(Sky News မှ 15 August 2012 ရက်စွဲပါ Australia gives $5m aid for Burmamums, kids ကိုဘာသာပြန်ဆိုသည်)
မြန်မာနိုင်ငံမှမိခင်နှင့်ကလေးငယ်များသေဆုံးမှုမှကာကွယ်နိုင်ရေးအတွက်သြစတြေးလျနိုင်ငံအနေဖြင့် ဒေါ်လာ(၅)သန်းတန်ဖိုးရှိ အကူအညီနှင့် အထောက်အပံ့များ ပေးအပ်သွားမည်ဖြစ်သည်ဟု နိုင်ငံခြားရေးဝန်ကြီးဘော့ဘ်ကား ကပြောကြားလိုက်သည်။ကူညီထောက်ပံ့ငွေများကို မြန်မာနိုင်ငံမှမိခင်နှင့်ကလေးငယ်သုံးသိန်းကျော်အတွက် ရောဂါကာကွယ်ဆေးထိုးနှံမှု၊ ကလေးလူနာနှင့်အရေးပေါ်ကိုယ်ဝန်ဆောင် ကျန်းမာရေး စောင့်ရှောက် မှု ဆိုင်ရာ အစီအစဉ်များလုပ်ကိုင်ရန် ပေးအပ်မည်ဖြစ်သည်ဟု မစ္စတာဘော့ဘ်ကားကဆိုသည်။
အာရှဒေသတွင် ဆင်းရဲနွမ်းပါးသည့် နိုင်ငံတစ်နိုင်ငံဖြစ်သော မြန်မာနိုင်ငံ၏ မွေးကင်းစကလေးငယ်သေဆုံးမှုနှုန်းမှာ သြစတြေးလျနိုင်ငံထက် ၁၀ဆပိုများကြောင်း ၎င်းကဆက်လက်ပြောကြားသည်။ မြန်မာနိုင်ငံရှိ ကလေးငယ် ၁၄ဦးတွင် တစ်ဦးမှာ အသက်ငါးနှစ်အရွယ်မတိုင်မီတွင် နမိုးနီးယား၊ ဝမ်းပျက် ဝမ်းလျှောရောဂါ သို့မဟုတ် ငှက်ဖျားရောဂါစသည်ကဲ့သို့သောကြိုတင်ကာကွယ်၍ရနိုင်သည့် ရောဂါဘယများကြောင့် သေဆုံးကြရသည်ဟု ဆိုသည်။
"ဝေးလံခေါင်သီတဲ့ ကျေးလက်ဒေသတွေမှာကောင်းမွန်တဲ့သားဖွားခန်းတွေတည်ဆောက်ပေးတာတို့၊ ရောဂါကာကွယ်ဆေးနဲ့ ဆေးဝါးပစ္စည်းတွေ ပံ့ပိုးပေးတာတို့ စတာတွေကိုလုပ်ဆောင်ပြီးအမျိုးသမီးတွေနဲ့ မွေးကင်းစကလေးငယ်တွေရဲ့အသက်ကယ်တဲ့အလုပ်ကို ကျွန်တော်တို့ လုပ်ကိုင်သွားမှာ ဖြစ်ပါ တယ်" ဟုသြစတြေးလျနိုင်ငံခြားရေးဝန်ကြီးက ပြောကြားသည်။
မြန်မာနိုင်ငံအတွက်အဆိုပါအကူအညီအထောက်အပံ့များကို ကျေးရွာပေါင်း ၃၀၀၀ခန့်မှမိခင်နှင့်ကလေးများအတွက် အလုပ်လုပ်ကိုင် ပေးလျက် ရှိသော ကမ္ဘာ့ကျန်းမာရေးအဖွဲ့(WHO) နှင့် ကုလသမဂ္ဂလက်အောက်ရှိမှ အဖွဲ့အစည်းများထံသို့ အမြန်ဆုံးပေးပို့သွားမည်ဖြစ်ကြောင်း ၎င်းကဆက်လက် ပြောဆိုသည်။
သြစတြေးလျကပေးမည့် ငွေများမှာ ဝေးလံသော ကျေးရွာများမှ ကိုယ်ဝန်ဆောင်မိခင်၁၄၀၀၀၀ အတွက်မေးခိုင်ရောဂါကာကွယ်ရေး၊ မွေးကင်းစ ကလေးငယ် ၁၈၂၀၀၀အတွက်ဝမ်းလျှောရောဂါနှင့် မေးခိုင်ရောဂါကာကွယ်ရေး အစီအစဉ်များအတွက်အသုံးပြုမည်ဖြစ်သည်။ ထို့ပြင် ငှက်ဖျားရောဂါရှိသူ အမျိုးသမီး ခြောက်သောင်းအား ကုသရေး၊ ဒေသန္တရကျန်းမာရေးဝန်ထမ်းများအား ကလေးလူနာပြုစုစောင့်ရှောက်ခြင်းနှင့် မွေးကင်းစကလေးငယ် အခြေခံ ပြုစုစောင့်ရှောက်ရေး နည်းလမ်းများကို လေ့ကျင့်သင်ကြားပေးမည့် အစီအစဉ်များအတွက်ပါ အဆိုပါ ရန်ပုံငွေကို အသုံးပြုမည်ဖြစ်သည်။
Yangon chronicle
2 years ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်