''စတူဒီယိုအလွှာ၊ခေတ်သစ်အလွှာက အနုပညာရှင်၁၆ဝကျော် ရဲ့တောင်းဆိုချက်ကို သူတို့ကနားလည်လက်ခံကြတယ်။ အကောင်းဆုံးဖြေရှင်းပေးမယ်လို့လည်း ပြောပါတယ်။ ဂီတအစည်းအရုံး ဗဟိုကိုလည်းအကြောင်း ကြားစာပို့ပြီးလက်ရှိရွေးကောက်ပွဲ ကြီးကြပ်ရေးကော်မရှင် ရဲ့လုပ်ဆောင်ချက်တွေကိုလည်း ခဏဆိုင်းငံ့ပေးဖို့ လုပ်ဆောင်ပေးမယ်လို့ အကြမ်းဖျင်းသိရပါပြီ။ ပြည်သူ့ ဆက်ဆံရေး ကော်မတီဝင် လူကြီးတွေအားလုံးက ဒီကိစ္စ အားလုံးကို တကယ် ခံစားပြီး သဘောပေါက် ကြတဲ့အတွက် အကောင်းဆုံးဖြစ်အောင် ကြိုး စားပေးမယ်လို့ ပြောတယ်'' လို့တေးရေးမြင့် မိုးအောင်ကပြောပါတယ်။
ထိုကဲ့သို့တွေ့ဆုံမှုအပြီး အနုပညာရှင် များနားခိုဖို့ ဟိုတယ်ကို အပြန်မှာတော့ ကားမတော်တဆမှု တစ်ခုဖြစ်ပွားခဲ့ကြောင်း သိရပါ တယ်။ တေးရေးမြင့်မိုးအောင်၊ဖြူဖြူ ကျော်သိန်းနဲ့ Dream စတူဒီယိုမှ ကိုကျော်လင်းထိန်တို့ စီးလာတဲ့ကားကို နောက် ကားတစ်စီးက ဝင်တိုက် သွားခြင်းဖြစ်ပြီး အနုပညာရှင်များ အနည်းငယ် ထိခိုက်ဒဏ်ရာရ သွားကြတယ်လို့ သိရပါတယ်။ တေးရေးမြင့်မိုးအောင်က ခေါင်းအနည်း ငယ်ပေါက်သွား ပြီး တေးသံရှင် ဖြူဖြူကျော်သိန်းကတော့ ခါး ကို ထိသွားတာကြောင့် နေပြည်တော်ကနေ လေယာဉ်နဲ့ပြန်ခဲ့ရတယ်လို့ သိရပါတယ်။ အတိုက်ခံရတဲ့ ကားကတော့ ဖြူဖြူကျော်သိန်း ရဲ့ကားဖြစ်ပြီး အဲဒီကိစ္စတွေ အကုန်လုံးကို တော့ ပြည်သူ့ဆက်ဆံရေး လွှတ်တော်ကော် မတီက အစအဆုံး ဖြေရှင်းကူညီဆောင်ရွက် ပေးတယ်လို့လည်း သိရပါတယ်။ အဲဒီ အကြောင်းကို ဖြူဖြူကျော်သိန်းက..
''ကားကတော့ ဝင်တိုက်တဲ့အရှိန်နည်း နည်းပြင်းတော့ ဘေးရော ၊နောက်ရော ပိန်လိန်သွားတယ်။ မောင်းလို့တော့ မရတော့ဘူး။ အစ်မက ခါးထိသွားလို့ လေယာဉ်နဲ့ပြန်လာ ဖြစ်တယ်။ အစ်မတို့ကတော့ ကိုယ့်လောက အတွက်ကောင်းစေဖို့ကို အဓိကထားပြီး သွား ရောက် တွေ့ဆုံကြတာပါ။ အခုအစ်မတို့ သွားတဲ့ကိစ္စလေး အဆင်ပြေ ဖို့ကအရေးအကြီး ဆုံးပါပဲ။အခုဒီလိုမျိုးဖြစ်တာလည်း အဆိုးထဲက အကောင်း ပါပဲ။ တအားဆိုးဆိုးရွားရွား မဖြစ် တာပဲ ကံကောင်းတာပါ'' လို့ တေးသံရှင်ဖြူ ဖြူကျော်သိန်းက ပြောပါတယ်။ အဆိုပါခရီး စဉ်မှာတော့ မြင့်မိုးအောင်၊လင်းလင်း၊ သားစိုး၊ အနဂ္ဂ၊ R ခိုင် ၊KGK၊ ဟေမာနေဝင်း၊ ကဗျာဘွဲ့ မှူး၊ ဖြူဖြူကျော်သိန်း နဲ့သံသာဝင်းတို့ ၁ဝ ဦး ပါဝင်ကြပြီး အခုလို တောင်းဆိုကြခြင်းမှာ ဂီတ အစည်းအရုံးကနေ ခွဲထွက်ဖို့ မဟုတ်ဘဲ ဂီတလောက အလွှာအားလုံးအတွက် မျှမျှ တတ အကောင်းဆုံးဖြစ်အောင် လုပ်ချင်တဲ့ ဆန္ဒ၊ခံယူချက်တွေကို တစ်ဦးချင်း စီ ဆွေးနွေး တင်ပြခဲ့ကြကြောင်း သိရပါတယ်။
ရဲရဲ (Popular Journal)
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်