အာဏာပြောင်းပေးဖို့အကောင်းဆုံးချိန်
တိုင်းပြည်အုပ်ချုပ် မင်းလုပ်နေတဲ့
ဗိုလ်ချုပ်တတွေ နားဆင်ပါလေ
တွေဝေမနေနဲ့ အဖြေကပေါ်
မြင်တော်မူပါစ တတိုင်းပြည်လုံး
အုံးအုံးကျက်ကျက် ပွက်ပွက်ဆူညံ
အော်သံအတည်ပြု အမေစုပါ။
အာဏာဖက်မထား ရက်မခြားဘဲ
အများပြည်သူလက်တွင်း
ချက်ချင်းပြန်အပ်ပါ
လုလာတဲ့အာဏာ ပြန်အပ်ရမှာ
ဓမ္မတာပါ ခုခါပြန်အပ်
အနေတတ်ရင် အသတ်ခံရမဲ့ဘေး
လွတ်နိုင်သေးသည်။
ကဒါဖီလို အာဏာသာကိုးစားမိုက်ချက်ကယ်ပွားနေရင်
ဆုံးပါးရမှာက အာဏာသာမဟုတ်
ထုတ်ပေးရမဲ့အသည်း
ခွဲပေးရမဲ့ရင် အမြင်မကောင်း
လူအပေါင်းရဲ့ ထုထောင်းနင်းချေ
အသေဆိုးနဲ့ သေရပေလိမ့်မယ်။
ဤလိုသေခြင်းမျိုး အသေဆိုးနဲ့
ပိုးဆိုးပက်စက် မသေရက်ပါရင်
အဖြေထွက်အောင် ဆုံးဖြတ်ချက်ချ
လက်ကအာဏာ အကြည်တသာထုတ်ပေး
အုပ်ချုပ်ရေးကို အဟုတ်မနှေး
လက်လွှဲပေးလိုက်ပါတော့လို့။
တက္ကသိုလ်ဘုန်းကြွယ်(ဖေဖေါ်ဝါရီ ၃ ၁၂)
,,,,,,,,,,,,,,,,,,,,,,,,,,,,,,,
“ရဲဘော်မသေ သေသော်ငရဲမလား”
ဤစကားသည် လွန်ကျော်ကြားသော
ဗိုလ်ချုပ်အောင်ဆန်းစကား။
စကားအဓိပ္ပါယ် နားလည်ပါစ
ငနုံငအတို့ရ။
တပ်မတော်ဆိုတာ လာသမျှရန်
တွန်းလှန်ဖယ်ရှား ပြည်သူပြည်သားအတွက်
အသက်ကိုပေး အလုပ်အကျွေးပြု
လက်မနှေးကူညီ ပျိုတိုင်းကြိုက်တဲ့နှင်းဆီ
အလီလီကြိုးစား တိုးပွားမှုမှန်သမျှ
ပြည်သူအတွက်ပဲဗျ။
“ပြည်သူသာအမိ ပြည်သူသာအဖ”
ဂါရ၀ပြု စာနာမှုထား
ပြည်သူ့အားနဲ့တိုင်ပြည်ကိုထူထောင်
ညီအောင်ပြုတဲ့ ပြည်ထောင်စုပါဗျာ။
ခုတော့ ဖေါက်ဖေါက်ပြန်ပြန်
မှောက်မှောက်လန်လန်
ဗြောင်းပြန်စောက်ထိုး အရုပ်တွေဆိုး
ပုပ်သိုးအောင်လုပ် ယုတ်သမျှကမ်းကုန်
လူဘုံကိုငရဲဘုံအသွင် ဖန်ဆင်းချင်
အမြင်ဆိုးဝါးတဲ့ မိစ္ဆာများပါလား။
ဒီလိုရဲဘော် သေသော် ငရဲအမှန်လား
စဉ်းစားစဉ်းစား အတွေးမမှားနဲ့တော့
ကိုင်ထားတဲ့သင်တို့ရဲ့သေနတ်ပြောင်း
လမ်းကြောင်းအမြန်ပြောင်းလော့။
ရန်သူမိတ်ဆွေ ခွဲခြားတတ်ပါစေ။
တက္ကသိုလ်ဘုန်းကြွယ်(ဖေါ်ဖော်ဝါရီ ၃ ၁၂)
2 years ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်