“Soft Power ဗျ” အိုဘားမားက ရေနွေးခွက်ကို စားပွဲပေါ်ပြန်ချရင်း ဦးသိန်းစိန်ကို တည့်တည့်ကြည့်၍ ပြောလိုက်သည်။
“ Soft Power” “ Soft Power” ဦးသိန်းစိန်က အိုဘားမားပြောသည့်အတိုင်း တစ်လုံးချင်းရေရွတ်လိုက်သည်။
“အမှန်ပဲ Soft Power မှာ ခင်ဗျားတို့ တရုတ်ကို ကျော်တက်လို့ရနိုင်ခြေတွေ အများကြီးရှိတယ်၊ မြန်မာတွေ မညံ့ဘူးဆိုတာ ကျုပ်တို့ အနောက်တိုင်းသားတွေ ကောင်းကောင်းသိပါတယ်၊ အဓိက ခင်ဗျားတို့နိုင်ငံက အင်္ဂလိပ်စာ အရည်အသွေး ကောင်းနေသေးတာပဲ၊ လူသား အရင်းအမြစ်ချင်း တရုတ်နဲ့ ပြိုင်လို့ရပါတယ်၊ စစ်ရေးအရ ထိပ်တိုက်တွေ့ဖို့ ကတော့ မဖြစ်နိုင်ပါဘူး၊ ကျွန်တော်တို့တောင် တရုတ်ကို စီးပွားရေးအရရော ပထဝီ အနေအထား အရပါ မိတ်ဆွေဖြစ်အောင် ကြိုးစားနေရတယ်၊ အဓိကတော့ စစ်ဖြစ်ရင် အမေရိကားရော၊ တရုတ်ရော၊ ခင်ဗျားတို့ပါ သုံးဦးသုံးဖလှယ် ထိခိုက် လိမ့်မယ်၊ ဒီတော့ Radical နည်းကိုတော့ မစဉ်းစားပါနဲ့တော့၊ မေ့ထားလိုက်ပါ”
“ ဒါဆို အဲ့ဒီ ခင်ဗျားပြောတဲ့ Soft Power တွေအတွက် ခင်ဗျားတို့က ကျွန်တော်တို့ကို ဘာတွေ လုပ်ပေးနိုင်မှာလဲ”
အိုဘားမားက တစ်ချက်ပြုံးလိုက်ရင်း “အဓိကတော့ မရိုးနိုင်တဲ့ ဓာတ်ပြားဟောင်းကြီးပေါ့ဗျာ၊ ပညာရေးပဲ ပြန်ရောက်သွားတာပေါ့၊ ဘာပဲ ပြောပြော ခင်ဗျားတို့နိုင်ငံက အင်္ဂလိပ်စာအရည်အသွေးက တရုတ်ထက်တော့ အများကြီးသာသေးတယ်ဗျာ၊ ပညာရေးကို အဆင့်မြှင့်လိုက်ရင် လူတွေလည်း ကျွဲကူးရေပါ အတွေးအခေါ်တွေ၊ အသိဥာဏ်တွေ မြင့်လာကြမှာပါ၊ ခင်ဗျားအနေနဲ့လည်း ပညာရေးကို စိတ်ဝင်တစားရှိတယ်လို့ ကျွန်တော် သိရပါတယ်၊ ကျွန်တော်တို့က ခင်ဗျားတို့ဆီမှာ ပညာရေးနဲ့ ပတ်သက်တဲ့ဟာတွေ လာပြီးရင်းနှီးမြုပ်နှံမယ်၊ ကူညီမယ်ဗျာ၊ ဥပမာ ဟားဗတ်ရဲ့ ကောလိပ်တစ်ခု ဒီမှာ လာဖွင့်တာမျိုး၊ Institute တွေ ထောင်ပေးတာမျိုးပေါ့၊ တရုတ်နဲ့ ဆက်ဆံမယ့်ကိစ္စရပ်တွေမှန်သမျှကို ဥပဒေကြောင်းအရ အဲ့ဒီ ကောလိပ်တွေ၊ Institute တွေက စာမေးပွဲစစ်လိမ့်မယ်၊ တရုတ်ရဲ့ Proposal တွေကို သုတေသနလုပ်မယ်၊ လေ့လာလိမ့်မယ်ပေါ့ဗျာ၊ ဒါဆိုရင် တရုတ်က ခင်ဗျားတို့ကို လွှမ်းမိုးချင်တိုင်း လွှမ်းမိုးလို့ မရတော့ဘူးပေါ့”
“ဒါတော့ဟုတ်တယ်ဗျာ၊ အခု မြစ်ဆုံဆည်ကိစ္စပဲကြည့်၊ တရုတ်မှာ သူတို့ဥပဒေရှိတယ်၊ ၂၀၀၃ခုနှစ်က ထုတ်ထားတာ၊ ဒီလိုစီမံကိန်းမျိုး သူတို့ နိုင်ငံမှာလုပ်ခွင့်မရှိဘူး၊ ဒါကြောင့် ကျွန်တော်တို့မြစ်ဆုံကို မျက်စောင်းထိုးလာတာ၊ ပြီးတော့ ခင်ဗျားစဉ်းစားကြည့် အရည်အသွေးနိမ့် ပစ္စည်းတွေ သွင်းချင်တိုင်း သွင်းနေတာ၊ ဒါတော့ ကျွန်တော်တို့နိုင်ငံ အခြေအနေနဲ့လည်း ဆိုင်တာပေါ့လေ၊ ပြောရရင် ခင်ဗျားတို့ စီးပွားရေး ပိတ်ဆို့ထားတာ ကြောင့်လဲ ပါတယ်ဗျ၊ အဆိုးဆုံးကတော့ အရည်အသွေး စိစစ်ခြင်းမရှိတဲ့ အစားအသောက်တွေပဲ၊ ဒါကတော့ ရေရှည်မှာ အမျိုးသား ကျန်းမာရေးကိုပါ ထိခိုက်နိုင်တဲ့ ကိစ္စဗျ”
“ဒါပဲလေ၊ ခင်ဗျားတို့မှာ အမျိုးသားကျန်းမာရေးကို ကာကွယ်ဖို့၊ အမျိုးသားအကျိုးစီးပွားကို ကာကွယ်ဖို့ လုံလောက်တဲ့ ဥပဒေတွေ ရေးဆွဲနိုင် ရဲ့လား၊ အကယ်ဒမစ်တွေ မရှိရင် မဆွဲနိုင်ဘူးလေ၊ ဒါကြောင့် ပညာရေးမှာ အားစိုက်ဖို့ ပြောတာပေါ့၊ ကျုပ်တို့လဲ ကူညီနိုင်ပါလိမ့်မယ်၊ တရုတ်ကုမ္ပဏီ တွေဟာ အလုပ်သမားအခွင့်အရေး ဂရုမစိုက်တာ၊ မူပိုင်ခွင့်တွေ ချိုးဖောက်တာ၊ အတုလုပ်တဲ့ ပြဿနာတွေ ကျုပ်တို့လည်း ရင်ဆိုင်နေရတာပါပဲ၊ ဒါတွေကို စိစစ်ဖို့ကျတော့ အခုနပြောတဲ့ Soft Power ချင်း ယှဉ်ရတော့မယ်ဗျ၊ တရုတ်ဟာ သူ့ရဲ့အမျိုးသားအကျိုးစီးပွားကို အကြောင်းပြပြီး ကြီးထွားချင်တိုင်း ကြီးထွားလာနေတယ်၊ သူကြီးထွားတာ တခြားသူတွေကို မထိခိုက်ဖို့တော့ လိုမယ်၊ ကာဗွန်ဒိုင်အောက်ဆိုဒ် လျော့ချဖို့၊ သဘာဝ ပတ်ဝန်းကျင် ထိန်းသိမ်းဖို့ ဆိုတဲ့ကိစ္စတွေမှာ တရုတ်ကြီးကို ပူးပေါင်းပါဝင်လာအောင် ဆွဲဆောင်နိုင် ရမယ်ဗျ”
“ဒီကိစ္စထင်သလောက် လွယ်ပါ့မလား၊ ကျွန်တော်တို့ကတော့ ဘိုးဘေအတီအတေတည်းက တရုတ်အကြောင်း ကောင်းကောင်းသိတယ်၊ သူ့ အိပ်ကပ်ထဲကဟာကို ထိလာရင်တော့ တရုတ်တွေ သည်းမခံဘူးဗျ”
“မစိုးရိမ်ပါနဲ့၊ ကမ္ဘာ့အသိုင်းအဝိုင်းမှာ တစ်ဦးတည်း တစ်ယောက်တည်း ရပ်တည်လို့ မရတော့ပါဘူး၊ ဒါကို တရုတ်တွေ သဘောပေါက်ဖို့ လိုတယ်၊ အခုဆိုရင် ကျွန်တော်တို့ အမေရိကားရဲ့ အားထားရတဲ့ မိတ်ဆွေနိုင်ငံအချို့ ဆုံးရှုံးရတယ်၊ တရုတ်လဲ သူ့အိမ်နီးချင်းနိုင်ငံတွေအပေါ်မှာ အသာစီးယူတာ များလာရင် ကျွန်တော်တို့ ခံစားနေရတဲ့ အခြေအနေမျိုး ဖြစ်နိုင်ပါတယ်၊ ပစိဖိတ်ဒေသက နိုင်ငံတွေဟာ လုံခြုံရေးအတွက် အမေရိကားရဲ့ ထီးရိပ်ကို လိုအပ်တုန်းပဲလေ၊ ဒီတော့ ခင်ဗျားမပူနဲ့၊ တရုတ်ပြည်အနေနဲ့ မြန်မာနိုင်ငံကို တစ်ချီတည်းနဲ့တော့ ရိုက်သတ်မစားဘူး၊ ခင်ဗျားတို့က တရုတ်အတွက် ရွှေဥ ဥပေးနေတဲ့ ငန်းပဲလေ”
“အခုလောလောဆယ်တော့ မြစ်ဆုံစီမံကိန်း ရပ်တန့်လိုက်လို့ တရုတ်တွေ အော်နေကြပြီဗျ၊ မဆီမဆိုင် ဟောင်ကောင်ကတောင် လှမ်းချလိုက် သေးတယ်၊ ကျွန်တော်တို့ဟာ တရုတ်ကုမ္ပဏီတွေရဲ့ အကျိုးစီးပွားကို မကြည့်ဘူး၊ ကတိမတည်ဘူး စသည်ဖြင့်ပေါ့ဗျာ”
“ဒါလည်း ခင်ဗျားစိတ်ထဲ မထားပါနဲ့၊ နိုင်ငံတကာမှာ ဒီပလိုမေစီအရ ကန့်ကွက်ရတဲ့ ယဉ်ကျေးမှုတစ်ခုပါ၊ ကျွန်တော်ပြောသလိုပဲ တရုတ်မှာ ခင်ဗျားတို့ဆီက ရနိုင်တာ အဲ့ဒီမြစ်ဆုံ စီမံကိန်းထက် အများကြီး တန်ဖိုးရှိတာတွေ ရှိသေးတယ်၊ သူတို့အတွက်တော့ မြစ်ဆုံစီမံကိန်း ဖျက်ရလဲ ကင်းခြေများ ခြေထောက်တစ်ချောင်း ကျိုးတာလောက်ပဲ ရှိမယ်၊ ပူမနေစမ်းပါနဲ့ဗျာ၊ ကျွန်တော်ပြောပြီးပါရော၊ ရွှေဥ ဥပေးတဲ့ငန်းကို ရိုက်မသတ်ပါဘူးလို့”
“ကျွန်တော်တို့အနေနဲ့လည်း စစ်တော့မဖြစ်ချင်ပါဘူး၊ ဒါပေမယ့် အမျိုးသားရေးစိတ်ဓာတ်နဲ့ ကြည့်ကြတာရယ်၊ ပြီးတော့ ကျွန်တော်တို့ ပြည်သူ တွေက ချစ်ရင်အဆုံး၊ မုန်းရင်အဆုံးဆိုတော့ တရုတ်မုန်းတီးရေးစိတ်တွေ ပြည်တွင်းမှာ မြင့်တက်လာရင် ပြဿနာရှိတယ်၊ အခုဆိုရင် လူထုက တရုတ်ရဲ့ မြစ်ဆုံစီမံကိန်းအပေါ် တုံ့ပြန်မှုကို ဘာပြန်ပြော တယ်မှတ်လဲ၊ တရုတ်တွေရေ ငါတို့ အလုပ်ဆယ်ဆလုပ်ပြီး ပြန်လျှော်လိုက်မယ်၊ ငတ်ချင်ငတ်ပါစေ တရုတ်နဲ့ အလုပ် မလုပ်ချင်တော့ ပါဘူးဆိုတာမျိုးတွေ ပြောနေကြပြီဗျ”
“ဟားဟား ဒါတော့ဟုတ်တယ်၊ ဒါပေမယ့် နိုင်ငံတကာ ဆက်ဆံရေးက ကလေးကစားစရာမှ မဟုတ်တာဗျာ၊ ငါနဲ့မခေါ်လို့ ငါ့မုန့်ပြန်ကျွေး လို့တော့ ဘယ်ဟုတ်ပါ့မလဲ၊ ခင်ဗျားတို့ မြန်မာပြည်မြေပုံကြီးကို အမေရိကားကို ရွှေ့ခဲ့မယ် ဆိုတာလည်း မဖြစ်နိုင်ဘူးမလား၊ ဒီတော့ အိမ်နီးချင်း ဝတ္တရားနဲ့အညီ ဆက်ဆံပေါ့၊ သြဇာပေးလာတာမျိုးဆိုတဲ့ ကိစ္စတွေ ကိုတော့ ခင်ဗျားတို့ ကစားတတ်ဖို့လိုတယ်လေ၊ ခင်ဗျားတို့ လက်ထဲမှာပဲ”
“ဒါကြောင့် ခင်ဗျားတို့ကို ပိတ်ဆို့မှုတွေဖွင့်ပါလို့ ပြောနေတာပေါ့ဗျာ၊ Power Balance လုပ်ဖို့အတွက် ခင်ဗျားတို့ အကူအညီ အများကြီး လိုတယ်လေ၊ အိန္ဒိယကို သွားဖို့လည်းရှိပါတယ်၊ ဒါပေမယ့် အိန္ဒိယဆိုတာကလည်း တရုတ်ထက်စာရင် ဝိတ်တန်းနဲနဲ လျော့တယ်ဗျ၊ ခင်ဗျားတို့ ပိတ်ဆို့ ထားတာ ခက်တာပဲ၊ ပိတ်ထားလို့ ဘာဖြစ်လဲ ဒီနေ့ မြန်မာပြည်ကို တရုတ်ကသိမ်းတော့မယ့် အခြေအနေ ရောက်နေပြီ၊ ဒီအချိန်မှ မကယ်ရင် ခင်ဗျားတို့က ဘယ်အချိန်မှ ကယ်မှာလဲ”
“အားးးးး ဆန္ဒမစောပါနဲ့ဗျာ၊ အခု ခင်ဗျား အိန္ဒိယ သွားမယ်မလား၊ ဒါဟာ တရုတ်ကို အကောင်းဆုံး balance လုပ်တာပဲ၊ သဘောက ခင်ဗျားတို့မှာ ဓာတ်ငွေ့ပဲ ရောင်းရောင်း ရိက္ခာပဲရောင်းရောင်း ဝယ်သူဟာ တရုတ်တစ်ဦးတည်း မဟုတ်တော့ဘူးဆိုတာ တရုတ်တွေ ကောင်းကောင်း သဘောပေါက် လာလိမ့်မယ်။ ကျုပ်တို့လည်း လာဖို့ရှိပါတယ်၊ အခုတောင် ဥရောပက ခင်ဗျားတို့ဆီ လာနေပြီပဲ၊ ခက်တာက ပိတ်ဆို့မှုတွေ အရာမရောက်ဘူးဆိုတာ ကျုပ်လဲသိပါတယ်၊ ဘယ်အစိုးရမှ ကျွန်တော်ထိပ်တိုက်ရင်ဆိုင်တာမျိုး မလုပ်ချင်ဘူး၊ မြောက်ကိုရီးယားရော၊ အီရန်ရော လက်ရှိအစိုးရတွေကို မက်လုံးပေးပြီး ပူးပေါင်းဆောင်ရွက်တာမျိုးပဲ ကျွန်တော်လိုချင်တာ”
“မှန်ပါတယ်၊ ခင်ဗျားတို့ပေးတဲ့မက်လုံးကို ကျုပ်လဲ စိတ်ဝင်စားပါတယ်၊ အခုလဲ နိုင်ငံမှာပြောင်းလဲသင့်သလောက် ပြောင်းလဲနေပါတယ်၊ နိုင်ငံရေး အကျဉ်းသားလွှတ်တာ၊ အထင်ရှားဆုံးကတော့ အခုမြစ်ဆုံကိစ္စပဲဗျာ။ လူ့အခွင့်အရေး ကိစ္စတွေကတော့ တတ်နိုင်သမျှ လုပ်နေပါတယ်၊ ဒါပေမယ့် မြန်မာပြည်သူတွေ မပျော်ဘူးမထင်ပါနဲ့၊ သူ့အတိုင်းအတာနဲ့ သူတော့ ပျော်နေကြပါတယ်၊ ခင်ဗျားတို့ဘက်ကသာ ကိန်းကြီးခမ်းကြီး လုပ်မနေနဲ့တော့”
“ခက်တယ် ကိုကြီးသိန်းစိန်ရ၊ ကျွန်တော်လည်း ခင်ဗျားတွေးသလို တွေးတာပေါ့ဗျာ၊ ဒါပေမယ့် အခုနပြောသလိုပဲ ကျုပ်မှာလည်း အခက်အခဲတွေ အပြည့်နဲ့ဗျို့၊ အစိုးရအဖွဲ့ထဲမှာကိုက အခုကျွန်တော်တို့ပြောနေသလို ဟက်ဟက်ပက်ပက် မရှိသူတွေ အများကြီးရှိတယ်၊ ဟာမီတန် ကနေ လွန်ကဲလာရင် ဂျက်ဆင်ဝါဒကို ရောက်သွားပြန်ရော၊ ကျွန်တော်ကတော့ ဂျက်ဖာဆင်နဲ့ ဝီလ်ဆင်ဝါဒနှစ်ခုကို ပေါင်းစပ်နိုင်အောင် ကြိုးပမ်း နေပါတယ်၊ ခင်ဗျားတို့ကို စီးပွားရေးအရ ပိတ်ဆို့တာကို ထောက်ခံနေတဲ့ အမတ်တွေထဲမှာ မြန်မာနိုင်ငံ ဘယ်နားရှိတယ်ဆိုတာ မသိတဲ့ အမတ်တွေတောင် ပါတယ်ဗျ၊ အခုနပြောသလို အစွဲတွေနဲ့ ချနေကြတာပေါ့၊ ကျွန်တော်တို့ဆီမှာကလည်း ခင်ဗျားတို့စစ်တပ်လိုပဲ အဖြူမဟုတ်ရင် အမည်းဆိုတာပဲ ဖြစ်ဖြစ်နေတယ်၊ လွှတ်တော်ထဲမှာ အတူတူညှိလို့မရကြဘူး”
“ဟုတ်တယ် ကျွန်တော်တို့က စစ်တပ်ကလာတော့ ပိုဆိုးတယ် ဖြူရင်ဖြူ၊ မည်းရင်မည်းပဲ ကြားချလို့မရဘူး ဖြစ်နေတာ၊ ဒီမိုကရေစီဆိုတာ ခင်ဗျားက ပိုသိပါတယ်၊ အားလုံးရဲ့အမြင်တွေ လေးစားရမယ်လေ၊ အော်တာနေးတစ်တွေလဲ ရှိရမှာပေါ့၊ ဒီမှာကတော့ အခုထိ အတိုက်အခံဆိုတာ အစိုးရကို ချရမယ်ဆိုတာပဲ၊ ပြည်ခိုင်ဖြိုးကအမတ်တွေတောင် ကျုပ်တို့ ကောင်းရာကောင်းကျိုးလုပ်မယ့်ကိစ္စမှာ ကန့်လန့်တိုက်နေတာသာကြည့်တော့”
“မှန်တယ်၊ ဒါကပြဿနာရှိတယ်ဗျ၊ နိုင်ငံရေးမှာ အထူးသဖြင့် ဒီမိုကရေစီမှာ မဖြူရင်မည်းတယ်ဆိုတဲ့ ပုံသေကားချပ် တွက်လို့မရဘူး။ ကျွန်တော်တို့မှာ ဖြစ်နေတာက ရီပတ်ဘလစ်ကန်နဲ့ ဒီမိုကရက်၊ နှစ်ဖက်လုံးက ကိုယ့်အတ္တနဲ့ ကိုယ်ပြောတော့ Common Ground ပျောက်သွားတယ်၊ ခင်ဗျားတို့ကျတော့ ဒီပါတီကတက်တဲ့ ဒီအစိုးရနဲ့ကို ပြဿနာဖြစ်နေတာ၊ အတိုက်အခံက အင်အားနည်းတာကိုး၊ ထားလိုက်ပါ၊ အဓိက ဒါမဟုတ်ဘူး၊ ကျွန်တော်ပြောချင်တာက အဖြူအမည်းကွဲရာကနေ လူထုထောက်ခံမှုရဖို့ ပေါ်ပြူလာတွေ လုပ်တဲ့ကိစ္စပဲ၊ လူထုအကြိုက် လျှောက်ပြောပြီး၊ လူထု ထောက်ခံမှုရမယ့် အလုပ်တွေလုပ်ပြတာ၊ ဒါကမကောင်းဘူးဗျ၊ ပြည်သူတွေကို နိုင်ငံရေး အိုင်ဒီယိုလိုဂျီနဲ့ ဝေးကွာစေတယ်၊ အများကြိုက်ဟာတွေ လိုက်လုပ်ရင်းနဲ့ အစိုးရအဖွဲ့အတွင်းရော ပါတီတွင်းရော ကွဲကြပြဲကြဖြစ်ကုန်မယ်၊ အခုပဲခင်ဗျားတို့ ပြည်ခိုင်ဖြိုးမှာ ဝန်ကြီးတွေက သူ့ထက်ငါအပြိုင် ပြည်သူ့အကျိုးကို အကြောင်းပြပြီး လုပ်နေကြပြီမလား၊ ခင်ဗျားတောင် မြစ်ဆုံကိစ္စကို လူထုမျက်နှာကြည့်ပြီး ရပ်လိုက်တယ်ဆိုပေမယ့် အခုနပြောသလို အများကြိုက်လုပ်ပြီး နာမည်ကြီးအောင် လုပ်တဲ့ပုံစံမျိုးဖြစ်နေတယ်၊ လုပ်တယ်လို့ ကျွန်တော်မပြောဘူးနော်၊ အဲ့ဒီအတိုင်း ထင်စရာဖြစ်နေတာ၊ အဓိကတော့ လွှတ်တော်ထဲမှာရော၊ အစိုးရအဖွဲ့ထဲမှာရော ညီညီညွတ်ညွတ် လုပ်ကြမယ်ဆိုတဲ့ ပူးပေါင်းဆောင်ရွက်တတ်မှုကလည်း အရေးကြီးတယ် ဆိုတာကို ပြောချင်တာ”
“အေးဗျာ ခင်ဗျားပြောမှပဲ သတိထားမိတော့တယ်၊ ကျွန်တော်ကတော့ အဲ့လိုမဟုတ်ဘူး၊ တကယ်လို လူထုကို စိတ်ချမ်းသာစေချင်လို့ လုပ်လိုက်ရတာပါ၊ တရုတ်ကိုလည်း တခြားမက်လုံးတွေ ပေးဖို့စဉ်းစားရတော့မှာပေါ့၊ ဒါပေမယ့် စကားပြောကောင်းသလို တုတ်ကြီးကြီးလဲ ကိုင်ထား ရမယ်ဆိုတဲ့ ခင်ဗျားတို့ အမေရိကန်စကားပုံလိုပဲ ခင်ဗျားတို့ ကျုပ်တို့ဘက်မှာ ရပ်တည်ပေးဖို့ လိုတယ်”
“ကျွန်တော်ပြောပြီးပါရော၊ ရပ်တည်ပေးချင်ပါတယ်၊ ရပ်လည်းရပ်တည်ရမှာပါ၊ ဒါပေမယ့် ကျွန်တော်နဲ့ ခင်ဗျားနဲ့က ခံစားနေရာချင်း တူတယ်၊ နံပါတ်တစ် ပြုပြင်ပြောင်းလဲလိုစိတ်ရှိတယ်၊ နံပါတ်နှစ် အပြောင်းအလဲမကြိုက်တဲ့သူတွေရဲ့ ချုပ်ကိုင်မှုတွေကို ခံနေရတယ်၊ နံပါတ်သုံး ကိုယ်လုပ်နေတဲ့ ကိစ္စတွေ မအောင်မြင်ရင် အခုနပြောသလို အများကြိုက်ဝါဒီ ဖြစ်သွားနိုင်သေးတယ်၊ ဒါတွေပဲဗျာ ကျုပ်စိတ်ညစ်လို့ ခင်ဗျားကို ဖုန်းဆက်တယ်ဆိုတာ အဲ့ဒါတွေပဲ၊ ခင်ဗျားနဲ့ကျုပ်နဲ့က ပြောရရင်တော့ အမေရိကန်သမ္မတနဲ့၊ မြန်မာသမ္မတ တခြားစီပဲဆိုပေမယ့် ဘဝတူတွေလို့ ဆိုရတော့မှာပဲဗျာ”
“အေးဗျာ၊ ကျုပ်ကတော့ မနေ့တနေ့ကမှ ဗိုလ်ချုပ်ကြီးဘဝကနေ သမ္မတကြီးလုပ်တာဆိုတော့လဲ ခင်ဗျားတို့ ဒီမိုကရေစီထွန်းကားတဲ့ နိုင်ငံတွေက သမ္မတတွေလောက်တော့ အတွေ့အကြုံမရှိသေးဘူးပေါ့ဗျာ၊ ဘာပဲပြောပြော ခင်ဗျားလာတာ ကျွန်တော့်အတွက် သိပ်ကောင်းပါတယ်၊ အကြံဥာဏ် ကောင်းတွေ ရပါတယ်ဗျ”
“ဒီလိုလဲမဟုတ်ဘူး ကိုကြီးသိန်းစိန်၊ ကျွန်တော်လဲ ခင်ဗျားဆီက အများကြီးရပါတယ်၊ ဗိုလ်ချုပ်ဟောင်းတစ်ဦးက ပြည်သူ့ဆန္ဒကို ဖြစ်ချင်ရာဖြစ် လိုက်လျောပစ်တာ တော်တော်အံ့သြဖို့ ကောင်းတယ်၊ ခင်ဗျားတို့ သမိုင်းတလျှောက်မှာ ပြည်သူ့မျက်နှာတစ်ခုတည်းကြည့်ပြီး ဆုံးဖြတ်တဲ့ခေါင်းဆောင်က လက်ချိုးရေလို့ရတယ်၊ ဒီထဲမှာ ခင်ဗျားပါသွားပြီ၊ လေးစားပါတယ်၊ နောက်နောင် တကယ်ကိုအလုပ်တွဲလုပ်လို့ရမယ့် မိတ်ဆွေကောင်းအဖြစ်လည်း မျှော်လင့်မိပါတယ်၊ ကျွန်တော်က တရုတ်ရဲ့အထာတွေကို ခင်ဗျားတို့ဆီကနေ ပြန်ပြီးသင်ယူရဦးမှာပါ၊ ဘာပဲပြောပြော ခင်ဗျားနဲ့ ကျုပ်နဲ့ကတော့ ဘဝတူချင်း အလုပ်ဖြစ်မှာပါ”
“ဒီလိုပဲ မျှော်လင့်ပါတယ်ဗျာ၊ အခု အိန္ဒိယသွားမယ်၊ နောက်ဆို ခင်ဗျားတို့ အမေရိကားကို လာလို့ရမယ့်အခြေအနေကို ခင်ဗျားက ဖန်တီး ပေးလေ၊ မလွယ်မှန်းတော့ သိပါတယ်၊ ခင်ဗျားမှာလည်း အခက်အခဲရှိတယ်ဆိုတာ၊ ဒါပေမယ့် ခင်ဗျားနဲ့ ကျုပ်နဲ့ပေါင်းပြီး တကယ့်ကို အပြောင်းအလဲ ကြီးကြီးတွေ ချလိုက်ရအောင်ဗျာ”
“မပူနဲ့ အဲဒါတော့၊ ကျုပ်လဲကြိုးစားမယ်၊ မြန်မာနိုင်ငံကို တရုတ်ထီးရိပ်ကနေ ဆွဲထုတ်ပြီး ဒီမိုကရေစီ တိုးတက် ရေးမှာ ကူညီပေးခဲ့တဲ့ အိုဘားမားလို့ နာမည်ကြီးချင်သလို ခင်ဗျားလဲ ၂၁ရာစုမြန်မာနိုင်ငံရဲ့ သူရဲကောင်းဖြစ်မှာပါ၊ ဒါတွေဟာ ကျွန်တော်တို့နှစ်ယောက်အတွက်တင် မဟုတ်ဘူး၊ ခင်ဗျားတို့ ကျုပ်တို့ ပြည်သူတွေသာမက ဒေသတွင်းမှာပါ အရေးပါတဲ့ သမိုင်းမှတ်တိုင် ဖြစ်လာလိမ့်မယ်၊ စကားတော့ပြောရတာ ကောင်းတယ်၊ နောက်ထပ်လဲ ဒါမျိုး မကြာမကြာ ဆုံကြဖို့တော့ ခက်တယ်၊ အခုကို အိမ်ဖြူတော်မှာ ပွက်လောရိုက်နေလောက်ပြီ၊ ကျုပ်ပြန်မှ ကောင်းမယ်ထင်တယ်”
“အင်းဒါတော့ဟုတ်တယ်၊ ကျွန်တော်လဲ ကြာကြာပျောက်လို့မရဘူး၊ ဒီမှာက ခုံလုချင်တဲ့လူတွေက အများသား၊ ကျုပ်မရှိတုန်း တက်ထိုင်ပြီး ဖယ်မပေးတော့ရင် ခက်မယ်၊ ခုံမက်လို့မဟုတ်ဘူး တိုင်းပြည်က အခုမှ ကျွန်တော်ပြည်ပြီး တည်ဆောက်နေရတာ၊ အပျက်မခံနိုင်ဘူး”
“အိုကေဗျာ၊ သွားကြမယ်၊ ဒါနဲ့ ခင်ဗျားတက္ကစီနဲ့ပဲ ကျုပ်ကိုလေဆိပ်လိုက်ပို့ပါလား”
“ အင်း ကျုပ်လဲ အဲ့ဒါစဉ်းစားနေတာ၊ ခင်ဗျားဒီပုံနဲ့ဆို မလေးရှားသွားပြီး အလုပ်လုပ်မယ့် မွတ်စလင်တစ်ယောက်လို့ ထင်မှာပဲ၊ ခပ်တည်တည်နဲ့သာ သွားဗျာ၊ ကျွန်တော်လိုက်ပို့မယ်၊ ကျုပ်လဲ ပြီးမှအဝတ်လဲပြီး မင်္ဂလာဒုံကနေ နေပြည်တော်ကို ရဟတ်ယာဉ်နဲ့ လစ်တော့မယ်၊ စိတ်ချရတဲ့ ပိုင်းလော့ ခေါ်လာတယ်”
ရန်ကုန်မြို့၏ ညဦးပိုင်းသည် လူသွားလူလာတွေနှင့် ပိုမိုအသက်ဝင်လာသည်။ မြန်မာသမ္မတကြီး ဦးသိန်းစိန်က တက္ကစီဒရိုင်ဘာအသွင်၊ အမေရိကန်သမ္မတကြီး အိုဘားမားက ခရီးသည်အသွင်ယူ၍ လေဆိပ်ဘက်သို့ ဦးတည်ထွက်ခွာသွားသော တက္ကစီလေးမှာ ရန်ကုန်၏ မာကျူရီ မီးရောင်များ အောက်တွင် အခြားကားများနှင့်ရောကာ ဆူးလေမြင်ကွင်းမှ တဖြေးဖြေးပျောက်ကွယ်သွားလေတော့သည်။
Yangon Chronicle
1 year ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်