မြစ်ဆုံဆည်ကိစ္စမှာ ကိုယ့်ချွေးနည်းစာတွေနဲ့ ၀ိုင်းလျော်ပါမယ် လို့ ပြောတတ်ကြတဲ့ ပြည်သူတွေကိုတသက်လုံး ဘာလုပ်လာ လုပ်လာ ကောင်းကွက်လေး တခုတလေလောက်လုပ်လိုက်တာနဲ့သောင်းသောင်းဖျဖျ လက်ခုပ်တီးတတ်ကြတဲ့ ဒီလို ပြည်သူမျိုးတွေကို...ဘာလို့များ မာယာတွေ လှည့်စားမှုတွေ သုံးနေမလဲဗျာ။
တကယ် လိုနေတာက စေတနာ မေတ္တာမှန်၊ ကိုယ်ချင်းစာနာစိတ်၊ ရိုးဖြောင့်မှုတွေပါ။
လောလောဆယ်ကို ခင်ဗျားတို့လက်ထဲမှာ လက်နက်တွေနဲ့ တိုင်းပြည်ရဲ့အာဏာ ကို ဆုပ်ကိုင်ထားနေတာပါ။
ယုံယုံကြည်ကြည်နဲ့ တကယ့်စိတ်ရင်းစေတနာမှန်နဲ့ လွှတ်ပေးလိုက်စမ်းပါ။
ပြီးခဲ့တဲ့ နှစ် ၂၀ စာ လုပ်ရပ်တွေအတွက်လည်း ရိုးဖြောင့်စွာနဲ့ အမှားကို ၀န်ခံလိုက်စမ်းပါ။
ဝန်ချတောင်းပန်လိုက်စမ်းပါ။
စိတ်ပါလက်ပါနဲ့ မှားခဲ့ပါတယ် လို့ ၀န်ချတောင်းပန်လိုက်ရုံနဲ့ လူတွေအများကြီးသေကျေပျက်စီးခဲ့ရတဲ့ ဒုတိယကမ္ဘာစစ်ရဲ့ အနိဋ္ဌာရုံဖြစ်ရပ်တွေအတွက် ဂျပန်နဲ့ကိုရီးယားတို့ နားလည်မှုတွေ ထူထောင်နိုင်ခဲ့တယ်။
ဒီလို အပြုအမူကောင်းတွေကို သင်ခန်းစာယူပြီး သမိုင်းသစ်တခုကို တည်ဆောက်စေချင်ပါတယ်။
“ သူမနာ ကိုယ်မနာ ငြိမ်းချမ်းရေး ဆိုတာ. . . သင်ပုန်းချေရေး မဟုတ်ဘူး”လို့ ဆရာဒဂုန်တာရာ က ပြောလိုက်လေရဲ့။
မတရားမမျှတမှုတွေဆိုတာ သင်ပုန်းချေလိုက်ရုံနဲ့ ပြီးမသွားဘူး။
ငြိမ်းချမ်းရေးအတွက် အာဃာတတွေ အငြှိုးအတေးတွေနဲ့ ကလဲ့စားချေတုန့်ပြန်မှုတွေမလိုအပ်သလို..
မတရားမမျှတ မှားယွင်းမှုတွေကို ၀န်ချတောင်းပန်ဝန်ခံပြီး၊ ဒီဖြစ်ရပ်မျိုးတွေ နောက်နောင် ဘယ်တော့မှ ပေါ်ပေါက်မလာရအောင် ၀ိုင်းဝန်းတည်ဆောက်ကြဖို့လည်းလိုအပ်ပါတယ်။
တကယ့်စိတ်ရင်းစေတနာကောင်းနဲ့ စာနာမှုတွေနဲ့၊ ရိုးဖြောင့်မှုတွေနဲ့သာ ပြည်သူ့ဆန္ဒကို ရှေ့တန်းတင်စေချင်ပါတယ်။
ချိုတူးဇော်
1 year ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်