လွတ်ငြိမ်းချမ်းသာခွင့် သို့မဟုတ် ကြေမွသွားသော အိပ်မက်များ (အပိုင်း-၁)ကို ဒီနေရာမှာ ဖတ်နိုင်ပါတယ်..
ဦးသိန်းစိန်အစိုးရသည် တိုင်းပြည်သို့ အကျဉ်းသား ၆၃၅၉ ဦးကို လွတ်ငြိမ်းချမ်းသာခွင့်ပြုလိုက်သည်ဟု ကြေငြာ ခဲ့ပြီး နိုင်ငံရေးအကျဉ်းသား ၂၀၀၀ ကျော်ထဲမှ ၂၀၇ ဦးကိုသာ လွတ်သူများထဲတွင် ပါလာခဲ့သည့်အတွက် အတိုက်အခံ နိုင်ငံရေးသမားကို ဒေါသအမျက် ထွက်စေခဲ့သလို နိုင်ငံရေးအကျဉ်းသားများနှင့် ၎င်းတို့၏ မိသားစု များ၏ အိပ်မက်များ ကြေမွသွားစေခဲ့ပေသည်။ လွတ်ငြိမ်းချမ်းသာခွင့်သည် ဘာအကျိုးအမြတ်မှ ထွက်မလာ ခဲ့ဘဲ အစိုးရနှင့် အတိုက်အခံ နှစ်ဖက်စလုံးအတွက် အနှုတ်လက္ခဏာကိုသာ ဖြစ်စေခဲ့သည်။ ဦးသိန်းစိန်၏ အပြု သဘော ဆောင်ရွက်ခဲ့မှုများကြောင့် ရရှိနေသည့် ယုံကြည်ကိုးစားမှုများသည် ထိုလုပ်ရပ်ကြောင့် ထိခိုက်ဆုံးရှုံး မှုမှာဒီမိုကရေစီစံနစ်သို့တကယ်ပြောင်းနေပါသည်ဆိုသည့်ပြောဆိုချက်အပေါ် နိုင်ငံတကာနှင့် ပြည်တွင်းရှိအင် အား စုများမှ သံသယကြီးစွာဖြစ်သွားစေခဲ့ခြင်းပင်ဖြစ်သည်။
ယခင် စစ်အစိုးရလက်ထက်တွင် နိုင်ငံရေးအကျဉ်းသားများကို ဓါးစာခံများအဖြစ်ထားပြီး အချိန်ဆွဲရေးဗျူဟာ ကျင့်သုံးခဲ့ခြင်းသည် အလွန်အောင်မြင်မှုရရှိခဲ့သည်။ ကုလသမဂ္ဂအထူးကိုယ်စားလှယ် ရာဇာလီအစ္စမေးလ် မြန်မာနိုင်ငံသို့ မရောက်ခင်ကြို၍ နိုင်ငံရေးအကျဉ်းသား ၁၀ ယောက် အယောက် ၂၀ လွှတ်ပေးခြင်းဖြင့် အပြုသဘော ပြောင်းတော့မယောင် ဟန်ပြလုပ်ရပ် ညွှတ်ကွင်းထဲသို့ ရာဇာလီသက်ဆင်း ခဲ့ရပြီးလှည့်ဖျားခြင်း ခံခဲ့ရ သည်။ ရာဇာလီအား အကျဉ်းသားများကို လက်တွေ့ လွှတ်ပေးနေပြီဖြစ်ကြောင်း မကြာခင် ဒေါ်အောင်ဆန်းစု ကြည်အားလည်း လွှတ်ပေးမည်ဖြစ်ကြောင်း၊ အတိုက်အခံများနှင့် စတင်ဆွေးနွေးရန် စီစဉ်နေပြီ ဖြစ်ကြောင်း စသည်ဖြင့် လှည့်ဖျားပြောဆိုနေခဲ့ပြီး တလပြီးတလ တနှစ်ပြီးတနှစ် အချိန်ဆွဲနေခဲ့သည်။ နှစ်ကြာလာပြီး ပြောင်းလဲမှု တစုံ တရာမတွေ့သည့်အခါ ရာဇာလီအား အတိုက်အခံတို့မှ အယုံအကြည် မရှိဖြစ်လာသည်။ နောက်ဆုံး လှည့်စားမှု ရုပ်လုံးပေါ်လာသည့်အခါ ရာဇာလီအား ပြည်ဝင်မခံတော့ဘဲ ထားသဖြင့် ရာဇာလီနှုတ်ထွက်သွားခဲ့ပြီး သူ၏ ရည်မှန်းချက်ဖြစ်သော တွေ့ဆုံဆွေးနွေးရေးသည်လည်း ဖြစ်မလာခဲ့ချေ။
ယနေ့ အခြေအနေသည် ယခင်ဒါးစာခံအကျဉ်းသားနည်းစံနစ်ကိုသုံးပြီးလှည့်စားဘို့ မရနိုင်တော့ချေ။ နိုင်ငံရေး အကျဉ်းသား ၁၀% နှုန်းကိုသာ လွှတ်ပေးလိုက်သဖြင့် တိုင်းပြည်တကယ် ဒီမိုကရေစီစံနစ်သို့ ပြောင်းလဲ တော့မည်၊ ကျွန်တော်တို့ ယုံကြည်ချက် မတူသူများနဲ့ လက်တွဲလုပ်ချင်ပါသည် ဟုပြောပြီးနိုင်ငံရေး အကျဉ်းသားအများစု ကြီးကိုထောင်ထဲတွင် ဆက်လက်ထိမ်းသိမ်းထားပြီး ဒီမိုကရေစီနိုင်ငံကြီးကို လက်တွဲ လုပ်ချင်ပါသည် ဟုဆိုခြင်းလောက်ဖြင့် နိုင်ငံတကာမှရော ပြည်တွင်းကပါ လက်သင့်ခံလိမ့်မည် မဟုတ်ပေ။
နိုင်ငံတကာနှင့် ပြည်တွင်းကပါ နိုင်ငံရေးအကျဉ်းသား အားလုံးကို ချွင်းချက်မရှိ လွှတ်ပေးရန် တောင်းဆိုနေ ခြင်းကို ဝှေ့လည်ကြောင်ပတ်လုပ်၍ ၁၀% မျှလောက်သာ လွှတ်ပေးလိုက်ခြင်းဖြင့် အောင်မြင်မှုကို လုံးဝရလိမ့် မည်မဟုတ်ချေ။ ကြံ့ဖွတ်အစိုးရလိုလားသည့် စီးပွားရေးပိတ်ဆို့မှု ဖြုတ်ချပေးရေးသည် ၎င်းအကျဉ်းသားအား လုံး လွှတ်ပေးရေးအပေါ်တွင် တည်မှီနေသဖြင့် ယခင်နည်းအတိုင်း လိမ်လည် အချိန်ဆွဲခြင်းနည်းဖြင့် စီးပွားရေး ပိတ်ဆို့မှု အဆုံးသတ်လိမ့်မည်ဟု ထင်ထားလျှင် မှားလိမ့်မည်သာဖြစ်သည်။
ကုလသမဂ္ဂ အထွေထွေအတွင်းရေးမှူးမှလည်းကောင်း၊ အမေရိကန်အစိုးရမှလည်းကောင်း ဒေါ်အောင်ဆန်းစု ကြည်နှင့်တကွ အတိုက်အခံအင်အားစုတို့အပြင် လွှတ်တော်တွင်းရှိ တမတ်သား စစ်တပ်ကိုယ်စားလှယ်များက ပါ ထောက်ခံခဲ့သည့် လွတ်ငြိမ်းချမ်းသာခွင့်ကို ပြည်သူလူထုကြီးတရပ်လုံးနှင့် ကမ္ဘာမှ စောင့်စားနေကြချိန်တွင် အောက်တိုဘာလ ၁၁ ရက်နေ့တွင် အစိုးရမှ ဖွဲ့စည်းပေးလိုက်သော မြန်မာနိုင်ငံအမျိုးသား လူ့အခွင့်အရေး ကော်မရှင်က မေတ္တာရပ်ခံတင်ပြသည့် အိပ်ဖွင့်စာတစောင်ကို ထုတ်ပြန်လိုက်သည်။
ထိုစာမှာ အချက်များထဲမှ အပုဒ် ၅ တွင် “ကုလသမဂ္ဂအတွင်းရေးမှူးချုပ်နှင့် အချို့သော နိုင်ငံတို့၏ မျှော်လင့် တောင့်တချက်တရပ်မှာ “ယုံကြည်ချက်ကြောင့် အကျဉ်းကျခံနေရသူများ” (Prisoners of Conscience) ဟု ၎င်းတို့ ဖော်ညွှန်းနေသော အကျဉ်းထောင်တွင်းရှိနေသူများအား လွှတ်ပေးရေးကိစ္စတရပ်ပင် ဖြစ်ပါသည်။ ထိုအကျဉ်းသားများသည် တည်ဆဲဥပဒေများကို ချိုးဖောက်သဖြင့် အပြစ်ဒါဏ်ကျခံနေရသူများ ဖြစ်သည်ဟူ သော နိုင်ငံတော်အစိုးရ၏ ရပ်တည်ချက်ကိုလည်း ကော်မရှင်အနေနှင့် လက်ခံသဘောပေါက်ပါသည်။”
အပုဒ် ၆ တွင် “ထိုသို့ တည်ဆဲဥပဒေကို ချိုးဖောက်သဖြင့် အကျဉ်းကျနေသူများအနက် နိုင်ငံတော်တည်ငြိမ် ရေးနှင့် အများပြည်သူ အေးချမ်းသာယာရေးကို ထိပါးမည့် တိုင်းရင်းသား အကျိုးစီးပွားကို ထိပါးအန္တရယ် မရှိ နိုင်သော အကျဉ်းသားများကို လွှတ်ပေးခြင်းအားဖြင့် နိုင်ငံတော်တည်ဆောက်ရေးတွင် တတပ်တအား ပါဝင် ဆောင်ရွက်နိုင်ကြမည်ဖြစ်ပါသည်” ဟု ဆိုထားပါသည်။
အပုဒ် ၅ ရှိ “ယုံကြည်ချက်ကြောင့် အကျဉ်းချခံနေရသူများ (Prisoners of Conscience) ဟုသာ သုံးနှုန်းပြီး နိုင်ငံရေးအကျဉ်းသား (Political Prisoners) ဟု လုံးဝ ထုတ်ဖော်ပြောဆိုခြင်းကို လူ့အခွင့်အရေးကောက်မရှင် က ရှောင်ရှားရေးသားခဲ့ခြင်းနှင့် “ယုံကြည်ချက်ကြောင့် အကျဉ်းကျခံနေရသူများ” ဆိုသည့် စာပုဒ်ကိုလည်း ထိုကော်မရှင်က သတ်မှတ်ခြင်းမဟုတ်ဘဲ ကုလသမဂ္ဂနှင့် နိုင်ငံအချို့၏ သတ်မှတ်ချက်သာဖြစ်သည်ဟူ၍ မလိမ့်တ ပတ် ရေးသားသည်ကို သေသေချာချာဖတ်ရှုပါက တွေ့ရမည်ဖြစ်သည်။”
မြန်မာနိုင်ငံအမျိုးသားလူ့အခွင့်အရေးကော်မရှင်သည်လူ့အခွင့်အရေးမပြောနှင့်“ယုံကြည်ချက်ကြောင့်အကျဉ်း ချ ခံနေရသူများ (Prisoners of Conscience)”ဆိုသည့်စကားလုံးကိုပင်မိမိစကားအဖြစ်ထုတ်မပြောရဲသည့် အခြေအနေဖြင့်ရပ်တည်နေခြင်းကြောင့်မြန်မာနိုင်ငံသားတို့အတွက်လူ့အခွင့်အရေးကိုဘယ်လိုဘယ်ပုံများကာကွယ်စောင့်ရှောက်ပေးနိုင်မည်ဆိုသည်ကိုမျက်စိဒေါက်ထောက်ကြည့်ရပါအုံးမည်။ ထို့ပြင် ထိုအကျဉ်းသား များသည် တည်ဆဲဥပဒေများကို ချိုးဖောက်သဖြင့် အပြစ်ဒါဏ်ကျခံနေရသူများ ဖြစ်သည်ဟူ သော နိုင်ငံတော်အစိုးရ၏ ရပ်တည်ချက်ကိုလည်း ကော်မရှင်အနေနှင့် လက်ခံသဘောပေါက်ပါသည်။”
ဆိုခြင်းမှာအနှီကော်မရှင်က ထိုအကျဉ်းကျနေသောသူများသည်၊ တည်ဆဲဥပဒေကို ချိုး ဖေါက်သဖြင့် အပြစ် ဒါဏ်ခံနေရသောရာဇဝတ်သား များဖြစ်ပြီး နိုင်ငံရေးအကျဉ်းသားများ မဟုတ်ဟုဆိုလိုခြင်းဖြစ်သည်။ ထို့ပြင် “တည်ဆဲဥပဒေများကိုချိုးဖေါက်သဖြင့်”ဟုဆိုရာတွင်ယခု၂၀၀၈ အခြေခံဥပဒေကိုဆိုလိုသလော?သို့မဟုတ် နအဖလန်ကြုတ်ဥပဒေကိုဆိုလိုသလောရှင်းရှင်းလင်းလင်းပြောရန်လိုသည်။ နအဖလန်ကြုတ်ဥပဒေဆိုလျှင် ပြည်သူ့ ဆန္ဒခံယူပွဲဖြင့်အတည်ပြုထားသည်ဟုဆိုသော၂၀၀၈ ဖြင့်ပယ်ဖျက်နိုင်သည်။
အပုဒ် ၆ တွင်ထို “တည်ဆဲဥပဒေများကိုချိုးဖေါက်သဖြင့်” ဖမ်းဆီးခံထားရသောအကျဉ်းသားများ(နိုင်ငံရေးအ ကျဉ်းသားများကိုဆိုလိုသည်၊ ထုတ်မပြောရဲသဖြင့်အကျဉ်းသားဟုသာသုံးထားခြင်းဖြစ်သည်)၊ များတွင် နိုင်ငံတော်တည်ငြိမ် ရေးနှင့် အများပြည်သူ အေးချမ်းသာယာရေးကို ထိပါးမည့် တိုင်းရင်းသား အကျိုးစီးပွားကို ထိပါးအန္တရယ် မရှိ နိုင်သော အကျဉ်းသားများကို လွှတ်ပေးခြင်း သည်သင့်တော်ပါသည်ဟုအကြံပေးထားချက် သည်၊ သေသေချာချာလေ့လာပါက အများပြည်သူစားဝတ်နေရေးကြပ်တည်းမှုကိုစာနာသနားသဖြင့်ကုန်ဈေး နှုန်းကျဆင်းရေး၊ လောင်စာဆီဈေးကျဆင်းရေးတို့ကိုတောင်းဆိုခဲ့ကြသော ၈၈ ကျောင်းသားခေါင်းဆောင်များ သည်ပြည်သူတို့အေးချမ်းသာယာသောဘဝဖြင့်နေထိုင်နိုင်ရေးအတွက်လုပ်နေသူများဖြစ်သဖြင့်လည်းကောင်းအခြားသောနိုင်ငံရေးအကျဉ်းသားများသည်လည်း ဒီမိုကရေစီစံနစ်ပေါ်ပေါက်ရေးအတွက်ကြိုးစားတောင်းဆိုသ ဖြင့်အကျဉ်းကျခံနေရသူများဖြစ်သဖြင့်လွှတ်ပေးသင့်ကြောင်းရဲရဲတင်းတင်းတင်ပြခြင်းမပြုရဲဘဲဝါး၍ဆိုထားခြင်း ဖြင့်ထိုမလွတ်သည့်အကျဉ်းသားများသည် နိုင်ငံတော်တည်ငြိမ် ရေးနှင့် အများပြည်သူ အေးချမ်းသာယာရေးကို ထိပါးမည့် တိုင်းရင်းသား အကျိုးစီးပွားကို ထိပါးအန္တရယ် ရှိ နိုင်သော အကျဉ်းသားများ အဖြစ်ကျ ရောက်သွားစေသည်။
လွတ်ငြိမ်းချမ်းသာခွင့်သည် အစိုးရသစ်ဖွဲ့စည်း ဖြစ်ပေါ်လာသည့်အခါဖြစ်စေ၊ တိုးတက်မှု ကြီးမားစွာ ရရှိသည့် အခါဖြစ်စေ၊ တိုင်းပြည်က တောင်းဆိုလာသည့်အခါ ဖြစ်စေ၊ အစိုးရက ပြည်သူလူထုကြီးအား သူတို့သည် လူ သားချင်းစာနာထောက်ထားသူများ ကြင်နာတရားရှိသူများဖြစ်ကြောင်း ဖေါ်ပြသည့်အနေနှင့် အကျဉ်းထောင် များကိုဖွင့်၍ ထောင်ခါခြင်းကို ပြုလုပ်ကြပြီး ပြည်သူလူထုကြီး၏ ထောက်ခံမှုကို ရယူကြသည်။ ထိုသို့ ပြုလုပ် ခြင်းကြောင့် ပြည်သူလူထုကြီးဖက်မှလည်း ထိုအစိုးရမျိုးကို လေးစားတန်ဖိုးထားသဖြင့် ယုံကြည်ကိုးစားမှုများ တိုးပွားလာပြီး တိုင်းပြည်ကို အုပ်ချုပ်ရာတွင် ပြည်သူထောက်ခံမှုရှိ၍ တိုးတက်အောင်မြင်ခြင်း၊ အနှောက်အ ယှက် ကင်းရှင်းသဖြင့် အဆင်ပြေချောမွေ့စွာ လုပ်ငန်းများ အကောင်အထည်ဖေါ်နိုင်ခြင်း လျှင်မြန်စွာ တိုင်းပြည် ဖွံ့ဖြိုး တိုးတက်ရေးကို လုပ်ဆောင်လာနိုင်စွမ်းရှိပေသည်။ ထို့အတွက် ပြည်သူရော အစိုးရပါ နှစ်ဦးနှစ်ဖက် အကျိုးကျေးဇူးရှိသည့် (Win- Win Situation) လုပ်ရပ်ဖြစ်သည်။
ယနေ့ လွတ်ငြိမ်းချမ်းသာခွင့်တွင် မတရားအမှုဆင် ထောင်ချခံရသော မောင်သန်းဇော်တယောက် မပါဝင်သည် မှာ အတော်ဝမ်းနည်းစရာကောင်းသည်။ ကိုသန်းဇော်သည် NLD မှ သာမန်တက်ကြွသည့် လူငယ်တယောက် ဖြစ်သည်။ သူ့အား ထောက်လှန်းရေးမှ ဂျူလိုင်လ ၁၃ ရက်နေ့၊ ၁၉၈၉ ခုနှစ်တွင် မတရားဖမ်းဆီးနှိပ်စက်၍ သံ လျှင်ရေနံချက်စက်ရုံ ဗုံးခွဲမှုဖြင့် အတင်းအဓမ္မဝန်ခံခိုင်းပြီး သေဒါဏ်ချမှတ်ခံခဲ့ရသူ ဖြစ်သည်။ ၎င်းဗုံးခွဲသူနှင့်အတူ ညီညီဦး၊ မိုးကျော်သူတို့မှာလည်း အတင်းအဓမ္မနှိပ်စက်ပြီး သက်သေမရှိဘဲနှင့် ဝန်ခံခိုင်းပြီး သေဒဏ်ချခံရသူများ ဖြစ်သည်။ မြန်မာနိုင်ငံအမျိုးသားလူ့အခွင့်အရေးကော်မရှင်သို့ စာရေးသားပေးပို့ခဲ့သော်လည်း လူ့အခွင့် အရေးကောမရှင်မှ ၎င်းတို့အမှု ကို မည်သည့်အချိန်တွင် ကိုင်တွယ်စစ်ဆေးမည် မသိရချေ။ မောင်သန်းဇော်သည် အဖမ်းခံရစဉ်က ၂၀ ကျော် ဖြစ်သော်လည်း ယခုဆိုလျှင် ၄၅ နှစ်ခန့် ရှိနေလောက်ပြီ။ သံလျှင်ဗုံးဖောက်ခွဲခဲ့သူမှာ KNU မှ ဗိုလ်မှူး ကိုကိုနိုင် ဆိုသူဖြစ်ပါသည်။ ဗုံးခွဲသူမှာသူဖြစ်ပါသည်ဟု ဝန်ခံထားသော်လည်းကိုသန်းဇော်တို့အပေါ်လိမ်လည် အမှုဆင်ထားခြင်းပေါ်ပေါက်ပြီး အရှက်ကွဲ မည်စိုးသဖြင့် ကိုသန်းဇော်တို့ကို လွှတ်မပေးပါဘူး။ ဒီလို တရားခံရှာမတွေ့တဲ့အခါ NLD ကို အဖျက် အမှောင့် လုပ်တယ်ဆိုတာ အကြောင်းပြချက်ရအောင် NLD လူငယ် ကိုသန်းဇော်တို့ ထိုစဉ်ကအသက် ၁၉ နှစ်သာ ရှိသေးတဲ့မိုးကျော်သူတို့ကိုမတရားထောင်ချထားကိုဘာကြောင့်မလွှတ်သေးတာလဲ?။ မြန်မာနိုင်ငံအမျိုးသားလူ့အခွင့်အရေးကော်မရှင်လူကြီးများ စဉ်း စားပေးဘို့လိုပြီ။
မြန်မာနိုင်ငံအမျိုးသားလူ့အခွင့်အရေးကော်မရှင်၏ အိပ်ဖွင့်ပေးစာကို သတင်းစာများတွင် တခန်းတနားဖေါ်ပြပြီး နောက်တနေ့တွင် လွတ်ငြိမ်းချမ်းသာခွင့် အမိန့်ထုတ်လာခြင်းသည် တိုက်ဆိုင်ခြင်းလော၊ ဒါမှမဟုတ် တိုင်ပင်ကိုက် စီစဉ်ဖန်တီး အကွက်ချ ထုတ်ပြန်ခြင်းလောဟု မေးလျှင် ဒုတိယအချက်ဖြစ်သည်ဟု ပြောရမည်ပင်။ လူအခွင့်အရေးကော်မ ရှင်က....
(၁) နိုင်ငံရေးအကျဉ်းသားဟု ထုတ်ဖေါ်ပြောဆိုရန် လက်တွန့်နေခြင်း။
(၂) ယုံကြည်ချက်ကြောင့် အကျဉ်းကျနေသူများဆိုသည့် စာလုံးကိုပင် ၎င်းတို့က သုံးနှုန်းသော စာမဟုတ် ကြောင်း ဆင်ဝှေ့ရန်ရှောင် ရေးသားထားခြင်း။
(၃) ယုံကြည်ချက်ကြောင့် အကျဉ်းကျနေသူများကို ပြစ်ဒါဏ်ပေးထားခြင်းကို တည်ဆဲဥပဒေအရဖြစ်ကြောင်းကို လက်ခံအတည်ပြု သဘောတူပေးခြင်းတို့ကြောင့် ဦးသိန်းစိန်အစိုးရနှင့် လူ့အခွင့်အရေးကော်မရှင်သည် ပုလင်း တူဗူးဆို့ဖြစ်ခြင်းကြောင့် အကယ်၍ လူ့အခွင့်အရေးချိုးဖောက်မှုများကို တင်ပြလာလျှင်လည်း အရေးယူဆောင် ရွက်ပေးခြင်း၊လွတ်မြောက်ရန်ဆောင်ရွက်နိုင်ခြင်းစွမ်းအင်မရှိကြောင်းသုံးသပ်မိပါသည်။ အမှန်တော့”မြန်မာနိုင်ငံအမျိုးသားလူ့အခွင့်အရေးကော်မရှင်” ဆိုသည်မှာအစိုးရမှဖွဲ့စည်းပေးလိုက်သည့်နိုင်ငံတ ကာမျက်နှာအလှပြရန်အတွက်ရည်ရွယ်ထားသည့်အစိုရလက်အောက်ခံရုပ်သေးအဖွဲ့သက်သက်သာဖြစ်သည်။ လူ့အခွင့်အရေးကော်မရှင်(မြန်မာနိုင်ငံ) ဟုမခေါ်ဝေါ်ဘဲ၊ မြန်မာနိုင်ငံအမျိုးသားလူ့အခွင့်အရေးကော်မရှင် ဟုမှည့် ခြင်းမှာလည်းအကြောင်းရှိသည်။ ထုံးစံအတိုင်းမြန်မာ့နည်းမြန်မာ့ဟန်ဖြင့်လူ့အခွင့်အရေး ကိုအဓိပ္ပါယ်ဖေါ်မည့် သဘော ရှိ သည်။ “ယုံကြည်ချက်ကြောင့်အကျဉ်းကျနေသူများ”သည်ရာဇဝတ်မှုကျူးလွန်သူများလူ့အခွင့်အရေး ကိုချိုးဖေါက်သူများဖြစ်သည်ဟုမပြောယုံတမယ်ပင်ဖြစ်သည်။
ယနေ့ အကျဉ်းထောင်များတွင် ရာနှင့်ချီနေသော နိုင်ငံရေးအကျဉ်းသားများ ရှိနေပါသည်။ သူတို့သည် သူတို့၏ တိုင်းပြည်လွတ်လပ်သည့် ဒီမိုကရေစီနိုင်ငံဖြစ်ရေးဆိုသည့် ရည်မှန်းချက်နှင့် တိုက်ပွဲဝင်နေသူများဖြစ်ကြပါ သည်။ နိုင်ငံရေးအကျဉ်းသားများ မဟုတ်သော်လည်း ဆင်းရဲငတ်ပြတ်လွန်းသဖြင့် ခိုးဆိုးတိုက်ခိုက်မှုကြောင့် ထောင်ကျလာသူများလည်း အထွေထွေလွတ်ငြိမ်းချမ်းသာခွင့်တွင် အားလုံးပါဝင်သင့်ပါသည်။ အဘယ်ကြောင့် ဆိုသော် မတရားသော စံနစ်၊ ပြည်သူကို စစ်ကျွန်ပြုထားသော စံနစ်ကြောင့် ထိုသူအများစုမှာ ဘဝရပ်တည်ရေး၊ မိသားစု အသက်ရှင်နိုင်ရေးအတွက် ဤသို့သော ရာဇဝတ်မှုများကို ကျူးလွန်ခဲ့ရခြင်းဖြစ်သည်။ ကိုသန်းဇော်ကဲ့ သို့ မတရားအမှုဆင်ပြီး အာဏာအလွဲသုံးစားပြု၍လည်းကောင်း၊ ငွေနှင့် ပေါက်၍လည်းကောင်း၊ အကြောင်း ကြောင်းကြောင့် ထောင်ကျနေ သည့် ရာဇဝတ် အကျဉ်းသားများလည်း ရှိနေနိုင်ပါသည်။
ကျွန်တော်ထောင်မှ ၁၉၈၀ ခုနှစ်တွင် လွတ်ခဲ့သော်လည်း တခါတရံ အိပ်မက်ထဲတွင် ထောင်ထဲပြန်ရောက်နေ သည်ကို မြင်မက်ပြီး စိတ်ဆင်းရဲကြီးစွာဖြင့် လန့်နိုးတတ်ပါသေးသည်။ ကျွန်တော်တို့ကဲ့သို့ လွတ်လပ်သော နိုင်ငံတွင် ကြောက်လန့်ကင်းကွာ ပြောချင်သည့်စကားကို ရဲရဲပြောနိုင်၊ ရဲရဲရေးနိုင်သော ဘဝရောက်နေသောသူ များပင် ထိုကဲ့သို့သော အိပ်မက်ကို မြင်မက်တတ်သေးလျှင်၊ မြန်မာနိုင်ငံတွင်းရှိ နိုင်ငံရေးအကျဉ်းသားဟောင်း များအဖို့ အပြင်တွင်နေရသော်လည်း ထိုအပ်မက်ဆိုးများမှ လွတ်မြောက်နိုင်ကြမည်မဟုတ်ပါ။ ကျွန်တော် တို့လိုနိုင်ငံရေးအကျဉ်းသားများတွင် (Mental Scars) စိတ်အမာရွတ်များသည်သေရာပါ ဖျောက်ဖျက်၍ မရ သော အမာ ရွတ်များအဖြစ်ကျန်ရစ်နေမည်သာဖြစ်သည်။
ထောင်တွင်းကျနေသည့် အကျဉ်းသားများအတွက်မူ လွတ်မြောက်သည့် အိပ်မက်များ၊ အိမ်သို့ပြန်ရောက်သည့် အိပ်မက်များ၊ ချစ်သူခင်သူများနှင့် တွေ့ဆုံသည့် အိပ်မက်များ ရှိနေမည်ဖြစ်သည်။ ထိုသူတို့၏ မျှော်လင့်ချက် အိပ်မက်လှလှလေးများသည် လွတ်ငြိမ်းချမ်းသာခွင့်ဆိုသည့် အသံလှိုင်း မုန်တိုင်းကြားတွင် ကြေမွပျက်စီးသွား သည့်အခါ တချို့ စိတ်ဒုက္ခကြောင့် ရူးသွပ်သွားတတ်သလို၊ တချို့ မစားနိုင် မသောက်နိုင်ဖြစ်ပြီး ကွယ်လွန်သွား ကြရပါသည်။
ကိုသန်းဇော်ကို နှိက်စက်ညှင်းပန်းပြီး အတင်းအဓမ္မလက်မှတ်ထိုး ဝန်ခံခိုင်းခဲ့သော ထောက်လှန်ရေးများ အပြုံ လိုက် ၎င်းတို့ ခေါင်းဆောင် ဗိုလ်ခင်ညွန့်နှင့်မရှေးမနှောင်းရာထူးပြုတ်ပြီး နောက်ထောင်တွင်းသို့ ရောက်လာ ကြသည်မှာ သံဝေဂရစရာပင်ဖြစ်သည်။
ထို့အတူ စစ်အာဏာရှင်စံနစ်ကို တည်ထောင်ခဲ့သူ ဗိုလ်နေဝင်း၏ ချစ်သမီး စန္ဒာဝင်းသည်လည်းကောင်း၊ သူမ၏ ခင်ပွန်းနှင့် သား လမ်းသရဲ သုံးယောက်သည်လည်းကောင်း ယခုအချိန်တွင် စစ်အာဏာရှင် စံနစ်ကြီး ပျက်သုန်း ပါစေ၊ ဒီမိုကရေစီစံနစ် အမြန်ဆုံးရပါစေဟု ဆုတောင်းနေကြမည်ဟု ယုံကြည်ပါသည်။ စစ်အာဏာရှင်စံနစ်ကို ကိုယ်တိုင်ကိုယ်ကျ တကယ်ခံစားရမှ မည်မျှဆိုးဝါးသည် မည်မျှ တရားမျှတမှု ကင်းမဲ့သည်၊ ရက်စက်ယုတ်မာ သည်ကို သိနိုင်ပါလိမ့်မည်။ ထောင်မကျဖူးသူက ထောင်ကျနေသူများကို စာနာသည်ဆိုသည်မှာ အပေါ်ယံမျှ သာ ဖြစ်ပါလိမ့်မည်။ မည်ကဲ့သို့မျှ တကယ်ထောင်ကျဘူးသူ တယောက်လို နက်နက်ရှိုင်းရှိုင်း ခံစားနိုင်လိမ့်မည် မဟုတ်ပါ။ သို့ရာတွင် ဤစာကို ဖတ်ပြီး စာနာစိတ်ကလေးများဝင်ပြီး ကရုဏာသက်ကြမည်ဆိုလျှင် ကိုသန်းဇော် တို့လို အကျဉ်းသားများအတွက် အိပ်မက်လှလှလေးများကို ဖန်တီးပေးနိုင်ကြဖို့ လိုပါသည်။ လက်ရှိ အစိုးရသည် ရေနစ်သူကို ဝါးကူထိုးသည့်အဖြစ် မဟုတ်ဘဲ တကယ် လူလူချင်း စာနာစိတ်ဖြင့် အိပ်မက်လှလှ လေးများကို ဖန်တီးပေးနိုင်ပါစေဟု ဤဆောင်းပါးဖြင့် ဆန္ဒပြုလိုက်ပါသည်။
မတရားမှုများ ကွယ်ပျောက် ၍ အမှန်တရားရောက်ပါစေ။
ထွန်းအောင်ကျော်
1 year ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်