ကျောက်ဆည်ကိုကျော်ပြီး... စစ်ကိုင်း၊ ပုလိပ် တစ်ဝိုက်ရောက်ပြီဆိုရင် ရထားပေါ်ကနေ ထုံးဖွေးဖွေးနဲ့
စစ်ကိုင်းတောင်ကို လှမ်းမြင်နေရပြီ။ မြစ်ငယ်တံတားကျော်ပြီးလို့တစ်အောင့်လောက် ရှိရင် ရေဖွေးဖွေးနဲ့တောင်သမန်အင်းလယ်ထဲမှာ ဦးပိန်တံတားကို မှုန်ပြပြ မြင်ရပြီ။ တန်ခွန်တိုင်ရွာ၊ မြို့ဟောင်း၊ ရှမ်းစု အစဉ်အတိုင်း အမြန်ရထားကြီး တဂျိုင်းဂျိုင်း ဝင်လာသံနဲ့အတူ ကျွန်တော့် နှလုံးသားလည်း တဒိန်းဒိန်း ခုန်လာခဲ့ပြီ။ ဪ မန္တလေးရောက်တော့မှာကိုး။
ကျွန်တော် လူမှန်းသိတတ်စအထိတော့ မန္တလေးက အပျိုစင် စစ်စစ်ပါ။ မြန်မာမှု၊ မြန်မာ့ ဓလေ့ တွေနဲ့ ထုံမွှမ်းခဲ့တဲ့မြို့။ မြန်မာ့ယဉ်ကျေးမှု သုခုမ အနုပညာ ဝတ်ရုံကို တခမ်းတနားခြုံပြီး လှချင်တိုင်း လှခဲ့တဲ့မြို့၊ ဗုဒ္ဓသာသနာရောင်ဝါ ထိန်ထိန်သာလို့ ရှုမညီးအောင်လှတဲ့မြို့၊ ရှမ်းရိုးမ၊ ငရံ့ပင်းတောင်၊ မန္တလေးတောင်၊ မင်းဝံတောင်တန်းကြီးတွေကငုံ့ကြည့်ပြီး ငေးယူရလောက်အောင် အပျိုသွေး သန့်သန့်နဲ့ လှလွန်းတဲ့မြို့၊ယဉ်ကျေးဖော်ရွေ၊ ပျူပျူငှာငှာ ပီယဝါစာ ဆိုတတ်တဲ့မြို့၊ သဒ္ဓါ့တရား ထက်သန်ပြီး အလှူအတန်း ရက်ရောတဲ့မြို့ပါ။
အဲ့ဒီလောက် အဆင်းရော အချင်းရော ပြည့်စုံတဲ့ အပျိုစင် မန္တလေးဟာ စစ်အာဏာရှင် ခေတ်တစ်လျှောက်လုံး၊ ကျွန်တော်တို့ မျက်စိရှေ့မှာတင် တစတစ အပျိုရည်အဖျက်ခံရတာကို ရင်နာနာနဲ့ အံကြိတ်ကြည့်ခဲ့ရတယ်။
ရဟန်းရှင်လူမြို့ခံလူထုကြီး စုဝေးပေါင်းစုံလေ့ရှိတဲ့ မန်းရာပြည့်ကွင်းကြီးဆိုတာ အခုတော့ ရတနာပုံတိရိစ္ဆာန်ဥယျာဉ်ဖြစ်သွားပြီ။ ကျောက်တော်ကြီးဘုရားပွဲဆိုရင် မန္တလေးအနီးတဝိုက် ရွာတွေက ပွဲလာသူတွေနဲ့ လှည်းဝိုင်းကြီးတွေ၊ ပွဲဈေးတန်းတွေနဲ့ စည်ကားလေ့ရှိခဲ့တဲ့ မင်းတုန်းမင်းကြီး ကောင်မှုတော် သုဓမ္မာဇရပ်တန်းတွေဆိုတာ ပက်ပက်စက်စက် လစ်လျူရှုခံရတော့ မြက်ရိုင်းတောတွေကြားမှာ ဆွေးမြေ့ယိုယွင်းနေခဲ့ပြီ။ အရင်တုန်းက ကြာမျိုးစုံ၊ ဗေဒါပြာ၊ ဘဲစာတွေနဲ့ ပန်းချီကားတစ်ချပ်လို .မှုန်နေအောင်လှခဲ့ဘူးတဲ့ ရေ ကျုံးဆိုတာ အင်္ဂတေတွေ မံ၊ ထုံးတွေရန် ထားတော့ နဂိုအလှပျက်သွားပြီ။ နန်းမြို့ရိုးနဲ့ ပြအိုးပြသာဒ်တွေဆိုတာလည်း ရှေးမူမပျက် မထိန်းသိမ်းဘဲ ပြိုကျတဲ့ နေရာတွေသာ အခုခေတ်သုံး အပေါစားအုပ်ချပ်တွေနဲ့ ဖာထေးထားတော့ အပျိုမလေး မျက်နှာမှာ ပွေးဝဲယားနာ စွဲနေသလိုမျိုး ဖြစ်သွားတော့တာပေါ့။
မန္တလေးမြို့ကြီး သိသိသာသာ အပျိုရည် ပျက်စေတဲ့ အဖြစ်အပျက်တွေကတော့ ၁၉၈၁ နဲ့ ၁၉၈၄ ခုနှစ်မှာ ဖြစ်ပွားခဲ့တဲ့ မီးလောင်မှုကြီးနှစ်ခုဘဲ။ မြို့လည်ခေါင်တစ်ခုလုံးနီးပါး ပြောင်တလင်း ခါသွားစေတဲ့အပြင် ၊ မန္တလေး မြို့နေရွာခံ ဇာတိသားစစ်စစ်တွေမြို့ပြင် အရှေ့တောင်အရပ်က ပဲဖြူကုန်း သိုးခြံ စတဲ့ မြို့သစ်ဘက် ရောက်ကုန်စေခဲ့တယ်။ အဲ့ဒီအချိန်ကစလို့မန္တလေးမြို့လယ်မှာ မျော့ဖြူကြီးတွေ စရောက်လာခဲ့တော့တာဘဲ။ မြို့လယ်က ကောင်းပေ့ ညွန့်ပေ့ဆိုတဲ့ တိုက်မြင့်ကြီး တွေ ကြည့်လိုက်ရင် အဲ့ဒီမျော့ဖြူကြီးတွေဘဲ ကပ်နေတာ တွေ့ရလိမ့်မယ်။
မန္တလေး အပျိုရည် အဖျက်ခံရတာ နဝတနဲ့နအဖ လက်ထက်မှာ အဆိုးဆုံးဘဲ။ တစ်မြို့လုံး နေရာအနှံ့ မာလာငါးဟင်းဆိုင်၊ ယူနန်အသားကင်နဲ့ ဟော့ပေါ့ဆိုင်တွေဆိုတာ မမြင်ချင်အဆုံး။ မနက်ခင်းစောစော ကျုံးဘေးဖက် လမ်းလျှောက်လျှောက်၊ ၆၂ လမ်းဘေးပဲ ပြေးပြေး၊ အသားနီ စပ်စပ် ခေတ်ပျက်မှာ သူဌေးဖြစ်လာပုံရတဲ့ မျှော့ဖြူကြီးတွေဆိုတာ မနည်းရှောင်ယူနေရပြီ။ ၂၆ ဘီလမ်း အတိုင်း အရှေ့ဖက်ကို ထောင်တက်လိုက်တော့ အောင်ပင်လယ်ဖက် မရောက်ခင် ဘေးလမ်းတွေထဲ ဝင်ကြည့်လိုက်ပါ။ သံတံခါးအမြင့်ကြီးတွေ၊ အုတ်တံတိုင်းအမြင့်ကြီးတွေ ကာရံ ထားတဲ့ ဝင်းကြီးတွေ အများအပြား တွေ့ရလိမ့်မယ်။ သိန်းပေါင်း သောင်းဂဏန်းထိ ပေါက်နေတဲ့ အဲ့ဒီလို နေရာမျိုးတွေကို လွယ်လင့်တကူ ဝယ်နိုင်တဲ့ ငွေကြေးတွေ ဒီမျော့ဖြူကြီးတွေ ဘယ်ကရ ကြသလဲ။ ကျွန်တော်တို့ တိုင်းပြည်ရဲ့ အသွေးအသား၊ အဆီအနှစ်တွေကို အာဏာပိုင်တွေနဲ့ ပေါင်းပြီး စုပ်ယူနေကြတာ အားလုံးအသိပဲ။
မြေပေါ် မြေအောက် သယံဇာတဆို ရေနံ၊ ဓါတ်ငွေ့၊ ကျောက်မျက်ရတနာက စလို့ ပယဆေး၊ မန်ကျီးစေ့၊ ဆီးစေ့တောင်မချန်ဘူး။ ထိန်းသိမ်းအပ်တဲ့ သဘာဝတောကောင်ကြီးတွေတင်မက ဖွတ်၊ ပတတ်၊ ဖား၊ မြွေ၊ ကင်း၊ လိပ် တောင် ချမ်းသာမပေးကြဘူး။ အခုဆို အကုန်ရှားပါးကုန်ပြီ။
ကိုယ့်နိုင်ငံက အဖိုးတန် အသွေးအသားတွေကို ပေါချောင်ကောင်း စုပ်ယူနေတဲ့ ဒီမျော့ဖြူ ကြီးတွေဆီက ဘာတွေရသလဲ။ ပြန်ကြည့်လိုက်ပါဦး။ စားသုံးဖို့သင့်တော်ခြင်း ရှိ-မရှိ။ ရေတို ရေရှည် ကျန်းမာရေးအတွက် သင့်တော်မှု ရှိ-မရှိ မသေချာတဲ့ အခြေခံ စားသောက်ကုန်နဲ့ ဆေးဝါးတွေ၊ အရည်အသွေးနိမ့်တဲ့ ကျီးအာသီးလို လူသုံးကုန်ပစ္စည်းတွေ ပြန်ရတာပဲ။ အဆိုးဆုံးကတော့ အာဏာပိုင်တွေကို ပေးကမ်းပြီး စိတ်ကြွဆေး၊ မူးယစ်ဆေးဝါးတွေ တစ်ခေါက်သယ်လာရုံနဲ့ သိန်းသောင်း ဂဏန်းချီ ပွနိုင်တော့ မန္တလေးမြေကွက်တွေ မတန်မဆ ဈေးပေး ဝယ်နိုင်တာ မဆန်း လှပါဘူး။ ဒီမျော့ဖြူကြီးတွေဟာ မသာအိမ် ဖဲလိမ်ရိုက်နေကြတာပဲ။
ဗမာတွေ ကိုယ့်အရိုးနဲ့ ကိုယ်ပြန်အထိုးခံနေကြရတာ။ ကိုယ့်ဆီကထွက်တဲ့ ကုန်ကြမ်းနဲ့ လုပ်ထားတဲ့ ပစ္စည်းတွေ ဈေးကြီးပေးဝယ်သုံးနေရတာ မဟုတ်လား။ အုပ်ချုပ်သူတွေ အသုံးမကျ တော့၊ တိုင်းပြည်မှာ ကုန်ထုတ်လုပ်မှု (production) မယ်မယ်ရရ မရှိဘူး။ ကုန်ချောတွေ မထုတ် နိုင်ဘူး မဟုတ်လား။
အိုသွားတဲ့ဈေးချို
မန္တလေးရဲ့ အဝေးရောက်သားဖြစ်တဲ့ ကျွန်တော့်အဖို့တော့ အခွင့်သာလို့ အလည် တစ်ခေါက် ပြန်တိုင်း ဈေးချိုတော့ မရောက်ရောက်အောင် သွားတယ်။ ရုံကြီးတွေထဲ ဟိုဝင် ဒီထွက်နဲ့ မောသွားအောင်ကြည့်ပြီးမှ မန္တလေးနန်းကြီးသုတ် (သို့) ခိုတောင်မုန့်တီသုတ်စား၊ ရွှေရင်အေး သောက်၊ အုန်းနို့ကျောက်ကျောစားပြီးရင် အရီးတောင်း လက်ဖက်သုတ်လေး ဝယ်ပြီးမှ အိမ်ပြန်တာ ထုံးစံလို ဖြစ်နေခဲ့တယ်။
ဒါပေမယ့် တစ်ခေါက်ထက် တစ်ခေါက် မန္တလေးဈေးချိုဟာ ပိုပိုပြီး ရုပ်ပျက်လာခဲ့တာ သတိ ထားမိတယ်။ အခုဆို မှတ်မိစရာ ဆိုလို့ မန္တလေးနာရီစင်တစ်ခုပဲ ကျန်တော့တယ်။ အဲ့ဒီ နာရီစင် ဟောင်းလေးတော့ မဖျက်ပါစေနဲ့လို့ဘဲ ဘုရားတနေမိတယ်။ ဈေးချိုဟာ အပြင်ပန်းတင် ရုပ်ပျက် သွားတာ မဟုတ်ဘူး။ အတွင်းအနှစ်သားရတွေဖြစ်တဲ့ ယဉ်ကျေးဖော်ရွေမှု၊ ပီယဝါစာ ပြောဆိုတတ်မှု စတဲ့ ဂုဏ်ဒြပ်တွေပါ ယုတ်လျော့ ပျောက်ဆုံးကုန်တာ ဝမ်းနည်းဖွယ် တွေ့မြင်ခဲ့ရတယ်။
“ယဉ်ယဉ်ကျေးကျေး မြန်မာဆန်သူ၊ အစဉ်မနှေး ဖော်ရွေသူ''
ပျူပျူငှာငှာ ချစ်စရာဈေးချိုသူ” ဆိုတဲ့ သီချင်းစာသားလေးနဲ့ “မောင်ကြီးနှမ ကျားကိုက်ခံရ ပါစေ ရှင်၊ ဈေးမပိုစေရပါဘူး” ဆိုတဲ့ ဈေးဝယ်သူ မောင်ကြီးကို ဖမ်းစားနိုင်တဲ့ အပြောအဆိုလေးတွေ ဒဏ္ဍာရီထဲမှာ ကျန်ရစ်ခဲ့ပြီ။
ပြီးခဲ့တဲ့နှစ် ဈေးချိုရောက်ခဲ့တုန်းက ထုံးစံအတိုင်း အရီးတောင်းလက်ဖက် ဝင်ဝယ်ဖြစ်တော့ မျက်နှာခြင်းဆိုင်က အခြားဆိုင်တစ်ဆိုင်ရဲ့ ဆဲဆိုကြိမ်းမောင်းပြီး သူခိုးယိုးစွပ်နေတာ စိတ်မချမ်း မြေ့ဖွယ် ကြုံခဲ့ရတယ်။ ဈေးရောင်းသူက ဈေးဝယ်ယူ (Customer) ကို ဒီလိုပြောဆို ဆက်ဆံတာဟာ ဟိုအရင်ခေတ် ဂုဏ်သတင်းကျော်ဇောတဲ့ ဈေးချိုသူရဲ့ ပုံရိပ်ကို ရိုက်ချိုးနင်းချေပစ်လိုက်တာပဲ။
မန္တလေးရဲ့ ဓလေ့ထုံးစံများစွာနဲ့ အထင်ကရ ပွဲတော်ကြီးတွေ သမိုင်းဝင်နေရာ ဌာနကြီး တော်တော်များများဟာ တိမ်မြုပ်ပျောက်ကွယ်လု နီးနေပြီ။ အထင်ရှားဆုံး သာဓကကတော့ မန္တလေး သင်္ကြန်ဘဲ။ ကျွန်တော်တို့ခေတ်တုန်းက သင်္ကြန်ဆိုတာ ယဉ်ကျေးစွာ ရေပက်သူကပက်၊ စတုဒီသာ ကျွေးသူက ကျွေး၊ ဇီဝိတဒါန ပြုသူကပြု သက်ကြီးရွယ်အိုတွေ ခေါင်းလျှော် ခြေသည်းလက်သည်း လှီးသူက လှီး၊ သံချပ်ဆိုသူကဆိုနဲ့ တစ်မြို့လုံး ယဉ်ကျေးပျော်ရွှင်စွာ စည်ကားခဲ့တယ်။ အခုခေတ် မန္တလေးသင်္ကြန်ဆိုတာ ကျုံးဘေးပတ်လည် တစ်ဝိုက်မှာသာ ရိုင်းစိုင်းယုတ်မာသူတွေ၊ နှမချင်း မစာနာ မူးရစ် ရမ်းကားတဲ့ ပွဲတော်ကြီး ဖြစ်သွားပြီ။ လူကောင်းသူကောင်းတွေနဲ့ ယဉ်ကျေးသူတွေ မန္တလေး သင်္ကြန်ကို ရင်မခုန်ကြတော့ဘူး။
နိဂုံးချုပ် ပြောရရင် မန္တလေးဟာ အပျိုရည်အဖျက်ခံခဲ့ရပြီ။ ပညာမဲ့ပြီး အမျှော်အမြင်မရှိ၊ ကိုယ်ကျင့်သိက္ခာ မတည်ကြည်တဲ့ အုပ်ထိန်းသူရဲ့ လက်အောက်မှာ အမျိုးကောင်း သားသမီးတွေ အဖျက်ဆီးခံရတတ်တာ ဓမ္မတာဆိုပေမယ့် ဖွတ်သထက် မညစ်ဖို့၊ အပျိုရည် ဆုံးပေမယ့် ပြည့်တန်ဆာအဆင့် မရောက်ဖို့ ထိန်းသိမ်း စောင့်ရှောက်ရမှာ ကျွန်တော်တို့အားလုံးရဲ့ တာဝန် ဖြစ်တယ်။ မျှော့ဖြူကြီးတွေရဲ့ သွေးစုပ်တာ မခံရဖို့ အုပ်ချုပ်သူတွေမှာ အဓိက တာဝန်ရှိသလို ပြည်သူ ပြည်သားတိုင်း ဝံသာနုရက္ခိတတရားတွေ လက်ကိုင်ထားကြဖို့ လိုတယ်။ ကိုယ့်သမီးကို အပျိုရည် ပျက်စေရုံမက ပြည့်တန်ဆာဘဝ ရောက်အောင် ရောင်းစားမယ့် ပထွေးဆိုးလို အုပ်ချုပ်သူ အစိုးရ မင်းဆိုးမင်းညစ်တွေကို ရဲရဲဝံ့ဝံ့ ဆန့်ကျင်တွန်းလှန်ရမှာ နိုင်ငံသားတိုင်းရဲ့ မွေးရာပါ တာဝန်တစ်ရပ်ဘဲ ဆိုတာ တင်ပြတိုက်တွန်း လိုက်ပါတယ်။
တာဝန်ကျေပွန်သော နိုင်ငံသားတိုင်းအား ဦးညွတ်လျက်
လေးစားစွာဖြင့်
မင်းကောင်းချစ်
myatphonelin facebookမှ
1 year ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်