ရန်ကုန်အခြေစိုက် ပရဟိတလူငယ်များကွန်ယက်က ကချင်နှင့်ရခိုင် ကလေးငယ်များအတွက် ပညာရေးရန်ပုံငွေဈေးရောင်းပွဲတော်ကို ရန်ကုန်မြို့တော်ဝင်စင်တာ၌ သြဂုတ်လ၊(၂၅)ရက် တွင်ကျင်းပခဲ့သည်။ အဆိုပါဈေးရောင်းပွဲတော်သို့ ၈၈မျိုးဆက်ကျောင်းသားများအဖွဲ့မှ မင်ကိုနိုင်၊ဂျင်မီနှင့်အဖွဲ့တက်ရောက်အားပေးခဲ့ပြီး မင်းကိုနိုင်မှ အမှတ်တရ စကားပြောကြားခဲ့သည်။ မင်းကိုနိုင်ပြောကြားခဲ့သည့် အမှတ်တရစကားမှာ.....
"ကျနော်ဒီလိုပွဲမျိုး မမျှော်လင့်ခံပါဘူး။ကျနော်တို့ ထောင်တွေထဲမှာ လှိမ့်ပိတ်ခံနေရတုန်းက ကျနော်သိရတဲ့ လူငယ်တွေဟာဂိမ်းဆော့ဖို့လောက်ပဲသိတယ်၊ နိုင်ငံခြားသွားပြီးတော့ပညာသင်မယ်၊ကဲမယ်ဆိုတာလောက်ပဲသိတယ်လို့၊ကျနော်သတင်းတွေရခဲ့ပါတယ်၊
အဲဒီသတင်းတွေလုံးဝမှားတယ်ဆိုတာ ဒီကနေ့လူငယ်တွေသက်သေပြနိုင်ခဲ့ပါပြီ၊ဒီလို လူငယ်တွေဟာ အများအကျိုးကိုစိတ်ဝင်စားတယ်၊ စိတ်ဝင်စားတဲ့အလျောက် ကိုယ်စွမ်းဥာဏ်စွမ်းရှိသမျှ အလုပ်လုပ်ကြတယ်ဆိုတာ အနာဂတ်အတွက် ကျနော်တို့အင်မတန် အားတက်ပါတယ်၊ ကျနော်တို့ခေတ်တွေတုန်းကတော့ လူငယ်တွေဟာအများအတွက် လုပ်ချင်ပေမယ့် လုပ်ကွက်ပုံစံပျောက်လို့လုပ်စရာမရှိသလောက်နည်းပါတယ်၊ ခင်ဗျားတို့ခေတ်မှာတော့ခင်ဗျားတို့ကိုယ်တိုင်ဖောက်ခဲ့တဲ့လမ်းလို့ကျနော်မြင်ပါတယ်၊
ခင်ဗျားတို့ကိုယ်တိုင်ဖောက်တဲ့လမ်းကိုခင်ဗျားတို့ကိုယ်တိုင် ပန်းတွေလည်းစိုက်သွားပြီ၊ အဲဒီအတွက်ရောက်ခဲ့သမျှလမ်းပေါ်မှာ ခင်ဗျားတို့သစ်ပင်ကြီးတွေလိုရပ်တည်နိုင်ပြီလို့ကျနော်ထင်ပါတယ်၊ တကယ်တော့ဒီနေ့ရည်ရွယ်ပြုလုပ်တဲ့ ကချင်ပြည်နယ် ရခိုင်ပြည်နယ် ကျနော်ကိုယ်တိုင်ရောက်ခဲ့ပါတယ်။ ကချင်မှာစစ်ဘေးဒဏ်ခံခဲ့ရတဲ့ ဒုက္ခသည်စခန်းတွေထဲက မိဘနဲ့ခွဲနေရတဲ့ခလေးတွေ၊ ကျောင်းမနေရတဲ့ရင်သွေးတွေ ကျနော်ကိုယ်တိုင်မြင်ခဲ့ရပါတယ်၊ ရခိုင်မှာလည်း အလားတူပဲပဋိပက္ခတွေကြောင့် စာသင်ကျောင်းပါပျောက်သွားတဲ့ခလေးတွေ ကျနော်တွေ့ခဲ့ရပါတယ် ၊
အဲဒီအတွက်လက်တွေ့ကျတဲ့အလုပ်ကို ကျနော်ကိုယ်တိုင်မလုပ်နိုင်သေးပေမယ့် ခုလူငယ်တွေက လက်တွေ့ကျကျ လုပ်နိုင်တာကို ကျနော်ဝမ်းသာလို့မဆုံးပါဘူး၊ နောက်တစ်ခုလည်း အားလုံးဝိုင်းပြီးတော့စဉ်းစားစေချင်ပါတယ်၊ ကချင်ပြည်နယ်မှ ရခိုင်ပြည်နယ်မှ မကပါဘူး စစ်ဘေးဒဏ်ခံရမှ ပဋိပက္ခတွေ အဓိကရုဏ်းဒဏ်တွေခံရမှ မဟုတ်ပါဘူး ဘာစစ်မှမဖြစ်ဘဲ ဘာမီးမှမလောင်ပဲ နဲ့လည်း ကျနော်တို့ချစ်တဲ့ကျနော်တို့တိုင်းရင်းသားတွေ ခင်ဗျားတို့ ကျနော်တို့ရဲ့သားအရွယ်တွေ ညီအရွယ် တူအရွယ်လေးတွေ လ္ဘက်ရည်ဆိုင်တွေမှာ တန်းစီးပြီးစားပွဲထိုးနေကြတာ၊ စားသောက်ဆိုင်တွေမှာ အရွယ်နဲ့မမျှအောင် အချိန်ပေးပြီးတော့ စာမသင်နိုင်ဘဲနဲ့ စားပွဲထိုးနေကြတဲ့ အဲဒီခလေးတွေအတွက် ခင်ဗျားတို့စဉ်းစားပေးပါ၊
ကျနော်လည်းစဉ်းစားနေပါတယ်၊ကျနော်တို့ဘာတွေလုပ်နိုင်မလဲ၊ အဲဒီခလေးတွေရဲ့ ရိုးရိုးလားရှယ်လားဆိုတဲ့ အမေးအပေါ်ကျနော်တို့သိပ်ခံစားရပါတယ်၊ အဲဒီခလေးတွေဘာကြောင့်ကျောင်းမနေနိုင်ရတာလဲ၊ အဲဒီခလေးတွေဘာကြောင့်အခွင့်အရေးဆုံးရှုံးရတာလဲ၊ခင်ဗျားတို့အဖြေ၀ိုင်းရှာပေးပါ၊ကျနော်လည်းရှာပါမယ်၊အဲဒီခလေးတွေအတွက်ဘာလုပ်ပေးနိုင်မလဲ၊ကျနော်ရောခင်ဗျားတို့ရောဝိုင်းပြီးစဉ်းစားပါ၊
အဖြေမရခင်မှာခလေးတွေသူများနည်းတူတက္ကသိုလ်တက်ချင်မှာပဲခင်ဗျားတို့လိုဂိမ်းတွေဆော့ချင်မှာပဲ၊ခင်ဗျားတို့လိုလင်းလက်တောက်ပနေတဲ့အနာဂတ်ကိုပိုင်ဆိုင်ချင်မှာပဲ၊အဲဒီအတွက်နောက်ထပ်လည်းခင်ဗျားတို့ခုလိုတညီတညွတ်တည်းအလုပ်လုပ်ပေးနိုင်ရင်စားပွဲထိုးနေတဲ့ခလေးတွေရော၊စစ်ဘေးဒဏ်ကြောင့်ပြေနေရတဲ့ခလေးတွေရော၊မီးလောင်ပြီးကျောင်းပျောက်ခဲ့ရတဲ့ခလေးတွေရော၊အားလုံးအားလုံးအနာဂတ်ဟာပိုပြီးလှပါလိမ့်မယ်၊ပိုညပီးကောင်းလာပါလိမ့်မယ်၊
ဒါကြောင့်ကျနော်တို့ယုံကြည်တဲ့မနက်ဖြန်ပိုလှတဲ့အနာဂါတ်တစ်ခုကိုခင်ဗျားတို့လက်တွေနဲကိုယ်တိုင်ဖန်တီးနိုင်ပါစေလို့ကျနော်အပြည့်အ၀အားပေးခဲ့ပါတယ်၊ အတူတူရပ်ပါမယ်လို့ပြောခဲ့ပါတယ်၊ ကျေးဇူးတင်ပါတယ်။""
88 Generation studients
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်