အဆိုပါပိုက်လိုင်းသွယ်တန်းမှုတွင် ယင်းဒေသရှိ ကော်ဖီပင်စိုက်ခင်း ၊ ကွမ်းစား ဂမုန်း စိုက်ခင်း များ အပေါ် ဖြတ်သန်းသွားခြင်းကြောင့် ဆုံးရှုံးမှု များ အတွက် လျော်ကြေးငွေရရှိရေး အတွက် ဆန္ဒထုတ်ဖော် ရန်စီ စဉ်ခြင်းဖြစ်ကြောင်း ငဖဲမြို့နယ် ဂုတ်ကြီး ကျေးရွာမှ တောင်သူတစ်ဦးဖြစ်သူ ကိုအောင်လွင်က ရန်ကုန်မီဒီယာဂရုပ်သို့ ယနေ့ ဒီဇင်ဘာ ၅ ရက်နေ့ တွင် အတည်ပြုပြောကြားသည်။
အဆိုပါ ဆန္ဒထုတ်ဖော်မှုကို ဒီဇင်ဘာလ ၁၀ ရက်နေ့တွင် ပြုလုပ်သွား မည်ဖြစ်ကာ ဒီဇင်ဘာ ၂ ရက်နေ့က သက်ဆိုင်ရာသို့ တရားဝင်စာ တင် ထားပြီ ဖြစ်ကြောင်း သိရသည်။ ဆန္ဒထုတ်ဖော် သည့်နေရာမှာ သဘာဝ ဓာတ်ငွေ့ ပိုက်လိုင်း သွယ်တန်းထားရာနေရာဖြစ်သည့် ခုတ်စီရို နှင့် မထုံးရွာကြား ကမြင်းခံရွာ တွင် ဖြစ်ကြောင်းသိရကာ ဒေသခံအင်အား ၅၀ ခန့်ပါဝင်မည်ဟု သိရသည်။
ယင်းနှင့်ပတ်သက်၍ ဂုတ်ကြီးရွာမှ ဒေသခံတစ်ဦးက "ဒီဇင်ဘာ ၈ ရက်နဲ့ ၉ ရက်နေ့မှာ သေချာဆွေးနွေးပြီးတော့ ၁၀ ရက်နေ့မှာ ဆန္ဒထုတ်ဖော်မှာပါ ၊ ဒီကြားထဲ မှာ
သူတို့လိုက်လျောခဲ့မယ်ဆိုရင်တော့ မပြဖြစ်တော့ပါဘူး ခန့်မှန်းခြေ ဒေသခံ အင်အား ၅၀လောက် ပါဝင်ပါမယ် " ဟု ရန်ကုန်မီဒီယာသို့ ပြောကြားသည်။
သဘာဝဓာတ်ငွေ့ ပိုက်လိုင်း ဖြတ်သန်း မှု့ကြောင့် စိုက်ခင်းများ ဆုံးရှုံးခဲ့သည့် မကွေးတိုင်းဒေသကြီး မင်းဘူးခရိုင် ငဖဲမြို့ နယ်ရှိ ချင်းရွာများမှာ ဂုတ်ကြီးရွာ ၊ ခုတ်စီရို ၊ ချွန်ဒဲ၊ဈေးဒဲ၊ တုံးကြီး ၊မထုံး၊ကမြင်းခံ ရွာတို့ဖြစ်ကြောင်း သိရ သည်။
မင်းဘူးဒေသခံ တစ်ဦးကလည်း "သူတို့(ချင်းရွာ) စိုက်ခင်း ဘက်ကိုတော့ လျော်ကြေး မပေးရသေးဘူး ၊ ရခိုင်ဒေသ ဘက် ကိုတော့ ပေးပြီး သွားပြီ ။ အဲဒီအကြောင်းကိုလည်း တရုတ်ကုမ္ပဏီကို အကြောင်းကြား ထား တယ် ၊ ပေးမယ်လို့ပြောပြီးအခုထိမပေးသေးလို့ ဆန္ဒပြကြတာပါ " ဟု ပြောသည်။
ပိုက်လိုင်းဖြတ်သန်းသွားသည့် စိုက်ခင်းများနှင့်ပတ်သက်၍ ငဖဲ မြို့နယ် အုပ်ချုပ်ရေး မှူး အနေဖြင့် သက်ဆိုင်ရာ တရုတ် ကုမ္ပဏီအပါအ၀င် MOGE နှင့် မြေစာရင်းဌာန မှ တာဝန်ရှိသူများနှင့်ဆွေးနွေးညှိနှိုင်းကာ ဆုံးရှုံးသွားသည့် စိုက်ပျိုးသီးနှံပင်များအတွက် တန်ဖိုးအတိုင်းပေးလျော်မည် ဟု ပြီးခဲ့သည့် စက်တင်ဘာလက သဘောတူညီမှု ရှိခဲ့သော်လည်း ယခုအချိ်န် အထိ် ဆောင်ရွက်ပေးခြင်း မရှိသေးကြောင်း ဒေသခံများက ပြောကြားသည်။
Yangon Media Group
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်