0 ဦးသိန်းစိန်ထံမှ ကာကွယ်ပေးမည့်အာမခံချက်ရရှိရန် ထိုင်းစီးပွားရေးရပ်ကွက်လိုလား

(Bangkok Post မှ 22 July 22 2012 ရက်စွဲပါ “Buisiness Sector Wants Protection guarantees from TheinSein” သတင်းဆောင်းပါးကို ဘာသာပြန်ဆိုသည်)

စီးပွားရေးပူးပေါင်းဆောင်ရွက်မှုနှင့် အကာအကွယ်ပေးမှုလုပ်ငန်းကို မြန်မာအစိုးရက ဘယ်လိုခိုင်မာအောင် ဆောင်ရွက်မှာလဲဆိုသည်ကို ရှင်းရှင်းလင်းလင်းသိရန်အတွက် ထိုင်းနိုင်ငံအနေဖြင့် သမ္မတဦးသိန်းစိန်၏ခရီးစဉ်ကို အပြည့်အဝအသုံးချဖို့ လိုပါတယ်။

မြန်မာသမ္မတသည် ဒွန်မောင်းလေဆိပ်သို့ အထူးလေယာဉ်ဖြင့် ယနေ့ရောက်ရှိလာပြီ။

မြန်မာသမ္မတသည် သူစီစဉ်ထားသော ထိုင်းနိုင်ငံခရီးကို နှစ်ကြိမ်တိုင်တိုင် ဆိုင်းငံ့ခဲ့သည်။ ပြီးခဲ့သောမေလကုန် ဘန်ကောက် ကမ္ဘာ့စီးပွားရေးဖိုရမ်သို့ တက်ရောက်လာသော ဒေါ်အောင်ဆန်းစုကြည်အား ကမ္ဘာ့မီဒီယာများက အာရုံအပြည့်စိုက်နေချိန်ကာလအတွင်း တစ်ကြိမ် ဆိုင်းငံ့ခဲ့ခြင်း ဖြစ်သည်။

ဦးသိန်းစိန်သည် ချေင်ဘူရီရှိလိမ်ချာဘန်ရေနက်ဆိပ်ကမ်းသို့ ယနေ့သွားရောက်လည်ပတ်မည်ဖြစ်ပြီး မနက်ဖြန်တွင် ဝန်ကြီးချုပ်ယင်လပ်စ်နှင့် တွေ့ဆုံဆွေးနွေးပြီးနောက် ပူးတွဲကြေညာချက်ထုတ်ပြန်မည်ဖြစ်သည်။ နေပြည်တော်မပြန်မီ အင်္ဂါနေ့တွင် မြဘုရားသို့ သွားရောက်ဖူးမျှော်မည်။

ခေါင်းဆောင်နှစ်ဦး ဆွေးနွေးကြဖွယ်ရှိသည့်ကိစ္စတစ်ခုမှာ ထိုင်းမြန်မာနယ်စပ် ကော့သောင်းမြို့နယ်တွင် မြန်မာ့မြေပေါ် ကျုးကျော်နေထိုင်မှုဖြင့် ဖမ်းဆီးခံနေရသော ထိုင်းလူမျိုး ၉၂ ဦး၏ အမှုကိစ္စဖြစ်ပြီး အချို့မှာလက်နက်ကိုင်ဆောင်မှု မူးယစ်ဆေးဝါးမှုများဖြင့် ပတ်သက်နေသည်။

အိမ်နီးချင်းနှစ်နိုင်ငံသည် ကဏ္ဍများစွာပူးပေါင်းဆောင်ရွက်ရေးအပေါ် သဘောတူညီမှုများရရှိထားပြီး နားလည်မှုစာချွန်လွှာ လက်မှတ်ရေးထိုးကြမည်ဟု ထိုင်းနိုင်ငံခြားရေးဝန်ကြီးဌာနက ပြောကြားသော်လည်း အသေးစိတ်ဖော်ပြခြင်းမရှိပေ။

မြန်မာနိုင်ငံ၌ ဒီမိုကရေစီအသွင်ပြောင်းရန် ကြိုးစားပြီးနောက်ပိုင်းပေါ်ထွက်လာသော ရင်းနှီးမြှုပ်နှံမှု အလားအလာများကြောင့် ယင်းကိစ္စ အဖြူ၊ အမဲ သဲကွဲစေရန်နှင့် လက်တွေ့ကုန်သွယ်မှု၊ ရင်းနှီးမြှုပ်နှံမှုကို မြှင့်တင်ကာကွယ်ရန်အတွက်လမ်းဖောက်ရန် ထိုင်းရင်းနှီးမြှုပ်နှံသူများက ထိုင်းအစိုးရအား ဦးသိန်းစိန်၏ ခရီးစဉ်ကို အခွင့်အလမ်းအဖြစ် အသုံးပြုစေလိုသည်ဟု သိရှိရသည်။

“အဲဒီမှာအင်အားကြီးကုမ္ပဏီတွေက တံခါးခေါက်နေကြပြီဆိုတော့ တစ်ခြားရင်းနှီးမြှုပ်နှံသူတွေလိုပဲ ကျွန်တော်တို့ ထိုင်းတွေလည်း ရင်ခုန်သံ မြန်နေကြတာပေါ့။ ဒါပေမယ့် ရင်းနှီးမြှုပ်နှံမှုတွေကို ဘယ်လိုကာကွယ်ပေးမှာလဲဆိုတာ အပါအ၀င် တရားဝင်အထောက်အထားတွေ လိုအပ်နေပါတယ်။ မြန်မာနိုင်ငံလို ဈေးကွက်အသစ်ကိုမဝင်ခင်မှာ ရင်းနှီးမြှုပ်နှံသူတွေကို အကာအကွယ်ပေးမယ့် စည်းမျဉ်းတွေ သဲသဲကွဲကွဲရှိရပါမယ်။”ဟု ထိုင်းစီးပွားရေး ရပ်ကွက်က ဆိုသည်။

ဗီယက်နမ် ပုဂ္ဂလိကကုမ္ပဏီများ ခြေကုတ်မမြဲမီ Industrial Estate Authority of Thailand က အရင်ရောက်ရှိနေခဲ့သည့်အတိုင်း ယခု တစ်ကြိမ်တွင်လည်း အစိုးရကဦးဆောင်ရန်လိုအပ်သည်ဟု ထိုင်းစီးပွားရေး ရပ်ကွက်ကပြောကြားသည်။

မြန်မာနိုင်ငံ၌ ကုန်သွယ်မှုပမာဏ ဒေါ်လာ ၂၀.၃ ဘီလျှံ(၄၉.၇%)ဖြင့် တရုတ်နိုင်ငံက ဦးဆောင်နေပြီး ကုန်သွယ်မှုပမာဏ ဒေါ်လာ ၉.၅ ဘီလျံ(၂၃.၄%)ရှိသော ထိုင်းနိုင်ငံက ဒုတိယအကြီးဆုံးကုန်သွယ်ဘက်အဖြစ် ရပ်တည်နေသည်ဟု မြန်မာနိုင်ငံ တရုတ်သံရုံး၏ အဆိုအရသိရသည်။

စင်ကာပူ SingaporeInstitute of South East Asia Studies မှ သုတေသနပညာရှင် မိုက်ကယ်မွန်တီဆာနိုက ဦးသိန်းစိန်၏ခရီးစဉ်သည် ထိုင်းအစိုးရနှင့် ချစ်ကြည်မှုတည်ဆောက်ခြင်းဖြင့် အာဆီယံအဖွဲ့ဝင်တစ်ဦးအဖြစ် တာဝန်ကျေစေရန်နှင့် ၎င်းသည် နိုင်ငံအကြီးအကဲ ဖြစ်ကြောင်း ထိုင်းနိုင်ငံအား သတိပေးရန် အခွင့်အလမ်းတစ်ခု ဖြစ်သည်ဟုယူဆကြောင်း ပြောကြားသည်။

ဦးသိန်းစ်ိန်ရဲ့ ထိုင်းခရီးစဉ်မှာ ထင်ရှားနေတဲ့ ရလဒ်တွေဟာ ထိုင်းနိုင်ငံအပေါ် အများကြီးသက်ရောက်မှု ရှိနေပါတယ်။ ဒီနေ့ မြန်မာနိုင်ငံဟာ အရင်ကနဲ့မတူတော့ပဲ စီးပွားဘက်တွေ အများကြီးရှိလာတော့မယ်ဆိုတာကို ထိုင်းနိုင်ငံက သဘောပေါက်ဖို့လိုပါတယ်ဟု မွန်တီဆာနိုက ဆိုသည်။

အခြားဆွေးနွေးဖွယ်ရှိသည့်ကိစ္စများထဲတွင် ထိုင်းနိုင်ငံက တောင်းဆိုထားသော ပရာချွတ်ကရီယန်၊ ကန်ချနာဘူရီ၊ မဲဟောင်ဆောင်နှင့် ချင်းမိုင်တွင် နယ်စပ်စစ်ဆေးရေး ဂိတ်လေးခု ဖွင့်လှစ်ရေးကိစ္စ မြန်မာရွှေ့ပြောင်းအလုပ်သမားများ ရင်ဆိုင်နေရသော နှေးကွေး၍စရိတ်ကြီးသည့် နိုင်ငံသား အသိအမှတ်ပြု လက်မှတ်ထုတ်ပေးရေးကိစ္စ ဒေါ်လာ ၈.၆ ဘီလျံတန် ထားဝယ်ရေနက်ဆိပ်ကမ်းကိစ္စများ ပါဝင်သည်ဟု သိရသည်။

နိုင်ငံတကာလူ့အခွင့်အရေးအုပ်စုများနှင့် ပြည်ပရောက် မြန်မာနိုင်ငံရေးသမား အုပ်စုများကလည်း သမ္မတဦးသိန်းစိန်နှင့် လူ့အခွင့်အရေးကိစ္စများ ဆွေးနွေး ဖိအားပေးရန် ထိုင်းနိုင်ငံကို တောင်းဆိုထားကြသည်။

မြန်မာ့နိုင်ငံရေး အကဲခတ်လေ့လာသူအချို့ကမူ ထိုင်းနိုင်ငံသည် ဦးသန်းရွှေ သို့မဟုတ် ဦးသိန်းစိန်အစိုးရ ငြိုငြင်သည့်ကိစ္စများကို ရှောင်ရှားမည် ဖြစ်သည်။ မြန်မာနိုင်ငံအပေါ်မှာ အကျိုးအမြတ်ရရှိရေးကိစ္စကိုသာ အာရုံထားလိမ့်မည်ဟု မှတ်ချက်ပေး ပြောဆိုထားသည်။

yangonchronicl