သမ္မတ ဦးသိန်းစိန် လာမည့် ၂၀၁၅ ခုတွင် အနားယူမည် ဆိုသည့်သတင်းနှင့် ဒုသမ္မတ သီဟသူရ ဦးတင်အောင်မြင့်ဦး ကျန်းမာရေးကြောင့် အနားယူသွားသည့်သတင်းများ ဖေါ်ပြမှုကြောင့် ပြည်တွင်းအပတ်စဉ် ထုတ် ဂျာနယ်နှစ်စောင်ကို စာပေစိစစ်ရေးမှ ခေါ်ယူသတိပေးခဲ့ကြောင်း ဂျာနယ်တာဝန်ခံတို့က ပြောသည်။
ယမန်နေ့ထုတ် မြန်မာပို့စ် ဂျာနယ်တွင် ဒုသမ္မတ သီဟသူရ ဦးတင်အောင်မြင့်ဦး ကျန်းမာရေး အကြောင်းပြချက် ဖြင့် ယခုလ ၃ ရက်နေ့က ရာထူးမှ အနားယူသွားပြီဖြစ်ကြောင်း ဖေါ်ပြခဲ့ရာ ဂျာနယ်ဖြန့်ချိသည့်နေ့ ညနေ ပိုင်းတွင်ပင် စာပေစိစစ်ရေးမှ ယခုဖေါ်ပြမှုကြောင့် ဂျာနယ်အား အရေးယူနိုင်သည်ကို သိရှိကြောင်း ခံဝန် လက်မှတ်ရေးထိုးစေခဲ့သည်ဟု တာဝန်ခံ အယ်ဒီတာ ကိုခိုင်လင်းကျော်က ပြောသည်။
အလားတူ ယနေ့ထုတ် ဗီးနပ်စ် သတင်းဂျာနယ်တွင်လည်း “၂၀၁၅ ခုနှစ်တွင် သမ္မတကြီး ဦးသိန်းစိန် နိုင်ငံရေးမှ အနားယူမည်” ဆိုသည့်ခေါင်းစဉ်ဖြင့် ဦးသိန်းစိန် အနေဖြင့် လာမည့် ၂၀၁၅ ခုနှစ်တွင် အနားယူဖွယ်ရှိသည်ဟု သမ္မတအကြံပေး ဦးကိုကိုလှိုင်၏ ပြောဆိုချက်တရပ်ကို ကိုးကားရေးသား ဖေါ်ပြခဲ့သည်။
ဂျာနယ်ထွက်ရှိပြီးနောက် နေ့တွင်းချင်းပင် စာပေစိစစ်ရေးမှ တာဝန်ရှိသူက ဗီးနပ်စ်ဂျာနယ် တာဝန်ခံအယ်ဒီတာအား ခေါ်ယူ၍ ခံဝန်လက်မှတ်ရေးထိုးစေခဲ့သည်ဟု တာဝန်ခံအယ်ဒီတာ ကိုသာလွန်ဇောင်းထက်က ပြောသည်။ စာပေစိစစ်ရေးကို သမ္မတကြီးသတင်းနှင့် ဒုသမ္မတ နှုတ်ထွက်သည့် သတင်းတို့ကို ယမန်နေ့ညနေက စိစစ်ရေးသို့ တင်ပြရာတွင် ခွင့်မပြုကြောင်း ပြန်ကြားသော်လည်း သမ္မတကြီး အနားယူဖွယ်ရှိသည့် သတင်းကို ဖေါ်ပြခဲ့ရာမှ ယခုလို ခေါ်ယူသတိပေးခြင်း ခံရသည်ဟု တာဝန်ခံ အယ်ဒီတာက YPI သို့ပြောသည်။
ကိုသာလွန်ဇောင်းထက်က “ကျန်းမာရေး မကောင်းဘူးဆိုတာကို မကောင်းဘူးလို့ရေးတာပဲ၊ အခုလိုဆိုရင် စာနယ်ဇင်းလွတ်လပ်ခွင့်တို့ ဘာတို့ပြောနေတာ ဘာအဓိပ္ပါယ်ရှိမလဲ၊ ဒိလောက်လေးတောင် ရေးခွင့်မရှိဘူး ဆိုရင်” ဟု လည်းရှင်းပြသည်။
မြန်မာနိုင်ငံတွင် အပတ်စဉ်ထုတ် သတင်းဂျာနယ်များ အနေဖြင့် သတင်းနှင့် ဓါတ်ပုံ၊ ကြော်ငြာအားလုံး ပုံနှိပ်ထုတ်ဝေခြင်းမပြုမီ စာပေစိစစ်ရေးသို့ တင်ပြကြရပြီး စိစစ်ရေးမှ ဖေါ်ပြခွင့်မပြုသည့် သတင်း၊ ဓါတ်ပုံ၊ ကြော်ငြာများကို ဖေါ်ပြပါက ခံဝန်လက်မှတ်ရေးထိုးစေခြင်း၊ တပတ်၊ ၂ ပတ်နားစေခြင်း သို့မဟုတ် ထုတ်ဝေခွင့် ပိတ်သိမ်းစေခြင်းထိ အရေးယူနိုင်သည်။
ယမန်နှစ် အရပ်သား အစိုးရသစ်တက်လာပြီးနောက် မီဒီယာ လျော့ပေါ့မှုများ ပြုလုပ်လာသည့်နောက်တွင် သတင်းဂျာနယ်များတွင် နိုင်ငံရေး စီးပွားရေး ဆိုင်ရာ သတင်း၊ သုံးသပ်ချက်၊ ဝေဖန်ချက်များ ယခင်ထက် ဖေါ်ပြခွင့်ရရှိလာသော်လည်း ယခုလို ခေါ်ယူသတိပေးခြင်းများ နောက်ဆက်တွဲ တင်ပြခွင့်မပြုခြင်း အစရှိသည့် အရေးယူမှုမျိုး ရှိနေဆဲဖြစ်သည်ဟု သတင်းအယ်ဒီတာများက ပြောဆိုသည်။
ပြန်ကြားရေးဝန်ကြီးဋ္ဌာနမှ သတင်းမီဒီယာနှင့်ပတ်သက်သည့် ဥပဒေတရပ် နောက်လာမည့် လွှတ်တော်တွင် တင်သွင်းရန်ရှိပြီး ယင်းဥပဒေသစ်အတည်ပြုပြီးနောက်တွင် သတင်းဂျာနယ်များ မထုတ်ဝေမီ စာပေစိစစ်ရေးသို့ တင်ပြရန် လိုအပ်မည် မဟုတ်တော့ဟု ပြန်ကြားရေး ၀န်ကြီးဋ္ဌာနမှ တာဝန်ရှိသူများက မီဒီယာဖွံ့ဖြိုးမှု ဆွေးနွေးပွဲများတွင် ပြောဆိုထားသည်။ ။
Yangon press international
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်