ယင်းခရီးစဉ်တွင် အမေရိကန်နိုင်ငံ နယူးယောက်မြို့ရှိ ငယ်စဉ်တက္ကသိုလ် ကျောင်းတော်ကြီးတွင် မိတ်ဆွေသူငယ်ချင်း ဖြစ်သူ “ပန်းချီ မင်းကျော်ခိုင်”နှင့် ပြန်လည်ဆုံတွေ့ခွင့် ရခဲ့သည်။ ထိုအချိန်တွင် “ပန်းချီ မင်းကျော်ခိုင်”နှင့် အတူ နေထိုင်နေသော “ဖိုးခွား” ဟု အမည်ခေါ်တွင်သော စိတ်ရင်းမွန်မြတ်သော၊ လူတကာအား အကူ အညီ ပေးတတ်သော၊ အမျိုးသားရေးစိတ်ဓါတ် နိုင်ငံရေး စိတ်ဓါတ်ထက်သန်သော ခင်မင်ဖွယ် မိတ်ဆွေ တစ်ဦးနှင့်လည်း တွေ့ကြုံခဲ့ရသည်။
ဒုတိယ အကြိမ်မြောက် ၂ဝ၁၂ ခုနှစ်၊ စက်တင်ဘာလတွင်လည်း NED ဆုပေးပွဲ အခမ်းအနား တက်ရောက်ရန်အတွက် အမေရိကန်နိုင်ငံသို့ ခရီးထွက်ခွင့် ကြုံခဲ့ပြန်ရာတွင် “ပန်းချီမင်းကျော်ခိုင်”နှင့် အတူ “ဖိုးခွား” တို့နှင့် ပြန်လည်၍ ရေစက်ဆုံခဲ့ရပြန်သည်။ “ဖိုးခွား” တို့ သူငယ်ချင်းတို့၏ ကူညီမှုများနှင့် အတူ “ဖိုးခွား” တို့ နေအိမ်တွင် နေထိုင်စားသောက်ကာ “ဖိုးခွား” ၏ မော်တော်ကားဖြင့် ကျွန်တော်သွားလို သည့် ပြည်ပနိုင်ငံရှိ သုဿန်များသို့ သွားရောက်လေ့လာ မှတ်တမ်းတင်ခွင့် ရရှိခဲ့သည်။ “ဖိုးခွား” သည် ယခင့် ယခင်ကာလများ၌ ရန်ကုန်မြို့ရှိ ခြံအမှတ် ၅၄၊ တက္ကသိုလ်ရိပ်သာလမ်း နေအိမ်ရှိ အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်၏ အနီးကပ် တာဝန်ထမ်းဆောင်ခဲ့သော အမျိုးသားရေးစိတ်ဓါတ် ပြင်းပြသော နိုင်ငံ့သားကောင်း တစ်ဦးလည်းဖြစ်သည်။ ၁၉၈၈ အရေးခင်းကာလအပြီး နိုင်ငံရေးလောက ဖရိုဖရဲဖြစ်ကာ စစ်အုပ်ချုပ်မှုဒဏ်ကို မခံစားလိုသောကြောင့် အကြောင်းအမျိုးမျိုး လမ်းကြောင်းအသွယ် သွယ်တို့ဖြင့် ပြည်ပနိုင်ငံဖြစ်သော အမေရိကန်နိုင်ငံသို့ ရောက်ရှိပြီး ဝမ်းရေးအတွက် ရုန်းကန်လှုပ်ရှား နေထိုင်ခဲ့ကာ စိတ်ရင်းစေတနာရင်း မှန်ကန်စွာဖြင့် အများသူငှါတို့အား ကူညီပံ့ပိုးဖို့ ဝန်မလေးခဲ့သူ တစ်ဦး ဖြစ်သည်နှင့်အညီ ၂ဝ၁၂ခုနှစ်၊ စက်တင်ဘာလတွင် အမေရိကန်နိုင်ငံမှ ချီးမြှင့်ခဲ့သော (DEDICATED TO PROMOTING FREEDOM AND DEMOCRACY IN BURMA) ရွှေတံဆိပ်ဆုပေးပွဲ အခမ်းအနားအား တက်ရောက်ရန် ရောက်ရှိနေသည့် မိခင်သဖွယ်ဖြစ်ခဲ့သော ဒေါ်အောင်ဆန်းစုကြည်နှင့်လည်း ဝမ်းသာ အားရစွာ ပြန်လည်ဆုံတွေ့ခွင့် ရရှိခဲ့သည်။ ၂၄ နှစ်ကြာ ကွဲကွာခဲ့ရသော မိခင်သဖွယ်ဖြစ်သော ဒေါ်အောင်ဆန်းစုကြည်နှင့် ဝမ်းသာအားရ ပြန်လည်ဆုံတွေ့ခွင့် ရခဲ့သော်လည်း ၂၄ နှစ်ကြာ ကွဲကွာခဲ့ရသူ “ဖိုးခွား” ၏ မွေးမိခင်ရင်းဖြစ်သူ ဒေါ်စိန်တင့် အား ပြန်လည်ဆုံတွေ့ခွင့် မရရှိခဲ့တော့ချေ။ အကြောင်းမှာ ၂၄ နှစ်ကြာ ကွဲကွာခဲ့ရသော ရန်ကုန်မြို့၊ အမှတ် ၅၉၄၊ ပြင်ဦးလွင်လမ်း၊ (၃၈)ရပ်ကွက်၊ မြောက်ဒဂုံမြို့နယ်နေ မိခင်ကြီး ဒေါ်စိန်တင့် အသက် ( ) နှစ်သည် ၂၆.၁ဝ.၂ဝ၁၂ရက်နေ့တွင် ကွယ်လွန်အနိစ္စရောက်ခဲ့သည်။ ယနေ့ ၂၈.၁ဝ.၂ဝ၁၂ ရက်နေ့ နံနက် ၁ဝးဝဝ နာရီအချိန်တွင် ရေဝေးသုဿန်၌ မီးသင်္ဂြိုလ်ခြင်း အခမ်းအနားအား ကျန်ရစ်သူမိသားစုတို့နှင့်အတူ ရပ်ဆွေရပ်မျိုးများ၊ မိတ်သင်္ဂဟများ၊ မြောက်ဒဂုံမြို့နယ်ရှိ သံသရာခရီးသည် နာရေးကူညီမှုအဖွဲ့နှင့်ပူးပေါင်း၍ နာရေးကူညီမှုအသင်း(ရန်ကုန်)မှ ဦးစီးကျင်းပပြုလုပ် ပေးခဲ့သော်လည်း သားဖြစ်သူ “ဖိုးခွား” တစ်ယောက် မိခင်ကြီး၏ နောက်ဆုံးခရီးအား ပို့ဆောင်ပေးနိုင်ခွင့် မရှိခဲ့ရချေ။
သို့ပေမယ့် “ဖိုးခွား” တာဝန်ကျေခဲ့ပါသည်။ “ဖိုးခွား” သည် ကျွန်တော့်အား ယခင်က ကွယ်လွန် သွားရှာ ကြပြီဖြစ်သော ဖခင်ကြီး ဦးတင့်လွင်နှင့် ညီအစ်ကိုဖြစ်သူ ကိုမောင်မောင်လွင် တို့အား ရည်စူး၍ မိခင်ကြီး ဒေါ်စိန်တင့် အမည်ဖြင့် နာရေးကူညီမှုအသင်း(ရန်ကုန်)သို့ US$ 100 အားလှူဒါန်းလိုကြောင်း နယူးယောက်မြို့တွင် ကျွန်တော်ရှိနေစဉ်ကာလ၌ ပြောကြားခဲ့ကာ အလှူငွေ US$ 100 အား ကျွန်တော်၏ လက်ထဲသို့ လှူဒါန်းခဲ့ပြီးဖြစ်သည်။ ကျွန်တော်သည် အမေရိကန်နိုင်ငံသို့ အလှူငွေလက်ခံ ဖြတ်ပိုင်း စာအုပ်များ မပါရှိခဲ့၍ ရန်ကုန်မြို့သို့ ပြန်လည်ရောက်ရှိပြီးမှ မိခင်ကြီး ဒေါ်စိန်တင့်ထံသို့ အလှူငွေဖြတ်ပိုင်း အား ဝမ်းသာပီတိ သာဓုခေါ်ဆိုနိုင်ရန်အတွက် နေအိမ်သို့ သွားရောက် အပ်နှံပေးမည်ဟု ပြောကြားခဲ့သည်။ ထို့နောက် ကျွန်တော်၏ခရီးစဉ်သည် နယူးယောက်မြို့မှတဆင့် ဆန်ဖရန်စစ်စကိုမြို့၊ ဆန်ဖရန်စစ်စကိုမြို့မှ လော့စ်အိန်ဂျယ်လစ်မြို့၊ လော့စ်အိန်ဂျယ်လစ်မြို့မှတဆင့် ဂျပန်နိုင်ငံ တိုကျိုလေဆိပ်၊ တိုကျိုလေဆိပ်မှ ဘန်ကောက်လေဆိပ်၊ ဘန်ကောက်လေဆိပ်မှ ၂၇.၁ဝ.၂ဝ၁၂ ရက်နေ့ နံနက် (၈း၎ဝ) နာရီအချိန်တွင် ရန်ကုန်အပြည်ပြည်ဆိုင်ရာလေဆိပ်သို့ ပြန်လည်ရောက်ရှိခဲ့သည်။
၂၆.၁ဝ.၂ဝ၁၂ ရက်နေ့ ဂျပန်နိုင်ငံ တိုကျိုလေဆိပ်သို့ ရောက်ရှိသောအချိန်တွင် နယူးယောက်မြို့နေ “ပန်းချီ မင်းကျော်ခိုင်”၏ တယ်လီဖုန်းဖြင့် ဆက်သွယ်ပြောကြားမှုကြောင့် “ဖိုးခွား” ၏ မိခင်ကြီး ဒေါ်စိန်တင့် ကွယ်လွန်သွားပြီဆိုသည့် သတင်းအား ကြေကွဲထိခိုက်စွာဖြင့် ကြားသိခဲ့ရသည်။ ထို့ကြောင့် ကျွန်တော်သည်လည်း တိုကျိုမြို့လေဆိပ်မှ ရန်ကုန်ရှိ နာရေးကူညီမှုအသင်း(ရန်ကုန်)သို့ ချက်ခြင်းအကြောင်းကြားကာ ကူညီဖေးမမှုလုပ်ငန်းအား ဆောင်ရွက် စေခဲ့သည်။ မိခင်ကြီး ဒေါ်စိန်တင့်၏ ကျန်ရစ်သောရုပ်အလောင်းအား နေအိမ်မှ ရေဝေးသုဿန် အအေးခန်းသို့ နာရေးကူညီမှုအသင်း(ရန်ကုန်)မှ ပို့ဆောင်ပေးခဲ့ပြီး ယနေ့ ၂၈.၁ဝ.၂ဝ၁၂ ရက်နေ့ နံနက် ၁ဝးဝဝ နာရီအချိန်တွင် နောက်ဆုံးနှုတ်ဆက် မီးသင်္ဂြိုလ်ခြင်း အခမ်းအနားကို ကျင်းပပြုပေးခဲ့တော့သည်။
ကျွန်တော့်အနေဖြင့် တမလွန်ဘဝသို့ ရောက်သွားရှာပြီဖြစ်သော မိခင်ကြီး ဒေါ်စိန်တင့် ကြားသိနိုင် ပါက “အမေ ဒေါ်စိန်တင့် ခင်ဗျား၊ အမေ့ရဲ့သား “ဖိုးခွား” တစ်ယောက် တာဝန်ကျေခဲ့ပါတယ် အမေ။ တိုင်းပြည်နှင့် လူမျိုးအပေါ်လည်း တာဝန်ကျေခဲ့ပါတယ်။ သူငယ်ချင်း အပေါင်းအသင်းများအပေါ်လည်း တာဝန်ကျေခဲ့ပါတယ်၊ အမေ့အတွက်လည်း ကုသိုလ်တာဝန်ကျေခဲ့ပါတယ် အမေရယ်” လို့ပြောကြား လိုပါသည်။ အမေ ဒေါ်စိန်တင့်၏ ကျန်ရစ်သော ရုပ်ခန္ဓာရှိ မျက်နှာပြင်ပေါ်တွင် စို့နေသော ချွေးပေါက်ကလေးများအားသုတ်ပေးရင်းကျွန်တော့်၏စိတ်တွင်းမှ ပြောကြားလိုက်သည်ကို အမေ ဒေါ်စိန်တင့် တစ်ယောက် တမလွန်ဘဝမှ ကြားသိလိုက်မည်ဟု ကျွန်တော် ယုံကြည်မိပါတော့သည်။
ကျော်သူ
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်