နာရေးကူညီမှုအသင်း(ရန်ကုန်)သို့ အများပြည်သူလူထုတို့မှ ယုံကြည်မွန်မြတ်လှသည့် စေတနာ သဒ္ဒါတရားတို့ဖြင့် လှူဒါန်းသည့်အလှူငွေများတို့အား “အများပြည်သူအတွက် အများပြည်သူကောင်းမှု” အဖြစ် ကဗ္ဗည်းမှတ်တမ်းတင်ရှိကာ မြန်မာပြည်တွင်း၌ အများပြည်သူတို့အတွက် ကိုယ်ထူကိုယ်ထ (ကိုယ်ကျိုးမဖက်) လုပ်ဆောင်ပေးဆပ်နေကြသည့် လူမှုရေးအသင်းများ၊ ဘ/ကကျောင်းများ၊ ပရဟိတ ကျောင်းများ၊ (အခမဲ့) ဆေးခန်းပေးခန်းများ အစရှိသည့် တိုင်း၊ ပြည်နယ်၊ ကျေးရွာဒေသများအထိ လိုအပ် သည့် အကူအညီ အထောက်အပံ့များကိုလည်း ဆထပ်တန်ဖိုး ထမ်းဆောင်ပေးရွက်လျှက်ရှိသည်။
၁၅.၁၁.၂ဝ၁၂ ရက်နေ့ မွန်းလွဲ (၁းဝဝ) နာရီအချိန်တွင် ပြည်မြို့ အထွေထွေရောဂါကု ဆေးရုံကြီး တွင် ကုသနေကြသော လူနာများအတွက် ဆေးဝါးအထောက်အကူပြုပစ္စည်းများ တန်ဖိုးငွေ (၁၇၃) သိန်း နှင့် လူနာကုတင် (၆) လုံးတို့ကို လှူဒါန်းပြီးနောက် နာရေးကူညီမှုအသင်း(ရန်ကုန်) ဥက္ကဋ္ဌ ဦးကျော်သူ၊ အတွင်းရေးမှူး ဒေါ်မြင့်မြင့်ခင် ဖေ (ခ) ရွှေဇီးကွက်နှင့်အဖွဲ့သည် ထုံးဘိုမြို့သို့ သွားရောက်ခဲ့ရာ မိုးမေတ္တာပရဟိတ သွေးလှူရှင်အဖွဲ့ ထုံးဘိုမြို့ရှိ “သာရေးနာရေး လူမှုကူညီရေးအဖွဲ့” ထုံးဘိုလူငယ်များနှင့် တွေ့ဆုံခဲ့ကြပြီး ထုံးဘိုမြို့သုဿန်၌ နာရေးကူညီမှုအသင်း(ရန်ကုန်)မှ ငွေကျပ် (၈ဝ) သိန်းခန့် အကုန်အကျခံ တည်ဆောက်ထားသည့် မီးသင်္ဂြိုလ်စက်အား လေ့လာကြည့်ရှုရာ ပြည်ပနည်းပညာဖြင့် တည်ဆောက်ပေးထားသော ပညာရှင် ဦးဘွန်တီ၊ ဦးလှကြိုင်နှင့်အဖွဲ့တို့မှ စမ်းသပ်မီးရှို့ပြသမှုကို ကြည့်ရှု ခဲ့ကြသည်။
ထိုသို့ လူမှုရေးလုပ်ငန်းရပ်များအား လုပ်ဆောင်ကြရာတွင် ယခင်က မြို့မိမြို့ဖများ၊ ရပ်ကွက် သူ/သားများမှကိုယ်ထူကိုယ်ထ လုပ်ဆောင်ကြသော်လည်း ယခု ထုံးဘိုမြို့ မီးသင်္ဂြိုလ်စက် တည်ဆောက် ရာ၌ သုဿန်မြေနေရာသည် မိုးတွင်းကာလတွင် ရေဝပ်ခြင်းကြောင့်၎င်း၊ မြေနေရာကျဉ်း၍၄င်း၊ မြေမြှုပ်
ဂူသွင်းခြင်းတို့အတွက် အခက်အခဲများစွာရှိ၍ မီးသင်္ဂြိုလ်စက်အား မြေပြင်မှ (၁၅) ပေခန့် မြင့်တင်၍ တည် ဆောက်ရပြီး ထူးခြားမှုအဖြစ် မြို့ခံပရဟိတလူငယ်အဖွဲ့မှ ဦးဆောင်၍ ရပ်မိရပ်ဖများ၊ ကျောင်းသား/သူများ၊ ဆရာ/မများ၊ အရံမီးသတ်တပ်ဖွဲ့နှင့် ကြက်ခြေနီတပ်ဖွဲ့ဝင်များအပြင် မြို့နယ်ရဲတပ်ဖွဲ့ အရာရှိ/ အရာခံ တပ်သားများ၊ ထုံးဘိုမြို့တွင် တာဝန်ထမ်းဆောင်နေကြသော တပ်မတော်အရာရှိ စစ်သည်များပါမကျန် လာရောက်၍ စေတနာမေတ္တာတို့ဖြင့် အင်တိုက်အားတိုက် လုပ်အားဒါနပြု ပေးဆပ်ခဲ့ကြသည်ကို မြင်တွေ့ခဲ့ ရသည်။
ယခုကဲ့သို့ ကိုယ်ထူကိုယ်ထ ပရဟတိအသင်းအဖွဲ့များနှင့် နိုင်ငံ့ဝန်ထမ်းများ တသွေးတည်း တသားတည်း မိမိတို့၏ စိတ်ရင်းစေတနာမှန်တို့ဖြင့် ပါဝင်လာခြင်းသည် ဒီမိုကရေစီနိုင်ငံတော်သို့ လျှောက်လှမ်းနေသော အမိမြန်မာနိုင်ငံအတွက်၊ အခြားသော အစိုးရဝန်ထမ်းများအတွက် အတုယူစရာ ဂုဏ်ယူစရာဟုပင် ရှုမြင်မိပါတော့သည်။ အထူးအားဖြင့် အာဇာနည်ခေါင်းဆောင်ကြီး သခင်မြ၏ မွေးရပ် ဇာတိမြေ ထုံးဘိုမြို့လေးသည် သေးငယ်၍ ဖွံ့ဖြိုးမှုနှေးကွေးသော်လည်း ဒေသခံပြည်သူတို့၏ စည်းလုံးခြင်း၊ ညီညွတ်ခြင်း၊ ပရဟိတစိတ် ထက်သန်ခြင်း တို့ကြောင့် တိုင်းပြည်ထူထောင်မှုလုပ်ငန်းအား ပိုမိုလျင်မြန်စွာ ဆောင်ရွက်နိုင်မည်ဖြစ်သည်။
ထုံးဘိုမြို့တွင် ကျင်းပခဲ့သော ရပ်မိ/ဖ မိဘပြည်သူများ၊ လူမှုရေးမျိုးဆက်သစ်များနှင့် တွေ့ဆုံပွဲ အခမ်းအနားတွင်လည်း နာရေးကူညီမှုအသင်း(ရန်ကုန်) ဥက္ကဋ္ဌ ဦးကျော်သူမှလည်း အာဇာနည် ခေါင်း ဆောင်ကြီး သခင်မြ၏ မွေးရပ်ဇာတိမှာ လူမှုရေးသူရဲကောင်းများအား ဂုဏ်ယူပါကြောင်း ပြောဆိုခဲ့သည်။ ထို့အပြင် ထုံးဘိုမြို့ မီးသင်္ဂြိုလ်စက်သည် ထင်းလောင်စာသုံး မီးသင်္ဂြိုလ်စက်ဖြစ်သည့်အတွက် သဘာဝ ပတ်ဝန်းကျင်ထိန်းသိမ်းရေးအတွက် သစ်တောပြုန်းတီးမှုကို အကာအကွယ်ပေးနိုင်ရန်၎င်း၊ ငွေကုန် ကြေးကျ သက်သာမှုရှိစေရန်၎င်း၊ စိမ်းလန်းစိုပြေမှုကို အဓိကထားရန်အတွက်၎င်း၊ သုဿန်မြေရှိ မြေလွတ် မြေကွက်များတွင် သစ်ပင်များ (ထင်းအဖြစ် အသုံးပြုနိုင်၍ လျှင်မြန်စွာ ကြီးထွားနိုင်သောအပင်များ) အား အကွက်ချစိုက်ပျိုးရန်အတွက် အတွင်းရေးမှူး ဒေါ်ရွှေဇီးကွက်မှလည်း တိုက်တွန်းပြောဆိုခဲ့သည်။
ထိုကဲ့သို့ မီးသင်္ဂြိုလ်စက်များ ဆောက်လုပ်လှူဒါန်းပေးခြင်း၊ သုဿန်မြေများအား သန့်ရှင်းသပ်ရပ်မှု ရှိစေရန် တိုက်တွန်းခြင်း၊ နာရေးကိစ္စများတွင် အသုံးပြုသော မော်တော်ယာဉ်၊ လှည်း၊ လှေ စသည်တို့ကို မတည်လှူဒါန်းပေးခြင်းတို့သည် “မစည်ကားသင့်သောအရပ်ကို … စည်ကားအောင်ပြုလုပ်ပေးခြင်း” ဟူ သော အယူသီးမှုစကားရပ်အား တိုက်ဖျက်ခြင်းဖြစ်သည်။ ၄င်းအပြင် သာမန်မိရိုးဖလာ ဗုဒ္ဓဘာသာဝင် မြန်မာလူမျိုးတို့၏ အမှန်တကယ်လိုအပ်သော နေရာဋ္ဌာနများတွင် စေတနာပြတ်ပြတ် လှူဒါန်းခြင်းထက် မြင့်မြတ်သောနေရာ၊ ကျက်သရေရှိသောနေရာ၊ မင်္ဂလာရှိသောနေရာဋ္ဌာနများတွင် လှူဒါန်းပါမှပို၍ ကုသိုလ်ရနိုင်သည်ဟု ထင်မှတ်နေသော အစွဲများကိုလည်း ပြုပြင်ပေးရာရောက်ပါသည်။ “သေသောသူ သည် သုဿန်သို့သာ သက်သက်သာသာသွားသင့်သည်” ဟူသောစကားအတိုင်း ကမ္ဘာမြေပြင်မှ ပြန် လည်ထွက်ခွာသွားသော သူတို့အတွက်၎င်း၊ ကျန်ရစ်သူမိသားစုတို့အတွက်၎င်း၊ အပူမီးများငြိမ်းအေးစေပြီး ငွေကုန်ကြေးကျမရှိစေရန် ရည်ရွယ်၍ အသုဘလိုက်လံပို့သော မြို့မိ/ဖ မိတ်သင်္ဂဟတို့အတွက်လည်း သုဿန်မြေသည် အသုဘရှုရန် သန့်ရှင်း သပ်ရပ်သော တရားဘာဝနာ ပွားများအားထုတ်သင့်သော အရပ် ဒေသ မြေနေရာတစ်ခုဖြစ်ရန် အရေးကြီးလှသည်။ မည်သူမဆို ရောက်ရမည့်၊ သွားရမည့် အရပ်ဒေသ သည် သုဿန်မြေပင် မဟုတ်ပါလား။
ထို့ကြောင့် အများပြည်သူတို့၏ လှူဒါန်းထားသော ငွေကြေးများကို နာရေးကူညီမှုအသင်း(ရန်ကုန်) အနေဖြင့် လိပ်ပြာသန့်စွာ သီလလုံစွာဖြင့် လိုအပ်သော အရပ်ဒေသ၊ နေရာဋ္ဌာနများသို့ လှူဒါန်းပေးမှုအား “အများပြည်သူအတွက် အများပြည်သူကောင်းမှု” ဟူသော ကဗ္ဗည်းစာသားလေးသည် အာဇာနည်ခေါင်း ဆောင်ကြီး သခင်မြ၏ မွေးရပ်မြေ ထုံးဘိုမြို့သုဿန်တွင် တွေ့မြင်ရသူတို့အတွက် ဝမ်းသာကြည်နူး “သာဓု” ခေါ်ဖွယ်ရာဟူ၍ တည်ရှိ နေတော့မည်ဖြစ်ပါသည်။
2 years ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်