ဇူလိုင်လ ၂၉ရက်နေ့မှစတင်၍ ရခိုင်အရေးကိစ္စနှင့် ပတ်သက်၍ မြန်မာနိုင်ငံသို့ ၇ရက်ကြာ လာရောက်လေ့လာမှုများ ပြုလုပ်သည့် မြန်မာနိုင်ငံ လူ့အခွင့်အရေးဆိုင်ရာ ကုလသမဂ္ဂအထူးကိုယ်စားလှယ် မစ္စတာ ကွင်တားနားသည် ဇူလိုင်လ ၃၀ ရက်နေ့ မနက် ၈နာရီတွင် ရန်ကုန်မြို့ ဗဟိုအကျဉ်း ထောင် (အင်းစိန်)၌ အကျဉ်းကျခံနေရသူများသူ သွားရောက်တွေ့ဆုံခဲ့ကြောင်း သိရှိရပြီး အင်းစိန်အထွေထွေရောက်ဂါကုဆေးရုံကြီးသို့ သွားရောက်လေ့ လာခဲ့ကြောင်း နိုင်ငံပိုင်သတင်းမီဒီယာများ၏ သတင်းဖော်ပြချက်အရ သိရသည်။
ယင်းသို့ အင်းစိန်ဗဟိုအကျဉ်းထောင်သို့ သွားရောက်လေ့လာရာ၍ နိုင်ငံရေးအကျဉ်းသားများ၏ ကျန်းမာရေး စောင့်ရှောက်မှုများနှင့် ပတ်သက် ၍ ၎င်း၏ အစီရင်ခံစာ၌ ထည့်သွင်းဖော်ပြသွားမည်ဖြစ်ကြောင်း သိရှိရပြီး ယုံကြည်ချက်ကြောင်း အကျဉ်းကျခံနေရပြီး အသည်းကင်ဆာရောဂါသည် အဖြစ် အင်းစိန်ဆေးရုံကြီးတွင် ဆေးကုသမှုခံယူနေရသည့် နိုင်ငံရေးအကျဉ်းသား ကိုဖြိုးဝေအောင်အား သွားရောက်တွေ့ဆုံကာ အားပေးနှစ်သိမ့်စကား များ ပြောဆိုသွားခဲ့ကြောင်း သိရသည်။
"နိုင်ငံရေးအကျဉ်းသား ကိုဖြိုးဝေအောင်က အောက်ပိုင်းသေနေတာပါ။ ပြီးတော့ သူ့ခြေထောက်ကိုလည်း ခုထင်ခြေရင်းက ခုတင်တိုင်နဲ့ ခြေချင်းခတ်ထားပါတယ်။ ကုလအထူးကိုယ်စားလှယ် ကွင်တားနားလာတယ်ဆိုတော့ အဲဒါကိုအရင်လာပြီး ဖြုတ်ဖို့လုပ်တယ်။ ဒါပေမယ့် ကိုဖြိုးဝေ အောင်ရဲ့ ဇနီး မဌေးဌေးက မဖြုတ်ဖို့ပြောပြီး ဒီအတိုင်းထားခိုင်းတယ်။ ကွင်တားနားလာတော့ အဲဒါကိုမြင်သွားပြီး ခြေချင်းက ဘာဖြစ်လို့ တပ်ထားတာလဲ လို့ဆိုပြီး အကျဉ်းဦးစီးဌာနက ညွန်ကြားရေးမှူးချုပ်ကို ခေါ်မေးတယ်။ အဲဒီတော့ ဒီလိုလုပ်ရတာက လုံခြုံရေးအရ ရဲအဖွဲ့တွေအနေနဲ့ လုပ်တာပါ။ ကွင်တားနားက ဒီကိစ္စနဲ့ ပတ်သက်ပြီး ဘာမှသိပ်စိတ်မပူပဲ သူလိုအပ်တာ လုပ်သွားပါ့မယ်လို့ မဌေးဌေးကို နှစ်သိမ့်စကားပြောသွားပါတယ်"ဟု ယင်း ဆေးရုံမှ တာဝန်ရှိသူတစ်ဦးက ဆိုသည်။
ထို့ပြင် မစ္စတာ ကွင်တားနားသည် ဇူလိုင်လ ၃၀ ရက်နေ့ ညနေ၌ ရန်ကုန်မြို့ရှိ ကုလသမဂ္ဂရုံးတွင် ၈၈မျိုးဆက်ကျောင်းသား ကိုမင်းကိုနိုင် ဦးဆောင်သည့်အဖွဲ့နှင့် တွေ့ဆုံ၍ ရခိုင်ပြည်နယ်သို့ သွားရောက်ခဲ့သည့် မနီလာသိန်းနှင့် မမီးမီးတို့အား တွေ့ဆုံမေးမြန်းခဲ့ကြောင်း သိရှိရသည်။
"သူလာရတာက မြန်မာနိုင်ငံမှာဖြစ်တဲ့ ရခိုင်အရေးနဲ့ ပတ်သက်ပြီး အဓိကထားလာတာ။ ပြီးတော့ ဒုက္ခသည်တွေကိုလည်း ကူညီဖို့နဲ့ ဇူလိုင်လ ၃၁ ရက်နေ့မှာ ကိုယ်တိုင်သွားရောက်ပြီး လေ့လာဖို့ရှိတယ်ဆိုတာတွေကို ပြောသွားပါတယ်။ ပြီးတော့ ကျွန်တော်တို့ဆီကနေပြီးတော့ ရခိုင်ကိစ္စနဲ့ပတ် သက်တဲ့ အချက်အလက်တွေကိုလည်း သူနားထောင်သွားပါတယ်။ ပြီးတော့ သူ့အနေနဲ့ မြန်မာနိုင်ငံမှာ လူ့အခွင့်အရေးချိုးဖောက်တာတဲ့ ရာခိုင်နှုန်း နည်း သမျှနည်းအောင် ပြုလုပ်သွားဖို့ ရှိတယ်ဆိုတာကိုလည်း ပြောသွားပါသေးတယ်"ဟု ၈၈မျိုးဆက်ကျောင်းသားအဖွဲ့မှ အဖွဲ့ဝင်တစ်ဦးက ပြောကြားသည်။
ထို့နောက် မစ္စတာကွင်တားနားသည် ဗမာနိုင်ငံလုံးဆိုင်ရာကျောင်းသားသမဂ္ဂအဖွဲ့ချုပ် ဒု-ဥက္ကဋ္ဌ ကိုလင်းထက်နိုင်နှင့် အထွေထွေအတွင်းရေး မှူး မဖြိုးဖြိုးအောင်တို့အား တွေ့ဆုံခဲ့ကြောင်း သိရှိရပြီး Generation Wave အဖွဲ့မှ ကိုမိုးသွေးနှင့်အဖွဲ့အား တွေ့ဆုံခဲ့ကြောင်း သိရှိရပြီး ရခိုင်အမျိုးသမီး အစည်းအရုံးမှလည်း ရခိုင်ပြည်နယ်တွင် ဖြစ်ပွားနေသည့် ပဋိပက္ခ အထိကရုဏ်းနှင့် ပတ်သက်၍ မစ္စတာကွင်တားနားအနေဖြင့် သေချာလေ့လာစိစစ်၍ တိကျသည့် အစီရင်ခံစာတစ်ရပ် ဖြစ်လာစေရန် လိုအပ်ကြောင်း အပြည်ပြည်ဆိုင်ရာ ကုလသမဂ္ဂသို့ တောင်းဆိုထားသည့် ပေးစာတစ်စောင် ပေးပို့ထား ကြောင်း သတင်းဖော်ပြချက်များအရ သိရှိရသည်။
ATM (Yangon chronicle)
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်