0 ပင်လယ်ပြင်ကိုကြိုးနဲ့ဆွဲသူတွေ- ကိုညို(Oslo)

“ဇာဂနာ့ကျင်ငယ်ရေမှာသာတဲ့လ
မင်းကိုနိုင်ရဲ့သေရေးရှင်ရေးနဲ့
ပင်လယ်ပြင်ကိုကြိုးနဲ့ဆွဲသူတွေ
အဲဒီညမှာလအရမ်းသာတယ်။
သံတိုင်တွေကြားကအိပ်မပျော်နိုင်သေးတဲ့အကျဉ်းသား၊ဟိုငေးဒီကြောင်၊
ငုတ်တုတ်ထိုင်လိုက်၊လမ်းထလျှောက်လိုက်၊အပြင်ဘက်က“၀ါကာ..၀ါကာ
အေ့အေ့..”သီချင်းနဲ့ဘုန်းကြီးတရားသံကရောထွေးပြီးထောင်နံရံကိုဖောက်လာတယ်။
သံတိုင်အပြင်ဘက်မှာလရောင်တွေဖိတ်လျှံကျနေတာဝင်းဝင်းလက်လက်။
ထောင်နံရံမျော်စင်လည်းပျိုးပျိုးပြက်ပြက်။
သံတိုင်ထဲကလူ..
လရောင်ကိုသတိပြုမိသွားတယ်။လပြည့်ညလည်းဖြစ်ချင်ဖြစ်မယ်။
သံတိုင်နားကပ်ပြီးစောင်းငဲ့မော့ကြည့်တယ်၊လ၀န်းကိုမမြင်ရ။
သံတိုင်အပြင်ဘက်လက်ဆန့်ပြီးလရောင်ကိုခံကြည့်တယ်၊
လရိပ်ကသူ့လက်ဖျားနဲ့တစက်ကလေးမှမထိဘူး။
နည်းနည်းလေးရှေ့တိုးနိုင်ရင်တော့
သူမြင်ချင်တဲ့လပြည့်ဝန်းကိုတွေ့နိုင်မယ်။
သံတိုင်နဲ့ပါးကပ်နိုင်သမျှကပ်၊လက်ကိုဆန့်တန်းပြီးအပြင်ထုတ်ပေမဲ့
လရိပ်ကစိမ်းစိမ်းကားကားပဲ။မထိမတို့နိုင်တဲ့လရောင်ကိုပိုပြီးငတ်မွတ်လာတယ်။
ပိုမြင်ချင်လာတယ်။ဒီညတော့လပြည့်ပြည့်ကိုမြင်မှဖြစ်မယ်၊
ဒီလကို။မမြင်ရမချင်းမအိပ်တော့ဘူးလိုဆုံးဖြတ်လိုက်ပုံရတယ်။
အကြံရတယ်။အခန်းဒေါင့်ကိုသွားပြီးကျင်ငယ်စွန့်တဲ့ဂန်ဖလားကိုဆွဲပြီး
သံတိုင်အပြင်ဘက်ထုတ်လိုက်တယ်။ပြီးတော့အဲဒီခွက်ထဲရှုရှုပန်းထည့်လိုက်တယ်။
ပြီးတော့ဂန်ဖလားကိုလရောင်ကျနေတဲ့နေရာထိတိုးရွှေ့လိုက်တယ်။
လှုတ်ခတ်နေတဲ့အဖြူရောင်အရိပ်တွေကကျင်ငယ်ရေထဲဝါးတားတားပေါ်လာတယ်။
ခွက်ထဲကကျင်ငယ်ရေဘောင်ဘင်ခတ်တာငြိမ်သက်သွားတော့ဝိုင်းဝိုင်းစက်စက်လမင်းကြီးဟာ
ကျင်ခွက်ထဲမှာပြည့်လို့သာလို့။သံတိုင်ကြားကမလွတ်လပ်တဲ့အကျဉ်းသား၊ကျင်ခွက်ထဲကလရိပ်ကို
အငမ်းမရကြည့်လိုက်တယ်။လပြည့်ညကိုအားရပါးရခံစားလိုက်တယ်။
---------
အဲဒီ Short Film လေးကိုဒါရိုက်တာဇာဂနာက“မမြင်ရတဲ့လ”လို့နာမည်ပေးထားတယ်။
“အကျဉ်းခန်းထဲမှာ
လရောင်ကိုမြင်နိုင်တဲ့အခွင့်အရေးမရှိသလို၊သောက်စရာရေတောင်မရှိဘူး၊ဒီဇာတ်လမ်းကို

ထောင်ထဲမှာစိတ်ကူးထားတာကြာပြီ၊အခုအပြင်ရောက်မှတကယ်ရိုက်ဖြစ်တာ”
ရေခဲအမှတ်သုညအောက်ရောက်နေပြီး၊အော်စလိုပင်လယ်ကမ်းမြှောင်ကိုမေးတင်
ဆောက်ထားတဲ့နော်ဝေးနိုင်ငံအမျိုးသားအော်ပရာဇာတ်ရုံအပြင်မှာ
မြန်မာအမျိုးသားဝတ်စုံဝတ်ထားတဲ့
ကတုံးပြောင်နဲ့ကိုဇာဂနာမေးခိုက်ခိုက်တုန်ပြီးမီဒီယာတွေကို
အင်တာဗျူးပေးနေတာတွေ့ရတယ်။
အောက်တိုဘာ၂၅နဲ့၂၆ရက်နေ့၂ရက်တာ
ကျင်းပတဲ့“All that is banned is desired”
“ပိတ်ဆို့ခံခဲ့ရတဲ့လိုအင်ဆန္ဒတွေ
” ဆိုတဲ့ ခေါင်းစဉ်နဲ့
အနုပညာနဲ့ လွတ်လပ်စွာ သဘောထား ထုတ်ဖော်တဲ့ နိုင်ငံတကာ
အနုပညာရှင်၅၀ကျော်ထဲမှာမြန်မာနိုင်ငံကလူရွှင်တော်၊ဒါရိုက်တာ၊
နိုင်ငံရေးအကျဉ်းသားဟောင်းကိုဇာဂနာနဲ့မှတ်တမ်းရုပ်ရှင်(Documentary Film)
ဒါရိုက်တာမင်းထင်ကိုကိုကြီးတို့၂ဦးလည်းပါဝင်တယ်။သူတို့၂ယောက်
ရဲ့တင်ဆက်မှုကို
(Beauti Under Pressure)“ဖိနှိပ်မှုအောက်ကအလှတရား”လို့နာမည်ပေးထားတယ်။
အစောပိုင်းကနိုင်ငံရေးအကျဉ်းသားဟောင်းရွှေသံစဉ်တီးဝိုင်းခေါင်းဆောင်
ကိုဝင်းမော်လာဖို့ရှိပေမဲ့နိုင်ငံကူးလက်မှတ်မရလို့မလာနိုင်ခဲ့ဘူး။
“ကျနော်ပတ်စ်ပို့ရဖို့လအတန်ကြာကတည်းကအကြိမ်ကြိမ်ကျိုးစားခဲ့ပေမဲ့
အထမမြောက်ခဲ့ဘူး၊
သြဂုတ်လကလည်းကျနော်နဲ့ကျနော့အဖွဲ့ကိုထိုင်းဘုရင်မမွေးနေ့ပွဲမှာ
ဖြော်ဖြေဘို့ဖိတ်ကြားခံရတာလည်းသွားခွင့်မရခဲ့ဘူး”လို့သူ့ရဲ့Videoအမှာစကားမှာ
ကိုဝင်းမော်ကရှင်းပြသွားပါတယ်။သူုကဗွီဒီယိုအခွေကတဆင့်ကျောင်းသားတွေညအချိန်မတော်
တိတ်တဆိတ်အဖမ်းခံနေရတဲ့အကြောင်း
ထောင်ထဲမှာရေးဖွဲ့ထားတဲ့Evil Go Away(မိစ္ဆာတွေအဝေးထွက်သွား)
သီချင်းကိုဆိုပြသွားတယ်။
ဒီကနေ့လိုဒီမိုကရေစီလမ်းကြောင်းပေါ်အားလုံးကတွန်းတင်ပြီးသွားနေချိန်ဘာကြောင့်
အတိတ်ကပုံရိပ်တွေကိုနိုင်ငံတကာလှည့်ပြသနေရသလဲဆိုတာကသိလိုတဲ့မေးခွန်းတခုပါ။
“ဒီလိုဇာတ်လမ်းတွေပြဖို့အစောပိုင်းကစိတ်ကူးမရှိဘူး၊ဒါပေမဲ့ခရီးထွက်ဘို့နီးကပ်ချိန်ထိ
ကိုဝင်းမော်ပတ်စ်ပို့မရတော့ဒီကိစ္စခေါင်းထဲဝင်ဆောင့်လာတယ်၊ငါတို့ကလွတ်လပ်မှုရှာနေသလို၊သူတို့က
လည်းလွတ်လပ်ပါပြီ၊ဒီမိုကရေစီအစိုးရပါလို့ပြောတယ်၊ဒါဆိုလူလူချင်းခွဲခြားပြီးနိုင်ငံသားတိုင်း
ရပိုင်ခွင့်ရှိတဲ့ပတ်စ်ပို့တွေထုတ်မပေးကြတာလဲ၊ကိုဝင်းမော်မှမဟုတ်ဖူး၊ကိုဇော်သက်ထွေးနဲ
့နိုင်ငံရေးအကျဉ်းသားဟောင်း၉၀ရာခိုင်နှုံးကနိုင်ငံကူးလက်မှတ်တွေမရသေးဘူး၊
ဒီတော့လူ့အခွင့်ရေးတို့၊ဒီမိုကရေစီတို့တည်ဆောက်နေပါတယ်လို့ပြောနေတာကိုကျနော်တို့ဘယ်လိုယုံကြည်ရမှာလဲ..
ဒါကြောင့်လဲဒီလာခါနီးမှကမန်းကတန်း“မမြင်ရတဲ့လ”ကိုရိုက်ပြီးယူလာခဲ့တာပဲ”
ရင်အပူနဲ့ပြောလိုက်တဲ့ကိုဇာဂနာရေခဲအောက်သုညဒီဂရီရောက်နေတဲ့အအေးဓာတ်ကို
ခဏတော့အံတုနိုင်မှာပဲ။
-------------
အော်စလိုပွဲမှာတရုတ်၊မလေးရှား၊တိဘက်စတဲ့အာရှနိုင်ငံကအနုပညာရှင်တွေနဲ့၊
လူ့အခွင့်အရေးလှုပ်ရှားသူတွေ၊ဂျာနယ်လစ်တွေအပြင်၊ပြင်သစ်၊အာဖရိက၊အမေရိကန်၊
ဆွီဒင်၊ဒိန်းမတ်၊စတဲ့နိုင်ငံတကာကအနုပညာသမားနဲ့နိုင်ငံရေး၊လူ့အခွင့်အရေး၊ဒီမိုကရေစီအရေးလှုပ်ရှားသူဟာ
ကိုယ့်နယ်ပယ်အသီးသီးမှာပိတ်ဆို့ခံနေရတဲ့ယုံကြည်ချက်နဲ့လုပ်တဲ့အနုပညာတွေကိုတင်ပြကြတာပါ။
အဆို၊အက၊အတီးအမှုတ်နဲ့သရုပ်ဖော်အနုပညာပြကွက်တွေအပြင်၊
ပရိသတ်နဲ့ပါအပြန်အလှန်မေးခွန်းထုတ်ဆွေးနွေးမှုတွေလည်းပါတယ်။
ထူးထူးခြားတင်ဆက်မှုတခုကပြင်သစ်နိုင်ငံကအမျိုးသမီးတဦးရဲ့၁၀မိနစ်ကြာတင်ဆင်တဲ့
သရုပ်ပြကွက်လေးပါ။Hijabလို့ခေါ်တဲ့အစ္စလမ်ဘာသာဝင်မျက်နှာဖုံးကာဝတ်ရုံတွေနဲ့အမျိုးသမီးတွေရဲ့
မလွတ်လပ်မှု၊အခွင့်အရေးမဲ့မှု၊နဲ့လူသားဆန်ဆန်မနေနိုင်တဲ့ဘ၀ကိုအသံ၊အလင်း၊တွေရဲ့အထောက်အပံ့နဲ့ပြသွားတာပါ။
ထူးခြားတာကဒီပြကွက်ကိုအသက်အန္တရယ်ကြောင့်ဓာတ်ပုံ၊ဗွီဒီယိုလုံးဝမရိုက်ဖို့တားမြစ်ထားသလို
၊ဒီနေရာမှာပထမဆုံးပြတာဖြစ်သလို၊ဘယ်နေရာမှာမှထပ်မပြသမဲ့နောက်ဆုံးအကြိမ်
သရုပ်ပြကွက်ဖြစ်တယ်လို့လည်းပြောခဲ့တာပါ။၁၀မိနစ်ကြာပြကွက်တခုလုံးမှာမျက်နှာဖုံးစွတ်ထားတဲ့
အမျိုးသမီးတယောက်ရဲ့၊တီးလုံးနဲ့အညီ၊အော်ဟစ်သံ၊ငြီးငြူသံ၊သက်ပျင်းချသံတွေနဲ့
အဖုံးအကွယ်မပါတဲ့မျက်လုံးတွေကတဆင့်ကြောက်လန့်မှု၊အားငယ်စိုးရိမ်မှုတွေကိုသရုပ်ဖော်ပြသသွားတာပါ။
ကဇာတ်ရုံထဲကပရိဿတ်၂၀၀ကျော်ဟာချောင်းဟန့်သံ
တောင်မပြုငြိမ်သက်နေတယ်။လွတ်လပ်မှုမရှိတဲ့အဓိပ္ပါယ်ကိုပီပြင်စေချင်လို့လားမသိ၊
သတင်းသမားတွေကိုတောင်ဓာတ်ပုံ၊Videoမရိုက်ဖို့မေတ္တာရပ်ခံပါတယ်။
ဒါရိုက်တာမင်းထင်ကိုကိုကြီးကတော့ကိုမင်းကိုနိုင်အကျဉ်းကျစဉ်
ရေးခဲ့တဲ့“အလျှင်”ဆိုတဲ့ကဗျာစာသားမြန်မာအင်္ဂလိပ်လိုရေးထားတာကို
ကင်မရာအနီးအဝေး၊အနိမ့်အမြင့်၊အတွန်းအရွှေ့၊အလှည့်အပြောင်းရိုက်ချက်တွေနဲ့
နောက်ခံစန္ဒယားတီးကွက်တွေကိုပံ့ပိုးပြီးရိုက်ထားတာလေးက
ထူးခြားပြီးပရိသတ်ရဲ့စိတ်အာရုံကိုဖမ်းစားနိုင်ခဲ့တယ်။
သေခြင်းနဲ့ရှင်ခြင်းဆိုတဲ့အဓိပ္ပါယ်ကိုစကားလုံးကျစ်ကျစ်လစ်လစ်နဲ့
ရှေ့နောက်ရွှေ့ရေးစပ်ထားတဲ့ကိုမင်းကိုနိုင်ရဲ့အတွေးနဲ့ဒဿနတွေ
ဘယ်လောက်လေးနက်၊ကျယ်ပြန့်နေတယ်ဆိုတာကိုအဲဒီကဗျာလေးမှာမြင်ရတယ်။
လွတ်လပ်မှု၊မလွတ်လပ်မှုနဲ့မတရားမှု၊ဖိနှိပ်မှု၊ခြိမ်းခြောက်မှု၊မလုံခြုံမှု၊
ဘ၀အာမခံမရှိမှု၊ဖြစ်ချင်သလိုဖြစ်ပြီး၊လူသားတယောက်ရဲ့ဘ၀အဓိပ္ပါယ်မပြည့်ဝတဲ့
အနေအထားတွေကိုသာမက၊လူသေပြီးနာမည်မသေတဲ့ဘ၀တွေ၊လူရှင်ပြီးနာမည်သေနေတဲ့ဘ၀တွေ၊
သင်္ခါရတွေ၊တရားဓမ္မနဲ့ဆင်ခြင်တွေးတောစရာအဓိပ္ပါယ်တွေအများကြီးကိုခံစားရမှာဖြစ်တယ်။
             အလျှင်
သေဆုံးတယ်ဆိုတာမရှိဘူး၊
သေတယ်မဆုံးဘူး၊
မဆုံးအောင်သေတယ်၊
သေပြီးသားလူတွေထပ်သေတယ်၊
သေရမဲ့လူတွေအသက်ဆက်တယ်၊
မသေမရှင်တွေကမရှင်မသေ၊
သေခြင်းနဲ့ရှင်ခြင်းဟာသိတ်မကွဲပြားတော့ဘူး။

ဟိုနားမှာမွေးပြီး၊ဒီနားမှာသေတယ်၊
စောစောကမွေးပြီးခုလေးတင်သေတယ်၊
မွေးကတည်းကသေပြီးသားလည်းဖြစ်မယ်၊
အသေ၊
အရှင်၊
မသေမရှင်၊
အဲဒီကြားမှာအပျောက်ရှိတယ်။

အသေလည်းပျောက်တယ်၊
အရှင်လည်းပျောက်တယ်၊
မသေမရှင်တွေလည်းပျောက်တယ်။

အရှင်ဖြစ်ဖြစ်၊
အသေဖြစ်ဖြစ်ဖြစ်၊
မသေမရှင်ဖြစ်ဖြစ်၊
အပျောက်ဖြစ်ဖြစ်၊
ဖက်နဲ့ထုတ်ထားရတဲ့အသက်ဟာဘယ်တော့မှအသေမဖြောင့်ဘူး။

အသက်ငင်နေတဲ့
စားစရာ၊
သောက်စရာ၊
ဝတ်စရာ၊
နေစရာ၊
သေငယ်ဇောနဲ့မြောနေတဲ့
သေစရာနဲ့ရှင်စရာ။

မသေမချင်းတော့ရှင်လိမ့်မယ်
ရှင်ပေမဲ့လည်းဆုံးနေပါပြီ။
(မင်းကိုနိုင်)
တကယ်တော့မှတ်တမ်းရုပ်ရှင်Documentary Filmတွေဟာလူ့အဖွဲ့အစည်းကအခြေအနေတွေကိုတင်ပြရာမှာ
အချိန်တိုတိုနဲ့အားကောင်းတဲ့အချက်အလက်တွေ၊ခံစားမှုတွေ၊အသိပညာနဲ့ရသတွဲပြီးရနိုင်တာတော့မှန်ပါတယ်။
ကျနော်တို့နိုင်ငံလိုအရာရာနောက်ကျပြီးအများလက်ခံအောင်ဆွဲတင်ပေးရမဲ့အချိန်မှာအခုလိုရသနဲ့အဖြစ်အပျက်မှန်တွေ၊
သတင်းအချက်အလက်နဲ့ဒဿနကိုအချိန်တိုတိုတောင်းတောင်းနဲ့ရင်ဘတ်ထဲရော၊
ဦးခေါင်းထဲရောချက်ချင်းရောက်အောင်ပို့ပေးတဲ့နေရာမှာအခုလိုမှတ်တမ်းဇာတ်လမ်းတိုတွေက
အတော်လေးတန်ခိုးကြီးတယ်လို့မြင်မိတယ်။
၁၉၉၄လောက်က ကျနော်အိန္ဒိယမှာDocumentary Filmအကြောင်းလေ့လာသင်ကြားခဲ့ချိန်က
သင်တန်းဆရာကမှတ်တမ်းဇာတ်လမ်းတိုတချို့ပြသပြီးဝေဖန်သုံးသပ်ခိုင်းတယ်။
အိုင်ဒီယာ၊အတွေးစိတ်ကူးဆိုင်ရာနဲ့ပတ်သက်တဲ့ရိုက်ကူးချက်တွေလေ့လာရတဲ့
အခါဒီနေ့ထိစွဲနေတဲ့တမီးလ်လူမျိုးဒါရိုက်တာတယောက်ရိုက်ကူးတဲ့ဇာတ်လမ်းတိုလေးတခုရှိတယ်။
ဇာတ်ကားနာမည်က“Rope”(လွန်ကြိုး)တဲ့ပြကွက်အစကို.. အပြာရောင်ပင်လယ်
ကမ်းစပ်ကကျောက်ဆောင်ပေါ်မှာထိုင်နေတဲ့လူတယောက်နဲ့ပြတယ်။
ကောင်းကင်ကပြာပြာ၊ရေပြင်ကပြာပြာ၊နေကသာပြီးလှိုင်းလုံးတွေကစီးချက်မှန်မှန်နဲ့ကမ်းစပ်ကိုလာရိုက်နေတယ်။
ဟိုး..အဝေးသဲသောင်ပြင်မှာလူတယောက်လဲနေတာကို
ကင်မရာကLong Shotအဝေးရိုက်ချက်နဲ့ပြတယ်။ကျောက်ဆောင်ပေါ်ထိုင်နေသူက၊
လဲနေသူကိုမျက်တောင်မခတ်
လှမ်းကြည့်နေတယ်။အနီးကပ်ကင်မရာရိုက်ချက်မှာ
အသက်ပြင်းပြင်းရှုထုတ်လိုက်တိုင်းနှာဝနဲ့ထိနေတဲ့သောင်ပြင်က
သဲတွေဖွာကနဲ၊ဖွာကနဲထွက်နေလို့လဲနေသူဟာအသေကောင်မဟုတ်မှန်းသိရတယ်။သူ့ခဗျာ
အတော်လေးမောပမ်းနေဟန်ရှိတယ်။
ခနနေတော့လဲနေရာကရုန်းထလာတယ်။သူ့လက်ကိုဆန့်တန်းလိုက်ပြန်ကွေးလိုက်
နောက်ခြေတလှမ်းစီဆုတ်လိုက်နဲ့ပင်လယ်ကိုမျက်နှာမူပြီးလွန်ကြိုးတချောင်းကို
တယောက်ထဲဆွဲနေတဲ့ဟန်ပဲ(ကြိုးတော့မပါဘူး၊ဟန်သက်သက်)သိတ်မကြာဘူးရှေ့ကိုငိုက်ဒရွတ်တိုက်ပါပြီးသောင်ပြင်မှာ
အစောကအတိုင်းမှောက်ရက်လဲသွားပြန်တယ်။ဒီတော့ကျောက်ဆောင်မှာထိုင်ကြည့်နေသူမနေနိုင်ဘူးထလာတယ်။
လဲနေသူကိုထူလိုက်တယ်။နှစ်ယောက်သားခြေလှမ်းညီညီ၊လက်ညီညီနဲ့(နောက်ခံဗုံသံလေးနဲ့)စီးချက်မှန်မှန်
လွန်ကြိုးကိုဆွဲပြန်တယ်။သူတို့ဆွဲနေတာကပင်လယ်ပြင်ကြီး။
ဒါပေမဲ့ပင်လယ်ရေကတုတ်တုတ်မလှုတ်၊လှိုင်းကြက်ခွတ်လေးတောင်မထ၊
ဖျာတချပ်ခင်းထားသလိုငြိမ်သက်နေတယ်။၂လှမ်း၃လှမ်းဘဲဆွဲရသေးတယ်
၂ယောက်သားရှေ့ငိုက်ပြီးဟတ်ထိုးလဲကျတယ်။လူးလဲထပြီးနောက်ထပ်တခါပြန်ဆွဲတယ်။
သူတို့ဆွဲနေတာက၊ိုဟိုး..အဝေးကျောက်ဆောင်နားမှာတံငါသည်လင်မယား၂ယောက်
လှမ်းကြည့်နေတယ်။ချက်ချင်းမကူဘူး။၂ခါလောက်လဲပြီးတော့သူတို့လည်းမနေသာလွန်ကြိုးကိုကူဆွဲပေးတယ်။
မရဘူး။ပင်လယ်ရေကကြွမလာဘူး။ခနခနလဲကျတယ်။
နောက်ထပ်သောင်ပြင်ကိုရောက်လာတဲ့တံငါသည်တွေထမ်းထားတဲ့လှေတွေအမြန်ချပြီးကြိုးကိုဆွဲကူတယ်။
(ကင်မရာရိုက်ချက်လည်းမြန်လာသလို၊နောက်ခံဗုံသံမြိုင်မြိုင်ဆိုင်ဆိုင်နဲ့စီးချက်
ဝါးချက်ညီပြီးသိတ်သွက်လာတယ်)ပင်လယ်လှိုင်းလုံးတွေကလည်းတလုံးပြီးတလုံးကြွလာတယ်။
ဒါပေမဲ့လွန်ဆွဲသူတွေအရေးနိမ့်တုံး၊ဒါနဲ့ပဲ..နောက်ထပ်၅ယောက်၊၁၀ယောက်ထပ်တိုးတိုးလာပြီး
သောင်ပြင်မှာမိန်းမတွေရော၊ယောင်္ကျားတွေရော၊
လူငယ်လူလတ်အဖိုးအဖွားခလေးတွေပါမကျန်အားလုံးဝိုင်းကူဆွဲလိုက်တာ
(ကင်မရာရိုက်ချက်ကလည်းZoom Outအဝေးမြင်ကွင်းကိုဆွဲပြလိုက်တဲ့အခါ)
ဟိုး..သောင်ပြင်မှာလူတွေခြေလှမ်းညီညီ၊လက်ဟန်ညီညီ၊ဗုံတီးကွက်နဲ့အညီ၊ညာသံဟစ်ပြီး
ဟန်ချက်ညီညီကြိုးကိုအဆွဲ၊
ပင်လယ်ပြင်ကလှိုင်းလုံးကြီးတွေကလည်းဆွဲလိုက်တိုင်းတလုံးပြီးတလုံး၊တလုံးပြီးတလုံး..
အဆက်မပြတ်ကြွကြွတက်လာလိုက်တာနောက်ဆုံးတော့ပင်လယ်ကြီးဟာလူတွေဆွဲခေါ်ရာ
တလှိမ့်လှိမ့်နဲ့လှိုင်းလုံးတွေကြွပြီးပါလာပါတော့တယ်။လှိုင်းတွေတလုံးပြီးတလုံးကြွတက်လာတာနဲ့
အဆုံးသပ်ထားတယ်။
သိတ်ကောင်းတဲ့ရိုက်ချက်၊သိတ်ကောင်းတဲ့နောက်ခံတီးလုံးနဲ့သံစုံ၊ပြီးတော့..
သိတ်လှပညီညာတဲ့အခြေလှမ်းအတက်အကြွ၊လက်ဟန်အပင့်အမြှောက်အချ၊
အလဲအပြို..သိတ်ညီတယ်၊သိတ်လှတယ်။
ညီညွတ်ရေးမှာအားတွေပါတယ်။စည်းချက်တွေရှိတယ်၊အောင်ပွဲတွေရှိတယ်။
အများညီတယ်ဆိုပင်လယ်ပြင်လှိုင်းကြွလာအောင်ကြိုးနဲ့ဆွဲလို့ရတယ်ဆိုတဲ့သဘောကိုပြသွားတာသိတ်လှတဲ့ဇာတ်လမ်းတိုလေး။
စုစုပေါင်းမှ၎မိနစ်တောင်မပြည့်ဘူး။
မြန်မာပြည်မှာလည်းဒီလိုအားကောင်းတဲ့ဖန်တီးချက်တွေနဲ့
လုပ်ကိုင်နိုင်စွမ်းရှိတဲ့အနုပညာရှင်တွေအများကြီးရှိတယ်လို့ကိုဇာဂနာပြောလို့သိရတယ်။
၂၀၀၃ခုနှစ်ကရုပ်ရှင်ဒါရိုက်တာ၊စာရေးဆရာဆရာကြီးဦးဝင်းဖေရဲ့အင်တာဗျူးတခုမှာ
မြန်မာ့ရုပ်ရှင်အပြောင်းအလဲဖြစ်ဘို့ဆိုရင် Dramatize Documentary
(ပြဇာတ်ဆန်ဆန်၊၀တ္တုဆန်ဆန်မှတ်တမ်းဇာတ်လမ်း)တွေလုပ်ဖို့
လိုတယ်လို့ပြောတာကြားပြီးကိုဇာဂနာနဲ့သူငယ်ချင်းတွေ
မှတ်တမ်းဆန်ဆန်ငြီးငွေ့စရာတင်ပြချက်ကနေ
ဇာတ်လမ်းဆန်တဲ့မှတ်တမ်းတွေပြန်ရိုက်တယ်။
အဲဒီကာလစာပေစီစစ်ရေးတင်လိုက်တိုင်းအပယ်ခံရတယ်။
၂၀၀၆ခုနှစ်မှာကိုဇော်သက်ထွေး၊တာရာမင်းဝေရယ်နဲ့တွဲပြီးရိုက်ကြတယ်။
၎ခွေလောက်ရှိတယ်။တင်တိုင်းအပယ်ခံရတယ်လို့ကိုဇာဂနာကပြောပြတယ်။
“နောက်ဆုံး၂၀၁၀အောက်တိုဘာမှာကျနော်ထောင်ကလွတ်ပြီးနောက်မှစလုပ်နိုင်တယ်၊
အဲဒီမှာလွတ်လပ်သောအနုပညာပွဲတော်နဲ့တွန်းတင်ပြီးDocumentaryနဲ့အတူ
ဇာတ်လမ်းတိုတွေ၊မှတ်တမ်းဇာတ်လမ်းတွေစလုပ်လာတာပဲ”
ဒါဆို Dramatize Documentaryတွေအသက်ရှုပေါက်ရလာတဲ့သက်တမ်းဟာနုနုလေးပဲရှိပါသေးတယ်။
စိတ်ဝင်တစားနဲ့လုပ်လာသူတွေတဖြေးဖြေးများလာပြီလို့သိရတယ်။
ဟိုတုံးကတော့တယောက်စနှစ်ယောက်စအတွေး၊အကြံအားထုတ်မှုနဲ့လုပ်ခဲ့ပေမဲ့
အားကမရှိတော့သောင်ပြင်မှာမှောက်ရက်လဲခဲ့ရတယ်။ဒီကနေ့တော့အနုပညာရှင်ညီနောင်တွေ
အားလုံးပင်လယ်ပြင်ကိုကြိုးတုပ်ဆွဲနေကြပြီ။
စည်းချက်ညီညီဝိုင်းဝန်းဆွဲနေကြပြီဆိုတော့တချိန်မှာလိုအင်ဆန္ဒလှိုင်းလုံးဆင့်ဆင့်
တမြင့်မြင့်နဲ့ကိုယ့်ဘက်ပါလာကြမယ်လို့မျော်လင့်ရပါတယ်။