0 စိမ်းလဲ့ကန်သာ တွေ့ဆုံမှုဆိုတာ

စာရေးသူ - တူမောင်ညို (ရိုးမ၃)

သတင်းစာရှင်းလင်းပွဲ ၂ ခု ကို အကွက်ချပြီး တစ်ရက်ထဲ တပြိုင်နက်ထဲ ပြုလုပ်ကြခြင်း ဖြစ်တယ်။
ဒါပေမယ့် နေရာကတော့ တစ်နေရာစီ။ နေပြည်တော်နဲ့ ရန်ကုန်မှာ ခွဲပြီးလုပ်တာဖြစ်ပါတယ်။ ဒီလို ခွဲလုပ်တာကိုယ်၌က သူတို့ပင်ကိုယ်ရည်ရွယ်ချက်နဲ့ သဘောထားကို ထင်ဟပ်ဖေါ်ပြနေပါတယ်။
ရန်ကုန်မှာ ဦးအောင်ကြည် ပြုလုပ်တဲ့ သတင်းစာရှင်းလင်းပွဲက တစ်စိတ်တစ်ပိုင်းကိစ္စပဲ ဖြစ်တယ်။ နေပြည်တော်မှာ ဦးကျော်ဆန်းခေါင်းဆောင်ပြီး ပြုလုပ်တဲ့သတင်းစာရှင်းလင်းပွဲက တစ်ခုလုံးသဘောဆောင်တယ်။ အစိုးရ အာဘော်နဲ့ သဘောထားတွေကိုပြောတဲ့ ရှင်းလင်းပွဲဖြစ်တယ်။
အမိန့်ကြော်ငြာစာအမှတ် (၇၅/၂၀၁၁) ထုတ်ပြန်ကတည်းက “နိုင်ငံတော်၏ နိုင်ငံရေး၊ စီးပွားရေး၊ လုံခြုံရေး၊ စစ်ရေး၊ သဘာဝဘေးအန္တရာယ်ရေးဆိုင်ရာ ကိစ္စရပ်များနှင့် စပ်လျဉ်း၍” ဆိုပြီး တိတိကျကျ သတ်မှတ်တာဝန်ပေးထားပြီးလည်း ဖြစ်တယ်။ အဲဒီ (၁၁) ဦးပါတဲ့ “ပြောရေးဆိုခွင့်နဲ့ သတင်းထုတ်ပြန်ရေးအဖွဲ့” ကို ပြန်ကြားရေးဝန်ကြီးဌာန၊ ပြည်ထောင်စုဝန်ကြီး ဦးကျော်ဆန်းက ခေါင်းဆောင်တယ်။
ဒီတော့ သတင်းစာရှင်းလင်းပွဲတစ်ခုနဲ့တစ်ခုက ပါဝါခြင်း မတူကြဘူး။ နေပြည်တော်သတင်းစာရှင်းလင်းပွဲက ပါဝါပိုကြီးတယ်။ ကြီးဆိုအသစ်စက်စက်ဖွဲ့စည်းလိုက်တဲ့ “ပြောရေးဆိုခွင့်နဲ့ သတင်းထုတ်ပြန်ရေးအဖွဲ့” က ကျင်းပတာ ဖြစ်တယ်။ အသေအချာ ပြင်ဆင်ချိန်ကိုက်ပြီးမှ ပြုလုပ်လိုက်တာလည်း ဖြစ်တယ်။

ဝန်ကြီးက မျက်ရည်ကျပြလိုက်တော့ “သောသောရုတ်ရုတ်” ဖြစ်သွားတယ်။ ဒါကလည်း ဖမ်းစားလိုက်တဲ့ ပရိယာယ် တစ်ကွက်ပေါ့။
ဒီလိုငိုနေတဲ့အချိန်မှာ နှဲကြီးကိုချွဲချွဲကြီးမှုတ်ပြီး (ဇာတ်) ပို့ပေးလိုက်ချင်တယ်ဆိုတဲ့ သြဘာပေးထားတာလည်း အင်တာနက်မှာ ဖတ်လိုက်ရလို့ “ရယ်” ကြရသေးတယ်။ “အကယ်ဒမီ” ရနိုင်တယ်လို့ “တစ်” ပေးသူက ပေးတယ်။ “ဆန်ရေစပါးရှားနိုင်တယ်” လို့ နိမိတ်ဖတ် သူကလည်းဖတ်တယ်။ သေချာတာတော့ အခုလို ရေတွေကြီးနေပုံမျိုးနဲ့ဆိုရင် နောင်နှစ် ဆန်ဈေးကြီးမှာ သေချာတယ်။

“နေပြည်တော်” သတင်းစာရှင်းလင်းပွဲက “ရန်ကုန်” သတင်းစာရှင်းလင်းပွဲကို လွှမ်းမိုးနေတယ်။ ချုပ်ကိုင်ထားတယ်။ ဘောင်ခတ်ပေးထားတယ်။ တစ်စိတ်တစ်ပိုင်းကို တစ်ခုလုံးက လွှမ်းမိုးနေတာပေါ့။ဒီနေရာမှာ “စိမ်းလဲ့ကန်သာတွေ့ဆုံပွဲရဲ့သဘောအဓိပ္ပါယ်” ကို နေပြည်တော်သတင်းစာရှင်းလင်းပွဲမှာ ရှင်းရှင်းလင်းလင်း ထုတ်ဖေါ်ပြောသွားတာကို အချက်တစ်ချက်ကို သတိပြုမိလိုက်တယ်။ အဲဒီသတိပြုမိတဲ့အချက်ကို ကွက်ပြီးတင်ပြပါမယ်။ ဒီအချက်ကိုလည်း (၁/၂၀၁၁) သတင်းစာရှင်းလင်းပွဲရဲ့ အစိတ်အပိုင်းတစ်ခုအဖြစ်သာ ပြောရေးဆိုခွင့်အဖွဲ့ခေါင်းဆောင်က ပြောသွားတာပါ။
ပြောရေးဆိုခွင့်အဖွဲ့ခေါင်းဆောင်က အခုလိုပြောပါတယ်။

“အမျိုးသားစည်းလုံးညီညွတ်ရေးကို ရှေးရှုတဲ့အနေနဲ့ ဥပဒေအရ ရပ်တည်ခွင့်မရှိတော့တဲ့ NLD ရဲ့အရေးကိစ္စကိုပင် သိမ်မွေ့ စွာကိုင်တွယ်ပြီး၊ အမျိုးသားအကျိုးစီးပွားအတွက် လက်တွဲဆောင်ရွက်နိုင်မယ့် အခွင့်အလန်းများ ဖွင့်ပေးထားတာကို တွေ့ရမှာဖြစ်တယ်။ NLD ဟာ နိုင်ငံရေးဆောင်ရွက်မယ်ဆိုပါက တရားဝင်ပါတီထူထောင်ခွင့်ရအောင် ဥပဒေနဲ့အညီလုပ်ဆောင်ရမှာပဲ ဖြစ်ကြောင်း ပြောကြားလိုပါတယ်”

“မည်သို့ပင်ဖြစ်စေ နိုင်ငံတော်အပိုင်းက အမျိုးသားပြန်လည်စည်းလုံးညီညွတ်ရေးအတွက် ကြိုးပမ်းဆောင်ရွက်ရာမှာ NLD ကိုလည်း တတ်နိုင်သမျှ လက်တွဲခေါ်ယူလျက်ရှိပါတယ်။ အားလုံးသိပြီးဖြစ်တဲ့အတိုင်း ဇူလိုင်လ ၂၅ ရက်နေ့မှာ ဝန်ကြီး ဦးအောင်ကြည်နဲ့ ဒေါ်အောင်ဆန်းစုကြည်တို့ တွေ့ဆုံဆွေးနွေးခဲ့ပြီး နှစ်ဦးသဘောတူ ထုတ်ပြန်ကြေညာချက်ကိုလည်း ထုတ်ပြန်ခဲ့ပြီးဖြစ်ပါတယ်၊ ဆက်လက်တွေ့ဆုံဆွေးနွေးမှုများ ဆောင်ရွက်ပြီး ပြည်သူလူထုအကျိုးစီးပွားအတွက် လည်းကောင်း၊ ဖွဲ့စည်းပုံအခြေခံ ဥပဒေနဲ့အညီ ဒီမိုကရေစီဖော်ဆောင်ရေးလုပ်ငန်းများမှာ ပူးပေါင်းဆောင်ရွက်နိုင်ရန်အတွက် လည်းကောင်း အောင်မြင်တဲ့ ရလဒ်ကောင်းများ ရရှိဖို့မျှော်လင့်ပါကြောင်း ပြောကြားလိုပါတယ်”
“စိမ်းလဲ့ကန်သာတွေ့ဆုံပွဲဘာလဲ” ဆိုတာ ဒီပြောကြားချက်နဲ့တင် သရုပ်သကန်ပေါ်လွင်နေပါပြီ။
“သိမ်မွေ့စွာကိုင်တွယ်ပြီး လက်တွဲဆောင်ရွက်နိုင်မယ့် အခွင့်အလန်းများ ဖွင့်ပေးထားတာကို တွေ့ရမှာဖြစ်တယ်/ တတ်နိုင်သမျှ လက်တွဲခေါ်ယူလျက်ရှိတယ်” တဲ့။ “ NLD ဟာ ဥပဒေအရရပ်တည်ခွင့် မရှိတော့ဘူး၊ နိုင်ငံရေးဆောင်ရွက်မယ်ဆိုရင် တရားဝင် ပါတီထူထောင်ခွင့်ရအောင် ဥပဒေနဲ့ အညီလုပ်ဆောင်ရမယ်” တဲ့။
“သိမ်မွေ့စွာကိုင်တွယ်”၊ “အခွင့်အလန်းများဖွင့်ပေးထား”၊ “တတ်နိုင်သမျှလက်တွဲခေါ်ယူ”၊ “ဥပဒေအရ ရပ်တည်ခွင့်မရှိတော့ဘူး”၊ “ဥပဒေနဲ့အညီလုပ်ဆောင်ရမယ်” ဆိုတဲ့ အသုံးနှုန်းတွေဟာ ဘယ်လောက်များ အပေါ်စီးဆန်နေပါသလဲ။ တန်းတူရည်တူ သဘောမထားဘူးဆိုတာ သိပ်ပေါ်လွင်ပါတယ်။

ချုပ်လိုက်တော့ “စိမ်းလဲ့ကန်သာတွေ့ဆုံပွဲ” ဟာ အများထင်မြင်ယူဆနေသလို နိုင်ငံရေးအရဆွေးနွေးနေတာ မဟုတ်ဘူး၊ ဥပဒေဘောင်ထဲမှာ ဘယ်လိုပူးပေါင်းဆောင်ရွက်ကြမလဲဆိုတာနဲ့ပတ်သက်ပြီး “ဈေးဆစ်” နေကြတဲ့ သဘောမျိုး ဖြစ်နေပါတယ်။ အဓိပ္ပါယ်သက်ရောက်နေပါတယ်။ “ NLD က နိုင်ငံရေးလုပ်မယ်ဆိုရင် ဥပဒေနဲ့အညီမှတ်ပုံတင်ရမယ်” ဆိုတဲ့ အချက်ကို ထုတ်ပြောလိုက်တော့ ဒီသဘောက ပိုလို့ထင်ရှားမသွားပေဘူးလားဗျာ။

ဒီလိုစကားတွေကို သမ္မတကိုယ်တိုင်လက်မှတ်ရေးထိုးပြီး ပူပူနွေးနွေး ခန့်အပ်တာဝန်ပေးလိုက်တဲ့အဖွဲ့ခေါင်းဆောင်က ပြောတဲ့စကားတွေလည်းဖြစ်ပါတယ်။ ဒီတော့ဗျာ ဒီထက်ခိုင်လုံတိကျစရာ မရှိတော့ဘူးပေါ့။
“စိမ်းလဲ့ကန်သာတွေ့ဆုံပွဲ”က ရရှိလာမယ့်ရလဒ်ဆိုတာတွေဟာ “ဖွဲ့စည်းပုံအခြေခံဥပဒေနဲ့အညီ” ဖြစ်ရမယ်လို့တောင် “ဘောင်” ခတ်ပေးလိုက်သေးတယ် မဟုတ်လားခင်ဗျ။
ကျနော်နိဂုံးချုပ် ပြောချင်တာက ဦးအောင်ကြည်နဲ့ မိနစ် (၅၀) ကြာတွေ့ဆုံပြီး ထုတ်ပြန်လိုက်တဲ့ “သတင်းထုတ်ပြန်ချက်” ဟာ ယေဘုယျသိပ်ဆန်လွန်းနေတာ ဘာမျှမဆန်းဘူးဆိုတဲ့အချက်ပဲ ဖြစ်ပါတယ်။ သတင်းစာရှင်းလင်းပွဲ သတင်းထောက်အမျိုးသမီးတစ်ဦးက ဦးအောင်ကြည်ကို ဒီလိုမေးမြန်းခဲ့ပါတယ်။

“သဘောထားကွဲလွဲနေမှုတွေ၊ စိတ်ဝမ်းကွဲပြားနေမှုတွေကို ဆွေးနွေးတယ်လို့ ပြောပါတယ်၊ အဲဒါအစိုးရနဲ့ ဒေါ်အောင်ဆန်းစုကြည် အကြားကိုပြောတာပါလား၊ ဒါမှမဟုတ် လက်နက်ကိုင်အဖွဲ့အစည်းနဲ့ အစိုးရအကြား အခြေအနေကို ဆိုလိုတာပါလား၊ နောက် တစ်ခုက အဲဒီမှာပဲပါပါတယ်။ တရားဥပဒေစိုးမိုးရေးကိစ္စဆွေးနွေးတယ်လို့ သိရပါတယ်။ အဲဒီလိုဆွေးနွေးတာက ဒေါ်အောင်ဆန်းစုကြည်နဲ့ သူ့ရဲ့ပါတီကို တရားမဝင်ဘူးလို့ ပြောထားတာရှိပါတယ်။ အဲဒီကိစ္စကို သိရမလားရှင့်”
ဒီလို သော့ချက်ကျတဲ့ မေးခွန်းတွေကို တိတိကျကျ ဖြေဆိုနိုင်ခြင်း မရှိခဲ့တာကလည်း “ဦးအောင်ကြည်ရဲ့ အနေအထားနဲ့ စိမ်းလဲ့ကန်သာတွေ့ဆုံမှုရဲ့လက်ငင်းအနေအထား” ကို ထင်ဟပ်ဖော်ပြနေပြန်ပါတယ်။
ဒါကြောင့် “စိမ်းလဲ့ကန်သာတွေ့ဆုံမှု” က ရရှိလာနိုင်မယ့် ပြေလည်မှုရလဒ်နဲ့အဖြေဆိုတာဟာ “ဖွဲ့စည်းပုံအခြေခံဥပဒေ” ကို လက်ခံ/မခံဆိုတဲ့အချက်ပေါ်မှာသာ အဓိကမူတည်နေပါတယ် ခင်ဗျ။
ဒီလမ်းအတိုင်းသွားရင် အဲဒီရွာကိုပဲ ဒုတ်ဒုတ်ထိရောက်မှာပါ။