source: India Vision
မြန်မာသမ္မတ ဦးသိန်းစိန်နှင့် အိန္ဒိယဝန်ကြီးချုပ်Manmohan Singh တို့သည် မြန်မာပြည်တွင် ဆည်မြောင်းစီမံကိန်းများအပါဝင် အခြားသောစီမံကိန်းများ အကောင်အထည်ဖေါ်ရန်အတွက် သန်းငါးရာတန် စာချုပ်ချုပ်ဆိုခဲ့ကြောင်း သိရသည်။ မကြာသေးမီကလည်း ရထားလမ်း၊ ပို့ဆောင်ဆက်သွယ်ရေး၊ လျှပ်စစ်မီးလိုင်းနှင့် ရေနံချက်စီမံကိန်းတို့အတွက် သန်းသုံးရာဖိုး စာချုပ်ချုပ်ဆိုခဲ့ကြဖူးကြောင်း သိရှိရသည်။
အိန္ဒိယနိုင်ငံက မြန်မာပြည် ရေဆင်းဒေသတွင် အဆင့်မြင့် စိုက်ပျိုးရေးသုတေသနနှင့် ပညာပေးဌါနဖွင့်လှစ်ရန်၊ မန္တလေးတွင် ဆန်စပါးဇီဝဥယျာဉ်နှင့် IT သင်တန်းကျောင်းများ ဖွင့်လှစ်သွားရန်အတွက်လည်း လျာထားကြောင်းသိရသည်။ ထို့အပြင် စစ်တွေတွင်ပြုလုပ်လျက်ရှိသော သန်း ၁၂၀ တန်ရေနက်ဆိပ်ကမ်းကိုလည်း ၂၀၁၃ ခုနှစ် ဇွန်လတွင် စတင်လည်ပတ်အသုံးပြုနိုင်ရန် ဆောက်လုပ်မှုကို အရှိန်အဟုန်မြှင့်တင်သွားကြရန် နှစ်နိုင်ငံ သဘောတူခဲ့ကြကြောင်း သိရသည်။ ဆွေးနွေးမှုများပြီးဆုံးသွားသောအခါ ရန်ကုန်ကလေးဆေးရုံနှင့် စစ်တွေအထွေထွေဆေးရုံတို့ကို အဆင့်မြှင့်သွားကြရန်နှင့် သိပ္ပံနှင့်နည်းပညာကဏ္ဍတို့တွင် ၂၀၁၂ မှ ၂၀၁၅ အထိ နှစ်နိုင်ငံပူးပေါင်းဆောင်ရွက်သွားကြရန် ကတိကဝတ်ပြုလက်မှတ်ရေးထိုးကြကြောင်း သိရသည်။
..........................................................
မြန်မာ့နိုင်ငံခြားရေးဝန်ကြီး ဦးဝဏ္ဏမောင်လွင်သည် လာမည့်အပတ်ထဲတွင် ဂျပန်နိုင်ငံသို့သွားရောက်မည်ဖြစ်ကြောင်း ဂျပန်နိုင်ငံခြားရေး ဝန်ကြီးဌါနသတင်းများအရ သိရသည်။ ဂျပန်နိုင်ငံက မြန်မာပြည်မှ ရှားပါးတွင်းထွက်သတ္တုများနှင့် အခြေခံအဆောက်အဦ ဆောက်လုပ်ရေးလုပ်ငန်းတို့တွင် ရင်းနှီးမြှုပ်နှံရန် စိတ်ဝင်စားကြောင်းသိရသည်။
greenwood (MMCP)
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်