မြန်မာသံတော်ဆင့်သတင်းဂျာနယ် အတွဲ ၁၊ အမှတ် ၂၀ (၂၇-၇-၂၀၁၂) တွင် ဖော်ပြထားသည့် ( နိုင်ငံရေးလှည့်ကွက်များသည် လူငယ်ထု များအတွင်း၌ပင် ခံစားခဲ့ကြရသည်) ဆောင်းပါးနှင့် ပတ်သက်၍ (၂၈-၇-၂၀၁၂) တွင် တာမွေ မြို့နယ်ပြည်ခိုင်ဖြိုးအတွင်းရေးမှူး၊ ပြည်သူ့လွှတ်တော်ကိုယ်စားလှယ် ဒေါ်လဲ့လဲ့ဝင်းဆွေမှ - ဂျာနယ်တိုက်သို့ တရားစွဲမည်ဖြစ်ကြောင်း၊ သံတော်ဆင့် အယ်ဒီတာချုပ်သည် ၄င်း၏မြို့နယ်အတွင်း၌ နေထိုင်ကြောင်း၊ - စာရေးသူ မောင်ရေစက် မည်သူမည်ဝါသိရှိလိုကြောင်း နေရပ်လိပ်စာ သိလိုကြောင်း စသည်ဖြင့် မေးခွန်းများကို တယ်လီဖုန်းဖြင့် မောက်မာစွာ ပြောဆိုခဲ့သည်။
၎င်း၏ မြို့နယ် ကော်မတီဝင် ဦးခိုင်ထွန်းအောင်သည် ဖုန်းဖြင့်ဆက်သွယ်၍ အယ်ဒီတာချုပ်အား ၄င်း၏မြို့နယ်အတွင်းရေးမှူးနှင့် တွေ့ဆုံ ညှိနှိုင်းရန် ပြောကြားခဲ့သည်။
အဆိုပါကိစ္စနှင့် ပတ်သက်၍ ပြည်သူ့လွှတ်တော် ကိုယ်စားလှယ်တစ်ဦး၏ အရည်အချင်း၊ လုပ်ရပ်များ ပီသရန် လိုအပ်သကဲ့သို့ မြန်မာသံတော်ဆင့်သတင်းဌာနသည်သတင်းအမှန်များကိုသာ ရေးသား၍မည်သည့်ခြိမ်းခြောက်မှုမျိုးကိုမှ မကြောက်ရွံ့ဘဲ ယခုသတင်းဆောင်းပါးပါ အချက်အလက်များထက် ပိုမိုဆိုးဝါးသော၊ နောက်ကွယ်မှ သတင်းအမှန်များကို အထောက်အထားခိုင်လုံစွာဖြင့် ချပြဖြေရှင်းရန်အသင့်ရှိသည်။လူသက်သေ၊ ပစ္စည်းသက်သေ၊ မှတ်တမ်းသက်သေ၊ အသံဖိုင်များဖြင့် သတင်းစုဆောင်း ထားပြီးဖြစ်သည်။
ပြည်သူ့ ကိုယ်စားပြု ကိုယ်စားလှယ်အနေဖြင့် ပြည်သူများအပေါ် လက်တစ်လုံးခြား လှည့်ဖျားနေသော လုပ်ရပ်များကို အချိန်မီ ပြုပြင်ရန် တိုက်တွန်းလိုပါသည်။ သို့မဟုတ်ပါက ပြည်သူများ၏ ဒဏ်ခတ်ခြင်းကို ခံရမည်ဖြစ်ကြောင်း အသိပေးလိုပါသည်။
ထိုနေ့ဂျာနယ်တွင်ပါရှိသောလွှတ်တော်ကိုယ်စားလှယ်များလက်ပိုက်ကြည့်နေ ပေးစားသတင်းနှင့်ပတ်သက်၍ ကျိုက်လတ်ပြည်သူ့လွှတ်တော်ကိုယ်စားလှယ်ဦးသန်းဝင်းကဖုန်းဖြင့်ဆက်သွယ်၍အယ်ဒီတာချုပ်အား ဖြေရှင်းချက်ကို ပြောကြားပါသည်။ ၄င်း၏ ပြောကြားချက်မှာ ၄င်းပေးစာရေးသူများကို အပြစ်မတင်လိုကြောင်း၊ လက်ရှိအခြေအနေမှန်ပင်ဖြစ်ကြောင်း၊ ဆိုင်ရာအဖွဲ့အစည်းမျာနှင့် ညှိနှိုင်းထားပြီးဖြစ်ကြောင်း၊ ၄င်းတို့၏လုပ်ဆောင်ချက်ကို ဂျာနယ်တိုက်သို့ ပေးပို့ သွားမည်ဖြစ်ကြောင်း ပြေလည်စွာ ဆက်သွယ် ဖြေရှင်းပြောကြားခဲ့သည်။
ထို့အတွက်ကြောင့် ပြည်သူ့ ကိုယ်စားလှယ်တစ်ဦးအနေဖြင့် အချိန်မဆိုင်းပဲ လိုအပ်ချက်ကို ပြန်လည်ဖြေရှင်းသည့် ဦးသန်းဝင်းအား မြန်မာသံတော်ဆင့်က ကျေးဇူးတင်သည်။
Aung Pan
မြန်မာသံတော်ဆင့်သတင်းဂျာနယ် အတွဲ ၁၊ အမှတ် ၂၀ ကို ဒီနေရာမှာ ဖတ်နိုင်ပါတယ်..
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်