အဆိုပါ ဆန္ဒထုတ်ဖော်မှုတွင် လက်ပန်တောင်းမှ ဒေသခံ(၁၀၀)ခန့်က "လက်ပန်တောင်းစီမံကိန်းရပ်တန့်ရေး ဒို့အရေး" ဟု ကြွေးကြော်ဆန္ဒထုတ်ဖော်ကြသည်။
"အခု ဆန္ဒ္ဒထုတ်ဖော်တာက တရုတ်နဲ့ ပေါင်းဖွင့်ထားတဲ့ကုမ္ပဏီကြီးတွေကို ဒီစီမံကိန်းရပ်တန့်ဖို့ ဆန္ဒထုတ်ဖော်တာ" ဟု ဆန္ဒထုတ်ဖော်သူတစ်ဦးက ဆိုသည်။
အဆိုပါကိစ္စနှင့် ပတ်သက်၍ ဆန္ဒထုတ်ဖော်ခွင့် လျှောက်ထားခြင်းမရှိကြောင်းနှင့် သက်ဆိုင်ရာမှလည်း အဆိုပါကိစ္စနှင့် ပတ်သက်၍ ဥပဒေအတိုင်း အရေးယူရန်စီစဉ်လျက်ရှိကြောင်း သိရသည်။
လက်ပန်တောင်းတောင် ကြေးနီစီမံကိန်းရပ်တန့်ရေးနှင့် ပတ်သက်၍ယခု ဆန္ဒထုတ်ဖော်နေသူများသည် မဟာဗန္ဓုပန်းခြံအား (၇)ပတ် ပတ်၍တောင်းဆိုသွားမည်ဖြစ်ကြောင်း လက်ပန်တောင်းတောင်အရေး လှုပ်ရှားသူကိုဟန်ဝင်းအောင်က ပြောကြားသည်။ အဲ့ဒီ ဆန္ဒပြပွဲအတွင်း ငြိမ်းချမ်းရေးဗိသုကာ ဆရာကြီးဒဂုန်တာရာရဲ့ သ၀ဏ်လွှာကို ရန်ကုန်ပြည်သူ့အကျိုးဆောင်ကွန်ယက်မှ ကိုဟန်ဝင်းအောင်မှ ဖတ်ကြားခဲ့ပါတယ်။
အဆိုပါကိစ္စနှင့် ပတ်သက်၍ ABSDF အဖွဲ့ဝင်ဟောင်း ကိုရဲလင်းက"တရုတ်နိုင်ငံက စီမံကိန်းတွေ ရပ်တန့်သွားဖို့ အဓိကတောင်းဆိုတာပါ"ဟု ဆိုသည်။
အဆိုပါ လက်ပန်တောင်းတောင်အရေး တောင်းဆိုနေသော ဒေသခံများအားဗကသအဖွဲ့ဝင်များ ယခင်နိုင်ငံရေး တက်ကြွလှုပ်ရှားသူများ၊ လယ်ယာမြေအရေးဆောင်ရွက်နေသူများနှင့် လူ့အခွင့်အရေးဆောင်ရွက်နေသူများက ၀ိုင်းရံလျှက် ရှိကြောင်းသိရသည်။ "ဥပဒေအတိုင်းအရေးယူမယ်ဆိုရင်တော့ မနက်ကအဖမ်းခံရတဲ့ ကျွန်တော်တို့(၄)ဦးကိုပဲ အရေးယူမှာပါ" ဟု ကိုဘိုဘိုကျော်က ပြောသည်။
ယနေ့မနက်တွင် သက်ဆိုင်ရာမှ ပြန်လည်လွတ်မြောက်လာသော နိုင်ငံရေးလှုပ်ရှားသူများဖြစ်သည့် ကိုဘိုဘိုကျော်၊ ကိုသီဟ၀င်းတင့်၊ ကိုရဲလင်း၊ ကိုဝင်းကိုတို့လည်း ပါဝင်အရေးဆိုလျှက် ရှိကြောင်း သိရသည်။
မြန်မာ့ခေတ်
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်