နေမျိုးဇင်ကို တပ်မှ ဖြုတ်ပစ်ခံရသူဖြစ်ကြောင်း၊ နည်းမျိုးစုံနဲ့ မဟုတ် မမှန် ၀ါဒ ဖြန့်နေသူတို့ သိစေဖို့ တင်ပြခြင်းဖြစ်ပါတယ်။ ခေတ်ပျက်မှာ အခွင့်ထူးခံပြီး နေခဲ့တဲ့သူ မဟုတ်ဘူး ဆိုတဲ့ သက်သေပါ။ အထူးသဖြင့် လူတယောက် အကြောင်း ဇာစ်မြစ်ကို သေချာ မလေ့လာပဲ တဖက်စောင်းနင်း အပုပ်ချတတ်တဲ့ နိုင်ငံဘဏ္ဍာ ပြည်သူ့အခွန်ငွေတွေနဲ့ ရုရှားမှာ ပညာတော်သင်နေသူ စစ်ဗိုလ် တွေလိုမျိုး အတွက် သိစေဖို့ တင်ပေးခြင်းဖြစ်ပါ
တယ်။
စစ်သားကောင်း စိတ်ဓါတ်နဲ့ပဲ လူထု အတွက် အလုပ်လုပ်နေပါတယ်။ အခွင့်အရေးသမား ဟုတ်လား မဟုတ်ဘူးလား ။ ရှင်းပြတာပါပဲ။ သိစေချင်တယ်။
စစ်တပ်ကို ခုတုံးလုပ်ပြီး ကိုယ်ကျိုးရှာစားနေတဲ့ အတွက် တပ်မတော်ကနေ အခုလို နှုတ်ထွက်ခဲ့ပြီး
စစ်အာဏာရှင်တွေကို ပြည်တွင်းက ပွင့်ပွင့်လင်းလင်း ဝေဖန် ဆန့်ကျင်ခဲ့တဲ့ ပြည်သူ့စစ်သားဖြစ်တယ်။
နိုင်ငံဘဏ္ဍာကို ရာထူးအာဏာသုံးပြီး မတရားရယူထားခြင်း မရှိဖူးပါ။၊
အချိန်မရွေး ပိုင်ဆိုင်မှု ထုတ်ပြန်ကြေငြာ အစစ်ခံရဲပါတယ်
အခု ပြည်တွင်းကနေ နိုင်ငံရေး အလုပ်ကို ပေါ်ပေါ်ထင်ထင် လုပ်နေပါတယ်။ မြန်မာ့လူမှုဘ၀ ဖွံ့ဖြိုးတိုးတက်ရေး ကွန်ယက် ဆိုတဲ့ နံမည်နဲ့ လူမှုနိုင်ငံရေး ဖွံ့ဖြိုးရေး အလုပ်တွေကို လုပ်နေပါတယ်။ ဖုန်းက 0949328559 ပါ ။
မျိုးချစ်စိတ် ရှိတဲ့ စစ်သားတိုင်းရဲ့ မိတ်ဆွေဖြစ်ပါတယ်။ ပြည်သူကို ဖိစီးနှိပ်စက်တတ်တဲ့ အာဏာရှင်တိုင်းကို တော်လှန်သူ ဖြစ်ပါတယ်။ အခက်ကြုံသော ပြည်သူတိုင်းကို နိုင်ရာနေရာက ရသလောက်ကူညီပေးနေမယ့် သူဖြစ်ပါတယ်။
ကိုယ်ကျင့်မကောင်းသော လူကြီး ဆိုသူများရဲ့ မုန်းတီးစက်ဆုပ်ခြင်းကို ကြည်နူးစွာ ခံယူပြိး ပြည်သူအတွက် လုပ်နိုင်သော နေရာက လုပ်နိုင်သလောက် လုပ်ပြီး လူ့ဘ၀ကို တန်ဖိုး တခုနဲ့ တည်ဆောက်ပဲ့ကိုင် ချန်ခဲ့ချင်သူတယောက်ပါပဲ။
ရာထူးတွေ ရူးသွပ်လို့ လုပ်နေတာ ထင်ပြီး ခွက်စောင်းခုတ်နေသူတွေ၊ ခြေရာ ချင်း လိုက်တိုင်းလာလေမလားလို့ စိတ်ပူနေသူတွေ၊ လွှတ်တော်တွင်း ၀င်ပြိုင်ချင်လို့ လူထု အကျိုးပြုလုပ်ငန်းတွေ လုပ်နေတာလို့ အတင်းစွပ်စွဲပြီး ကာဆီး အပုပ်ချနေသူတွေ သိစေဖို့ တင်ပေးခြင်းသာဖြစ်ပါတယ်။
ကျနော်ဖြစ်ချင်တာ တခုပဲ ရှိတယ်။
လူပီသတဲ့ ............... လူ ဖြစ်ချင်တယ်။
နေမျိုးဇင်
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်