လက်ပန်းတောင်းတောင်သပိတ်စခန်းတွင် တရုတ်နိုင်ငံအပေါ် မှတ်ချက်ပြုပြောကြားသည့်စကားကြောင့် သမ္မတရုံးဝန်ကြီး ဦးအောင်မင်း အနေဖြင့် မီဒီယာများ၏ အပြင်းအထန်ဝေဖန်မှုကိုခံနေရသည်။ တရုတ်ကိုလည်းကြောက်ရကြောင်းနှင့် မြန်မာနိုင်ငံပေါ်တွင်ရှိသည့် တရုတ်ကျေးဇူး ထောက်ထားရမည်ဟု မှတ်ချက်ပြုပြောဆိုခဲ့ခြင်းက တိုင်းပြည်၏သယံဇာတများကို ဂုတ်သွေးစုပ်ယူနေသည်ဟု ခံစားနေရသည့် မြန်မာပြည်သူများ အတွက်မူ နားခါးစရာ အမှန်တရားတခုလည်း ဖြစ်ခဲ့ရပါသည်။
တရုတ်ကိုကြောက်ရသလား
မန်ချူးတရုတ်တို့၏ လေးကြိမ်တိုင်တိုင် ကျူးကျော်မှုကို ပြန်လည်တွန်းလှန်နိုင်ခဲ့မှု၊ မွန်ဂိုတရုတ် တို့အား မြေလှန်စနစ်ဖြင့် တိုက်ပွဲတန့်သွားအောင် နှင့် ပြန်ဆုတ်သွားအောင် စွမ်းဆောင်နိုင်ခဲ့မှု စသည့် ကျောင်းစာသင် သမိုင်းစာအုပ်ထဲမှ စာသားများဖြင့် ရွှေထီးဆောင်းခဲ့သည့် ကာလများကို စိတ်ကူးဖြင့် မျှော်ကြည့်၍ မိမိဟာဒယကို မိမိအစာကျွေးနေ၍ မရတော့သည့် ခေတ်ဖြစ်ပါသည်။ ယနေ့ ကမ္ဘာတွင် စစ်ရေးအရ အင်အားအကြီးဆုံးဟု ဆိုရသည့် အမေရိကန်ပြည်ထောင်စုပင်လျှင် တရုတ်ပြည်ကို မလွန်ဆန်နိုင်သော အကြောင်းတရားများ ရှိနေပါသည်။ တရုတ်ပြည်၏ အကြွေးတွေ အမေရိကန်
ဘဏ်တွေမှာ လည်ပင်းခိုက်နေသမျှ တရုတ်တွေကို အမေရိကန်တွေ မျက်နှာချိုသွေးနေရပါသေးသည်။ ယနေ့ခေတ်ကား ခေတ်မီတိုးတက်သည့် လက်နက်ဆန်းတွေရှိနေသည် ဆိုဦးတော့ ၊ နျူကလီး ယား လက်နက်တွေ ပိုင်ဆိုင်ထားသည့် နိုင်ငံတွေပင် ဖြစ်ဦးတော့ သမာရိုးကျ လက်နက်ကိုင်တိုက် သည့် စစ်ပွဲများထက် Soft Power ဟု ခေါ်သည့် ပါဝါအပျော့များဖြင့် နိုင်ငံတကာဆက်ဆံရေး ဘာသာရပ်၏ Realism Theory ကို ကျင့်သုံးနေကြသည့်ခေတ်ဖြစ်ပါသည်။ ဆိုရလျှင် ယူနန်ပြည်သာ သာမျှသာ ရှိသည့် မြန်မာနိုင်ငံအနေဖြင့် လက်ရှိအခြေအနေကို ကြည့်ပါက တရုတ်ကို ကြောက်ရသလား ဟုဆိုလျှင် အဖြေက ရှင်းပါသည်။ နားခါးစရာအမှန်တရားအဖြစ် တရုတ်ကို ကြောက်ရပါသည်။
တရုတ်ကို ဘာလို့ကြောက်ရ
မြန်မာပြည်တဝက်ကို သိမ်းမိလုနီးပါး ချီတက်လာသည့် ဗကပ တွေကို ပုဂံခေတ်သူရဲကောင်းလေးဦး စေလွှတ်၍ တိုက်ခိုက် အောင်မြင်ခဲ့ရသည်မဟုတ်ပါ။ တရုတ်တို့က ၎င်းတို့၏ နိုင်ငံခြားရေးပေါ်လစီကို အပြောင်းအလဲလုပ်ပြီး ဗကပ တွေကို လူသူ လက်နက်အင်အား ထောက်ပံထားထားမှုကို တိကနဲ ဖြတ်၍ မြန်မာစစ်အစိုးရနှင့် ထိတွေကဆက်ဆံရန် ဆုံးဖြတ်လိုက်၍သာ ယနေ့ မြန်မာနိုင်ငံ ကွန်မြူနစ်နိုင်ငံ ဖြစ်မနေခြင်းဖြစ်ပါသည်။ ဗကပကို တရုတ်ထောက်ပံ့ထားချိန်တွင် ယနေ့မြန်မာ့တပ်မတော်ထက် စွမ်းဆောင်ရည်နှင့်တိုက်ရည်ခိုက်ရည် (လက်နက်အင်အားမဟုတ်) အပြတ်အသတ် သာသော မြန်မာ့တပ်မတော်သားတွေ၏ အသက်ဇီဝန်တွေ တဖြုတ်ဖြုတ်ကြွေခဲ့ရသည်ကို ခံစားခဲ့ရသည့် တပ်မတော်သားမိသားစုဝင်တွေ သိနိုင်ပါလိမ့်မည်။ အနီးစပ်ဆုံး ယနေ့ အချိန်ထိ မြင်တွေ့နေ ရသည့် တရုတ်သြဇာခံ ကိုးကန့်နှင့် ဝ လက်နက်ကိုင် အဖွဲ့များကို မြန်မာအစိုးရအနေဖြင့် ခပ်ကြမ်းကြမ်း ကိုင်တွယ်ခြင်း မပြုဝံ့သည်က သက်သေပင်ဖြစ်ပါသည်။ ကချင်လက်နက်ကိုင်များ၏ နောက်ကွယ်တွင် တရုတ်ပြည်၏စနက် များစွာပါနေပါသေးသည်။ ယနေ့ မန္တလေးသည် တရုတ်ပြည်တပိုင်းဖြစ်နေပြီဖြစ်သလို အထက်မြန်မာပြည်၏ စီးပွားရေးဗဟို ဖြစ်သည့် မန္တလေးဈေးချိုသည် တရုတ်ပြည်မှ ကုန်သည်များ၏ အကြွေးများဖြင့် လည်ပတ်နေရပြီး တရုတ်တို့ တစ်ကွက်ရွှေ့ရုံမျှဖြင့် အချိန်မရွေး စီးပွားရေးအကျပ်အတည်းတွေ့နိုင်ပါသည်။ အလားတူကိစ္စရပ်တွေများစွာ ရှိနေပြီး အစိုးရအနေဖြင့်လည်း အကြီးအကျယ် အကျပ်ရိုက်နေပါလိမ့်မည်။ မြန်မာ့ဒီမိုကရက် တိုက်ဇေးရှင်းမှာ တရုတ်တို့၏ သြဇာလွှမ်းမိုးလာမှုကို အင်အားချိန်ခွင်လျှာ ပြန်ညှိနိုင်ရန် ကြိုးစားမှုက ရာခိုင်နှုန်းများများ ပါဝင်ကြောင်း နိုင်ငံတကာရေးရာ ပညာရှင်တို့၏ သုံးသပ်ချက်ကို ကြည့်လျှင် ယခုပြဿနာကို မြင်သာ နိုင်ပါသည်။
တရုတ်ကျေးဇူး ဘာတွေရှိသလဲ
ယနေ့အခါသမယသည် မိမိနိုင်ငံကို အကျပ်အတည်းရောက်အောင် လုပ်နိုင်သော အင်အားရှိသည့် နိုင်ငံကြီးက အနှောင့်အယှက် မပေးခြင်းသည်ပင်လျှင် ကျေးဇူးတင်စရာကောင်းနေသည်ဟု ဆိုရတော့မည့် အခြေအနေ ဖြစ်သည်။ အဓိက ရန်သူ ဗကပကို အထောက်အပံ့ဖြုတ်လိုက်မှု၊ ကိုးကန့်နှင့် ဝကဲ့သို့ လက်နက်ကိုင်များကို ငြိမ်ငြိမ်နေရန် သြဇာညောင်းထားနိုင်မှု၊ စသည့် စစ်ရေးကိစ္စရပ်များကို ဘေးဖယ်၍ နိုင်ငံတကာမှ ပိတ်ဆို့အရေးယူထားချိန်တွင် မိမိတိုင်းပြည်ကို စီးပွားရေးအရ ကူညီထောက်ပံ့မှုနှင့် ကုန်သွယ်မှုတို့ကို လွတ်လွတ်လပ်လပ် လုပ်ဆောင်ခဲ့သည်မှာ တရုတ်ပြည်ပင် ဖြစ်ပါသည်။ တရုတ်နှင့် မြန်မာ စီးပွားရေးဆက်ဆံမှုတွင် မြန်မာတို့အနေဖြင့် များစွာ နစ်နာခဲ့ရသည်မှာ မှန်ပါသည်။ တရုတ်တို့ အနေဖြင့် ချွန်းကို ဆင်နှင့်လဲယူရသကဲ့သို့ အမြတ်ထွက်သည်မှာလည်း မှန်ပါသည်။ သို့ရာတွင် မြန်မာပြည်က ဆင်ကို အပေါစားချွန်းနှင့်ပင် မလဲနိုင်ဟု ပိတ်ဆို့ထားသည့် နိုင်ငံတွေနှင့်ယှဉ်လျှင် တရုတ်ပြည်နှင့် စီးပွားရေး ဆက်ဆံနိုင်ခဲ့မှုက မြန်မာနိုင်ငံအတွက် အသက်ရှုပေါက် တပေါက်ဖြစ်ခဲ့ ပါသည်။
တရုတ်ပြည်နှင့် လမ်းပေါက်၍သာ မန္တလေးအပါအဝင် ရှမ်းပြည်မြောက်ပိုင်း တကြော ဖွံ့ဖြိုး တိုးတက်လာခဲ့ခြင်းပင်ဖြစ်သည်။ တရုတ်ကသာသည်၊ မြန်မာက နာသည် ဆိုသည့် ကိစ္စရပ်ကတော့ အားကြီးသူက အနိုင်ရစမြဲဆိုသည့် သဘောတရားအတိုင်းပင်ဖြစ်ပါသည်။ အနောက်နိုင်ငံများက မဝယ်သည့် အချိန်တွင် တရုတ်ကို ရသည့်ဈေးနှင့်ရောင်းပြီး အသက်ဆက်ခဲ့ရသည်က တရုတ်တွေကို ကြံဖန်ကျေးဇူးတင်စရာဖြစ်၍ တရုတ်ကျေးဇူး မြန်မာအပေါ်တွင် တကယ်ပင်ရှိခဲ့ပါသည်။ အကြောင်း ဆက်၍ ဆိုရလျှင် ကုလသမ္မဂ လုံခြုံရေးကောင်စီကို အသုံးချ၍ မြန်မာနိုင်ငံအား အီရတ်နှင့် အာဖဂန်ကဲ့သို့သော မအောင်မြင်သည့် ဒီမိုကရေစီအိတ်စပို့လုပ်ရေးများကို တရုတ်ပြည်က ၎င်း၏ ဗီတို အာဏာဖြင့် မားမားမတ်မတ်ရပ်၍ ကာကွယ်ပေးခဲ့မှုကြောင့်သာ(သူ့အကျိုးစီးပွားလည်း ပါသည်ပေါ့) မြန်မာတွေ အီရတ်လို အဖြစ်မျိုးနှင့် မကြုံခဲ့ရခြင်းဖြစ်ပါသည်။ နောက်ဆုံးဖြစ်ရပ်အဖြစ် မြစ်ဆုံစီမံကိန်း ရပ်ဆိုင်းလိုက်ရ၍ ဒေါ်လာ သန်း၃၀၀၀ ကျော်မျှ လျော်ရနိုင်သည့် ကိစ္စတွင် တရုတ်တွေ အပြုံးမပျက် သေး၍ ကျေးဇူးတင်စရာဖြစ်နေပါသေးသည်။
ပြောပြန်ရင်လည်း အောင်မင်းလွန်ရာကျတယ်
မြန်မာတွေပြောနေကျ ဆိုရိုးစကားဖြစ်သည့် ပြောပြန်ရင်လည်း အောင်မင်းလွန်ရာကျတယ် ဆိုသည့် စကားမှာ အောင်မင်းဆိုသည့် ပုဂ္ဂိုလ်မှာ အမှန်တွေကို ပြောသော်လည်း ပြေပြေပြစ်ပြစ် မပြောတတ်၍ အမြဲတမ်းအပြစ်တင်ခံရသည်၊ သို့သော် ၎င်းပြောသော အမှန်တရားတွေမှာ ပိဿလေးနှင့် နံဘေး ပစ်သလိုဟု ဆိုရမလို နာလိုခံခက် အမှန်တရားများဖြစ်နေ၍လည်း ၎င်းမှာ ဆက်လက်၍ အပြစ်တင် ခံရဆဲဖြစ်သည်ဟု အဓိပ္ပါယ်ထွက်သည်။ ယခုကိစ္စတွင်လည်း တရုတ်ကို ကြောက်ရသည်၊ ကျေးဇူးရှိပါသည် ဆိုသည့် ၎င်း၏ မှတ်ချက်မှာလည်း အောင်မင်းလွန်သွားသည့် စကားပင်ဖြစ်ပါသည်။ အညာဒေသမှ ရိုးသားသော ဒေသခံပြည်သူများကို ဘေးတီးကောင်းသော မီဒီယာများရှေ့မှောက်တွင် အရပ်စကားနှင့် တဲ့တိုး ပြောလိုက်ခြင်းကလည်း လွန်သွားသည့်အချက် တချက်ပင်ဖြစ်ပါသည်။ အကြောင်းအကြောင့်၊ ယခင်ဆက်ဆံရေးများကြောင့်၊ အိမ်နီးချင်းဝတ္တရားများကြောင့်၊ စိုသည့်လက် မခြောက်စေချင်တော့သည့် သဘောတရားကြောင့်၊ မြစ်ဆုံကိစ္စတွင် အားနားထားရသောကြောင့် ၊ မြန်မာတွေ ကတိမတည် မိတ်ဆွေအသစ်ရလျှင် သစ္စာဖောက်သည်ဟု ရှုမြင်ခံရနိုင်သောကြောင့် စသည်ဖြင့် ထိုအကြောင်း တရားများကြောင့် တရုတ်တို့နှင့် မျက်နှာအပျက်မခံနိုင်တော့ကြောင်း၊ အမေရိကနှင့် ပြေလည်ရုံမျှဖြင့် တရုတ်ပြည်နှင့် ဆက်ဆံရေးကို ယတိပြတ် ဖြတ်၍ မရနိုင်ကြောင်း၊ ထို့ပြင် ယခင်အစိုးရက လုပ်ခဲ့သည့် ကိစ္စကို ယခုအစိုးရက တာဝန်မယူနိုင်ဟု ဆိုခြင်းမှာ ကလေးဆန်သည့် လုပ်ရပ်မျိုးဖြစ်၍ နိုင်ငံတကာ ဆက်ဆံရေးတွင် ထိုသို့ လုပ်၍ မရကြောင်း၊ မြစ်ဆုံကိစ္စမှာ MoU ဖြစ်၍ ယခုကိစ္စမှာ အကျိူးတူ ပူးပေါင်း ဆောင်ရွက်ရခြင်းဖြစ်၍ သဘောသဘာဝခြင်းမတူကြောင်း၊ ဒီမိုကရေစီ အသွင်ကူးပြောင်းစ နိုင်ငံများတွင် စစ်တပ်များကို နိုင်ငံရေးမှ ဆုတ်ခွာစေရန် ရန်ပုံငွေများဖန်တီးပေးရခြင်းနှင့် အကျိုးစီးပွား ခံစားခွင့်ပြုရခြင်းများကြောင့် ဦးပိုင်ကုမ္ပဏီကိုလည်း ကြည့်ရှုရကြောင်း စသည်ဖြင့် ကျယ်ကျယ်ပြန့် ပြန့် ရှင်းလင်းပြောကြားခဲ့လျှင် အောင်မင်း လွန်ခဲ့လိမ့်မည်မဟုတ်ပါ။ အထူးသဖြင့် တရုတ်ပြည်ကို ပညာပေးရန် ရည်ရွယ်ချက်ဖြင့် တရုတ်နှင့်စီမံကိန်းကို ရပ်ဆိုင်းလျှင်ပင် အခြားနိုင်ငံတကာ ရင်းနှီးမြှုပ်နှံမှုများက မြန်မာလူထုသည် စီမံကိန်းမှန်သမျှ ကန့်ကွက်နေသည်၊ မြန်မာတွေမှာ ကတိမတည်ဘဲ အများညီလျှင် မှားသည့် ကိစ္စကိုပင် အမှန်လုပ်တတ်ကြသည်ဟု ရှုမြင်သွားပြီး ရင်းနှီးမြှုပ်နှံမှုများ မပြုလုပ်တော့ရန် ဆုံးဖြတ်လိုက်ပါက စီးပွားရေးတိုးတက်မှုကို ဖော်ဆောင်နေရသော ဒီမိုကရေစီ နိုင်ငံသစ်အတွက် များစွာထိခိုက် နိုင်ကြောင်း၊ ထို့ကြောင့် ယခုဖြစ်ပျက်ခဲ့သည့် ကိစ္စကို သင်ခန်းစာယူ၍ နောင်လာမည့် ရင်းနှီးမြှုပ်နှံမှု တိုင်းကို အသေအချာ စိစစ်လက်ခံသွားမည် ဖြစ်ကြောင်းတို့ကိုပါ တပါတည်း ရှင်းလင်းပြောကြားခဲ့သင့်ပါသည်။ သို့သော်လည်း ခါးသီးသော အမှန်တရားကို နားဝင်ချိုအောင် မပြောတတ်သော ဦးအောင်မင်း ယခုတကြိမ်တွင်အမှန်တကယ် လွန်သွား ခဲ့ပြီဖြစ်ပါသည်။
အမှိုက်ထဲကရွှေ၊ အရှုံးထဲက အမြတ်
နှစ်ပေါင်းငါးဆယ်ကျော်အတွင်း အထူးသဖြင့် လွန်ခဲ့သည့် ၂၃နှစ်အတွင်း အာဏာရှင်စနစ်အောက် တွင် အစိုးရပိုင် မီဒီယာများမှ မစားရဝခမန်း ဖွံ့ဖြိုးတိုးတက်မှုကြီးများကို ပြသပြီး နောက်ကွယ်တွင် အမှန်တကယ် ဖြစ်ပျက်နေသည့် အကျပ်အတည်းများကို သတင်းအမှောင်ချထားခဲ့၍ မြန်မာပြည်သူ တွေ ဘာမှ မသိခဲ့ရ ၊ အချို့ကိစ္စတွေကို သိပါလျှက်နှင့်ပင် ပြန်လည်စောဒက မတက်ဝံ့ဘဲ ခေါင်းငုံ့ခံခဲ့ရသည့် အာဏာရှင်စနစ်ကို ပြန်ပြောင်း သတိရစေလိုပါသည်။ ဒီမိုကရေစီဟုဆိုပါလျှက် မျက်ရည်စမ်းစမ်းကျပြီး လုပ်ချင်တာဆက်လုပ်မည်ဟု ဆိုသော ဦးကျော်ဆန်းကဲ့သို့ ဝန်ကြီးနှင့်လည်း ကြုံခဲ့ရပြီးဖြစ်ပါသည်။ အချက်အလက် အခိုင်အမာမရှိဘဲ ပြောချင်ရာပြောပြီး ဆက်လုပ်မည်ဆိုသည့် လျှပ်စစ်ဝန်ကြီးဟောင်း ဦးဇော်မင်းလို ပုဂ္ဂိုလ်မျိုးနှင့်လည်း ဆုံခဲ့ရပြီးဖြစ်သည်။
ယခုဦးအောင်မင်းကိုယ်တိုင် လာရောက်ဖြေရှင်းသည့် ကိစ္စတွင် ၎င်းအနေဖြင့် စကားမှားခဲ့သည်မှာ မှန်ပါသည်။အာဏာရှင်စနစ်ကတည်း လုပ်ခဲ့သည့် လက်ပန်းတောင်း စီမံကိန်းသည် လွတ်လပ်စွာ ပြောရေးဆိုခွင့်၊ ပြန်လှန်စောဒကတက်ပိုင်ခွင့် ရှိလာသည့် ယခုအချိန်တွင် အစိုးရ၏ ထိပ်တန်း ပုဂ္ဂိုလ်တဦးက ပြည်သူများကြမ်းတပြေး တည်း ဆောင့်ကြောင့်ထိုင်၍ အစိုးရအနေဖြင့် အမှန်တကယ် ရင်ဆိုင်နေရသည့် အကျပ်အတည်းများကို ပြည်သူထံ ပွင့်လင်းစွာ ချပြဆွေးနွေးနေပြီ ကို ကြည့်လျှင် မြန်မာနိုင်ငံ၏ နိုင်ငံရေးပွင့်လင်းမှုနှင့် အစိုးရ၏ တာဝန်ခံမှု၊ ပြည်သူထံ ပွင့်လင်းမြင်သာရှိမှုတို့ကို ရှင်းလင်းစွာ တွေ့မြင်ရမည်ဖြစ်ပါသည်။ အစိုးရနှင့် ပြည်သူ တဝိုင်းတည်းထိုင်၍ ပြဿနာကို အဖြေရှာနိုင်မှုသည်ပင်လျှင် မြန်မာ့ဒီမိုကရေစီအရေးအတွက် ဝမ်းသာစရာဖြစ်ပါသည်။ လက်ရှိ ဖြစ်နေသောကိစ္စ၊ တရုတ်နှင့် ထိပ်တိုက်တိုးမည့် ကိစ္စများကို ဖြေရှင်းရာတွင် အကောင်းဆုံး နည်းလမ်းကို အစိုးရနှင့် ပြည်သူ ခေါင်းချင်းဆိုင် အဖြေရှာနိုင်ရန် ကြိုးပမ်းခြင်းသည်ဖြင့် မြန်မာ့ဒီမိုကရေစီကို တန်ဖိုးတက်စေပါလိမ့်မည်။ ဖြစ်ခဲ့သည့် ကိစ္စများကို သင်ခန်းစာယူ၍ နိုင်ငံ့အရေးအတွက် အနာဂတ် ကိစ္စရပ်များကို စားပွဲပေါ်တွင် ပူးပေါင်းအဖြေရှာသည့် နည်းထက် လမ်းဟောင်းလိုက်၍ ထိပ်တိုက်နည်းဖြင့် ရင်ဆိုင်လျှင်မူ မြန်မာ့ဒီမိုကရေစီအရေးကို ပြည်သူကိုယ် တိုင်က၊ မီဒီယာများကိုယ်တိုင်က နောက်ပြန်လှည့်နေသည်နှင့် တူနေပါလိမ့်မည်။ အစဉ်အလာကဲ့သို့ ဖြစ်နေသည့် တစ်ဖက်နှင့် တစ်ဖက် စကားအမှားကို အပြစ်တင်ထိပ်တိုက်ရင်ဆိုင်ခြင်းထက် နိုင်ငံတော်အတွက် အစိုးရ နှင့် ပြည်သူ စားပွဲပေါ်တွင် ပူးပေါင်းအဖြေရှာဖွေနိုင်သည့် အခွင့်အရေးကို အမိအရဆုပ်ကိုင်၍ အနာဂတ်တွင် မြန်မာ့ဒီမိုကရေစီ တိုးတက်ရေး လုပ်ဆောင်သွားနိုင်ရန် အလား အလာကောင်း များရှိနေခြင်းကို ယခုကိစ္စက မီးမောင်းထိုးပြနေပြီး ဤသည်ပင်လျှင် အမှိုက်ထဲက ရွှေဖြစ်လာသည်ဟု ဆိုရတော့မည်ဖြစ်ပါသည်။
Yangon chronicle
အကောင်းဆုံးကတော့ မြန်မာနိုင်ငံကိုစိးပွာရေးပိတ်စို့ မှုတွေဖြစ်အောင်လုပ်ဆောင်ခဲ့တဲ့စစ်အာဏာရှင်အားလုံးကို စံနမူနာပြပြစ် ဒါန်ချသင့်တယ်
ReplyDeleteတရုတ်နဲ့ စာချုပ်ဖေါက်ဖျက်လို့ လျှော်ပေးရမယ်ဆိုရင် နဝတ၊ နအဖ၊ ကြံ့ဖွတ်တွေရဲ့ မျိုးစဉ်မျိုးဆက် ကျွန်ခံပြီး တရုတ်အကြွေး ဆပ်ခိုင်းမယ်။
ReplyDeleteသားသာေ၇ပြောပြန်၇င်လဲအဖေလွန်၇ာကျတော့မယ်
ReplyDeleteဒီအဆိုကို ဝေဖန်ချင်ပါတယ်။
ReplyDeleteအဆိုတခုက တနေရာမှာ မှန်ပေမယ့်၊ တနေရာမှာ မမှန်တတ်ပါဘူး။
တရုတ်ရဲ့ အာဏာရှင်အားကိုးစီးပွါးရှာနေတဲ့ လုပ်ရပ်အပေါ် နိုင်ငံတကာ ဝေဖန်နေတာလဲ ကြာပါပြီ။ အာဖရိက ပြည်သူတွေဆို ခံရပေါင်းမနည်းတော့ပါဘူး။
ဒါကြောင့်၊ တရုတ်လုပ်ငန်း အားလုံးကိုမဆိုလိုပါ။ ပွင့်လင်းမြင်သာမှု မရှိခဲ့တဲ့ လက်ပံတောင်းတောင် စီမံကိန်းလို၊ မြစ်ဆုံစီမံကိန်းလိုဟာတွေကို ပြည်သူ့ဆန္ဒအရ ရပ်ဆိုင်းလိုက်ရလို့ နိုင်ငံတကာ ရဲ့ ယုံကြည်မှု မဆုံးရှုံးပါ။
အဘယ်ကြောင့်ဆိုသော်....
၂၀၁၁ ခုနှစ်မှာ မြစ်ဆုံစီမံကိန်း ရပ်ဆိုင်းတုန်းကလဲ နိုင်ငံတကာက အထင်မသေးတဲ့ အပြင် ၀ိုင်းအားပေးခဲ့ကြပါတယ်။ နိုင်ငံရေးပြုပြင်ပြောင်းလဲလာတဲ့ အချက်ကို ပြည်သူ့ဆန္ဒသဘောအရ မြစ်ဆုံရပ်ဆိုင်းခြင်းနဲ့ တိုင်းတာ ခဲ့ကြပါတယ်။
http://kachinduwa.blogspot.com/2012/11/blog-post_28.html
Yangon Chronicle ရေ ရေးချင်ရင်လည်းသေချာလေ့လာပြီးမှရေးစေချင်ပါတယ်။ ဦးအောင်မင်းပြောစကားကို လိုက်ပြီးထောက်ခံရေးပေးရင်လည်းအမျိုးသားရေးစိတ်ဓါတ်နဲ့ တွေးခေါ်ပေးပါ။ ပြန်ပြောရရင်လည်းပေရှည်လိမ့်မယ်။ စစ်အာဏာရှင်တိုင်း အသက်ရှည်နေအောင် အိမ်နီးချင်းနိုင်ငံတိုင်းက ပံ့ပိုးပေးနေတာသဘာဝပါ။ ဒီလို ငတုံးတွေ ခေါင်းဆောင်နေမှ အဲ့ဒီနိုင်ငံကရှိသမျှကို ယူလို့ရမယ်ဆိုတဲ့သီအိုရီကိုလည်းထည့်ပြောပါဥိး။ တရုပ်ဟာ ၈၈ အရေးအခင်းမှာ စစ်အာဏာရှင်တွေအတွက်ကယ်တင်ရှင်ဖြစ်ကောင်းဖြစ်ပါလိမ့်မယ်။ပြည်သူအတွက်ကတော့ ချီးထုပ်ပါ။ တရုပ်ကူညီလို့ဗကပ ချုပ်ငြိမ်းတာမဟုတ်ပါဘူး ။သေသွားခဲ့တဲ့စစ်သားကောင်းတွေကိုသွားဖေါ်ပြီးပြန်မေးပါအုန်း ခွေးသူတောင်းစားရေ။နယ်စပ်ဒေသတွေမှာ စစ်ပွဲတွေပြန်ဖြစ်လာရင်တကယ်နစ်နာမှာက တရုပ်နဲ့မြန်မာစစ်အာဏာရှင်တွေပါ။ပြည်သူတွေကတော့ နဂိုထဲက နစ်နေပြိးသားအပါယ်ခံတွေပါ။ဥိးအောင်မင်းကိုသိပ်ပြီး မကယ်တင်ချင်ပါနဲ့။သူ့သမိုင်းသူသိပါတယ်။ စစ်အာဏာရှင်တွေရဲ့သမိုင်းကိုလည်းပြည်သူတွေသိနေပါတယ်။ ပွင့်လင်းစွာ ပြောဆိုဆက်ဆံလာနိုင်တဲ့တစ်နေ့မှာ ဂျာနယ်တွေကတဆင့် စကားတွေပြောလာကြပါလိမ့်မယ်။အခုတော့စောင့်လက်စနဲ့စောင့်ကြည့်ရဦးမှာပါ။ သိပ်တော့မဝေးတော့ပါဘူး။ကိုယ့်ဇာတ်နဲ့ကိုယ်ရှုပ်လာမဲ့နေ့ကိုရောက်လာတော့မှာပါ။ထပ်ပြောရရင် တရုပ်ကို လက်မခံလို့ သေဒါဏ်ပေးမယ်၊အသတ်ခံရမယ်ဆိုရင်တောင်၊တရုပ်ကိုတော့မြန်မာပြည်သူတွေလက်မခံပါဘူး။အသေခံသွားကြမှာပါ။မြန်မာ စစ်စစ်မဟုတ်တဲ့ တရုပ်ကိုပထွေးတော်နေသူတွေအတွက်ကတော့ တစ်မျိုးပေါ့။
ReplyDelete