မိုးယုမေ(Yangon PressInternational )ရေးသားသည်။
စုံခုန်ခြင်းတော့မဟုတ်၊ သို့ပေမဲ့ တစ်လှမ်းပြီးတစ်လှမ်း အရှိန်အဟုန်နှင့်လှမ်းနေသည့် ခြေလှမ်းများနှင့်အတူ၊ မတူသည်များကိုဖယ်ထားပြီး တူညီသည်များကိုလက်တွဲလုပ်ဆောင်ကြမည်ဆိုသည့် အပြုသဘော ဆောင်သည့် ခပ်စိပ်စိပ် နိူင်ငံရေးတွေ့ဆုံဆွေးနွေးမှုများမှတစ်ဆင့်…
နိူင်ငံရေးအကျဉ်းသားများကို တစ်ရစ်စီ နည်းနည်းချင်း လွှတ်ပေးနေရင်းက မကြာမီကာလတွင် အားလုံးကို လွှတ်ပေးကောင်း လွှတ်ပေးနိူင်သည်ဆိုသော ယုန်ကောင်ငုံ၍ ယုန်ရုပ်ရေးသည့် အရိပ်အယောင်များ၊ နိုင်ငံရေးပါတီများ မှတ်ပုံတင်ခြင်း ဥပဒေကို ပြင်ဆင်သည့် ဥပဒေကြမ်းများ၊ ၉၀ ရွေးကောက်ပွဲရလဒ်ကို အသိအမှတ်ပြုပါသည် ဆိုသည့်အပြောအဆိုများ၊ စသည်တို့က ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်ပြီး တစ်နှစ်တာကာလ အတွင်း (သို့မဟုတ်) ရွေးကောက်ပွဲအပြီး တစ်နှစ်တာကာလအတွင်း ထွက်ပေါ်လာသည့် အပေါင်း လက္ခဏာဆန်သည့် ရလဒ်များဖြစ်သည်။
တစ်နည်းအားဖြင့်ဆိုရလျှင် အထက်ပါ ဖြစ်ထွန်းမှုများသည် ၂၀၁၀ ရွေးကောက်ပွဲတွင် ပါဝင်ဆင်နွှဲခြင်း မပြုရန် ဆုံးဖြတ်ချက်ချမှတ်စဉ်က အမျိုးသားဒီမိုကရေစီအဖွဲ့ချုပ်ကိုင်စွဲခဲ့သည့် ရွှေဂုံတိုင်ကြေငြာစာတမ်းပါ အချက် တချို့တ၀က်ကို လိုက်လျောသကဲ့သည့် သဘောလည်း ဖြစ်နေသည် ဆိုနိုင်သည်။
နိူင်ငံရေး အကျဉ်းသား အားလုံးလွှတ်ပေးရန်၊ ၂၀၀၈ အခြေခံဥပဒေကိုပြင်ဆင်ရန်၊ ၉၀ ရွေးကောက်ပွဲရလဒ် ကိုအသိအမှတ်ပြုရန် နှင့် တွေ့ဆုံဆွေးနွေးမှုများပြုလုပ်ရန် စသည့်တို့မှာ ၂၀၀၉ ဧပြီ ၂၉ ရက်နေ့စွဲဖြင့် ထုတ်ပြန်သည့် ရွှေဂုံတိုင်ကြေငြာစာတမ်းတွင် ပါဝင်သည့် အဓိကတောင်းဆိုချက်များ ဖြစ်သည်။
YPI မှယမန်နေ့က Facebook မှတစ်ဆင့် ကောက်ခံခဲ့သည့် နိုင်ငံရေးပါတီများမှတ်ပုံတင်ခြင်း ဥပဒေပြင်ဆင်ပြီးပါက အင်န်အယ်လ်ဒီပါတီ မှတ်ပုံတင်သင့် မတင်သင့် အချက်ကို သဘောထား ကောက်ခံကြည့်သည်။ ထိုစစ်တမ်းအရ ၈၀ ရာနှုန်းသော Facebook မိတ်ဆွေများမှာ မှတ်ပုံတင်သင့်သည်ဟု သဘောထားပေးကြသည်။ မှတ်ပုံ မတင်သင့်ဟု ဆိုသူများမှာ ၁၅ ရာနှုန်းပင် မပြည့်သည်ကိုတွေ့ရသည်။
တိုင်းရင်းသား ညီနောင်ငါးပါတီတွင် ပါဝင်သည့် ကယန်း အမျိုးသားပါတီအတွင်းရေးမှုး ဦးနန်းရီက “ကျွှန်တော်တို့ ကတော့ မှတ်ပုံတင်စေချင်တယ်။ ဘာဖြစ်လို့လည်းဆိုတော့ ဒီမိုကရေစီအင်အားစုအင်အားစုတစ်ခု အနေနဲ့ပေါ့၊ NLD ကဒီမိုကရေစီရရှိဖို့ အတွက်ကြိုးပမ်းနေတဲ့သူတွေ၊ ဒီမိုကရေစီလိုလားတဲ့သူတွေ၊ ဒီမိုကရေစီရဖို့အတွက်သွားနေတဲ့သူတွေဆိုတော့သူတို့ကိုမှတ်ပုံတင်စေချင်တယ်၊ ရွေးကောက်ပွဲဝင်စေချင်တယ်”ဟုဆိုသည်။
အခြား လူမျိုးစု ပါတီတပါတီဖြစ်သည့် မွန်ဒေသလုံးဆိုင်ရာ ဒီမိုကရေစီပါတီမှ ပြည်နယ် လွှတ်တော် ကိုယ်စားလှယ် ဒေါက်တာအောင်နိုင်ဦးကလည်း “ သူတို့ မှတ်ပုံတင်ရင်လုံးဝကြိုဆိုပါတယ်။ ဘာဖြစ်လို့လဲဆိုတော့ အတိုက်အခံပါတီတွေက အင်အားနည်းနေတယ်၊ ဒါကြောင့်NLD လို အင်အားကြီးတဲ့ပါတီ တစ်ခုဝင်လာစေချင်တယ် ။ နောက် NLD မှတ်ပုံတင်ပြီးရွေးကောက်ပွဲ ၀င်လာရင် လည်း ကျွှန်တော်တို့ အတိုက်အခံ တိုင်းရင်းသားပါတီတွေနဲ့ ပူးပေါင်းပေးပါလို့ တောင်းဆိုပါတယ်” ဟု အန်အယ်လ်ဒီကို လွှတ်တော်နိုင်ငံရေး အတွင်းပါဝင်လာစေချင်သည့် ဆန္ဒကိုဖေါ်ပြလိုက်သည်။
ဒေါ်အောင်ဆန်းစုကြည်ကိုယ်တိုင်က “အင်န်အယ်လ်ဒီပါတီပြန်ပြီးတော့ မှတ်ပုံတင်ရေးကိစ္စဟာ ဥပဒေပေါ်မှာမူတည် ပါတယ်” ဟုပြောလာခဲ့ပြီ။
နိုင်ငံရေး အကျဉ်းသား အားလုံး လွှတ်ပေးရေးသည့် ဆယ်စုနှစ် ၂ခုကြာ အဓိက နိုင်ငံရေးလိုအပ်ချက် တခုဖြစ်လို့နေသည်။
သည်လိုဆိုလျှင် အင်န်အယ်လ်ဒီပါတီအနေနှင့်ကရော …
မှတ်ပုံမတင်သင့်ပါဟု သဘောထားပေးနေသူအများစု၏ စိုးရိမ်မကင်းဖြစ်မှုများမှာ နိုင်ငံရေးအကျဉ်းသားများအားလုံး မလွတ်မြောက်သေးခြင်း၊ အခြေခံဥပဒေကို အမှန်တကယ် ပြင်ဆင်နိုင်ခွင့်ရမည် ဆိုသည်ကို မယုံကြည်ခြင်းတို့အပြင်၊ သမိုင်းပေး သင်ခန်းစာများအရ လက်ရှိအစိုးရအသစ်၏ ဆောင်ရွက်ချက်များအပေါ် အယုံအကြည် နည်းပါးနေသေးခြင်းတို့အပေါ်အခြေခံသည်။
မကြာမီလေးကမှ အကျဉ်းထောင်မှလွတ်မြောက်လာသည့် “နိုင်ငံရေးသမား လူပြက်” ဟု သူ့ကိုယ်သူ ဖွင့်ဆိုသော ကိုဇာဂနာအနေနှင့် အင်န်အယ်လ်ဒီပါတီကို ၂၀၁၀ ရွေးကောက်ပွဲမှာကတည်းက ပါဝင်စေချင်သည်။
“ဘာလို့လဲဆိုတော့ အဲလိုမှသာ (မှတ်ပုံတင်မှသာ) လွှတ်တော်ထဲမှာ အားပြိုင်နိုင်မှာလေ၊ အင်န်အယ်လ်ဒီက သူ့ရဲ့ ဂုဏ်သိက္ခာနဲ့ မ၀င်ဘူးလို့ဆုံးဖြတ်တာလဲ ကျွန်တော်နားလည်ပါတယ်၊ သို့သော် ခုချိန်မှာတော့ မှတ်ပုံ တင်ကိုတင်သင့်တယ်လို့ ကျွန်တော်ကလည်း ထင်ပါတယ်၊ မဟုတ်ရင် အန်တီက နောက်ငါးနှစ်ဆို ၇၁နှစ်ရှိပြီ၊ နောင်လူငယ်တွေအတွက် နိုင်ငံရေးကစားစရာ Ground ဘယ်မလဲ… Space ဘယ်မလဲ … မရှိတော့ဘူး ” ဟု ၎င်းကပြောသည်။
အကယ်၍သာ အမျိုးသားဒီမိုကရေစီအဖွဲ့ချုပ်အနေဖြင့်ပြန်လည်မှတ်ပုံတင်ဖြစ်ပါက၊ ခေါင်းခါးခြေလက်စုံသည့် နိုင်ငံရေးအင်အားစုကြီး တစ်ခုအဖြစ်ပြန်လည်အသက်ဝင်လာပြီး၊ အားနည်းသည့်အတိုက်အခံအင်အားစုများဖက်မှ မားမားမတ်မတ် တရားဝင်ရပ်တည်နိုင်ခွင့်ရှိလာမည်ဖြစ် သလို မှတ်ပုံမတင်ဖြစ်ခဲ့လျှင် လူငယ်များအကွဲကွဲအပြားပြားနှင့် နေရာအသီးသီးသို့ ရောက်သွားကြမည်မှာစိုးရိမ်ဖွယ်ဖြစ်ကြောင်း ကိုဇာဂနာက ပြောဆိုသည်။
အင်န်အယ်လ်ဒီ အနေနှင့် ဘယ်ကစားကွင်းကို ကစားမည်လဲ၊ လွှတ်တော် ပြင်ပကွင်းလား၊ လွှတ်တော် အတွင်း ကွင်းလား၊ ဘယ်ကွင်းက တိုင်းပြည်လူထုအတွက် ပိုအကျိုးရှိမည်လဲ ဆိုသည်ကလည်း အရေးကြီးပါသည်။ ယခု ရွေးချယ်မှုသည် အင်န်အယ်လ်ဒီပါတီ အနာဂတ်သာမက တိုင်းပြည်ရဲ့ အနာဂတ်အတွက် အရေးပါသည့် အဆုံးအဖြတ်တခု ဖြစ်သည်ကတော့ အသေအချာပင်။
“အန်တီ့ခေါင်းဆောင်မှုအောက်မှာဆိုရင်လူငယ်တွေတစ်စုတစ်စည်းတည်းရှိလိမ့်မယ်လို့ကျွန်တော်ယုံတယ်၊ အဲလိုသာမဟုတ်ခဲ့ရင် လူငယ်အဖွဲ့အစည်းတွေ အများကြီးဖြစ်သွားနိူင်တယ်၊ မှတ်ပုံပြန်တင်မယ်ဆိုရင် ကျွန်တော်ထောက်ခံတယ်၊ မှတ်ပုံပြန်တင်သင့်တယ်လို့လည်း ကျွန်တော်ယုံကြည်တယ်” ဟု ဇာဂနာက ပြောသည်။
2 years ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်