အမျိုးသားဒီမိုကရေစီအဖွဲ့ချုပ်
အမှတ်(၉၇/ခ) အနောက်ရွှေဂုံတိုင်လမ်း
ဗဟန်းမြို့နယ်၊ ရန်ကုန်
ရက်စွဲ - ၂၀၁၂ခုနှစ် မတ်လ(၂၃)ရက်
...
သတင်းထုတ်ပြန်ချက်
အဖွဲ့ချုပ်ဥက္ကဋ္ဌဒေါ်အောင်ဆန်းစုကြည်၏ ဂုဏ်သိက္ခာကို ထိခိုက်စော်ကားသည့် အကြောင်းအရာများ ရေးသားထားသော စာရွက်စာတမ်းများကို အထက်မြန်မာနိုင်ငံနှင့်ရန်ကုန်မြို့တွင် ဖြန့်ဝေလျက်ရှိရာ တာဝန်ရှိသူတို့က ယခုအချိန်ထိ ဟန့်တားအရေးယူခြင်းမရှိခြင်းသည် ယင်းကိစ္စရပ်များကို အားပေးရာရောက်ပါသည်။
ရေဦးမြို့နယ်၊စစ်ကိုင်းတိုင်းဒေသကြီး
ရေဦးမြို့နယ်ချောင်းဆုံကျေးရွာကော်မရှင်ဥက္ကဋ္ဌ ဦးဝင်းရွှေ(ဘ) ဦးစိုးမောင်သည် ၂၁.၃.၂၀၁၂ရက်နေ့ညနေ (၃)နာရီတွင် ပြည်ခိုင်ဖြိုးပါတီအမည်နှင့် ခြင်္သေ့တံဆိပ်ပါတီရှပ်ကိုဝတ်ပြီး ပြည်ခိုင်ဖြိုးပါတီအတွက် မဲဆွယ်စည်းရုံးမှုပြုနေကြောင်း သတင်းရရှိပါသည်။
ကျေးရွာကော်မရှင်ဥက္ကဋ္ဌက ပါတီတစ်ခုအတွက်မဲဆွယ်စည်းရုံးမှုသည် တရားမျှတသောရွေးကောက်ပွဲ ဖြစ်ပေါ်လာစေရေးအတွက် အနှောက်အယှက်ဖြစ်ပါသည်။
ပုသိမ်မြို့နယ်၊ဧရာဝတီတိုင်းဒေသကြီး
သမဝါယမဒုတိယဝန်ကြီး ဦးသိန်းထွန်းသည် ရွှေသောင်ယံမြို့နယ်ခွဲ သဘော့ကန်ကျေးရွာတွင် ပြည်ခိုင်ဖြိုးပါတီအတွက် မဲဆွယ်စည်းရုံးရေးဆင်းခဲ့သည်။ ယင်းလုပ်ရပ်မှာ ဖွဲ့စည်းပုံအခြေခံဥပဒေပုဒ်မ ၂၃၂(ဋ)ပါ ပြဋ္ဌာန်းချက်ကို ဆန့်ကျင်သည့် လုပ်ရပ်ဖြစ်ပါသည်။
ကန့်ဘလူ၊ကျွန်းလှ၊ရေဦး၊တန့်ဆည်အမျိုးသားလွှတ်တော်မဲဆန္ဒနယ်၊စစ်ကိုင်းတိုင်းဒေသကြီး
မတ်လ(၁၉)ရက်နေ့၊ ညနေ(၄)နာရီအချိန်တွင် အဖွဲ့ချုပ်လွှတ်တော်ကိုယ်စားလှယ်လောင်း ဒေါက်တာမြင့်နိုင်နှင့် အဖွဲ့သည် နဂါးပေါ်ကျေးရွာတွင် စည်းရုံးဟောပြောပွဲ ကျင်းပနေစဉ် ပြည်ခိုင်ဖြိုး ပါတီဝင်တစ်ဦးက ဟောပြောပွဲအနီး ကောက်ရိုးပုံကို မီးရှို့ပွဲလှန့်ခဲ့ရာ ရွာသူရွာသားများသွားရောက်ငြိမ်းသတ်ခဲ့ရသည်ဟုသတင်းရရှိပါသည်။
ဗဟိုအောင်နိုင်ရေးအဖွဲ့
NLD
2 years ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်