ယမန်နေ့ကမိတ္ထီလာပြည်သူ့အကျိုးဆောင်ကွန်ရက်နှင့်အတူမိတ္ထီလာခရိုင်၊သာစည်မြို့နယ်၊ယင်းမာပင်တိုက်နယ်၊ ပြည်ညောင်ရွာသို့ရောက်ခဲ့သည်။ ပြည်ညောင်တစ်ရွာလုံးတွင် စိုက်ပျိုးမြေ ဧက အလွန်ရှားပါးနေလေပြီ။ အဘယ်အတွက်ကြောင့်နည်း ၊ ပုဂ္ဂလိက ကုမ္ပဏီများက နိုင်ငံတော်၏ အမိန့်ဖြင့် ရပ်ရွာနေ ပြည်သူများ၏ လယ်ယာမြေဧကများကို သိမ်းဆည်းနေ သကဲ့သို့ အုပ်ချုပ်ရေးပိုင်းဝင် ကျေးရွာအုပ်စု အုပ်ချုပ်ရေးမှူး ဦးညိုမောင်မှ ရပ်ရွာပိုင် မြေယာများကို မြို့နယ်အုပ်ချုပ်ရေးမှူး၏ သဘောတူညီချက်ပါသည်ဟု ယူဆရကာ လက်ညှိုးထိုးရောင်းစားနေခြင်းကြောင့်ဖြစ်လေသည်။
သို့အတွက် မကျေနပ်သည့် ကျေးရွာမှ လူများက လက်မှတ်ထိုး၍ တိုင်းဒေသကြီးအုပ်ချုပ်ရေးရုံးနှင့် နိုင်ငံတော်အဆင့်အထိ တိုင်တောခဲ့သည်။ သို့အတွက် လာရောက်စစ်ဆေးပေးသည် ဟုဆိုကာ ကျနော်တို့ ပြည်ညောင်ရွာသို့ ရောက်သည့်နေ့မှာပင် လာရောက်စစ်ဆေးကြသည်။ ထိုသို့စစ်ဆေးရာတွင် ဦးဆောင်တိုင်တောသူနှင့် နစ်နာရသဖြင့် လက်မှတ်ထိုးတိုင်ကြားသူ ၁၀ ဦးအား ရဲကင်းရုံးသို့ ခေါ်ယူစစ်ဆေးခဲ့သည်။ ထိုသို့စစ်ဆေးရာတွင် လာရောက်စစ်ဆေးသူ တိုင်းအုပ်ချုပ်ရေးဌာနမှ ညွှန်ကြားရေးမှူးဆိုသူက တိုင်တန်းသူများအား ဤသို့ စတင်ပြောဆိုခဲ့လေသည် “ခင်ဗျားတို့ရွာတည်ထားတာ နိုင်ငံတော်ပိုင်မြေပေါ်မှာ တည်ထားတာ၊ အဲတော့ နိုင်ငံတော်က ဖယ်ခိုင်းရင်ဖယ်ပေးရမှာပဲ။”
သို့ဆိုလျင် နိုင်ငံတော်ဆိုသည်မှာ အဘယ်နည်း။နအဖ လက်ထက်မှ ဦးသန်းရွှေလား။
လက်ရှိသမ္မတကြီး ဦးသိန်းစိန်လား။လွှတ်တော်ထဲရှိ လွှတ်တော်အမတ်များလား။
စစ်တပ်များ မှ စစ်သားများလား။ကျေးရွာ၊မြို့နယ်၊တိုင်းဒေသ အုပ်ချုပ်ရေး အရာရှိများလား။
ရဲကင်းများမှ အစရှိသော ရဲတပ်ဖွဲ့ဝင် များ ရဲအရာရှိများလား။
ရွေးကောက်ပွဲတွင် မိမိနှစ်သက်ရာ လူပုဂ္ဂိုလ်ကို မဲပေးရွေးချယ်ပေးခဲ့သော ရပ်ကျေး အဆင့်မှ အခွန်ထမ်းပြည်သူများလား။
ပြည်သူ့အစိုးရ၏ အုပ်ချုပ်မှုသည် ပြည်သူများအတွက်သာဖြစ်ရပေမည်။
ငယ်စဉ်ကတည်းက အရိုးစွဲနေထိုင်၊ ရှင်သန်လာခဲ့ ၊ မိဘ ဘိုးဘွားများက ဓားမဦးချခုတ်ထွင်ရှင်းလင်း လုပ်ကိုင်ခဲ့သော မြေယာများကို ဒေသအတွင်းမှ မဟုတ်သော ကုမ္ပဏီများမှ နိုင်ငံတော်“ အမိန့်” ဟူသော စကားလေးတခွန်းနှင့် လူသားချင်းစာနာသော တုန့်ပြန်မှု တခုမှမရှိဘဲ အသိမ်းခံနေကြရခြင်းအပေါ် ပြည်သူ့အစိုးရဟု အမည်ခံထားသော အစိုးရမှ မည်သို့လုပ်ပေးမည်နည်း။
ထိုသို့သော ဘိုးဘွားအဆက်ဆက်ပိုင်မြေယာများအား ယခင် နအဖ လက်ထက်ကလည်း လမ်းဖောက်ရန်ဟုဆို၍တမျိုး၊ ဆည်ဆောက်ရန်ဟုဆို၍တသွယ်၊ ရုံးဆောက်ရန်ဟု ပြော၍တနည်း အမျိုးအမျိုး အဖုံဖုံ လည်း အသိမ်းခံခဲ့ရလေသည်။ ယခု ပြည်သူ့အစိုးရဟု ဆိုသည့် အစိုးရကကော ထိုသို့သော မတရားမှုများကို ဆက်လက်ဖြစ်ပေါ်စေမည်လော။
ဖြစ်ပေါ်ခဲ့သောဖြစ်ရပ်များအတွက် ပြည်သူများဘက်မှ မည်သို့ရပ်တည်ပေးမည်လော။
လက်ပန်တောင်းတောင်တွင်အမှန်တကယ်မတရားခံရသော ကျေးရွာသူ ကျေးရွာသားများနှင့် ကျေးရွာများရွေ့ပြောင်းခံရသူများ နှင့်ပတ်သတ်၍ သမ္မတကြီးက ဤသို့ ပြောခဲ့ပါသည်။. ကျေးရွာသုံးရွာ ပဲကျန်တော့တာပါ။ အဲဒီကျေးရွာသုံးရွာမှာ လဲ ပြောင်းချင်တဲ့လူတွေကတော့ပြောင်းပေးနေပါတယ်။ မပြောင်းပေးတဲ့လူတွေကိုလဲ ကျေနပ်အောင်လုပ်ပေးဖို့ ပြောထားပါသည်ဟု နိုင်ငံတကာ၏ ရှေ့မှောက်တွင် ဖြေကြားခဲ့သည်။
တကယ့်ဖြစ်ရပ်မှာမှု လောလောဆည် ပြောင်းရွေ့ရန် ပြောထားသည်မှာ ရွာပေါင်း ၄ ရွာသာဖြစ်သည်။ ထိုရွာပေါင်း ၄ရွာတွင် ရွာ တစ်ရွာမှာ နေ၍မဖြစ်အောင် မြေများပုံလာသည့်အတွက် ပြောင်းပေးလိုက်ရခြင်းသာဖြစ်ပြီး ကျန်ရွာ သုံးရွာမှာ ကိုယ့် မိဘ ဘိုးဘွားများ ခေါင်းချခဲ့သော အိမ်များတွင်သာ ဆက်လက်နေထိုင်နေကြဆဲဖြစ်လေသည်။
ထိုသို့ ကုမ္မဏီများမှ ဇာတိရပ်ရွာနေ ကျေးလက်ပြည်သူများအား မတရားလုပ်နေခြင်းများအား နိုင်ငံတော်ပိုင်မြေများ ဖြစ်သဖြင့်ဟု အဖြေပေးလာမည်ဆို ပြည်သူမှလည်းနိုင်ငံတော်ဆိုသည်မှာ မည်သည်ကိုဆိုလိုသနည်းဟု မေးမြန်းလာပေတော့မည်။ ဇာတိရပ်ရွာနေပြည်သူများ၏ အကျိုးစီးပွားထိခိုက်ပျက်စီးနေသည်ကို ထိုစကားလေးတစ်ခွန်းနှင့် တကယ်ပင်အဖြေပေးကြမည်လော။
ဖတ်ရှုမိသူအပေါင်းလည်း ကူညီစဉ်စားပေးကြပါဦး၊ ထိုသို့သော နိုင်ငံတော်ပိုင်မြေ ဖြစ်သည်ဟူသော ပုံစံမျိုးနှင့် ပြည်သူများ၏ နစ်နာမှုများကို ဆက်လက်၍ မိတ္ထီလာပြည်သူ့အကျိုးဆောင်ကွန်ရက်မှလည်းတင်ပြပေးဦးမည်ဖြစ်ကြောင်း။
AungKo Oo
2 years ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်