဒီမိုကရေစီရေးအတွက်ပေးဆပ်သွားပါ့မယ်…ခင်ဗျားတို့လောက်မဟုတ်ရင်တောင်မှပေါ့လို့….သေချာတာကတော့ မပြစ်မှားဘူး…ဘာလို့လည်းသိလား…ခင်ဗျားတို့ရဲ့အနစ်နာခံမူ့တွေ ရိုးသားမူ့တွေ သတ္တိတွေကို ယုံကြည်လို့ပဲ…..ထို့အတူ ဒေါ်အောင်ဆန်းစုကြည်အပါဝင် မြန်မာနိုင်ငံအတွင်းမှာ ကိုယ်ကျိုးမဖက် ရဲရဲဝံ့ဝံ့လုပ်ဆောင်နေသော ပြည်သူလူထုကို ဒီစကားပါးချင်ပါတယ်…ဘယ်တော့မှမပြစ်မှားဘူး …ဘာလို့လည်းသိလား……
အနစ်နာခံမူ့တွေ ရိုးသားမူ့တွေ သတ္တိတွေကို ယုံကြည်လို့ပဲ…..
အနာဂါတ်ကို ဘယ်သူကြိုသိနိုင်သလည်း……..?
အနာဂါတ်ကို ဘယ်သူကြိုသိနိုင်သလည်း……..?
အားလုံးကိုလေးစားစွာဖြင့်
မောင်မောင်ဝမ်း
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်